Q41601：
你話買股票要持有五年？
冇息都持有？
龔成老師：
只要企業有發展，其實無息都持有仍是值得的，因為企業增長會帶動股價增長，回地率也高過好多企業的股息，當然，前題是企業有一定的增長力，我過往都是$1X買入小米，已經持有5、6年，耐心等企業成長。
Q41602：
老師，想問下你的股票班內容
美股班集中講美股，港股班集中講港股，對吗？
龔成老師：
大方向是，但其實美股班都會講少少港股，而港股班又會講少少美股。
美股班集中教美股的分析及投資技巧，一些美股獨有的選股方法、分析企業方法、分析美國經濟數據等。課堂有很多美股個股的實戰教學。
另外，美股班也會教各種環球投資工具，令學員增加「可投資範圍」，建立更適合自己的財富組合。由於近年單一市場風險增加，建議大家投資股票，要「港股+美股」，因此學習美股的重要性明顯增加。
Q41603：
Hello龔sir，早前美股跌好多有咩睇法呀？
唉，隻coinbase之前上到$3xx我無減持，而家跌返落嚟$160，你覺得而家我入唔入返啲貨好？
其實隻小米都有啲咁嘅情況，就係上到50幾蚊冇放跌返落嚟🫠
而家好似錯失咗個機會咁樣，龔sir如果係你你會點樣面對？
龔成老師：
短期波動好正常，股市就是這樣，最重要分析企業長遠價值，以及理性分析，所以事情都是有危有機的！
其實這類情況，是經常會出現，而好多散戶都有你的心態，就是事後孔明地以為錯失了高位賣出的機會，但事實是，要捉到高位賣出，根本是好難。
如果有「想捉高位賣出的心態」，當小米由兩年前$10，升到$20時，相信已賣出了，之後升再多都無用，你要細心想想。
coinbase上落會好大，所以只宜小注，同時要明白風險，買得這股，目標一定是更大回報，即是持有多年，/等企業成長，因此，你捉不到所謂高位，無乜所謂。
當然，有時我地會在投資時，利用貴的價位賣出部分，但往往要較明顯貴才做。
至於小米，長遠發好大，耐心持有就得，我持有了5年以上，打算持有多5年甚至更長，從不理股價，集中睇企業發展，多年來，一股未有減持。
Q41604：
龔SIR好，新出了隻3466每月派息會否比3110好？還是自製收息股組合可免去管理費更好？
龔成老師：
基金之投資目標為追蹤恒生高息股３０指數（價格回報版本）之表現，是否比3110，這刻未知。
不過，3466較新，仍未知具體收息回報及整體表現如果，加上3110成份股較多，所以，表面上講，3110暫時會較穩定。
Q41605：
龔sir你好,今次需要指導嘅問題如下
小弟睇左1本書，內容大要為‘’應到死亡時，把財富花光歸零，才可以將金錢價值用盡，否則死後既財產只會浪費‘’
這本書都提及財富達到最高點或某年齡，就應減少儲蓄比率及開始用本金，但就會與財務自由既概念有矛盾，未知龔sir有何見解？
龔成老師：
沒有矛盾，財務自由是持續有現金流，這是一個方向性的概念。
因為財務自由無提及年齡，所以是一個假設任何年齡都適合的情況，因此，沒有提及使用本金的概念。
，如果知道自己大致在那年齡過世，其實可以套現部分做現金，去使用。
另外，如果想將財富留比後，或貢獻社會（如巴菲特），那就不要「應到死亡時，把財富花光歸零」，而是可以一直持有手上的財富，只用現金流，到過世時就轉給後人等作用。
Q41606：
9992 又如何。佢一年升左6倍 , 收息 增長優質股及月供可以？
這些股票風險大 只可作短炒
Thx
龔成老師︰
泡泡瑪特（9992）有質素，企業是一家覆蓋潮流玩具全產業鏈的一體化平台，當中包括藝術家發掘、IP運營、消費者觸達及潮流玩具文化的推廣。
佢算是中國最大且增長最快的潮流玩具公司。合作伙伴中不乏知名品牌，好似迪士尼、HELLO KITTY等等。而產品中，最為人所認識就是"盲盒"，此銷售模式為集團貢獻不少。
不過，佢過往曾經面對中國策方面的風險，而近年業務有好轉情況。但佢股價近期升左好多，現價已經開始貴，最好等有回調才慢慢分段咁小注儲貨。
另外，你唔好諗短炒，中短期因素好難估。真正投資，係用長線做策略，你見巴菲特都唔會短炒。
Q41607：
本人五十歲離婚單身，有自住物業（不用供樓），現金100萬，股票債券如圖，需要調整投資組合嗎？
月入hkd45,000
（附上財富組合相片）
龔成老師︰
以你年紀，應以平穏增值為主。潛力股可以有，但不宜過多。
你現時手上持股，都係有長線投資價值，但由幾點要留意。
1) 個股和個別行業，不要高於組合15%和30%。現時0005和銀行業，就有少少超標，長線要慢慢平衡翻。
2) 你現時組合明顯偏重晒係港股，建議你未來加入一些美股(但美股現價唔平，可以慢慢做)，令整個組合變得更平衡。
但要留意，個別地區不建議超過組合的7成，如果不懂選股的話，可以考慮加入(VOO)，作用類似盈富（2800）。
Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。
由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。
以下是介紹VOO影片，有需要可以睇翻︰
https://www.youtube.com/watch?v=RnYZQlSG8qA
3) 你現時手上不是潛力股(1448,1810)，就是收息股(2638,3988,0005)，比較2極化，建議你長線增加"平穏增長股"，並以之作為重心，咁會較好。
平穩增值股︰
指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
4) 債券主要係收息，對你年紀而言，可持有，但不宜過多。長線建議都將部份，轉至"平穏增長股"。
5) 緊記預留半年至一年現金，作為應急之用。
Q41608：
龔sir,新手每月只有幾千可月供。
長遠有甚麼可以考慮？
龔成老師︰
作為一個初學者，你先要做三樣野。
第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。《圖解股票小百科》適合初階者的。我Youtube Channel都會不時分享一些投資技巧和知識，你都可以睇下。
https://www.youtube.com/@%E9%BE%94%E6%88%90%E8%80%81%E5%B8%AB%E8%87%B4%E5%AF%8C%E5%B9%B3%E5%8F%B0
第二，了解銀行及證券行，去開一個證券戶口，並準備做月供股票。
其實兩者都可以，銀行就較方便，但手續費就較貴，證券行收費就較平，香港的監管不差的，風險不大。你可以先了解下不同的收費。
第三，將每月的部分資金，去做月供股票，供一些指數ETF，如港股盈富（2800）或美股VOO。對初階投資者來說，月供股票是一個很好的累積財富方法，因為可避免你一次過在高位買入的風險。
原理如同儲錢，不過就不是儲現金，而是儲股票。計劃要長期進行。
另外，盈富、VOO是一個股票組合，適合絕大部分人投資，風險不高，長期儲貨可助你財富平穩增值，記住要長線持有。
當你在做上述三件事的同時，開始學下股票，了解下那些股票適合你自己。上述只同你簡單供盈富、VOO，當你過幾個月，有知識及少少經驗後，就可以利用你手上的資金，其中一部分，去投資股票。
另外，你可以睇下而2條影片，相信對你了解長線投資和複利效應而2個重要概念，會有幫助︰
https://www.youtube.com/watch?v=ZaVTKyodNCg
https://www.youtube.com/watch?v=xm1dx0A2Q5k
至於長線，你可以因應自己年紀，去做配置。以下影片是一些配置技術，你可以睇下︰
https://www.youtube.com/watch?v=7Vu3VKKQrLk
Q41609：
老師我不懂股票
想學，點做好？
龔成老師︰
我建議你認真學習，因為投資係好重要，如果只靠打工或者儲蓄保之類方法，其實係好難財務自由。
因為佢地增長力好慢，同時無明顯複息效應，所以令你財富增值唔明顯。
可能你未必知乜野係複息效應，同佢架威力，建議你睇下以下影片︰
[複利故事] https://www.youtube.com/watch?v=ZaVTKyodNCg
[巴郡跑贏美股100倍] https://www.youtube.com/watch?v=xm1dx0A2Q5k
作為一個初學者，你先要做三樣野。
第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。《圖解股票小百科》適合初階者的。我Youtube Channel都會不時分享一些投資技巧和知識，你都可以睇下。
https://www.youtube.com/@%E9%BE%94%E6%88%90%E8%80%81%E5%B8%AB%E8%87%B4%E5%AF%8C%E5%B9%B3%E5%8F%B0
第二，了解銀行及證券行，去開一個證券戶口，並準備做月供股票。
其實兩者都可以，銀行就較方便，但手續費就較貴，證券行收費就較平，香港的監管不差的，風險不大。你可以先了解下不同的收費。
第三，將每月的部分資金，去做月供股票，供一些指數ETF，如港股盈富（2800）或美股VOO。對初階投資者來說，月供股票是一個很好的累積財富方法，因為可避免你一次過在高位買入的風險。
原理如同儲錢，不過就不是儲現金，而是儲股票。計劃要長期進行。
另外，盈富、VOO是一個股票組合，適合絕大部分人投資，風險不高，長期儲貨可助你財富平穩增值，記住要長線持有。
當你在做上述三件事的同時，開始學下股票，了解下那些股票適合你自己。上述只同你簡單供盈富、VOO，當你過幾個月，有知識及少少經驗後，就可以利用你手上的資金，其中一部分，去投資股票。
Q41610：
龔sir，想再問多小小華潤電力，我見大行報告好多都用市盈率去做估值，點解唔用EV/EBITDA?
但同樣係好多折舊攤銷既博彩股就用EV/EBITDA去做估值
龔成老師︰
其實EBITDA，係一個唔計折舊、利息、稅、攤銷等開支的數字，即係唔能夠好精準咁反映企業實際盈利能力，因此一般會建議用翻市盈率估值法，即係用"純利"去到分析。
但如果間企業未有錢賺，或者係前期發展期，咁都可以用EV/EBITDA去了解佢盈利狀況，作為參考。
至於大行報告，佢好多時都會用唔同方法，但唔代表個個方法，一定係最合適。