Q24201：
阿SIR你好,琴日上完最後一堂股票班,多謝你既用心教導,自上年4月開始FOLLOW你,睇左你D書,已經有開始投資股票,賺左一陪有多
成功用一年就完成第2個100萬目標,但因為有槓桿,就不斷買入好多股票,持倉最高去到400萬. 近期打算轉按層樓,
為左想合法出租,打算賣出股票,補3成金額,大約140萬,之前上完頭幾堂其實已經分段賣出了百幾萬股票,淨番落黎既都唔捨得賣,所以想問下你意見,
應該係咪賣哂D美國REITS,留番D水桶1,2既,目前還有246萬,淨值約140萬,想套現100萬,保留40萬股票
現持有1177,1398,14,1810,1830,1928,2618,2800,285,3,388,66,823,9988,BABA,BRK-B,BXP,COIN,FSR,JPM,LCID,OXY,PDD,REI-UN,SLG,SPG,T,VNO
1177 : [email protected]
1398 : [email protected]
14 : [email protected]
1810 : [email protected]
1830 : [email protected]
1928 : [email protected]
2618 : [email protected]
2800 : [email protected]
285 : [email protected]
388 : [email protected]
66 : [email protected]
823 : [email protected]
9988 : [email protected]
BABA : [email protected]
BRK-B : [email protected]
BXP : [email protected]
COIN : [email protected]
FSR : [email protected]
JPM : [email protected]
LCID : [email protected]
OXY : [email protected](之前減持了800股,@31)
PDD : [email protected] (之前減持了25萬,@60)
REI-UN: [email protected]
SLG :[email protected]
SPG : [email protected] (之前已經賣出了500股票@160-165)
T : 180 @26.62
VNO : [email protected]
轉按後每月會有正現金流大約4000,舊PLAN係P-2.7,@2.55%;所以為左想慳番幾千蚊息,就有以上行動.
順片重整股票組合,減少槓桿風險.
但以上的公司真係唔知應該因應潛力度,優質度定水桶比例取捨,尤其係隻SPG,已然賣左接近一半,但佢既比例依然好多,但REITS既風險又相對細,係咪應該KEEP番用槓桿持有呢.
龔成老師︰
其實用槓桿，本身件事個風險會大，不論你係投資邊類型的股票。所以，我建議你未來投資，最好去除槓桿部份，會較穩當。
你要記住，我地投資係希望透過長線持有優質股，讓其自然增值，而唔係炒差價。
另外，你現時成個組合好雜亂，太多股票。我建議你長線，將組合股票數量，控制係10-15隻左右，否則好難定期檢視佢地投資價值。
你現時持有股票，大體上都有質素。但美股中不少reits，你要睇翻會唔會有過度集中的情況，個別企業和行業，不要佔組合15%至30%以上。
而且，佢地增長力都不算高，以你3x歲年紀，不宜持有太多。
金沙(1928)因續牌問題，阿里(9988)因政策風險，都令佢地不確定性高左，雖然質素仍是正面，但都不要持有太多。
你持有股票，應先因應自已年紀，再睇優質度。SPG近2年升左唔少，係計算佢佔組合比重時，應用近2年平均值，咁會較準確。
Q24202：
你好，本人沒有投資其他地方的股票如美股，因為唔熟悉，而只投資在港股，你覺得有沒有問題？謝謝！
龔成老師：
長遠，都建議建立一個更平衡的組合，你只投資認識的項目，是對的，但長遠就要慢慢配置得更好，不用這一刻這樣做，但長遠就要。
我相信中國、美國，都是全球兩個長遠最大經濟體，投資在這裡都有不差的長期回報，美股如不懂，最簡單是投資ETF，如追蹤標普500的VOO，分注或月供，都有不差的長期效果。
Q24203：
阿sir,收息股淨係這3隻永遠持有ok嘛？3988，2638，6823發覺太多股太散唔值得持有太多
龔成老師：
建議加入高息基金（3110），會較平衡。而這3股，可以長期的，但投資者都要久不久分析企業的情況，不能盲目話永遠持有。
Q24204：
老師 最近聽到港股會沈沒30年 連老牌地產新鴻基都跌穿100$ 你有乜睇法？
龔成老師：
港股增長力的確比過往減少左，因此，長遠應建立一個更平衡的組合，但港股並不是完全無價值的，長遠仍能基本增長，就以新地（0016）來說，現時疫情，估值當然低左，之後就會好翻D，但都不是高增長類股，始終香港地產業最好賺的年代過左。
Q24205：
我供緊層樓自住，有興趣投資一個車位自用或作收租之用，自己租緊一個車位。請問有何意見？
龔成老師：
車位都可考慮，因為是土地衍生出來的工具，都有長線投資價值。
加上你自己都租緊個車位，投資一個車位，可以作對沖。當然，你分析點不要只睇自用，而是同時投資，選較好的地點。
最好是市區，屋苑，同時你要以車主的角度，分析該車位是否好泊。
現時的車位比之前回落翻少少，算是合理區頂，投資回報率不算高，因此投資價值只是一般，但你本身有自住需要，因此，如果你資金足夠，仍是可以考慮的。
Q24206：
龔成老師，想問如果再次進入金融危機，你也會是堅持長線持有嗎？
或是會暫時推出，等經濟危機過了才再次買入呢？而且金融危機後會有好多人所講的平貨，到時再買入，咁樣思維正確嗎？感謝老師解答
龔成老師：
要睇金融危機有無影響企業的價值，如對長期有影響，就要減持或賣出。
另外，如果預期冬危機令股市大跌，當然會減持，但最大問題是，無人能準確預測的。好多人以為賣出後，等跌再買翻，但現實是好多人都做唔到。
因此，除非好確定股價有較大機會向下，否則，長線持有一般是較好的。
Q24207：
老師，你好！想請教中國龍工可否長期持有，之前2.4 入了一萬股，謝謝你
龔成老師：
可以。中國龍工（3339）主要業務為製造及分銷輪式裝載機、壓路機、挖掘機、起重叉車及其他基建機器。佢的產品有出口至俄羅斯、中東、澳大利亞及非洲等地。
雖然近年生意不差，但以過去5年計，生意與盈利都有波動情況，這點不得不注意。而企業的賺錢能力算是中等。
以企業的質素來計只屬中等，現時不貴，股息率都算吸引，但業務波動是風險，因此投資不能大注。但長線基本上可以的。除非你持貨過多，先要考慮減持。
Q24208：
你好，本人26歲，投資左2年左右。想問吓你美股既富途而家算唔算合理價位？many thanks
龔成老師：
富途（FUTU）因監管等因素，中短期會較弱，股價較難大升，要耐心等監管穩定翻，企業適應新的規模，盈利先向上，同時股價先穩定。
在長遠，這股有增長力的。
佢係一家在線經紀公司，提供一站式在線投資服務，騰訊（0700）為股東。該公司通過網上平台提供服務，其中包括香港、中國大陸，以及美國股市的市場數據、交易服務和新聞源。
佢以經紀佣金，以及手續費服務的形式產生收入。
這企業雖然有發展，但現時市盈率好高，股價變化大，要留意風險。
這股小注都可以，長線有增長力。
Q24209：
老師你好，我現在處於人生的低谷，很想找一條出路，經facebook 見到你的post, 有恍然大悟的感覺。的起心肝學習理財並開始閲讀你的財務自由行，
同時，亦希望你可以給我一些提示
今年35歲，月入73k。沒有任何投資經驗
按揭每月交33k、家用12k、欠2條銀行貸款共160k(每月還款5k) 、欠親友共250k (每月還款14k) 、欠2條卡數分期共100k (每月還款3k)
8k自己的生活費、欠債主要是爸爸的醫療費用
欠債累累下感覺很迷惘，我應該怎樣才可以盡快走出困境？謝謝你
龔成老師：
想要走出困境，唔係無方法。但你要明白無一個方法，可以一步登天，即時見效。但只要你按部就班，你現時不理想的狀況，絕對可以一步步咁逆轉。
你現時負債都比較多，一些較高息的貸款，最好先盡快清還，否則會好影響你未來投資回報。不高息的，就按計劃維持還款。
同時間，你要用你每月儲蓄，去進行月供股票增值，令自己可以慢慢走出財務死胡同。
我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
你35歲，應以增值為主，建議你用「平穏增長股」 + 「潛力股」作組合，去創造一個增值平台。
現在你每月先用5成儲蓄，即$4000做月供。其餘先儲起，用一邊月供一邊儲蓄的策略。(到你未來有更多錢儲，就加大個供款額)
由於「潛力股」係需要一定經驗和有一定波動性，如果你經驗較淺，可以先小注，大約佔組合3成左右。若你係有一定經驗，你可以投資到約5成比重。
至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。
若你爸爸現時依然有潛在醫療開支的可能，建議你係投資前，先額外儲起相關費用，以備不時之需，咁會較穏當。
Q24210：
想問 建行939是否一隻理想收息股？
龔成老師：
建行（0939）本身質素不差，有一定的規模，在全球都有網絡，本身不會無質素的。
不過，這股增長力不算強，只是一隻收息股，現價投資可以，因為在合理價，但唔好對股價有太大期望。
前景不過不失，中短期會因中國經濟有影響，銀行業的賺錢能力不及從前，加上壞賬因素，都會令佢中短期弱。不過，初步已好轉，但不是高增長型。
而長遠，會慢慢穩定的，不過，增長力不強。