老師, 有個好消息想話你知, 我今年資產終於成功突破7位數字! 作為一個90後普通打工仔, 以前一直覺得百萬距離自己好遠, 自從3年前上完你股票班, 受到啟發, 知道只要有計劃, 理財, 加上投資, 100萬其實每個人都做到, 所以想係度多謝你!
置業係我下一個目標,呢一年我自己開始留意多左樓市, 想買一間兩房既屋自住, 由於資金有限, 可以選擇既盤唔係太多.
我自己主要考慮呢3點
-
地點
-
樓齡
-
實用面積
如果目標400-600萬既樓, 老師以你經驗黎睇, 我應該揀邊個好? 多謝老師意見!
-
地點便利+樓齡舊d (30-40幾年)+實用面積約400呎
-
地點便利+樓齡新d (10-20幾年)+實用面積約250呎
-
地點不便利+樓齡新d (10-20幾年)+實用面積約400呎
個案重點
‧90後
‧擁$100萬
‧未有物業
重點目標：
‧想買$400萬-$600萬物業
‧物業的選擇
龔成老師分析：
先恭喜你，資產突破$100萬！這是你堅持與努力的成果，只要我地有計劃，一步步進行理財，就會做得到！
上述每一間，都各有利弊，如果你有自住需要，其實可以考慮自住的因素較多，自己是否覺得好住，以及地點是否方便自己，配套是否足夠等。因此，好難話那一間絕對好，但我都嘗試每一間，講出當中的優點缺點，而你以「地點、樓齡、實用面積」去作為分析的重點，方向正確，你也可以閱讀我的《5年買樓4部曲》作參考。
（物業1）面積及地點都不差，但缺點是樓齡。你最重要是了解，這物業的維修情況怎樣，做了大維修未？因為大維修將要支付一筆較大的開支，這是額外成本。另外，如果物業較陣舊，你就要支付持續的維修費用，對你是一個持續開支。
同時，當你日後要將物業賣出，下一手就會考慮到時的維修情況，如果到時情況更差，加上樓齡又更舊，你就要留意這方面的不利因素。
香港其實有很多樓都有成30年，只要維修方面不差，仍可以考慮。相反，如果去到40年，同時維修問題較嚴重，就不建議。
（物業2）因為佢呎吋太細，連300呎都無，一個基本家庭需要的呎吋都達唔到，投資價值會相對較一般，因為要擁有300呎的面積算是一般家庭的基本需要，你買入時，除了考慮自身因素，同時要想「市場」，市場因素會影響樓價，影響你日後賣出時買家所想的因素。
因此，從投資角度，（2）相對一般，但如果你考慮自住物業作出發點的話，其實你最重要係睇翻，邊間物業配合到你未來10-20年生活。而且，你係有信心長線供得起，咁就可以。如果你認為（2）這間，地點、價錢、樓齡等因素吸引，而你自己認為250呎接受的話，這間不是不能考慮的。
（物業3）第一，要睇你自己是否方便，第二，長遠的配套是否會增加。
有時從投資角度，如果這刻的配套未成熟，但只要慢慢變得成熟，投資價值就會增加，原理同投資潛力股一樣（在企業未成熟時投資，耐心等其成長，但到最大的回報）。
如果你自己都住這區，或在這區覺得方便、配套足，就可考慮。加上香港政府發展新界北、大嶼山，同時大力發展交通基建，去連接這些地區同市區，令市民更快出入市區，如果（3）長遠會因為政府的發展計劃，在交通配套上受惠，有機會（3）是較值得考慮的一間，當然你要了解清楚發展、配套等因素。
龔成老師簡介
‧ 暢銷書《股票勝經》、《選股勝經》、《年報勝經》、《38全球倍升股》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《80後千萬富翁》、《千萬富翁致富學問》、《5年買樓4部曲》、《財務自由行》、《圖解股票小百科》作者
‧ 《經濟一週》理財真人Show節目擔任致富教練
‧ 曾接受多個傳媒訪問
‧ 過往於銀行從事投資相關工作多年
‧ 曾在萬多元月薪狀態下，憑股票累積數百萬財富
‧ 於網上分享投資心得，瀏覽量過百萬，為人氣博客，解答網友理財問題逾20,000條
‧ 《經濟一週》、《華富財經》專欄作家
‧ 證券業持牌人士
‧ 股票課程導師，學生人數逾5,000人
Facebook專頁「龔成」粉絲人數超過200,000人
若然你有問題想向龔成老師發問，可在龔成的fb專頁中（www.facebook.com/80shing）inbox龔成。