Q35011：

是否買危疾和醫療，不要買儲蓄成份的保單?

龔成老師︰

其實"保險"主要係用來防守，買足夠保障就可以。

儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。

所以，我偏向建議你買一些保障型保險(如純人壽、危疾、醫療等)。而儲蓄保就睇你自己風險承受力，如果好弱，你都可以考慮。

Q35012：

本身只持有港燈, 同建行

請問如果港股 呢幾年, 邊幾隻較穩健

可以持有呢

龔成老師︰

建行（0939）和港燈（2638）屬於收息股，適合想創造現金流或風險承受能力較低的人。

如果你本身年輕，財富仍有增長力的話，不建議持有太多。相反，你係近退休之年，這2隻都適合。

這幾年因爲疫情，加息，戰爭等因素，港股走勢都偏弱，但其實仍然有企業是有一定的質素，只是受大環境影響，需要投資者耐心持有。

其實你可以用翻我課堂教架方法，按照自己的財政狀況、風險承受能力、年齡、負擔、要求回報等，從而確認那一類股票較適合自已。

潛力股︰美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如阿里（9988）、騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

平穩增值股︰適合大部分的人，例如指數基金，美股如（VOO）、港股如盈富（2800），另外再加：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、恆基（0012）、港交所（0388）、領展（0823）、長建（1038）等，你可以了解下，並從中選股。

收息股︰增長力不强，但能創造現金流，例如港燈（2638）、深高速（0548）、香港電訊（6823）、工行（1398）、置富（0778）、陽光（0435）、高息基金（3110）都可以，你可以了解下，並從中選股。

Q35013：

老師你好，台灣選舉，香港股票要唔要收一收🥹

龔成老師︰

如果你係長線投資，我偏向建議你留意翻企業基本面，而唔係而類短期因素(當然，你預這個因素都會令港股中短期出現波動)。

除非選舉結果，係會影響到企業業務核心。

Q35015：

老師，其實投資初哥係咪唔好急於追求賺幾多輸幾多？心態反而係關鍵？

龔成老師︰

2者都重要，不過初學者的確係心態、技巧和經驗優先。

由於初期缺乏上述3個要素，所以我一般會建議初學者做投資，要用月供(平衡買貴貨風險)和指數ETF(平衡選錯股風險)去做。

從而在有限投資能力之下，去將你架勝算最大化。

學習方面，我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《80後千萬富翁》和《財務自由行》，都適合初學者。

我Youtube Channel都會不時分享一些投資技巧和知識，你都可以睇下。

https://www.youtube.com/@user-rw4st4yg5v

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

Q35016：

你好，想問下如何介定或計算出那一個是高息股？

龔成老師︰

一隻好架收息股，最起碼有多年派息紀錄，派息比率高，同埋派息政策穏定。

而所謂高息股，係比一般收息股的(平均)股息率更高。

例如中石化（0386）、偉易達（0303）而家去到9-10%，就算係高息股類。

不過，你要留意，高息股比一般收息股風險為高，故不要太進取。

Q35017：

想買小米1810 但係最近升咗好多，應該等一等嗎？聽說每年一月份大市都會大跌。

龔成老師︰

小米（1810）睇你有幾多貨，現價依然算合理區，但暫時不是大注的水平。

至於每年一月大跌，我唔會太睇而類(非業務相關)因素，都係從基本面著手。

Q35018：

2638，1830，6823可以買？

龔成老師︰

現價合理，可以分注。

但記緊，完美醫療（1830）由於管理層及企業本身的業務風險，這股不建議持貨太多。

Q35019：

網易早排跌買左，未來發展如何

龔成老師︰

國家新聞出版署近期推出架「網遊管理辦法」徵求意見稿，主要係收集意見，未成正式政策。

主要個問題點，係受影響用家範圍和課金限制而部份。市場肯定唔到，中央取態係限制青年定包括埋成人、限制課金金額又是多少等等因素。

因為如果只係未成人士受限，影響未算好大。但如果連成人課金或者道具價格都(嚴重)受到限制，影響可以好深遠。

其實網易（9999）這類遊戲公司，過往一直受中國政策規管影響，令企業之前的賺錢能力略減，以及企業估值都會略減。

而點作為佢架投資者，一定係要知。

不過，過往政策影響又未到核心性，無令到企業無法賺錢，只是賺錢減少。

同時，見中國政府之後在政策上開始有放鬆，相信中國政府明白騰訊這類企業對經濟有一定的重要性，同時之前規管較嚴，開始調整翻。相信行業最差的時期有已過，之後會慢慢好轉。(當然，而個新咨詢結果，我地都要適時再觀察。)

整體而言，網易（9999）係有質素的，這企業長遠仍有投資價值。但要控制注碼，以平衡相關風險。

Q35020：

老師有野想請教

其實怎樣將錢滾錢，很想財自

龔成老師︰

財自一般定義，就係被動收入(如股息、利息等)大過基本開支，就算係財務自由。

所以，你要做到就必先學會如何累積財富，例如投資技巧、選股能力、估值等。但如果你本身投資經驗不多，可以先用以下月供方法進行財富增值，同時邊提升自己投資知識，令到自己長線可以將創造利潤最大化。

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

假設你係年青至中年人士，你可以投資「平穏增長股」和「潛力股」。

你每月5成儲蓄做月供，其餘先儲起，用一邊月供一邊儲蓄的策略。

選股上，你可以投資在平穩增值股，例如指數基金，美股如（VOO）、港股如盈富（2800），另外再加：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、恆基（0012）、港交所（0388）、領展（0823）、長建（1038）等。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如阿里（9988）、騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。

餘下的另一半現金，我地就等機會，當大市出現較大回調，就加大力度掃貨，然後作長線投資。