Q35321：
成哥成哥請問未補地價嘅居屋可唔可以買？
定係一定要補咗地價先可以？
成哥如果以上車自住嘅角度天水圍元朗有冇推介
龔成老師︰
未補地價嘅居屋，你係可以買，大前提你係綠表合資格人士，或者有白居二資格。
據房委會規定，一般居屋設有轉讓限制期。只要過左限期，你又係上述人士，就可以未補地價後購買。
如果你唔係上述人士，你就只能購買已補地價架居屋。
如果是自住的話，個人的考慮因素會相對多些，同時以「供得起」+「物業滿足未來10-20年的住屋需求」為首要。
同時要睇翻該物業的質素，呎價，預期租金回報率，特別是利用「呎價，預期租金回報率」去比較同區同類單位，以確定該物業的平貴水平。
另外，你再要審視其升值潛力，未來地區上、交通上、生活等等的配套發展，才去下一個結論，咁會較好。
天水圍及元朗是未來政府重點發展的區域，但始終偏離市區，加上最近幾年供應增加，物業的價值始終不及市區樓。但如果你是買入自住，能夠符合上述所説的兩個條件則可以考慮。
我自己無特別推薦，其實自住樓最重要睇自己生活方面因素，只要配合到就可以。
Q35322：
龔sir你好，而家個市咁差，想review下d股，想問下你意見，其實我對股票真係零知識，同你講聲抱歉先，希望下次龔sir開班我可以上到
而家我手上持有:
帳面蝕近35萬, 真係唔知點樣做好
龔成老師︰
現時全球衰退風險、通漲問題、地緣政治和戰爭危機依然存在。加上中國經濟轉弱。
表面上，經濟好似復常，但另一邊大型企業正不斷裁員，難言經濟理想。
你要明白，現時面對係過去20-30年以來最複雜架環境，好多問題都一次過發生。所以，你預中短期一定會好波動，但我會邊穏陣投資之餘，都會同時找尋市場機會。
記住，成功架投資者，除了要掌握好價值投資技巧外，仲需要好強架心理素質，才可以令自己長線投資回報，比坊間散戶更優勝。
講翻你個組合，長線投資價係有。
但電盈（0008）負債較多、英恒科技（1760）不確定性大、瑞聲(2018)本質弱左，而3隻長線不宜持有太多。
2038質素也只是一般。
其實整體而言，你個組合質量唔係太高。如果你未到退休之年，在投資知識零的前提下，建議你先集中投資指數ETF，如盈富(2800)和VOO。雖然佢地增長唔算好高，但勝在係一籃子組合，可以有效分散風險。你用月供咁慢慢儲，咁就可以。到有一定知識後，才考慮其他股票。
你由於組合無美股，所以會較弱，建議加入Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。
由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。
至於初班，由於澳門股票班（基礎班）已經在2023年10月舉辦了，因此不會太快再次開辦，起碼要1年後先有機會再開。
你或者可以預早留位，只要whatsapp 852-55457212我同事講，打「留位澳門班」就得。我地有具體資料就會 whatsapp你。
因為現時已有好多澳門人留左位。
此期間，你可以多讀投資相關書本、年報，新聞。書本上，你可以睇我寫架《圖解股票小百科》、《80後千萬富翁》和《財務自由行》，去為上堂做好準備。
Q35323：
你好，本人完全沒有投資概念，而多位算命師傅亦勸喻我不應買基金或股票類投資，因為上落有波幅，我會接受不了。
現手上有現金二三百萬左右，全部都分批做了定期存款。想了解一下除了定期存款外，我還可以有哪些選擇？
我是澳門人，有想過買樓投資，但現在樓巿好像不應入手，而我亦冇自住打算 (因家裡有足夠地方)，所以主要用作投資用途 (買賣或租出去) 。應投資橫琴區域？或珠海關口附近的樓盤嗎？或應在澳門買樓？
又或者買金？買外幣？買保險？
先謝謝你的解答
龔成老師︰
我個人不信命運，因為我相信好多事情，都可以靠後天努力創造出來的。
不過如果本身的性格不能夠承受風險的話，同埋投資知識淺，的確"暫時"不宜作太高風險投資。
投資是好個人化的，投資工具無絕對的好與壞，只有「適合你與否」。
另外，你要明白理財不是炒賣，是進行財富配置。
你可以先問清楚，自己人生目標想係點，如果你係想用投資致富。長線建議你學好投資，令自己更明白什麼是風險，同埋提高自己風險承受能力。令自己可以投資不同類型架優質股，去提高財富增值能力。
書本上，你可以睇我寫的新作《圖解股票小百科》以及《80後千萬富翁》、《財務自由行》，都適合初學者。
我YOUTUBE CHANNEL都會不時分享一些投資技巧和知識，你都可以睇下。
http://www.youtube.com/@user-rw4st4yg5v
相反，你純粹當投資係幫補下，致富方面會係其他地進行，例如生意、工作等。咁你可以令用定期、A級債券、儲蓄保、年金之類去幫自己做低風險和有限度的財富增值。
至於黃金，在財富的分配上只用於抵抗黑天鵝的風險，沒有太多的增值作用。你可以持有，但不建議持有太多。
物業方面，現時澳門的樓市處於合理區範圍，預期唔會大升大跌。因此，投資的價值只屬於一般，將來只會平穩增值。
其實你將資產集中在物業，都是同樣有風險的。
因此，你最重要建立一個長期有質素，平衡的財富組合，當中有多項資產。
Q35324：
龔sir, 睇見D恒生0011股價，由心寒出來😭😭😭, 雖然月供可以買到多D，同收住息，係咪應該棄船停月供呢？
龔成老師
恒生銀行（0011）不是無質素的，但增長力不強，近年受大環境影響而較一般。現時要睇你持貨，如果貨已多，你可停，原有貨守住先。
雖然疫情過去，以及外圍加息帶動淨息差上升，但這股股價表現仍較一般。除了經濟未完全回勇外，中國業務都是一個因素，近期內地債務問題，以及中國經濟較一般的情況下，影響了整體的業務表現。近年受到中國負債問題影響，壞賬有所增加。
在過往低息環境，息差收入受影響，其後外圍加息，帶動這方面業務好轉。恆生的淨利息收入，在2023年錄得理想增長，淨利息收益率上升了62個基點，達到2.09%，明顯地比之前提升。
整體上，恆生長遠的質素仍在，不過近年賺錢能力略有減弱，以長遠計，仍是收息及平穩增長型股票，不過預這股增長力未必太強。
這股仍有長線投資的價值，現價合理較下部，不過投資銀行股，都要控制好注碼，不能佔整個股票組合太高的比例。
Q35325：
老師商湯算吾算老千股😞！日日都跌…雖然話佢好多專利係手，都見不到佢會好
龔成老師：
第一，佢本身的財務數據弱，估值難，所以股價一定會波動。第二，就算佢有專利，要去到真正賺錢，都有可能要一段時間。第三，佢面對政治風險。這類股，你小注好了，要明白上落大（但佢業務不是無發展的，不過要耐心）。
Q35326：
我有$100萬 如何可以收入？
龔成老師：
如果你目標只是想收息，可投資收息股，可以作為財富分配的一部分，但不建議將全部資金都投資，因為一定要留有一定的現金作防守，以備不時之需，以及若大市下跌，可以買平貨之用。
你可以建立一個收息股的組合，目標是5%以上股息率的收息股，例如港燈（2638）、高息基金（3110）、深高速（0548）、香港電訊（6823）、工行（1398）、置富（0778）、陽光（0435）等都可以，你可以了解下，並從中選股。
Q35327：
想請問手上1323 ， 已經跌了很多，最近收到供股建議，但現在股價已跌到供股價以下，那我是否不應供股？1323 前景如何？ 應該賣出或守？
龔成老師：
華盛國際控股（1323）年年虧損，加上業務不穩，另外股價十分波動，投資價值好低。
第一，不要供股，因為不要再為一隻無質素的企業，投入額外資金。
第二，你持貨要賣，可能見到有反彈就賣。總之，大方向是賣出。
Q35328：
老師，我昨晚去一個投資者的talk，大部分都已經問講員係美股、黃金和比特幣，提起港股都係「唉」聲。甚至有人已經講無哂港股，不過應該仲有人手持港股倉（包括我）。但係大家都唔想繼續買港股住了，我都過咗一年沒有買港股，只有美股、黃金和零售債券。
龔成老師：
平衡配置，港股+美股是重要的。
但你比左一個很好的訊息，就是好多人都放棄港股，反映港股開始有希望了。
Q35329：
有無港版NVDA
龔成老師：
嚴格來講，無。
因為NVDA擁有相當的技術，所以港股基本上好難找到，如果同人工智能、或晶片類有關的企業，981、700都算。
如果高風險高潛力，其實美圖公司（1357）都同人工智能有關。
佢業務有發展，但算是有危有機類的股票。
佢近年加強發展人工智能影象生成技巧，在中國算是行得較前，佢令圖片、影片、設計、數碼人像製作變得更簡單，見佢有實在的生意提升。
佢主要從事提供在線廣告及其他互聯網增值服務；以及開發、製造及銷售智能硬件產品。
業務發展中，投資價值有，但始終有不確定性，財務數據近年也有好轉情況，因此，如果睇好可以投資，但就唔建議太過大注。
Q35330：
成哥 請問美股3m (mmm）現價可入？
是否優質股
龔成老師：
3M Company（MMM）雖然近年業務較一般，但長遠仍算有質素的。
佢係一家跨國企業集團，成立於1902年，當時名為明尼蘇達礦業及製造公司（Minnesota Mining and Manufacturing）。
該公司以其研發實驗室而聞名，該公司在多個產品類別中充分利用其科學技術。截至2020年，3M分為四個業務部門：安全和工業，運輸和電子，醫療保健和消費者。
呢間公司大約50％的收入來自美國以外的地區，其中安全和工業領域構成了公司淨銷售額的大部分。該公司60,000多種產品中的許多產品都涉及並關注著各種消費者和終端市場。
業務穩定，生意與盈利都穩定，但增長力就不強，只是平穩型企業。現時股價在合理區中下部，分注投資都可以，但不要對股價有太過大的期望。