Q35351：

請問如果我唔急用錢，但又不是非常有錢，已經退休了

有一層香港樓打算四年之後先自住，自己喺加拿大買了一層樓，香港的樓現在放租，不知應否賣出去，又見好似越跌越勁😓

龔成老師：

如果你長遠有香港自住的需要，就可以持有，你現時是放租，重點是收多少租金，到之後自住，也是有需要。

你細心想，樓價對你無太大實質影響。

如果你原本已經有這個計劃，就繼續，不用太理會樓價上落的因素。

香港樓市，短期較一般，始終中國及香港經濟未完全回勇，但相信未必大跌，最多少少調整。

另外是高息因素，高息對樓市會不利，這就近1、2年樓價回落較多的原因，不過，這個因素基本上已反映，加上香港買樓需求仍大，相信不會大跌。

而當美國正式開始減息，會對香港樓市有穩定作用，不過，香港減息的力度不及美國，所以難以令樓市大升。

至於內地資金買香港樓，相信香港樓的吸引力，未必及過往，因此內地人買香港樓雖然會存有一些需求，但不會因此而大幅推高樓價。

在投資價值方面，租金回報率不高，以及按揭利率不低，加上長遠樓價難以倍升，令香港樓的投資價值，並不高。

相信樓市在長遠計，因供求關係，較難大跌，不過，也不會有大升的情況出現。

樓市始終需求大，我見唔少適婚年齡的朋友，都正等機會買樓，但未買樓，這些是「潛在需求」，過往每年不斷累積，只要樓市跌少少，就會有需求走出來，這令樓市不能大跌。

不過，近年移民的確令需求略為減少，加上政府將加大力度找地起樓，所以長遠，供求將慢慢好翻，無過往咁失衡。

政府現時有較大決心處理好樓市問題，我相信會令之後的供應增加（不是中短期，要長期才慢慢見到），因此，樓市不會大升，但相信都較難大跌（始終需求大）。

長遠計，樓價會平穩，不是倍升，不會好似過往般倍升，而是平穩，同時，由於需求大，要大跌也不易。

因此，香港樓作為自住的價值仍在。

Q35352：

想請教吓AGNC同一般房詫有咩分別？ 我唔太明佢點賺錢，佢係咪用高風險換嚟高嘅股息率？

龔成老師：

AGNC Investment Corp.（AGNC）係一家房地產投資信托基金，主要投資於機構住宅抵押支持證券。

該公司的資產組合包括住宅抵押貸款通過證券和抵押抵押債務，其本金和利息由美國政府資助的企業（例如，聯邦國家抵押貸款協會和聯邦房屋貸款抵押公司）擔保。

由美國政府機構（例如政府全國抵押貸款協會）提供。

佢仲投資於其他類型的與抵押和抵押相關的住宅和商業抵押支持證券，或與房屋，抵押或房地產市場相關的其他投資。

但要留意，業務都有少少波動，令股價都有一定的波動，整體的投資價值不算好高，就算你睇好，也只建議小注投資。

你可能見佢股息率好高，其實只是近年股價下跌左，令股息回報拉高了的結果。始終近年加息週期，對相關資產價格會影響。

Q35353：

想問下有關小米的估值問題。

如果我用市盈率估值法，有代表性每股盈利為（0.9598+0.4727+1.0131+0.9551）/ 4 *1.2= 1.02021。

我用2018 至2021 的EPS 作平均數（2022年我覺得冇代表性）（增長我俾20%）；有代表性PE為13倍至25倍（基於其質素和過往市盈率）。

得出最後合理區範圍估值=13.26 至25.5。

想問下以上估值有否誤解？還是正確？現價是否合理區底部？

龔成老師︰

你大致上都掌握到估計架做法，不過你要明白以下幾點不利因素︰

1) 近年大環境弱左，對佢增體整幅有影響

2) 性價比高手機路線，近年受到高端品牌挑戰，好似Apple出架Iphone SE就係其中一個例子。

3) 新能車開始有點眉目，但始終未算上軌道，同埋唔知賺到幾多，甚至開始會唔會係蝕住做。但肯定架係，佢去到2026年架研發支出，會比以往高成倍，令到流動性風險大左。

當然，如果佢新能車之後有唔錯發展，以及手機好賣，你就要調O整有代表性的每股盈利，所以，估值不是不變的。

其實我遲D會出條Youtube影片，去具體分析1810。但係太忙，很大機會要3月尾,4月頭先出倒，但你可以大致咁理解佢架現況先。

你架估值計算已經排除左佢明顯弱化架2022年，所以+20%有少少高，我建議下調少少，現價大約係合理區底，未到平。

Q35354：

老師，其實點樣判斷邊隻股票係增值，定收息?

龔成老師︰

主要睇佢業務性質、行業結構、ROE、收益狀況、派息政策和比例等，去做判斷。

不過，具體點樣做，係有一個完整架構跟住做。

但因為具體仲要配合其他投資知識，所以只會在股票班一併教授。

Q35355：

老師，市場上總有好多KOL意見好有沖突，資訊爆棚，有時唔識分真假及有無用

龔成老師︰

我好認同你"資訊爆棚"這個形容詞，的確現時資訊有時係太過量，令到我地去判斷一件事架時候，反而困難左。

不過，最核心點解你會有而種疑惑，係因為你本身對而方面架認知唔多，令你聽落好似個個KOL都好有道理，無任何邏輯上架錯處。所以根本唔可以係而D天南地北架意見當中，找到一個投資方向。

其實你而做，係增強自己係而方面架知識同經驗，令你更有效去判斷佢地架講法同意見。

另外，我地投資接受資訊時，要學識分"資訊"和"意見"。我地要架係"資訊"，知道而個世界發生左d事，再去用自己架知識去分析，從而作出決定。

而唔係要"意見"，有時未必一定錯，但有機會係正確，但未必適合自己﹐所以自己做自己的決策者，永遠都係最好。

Q35356：

你好，想問追蹤納指ETF QQQ

但我現在只有港幣

轉美元會唔會增加手續費

龔成老師︰

其實在港交所都有關ETF，安碩納指一百(2834)是追蹤美股納指的ETF，長遠有潛力，是最簡單投資美股潛力股的工具。

美國的納斯達克指數，當中在多間大型的國際非金融上市公司，成份股以市值作基礎，並以一些規則平衡較大市值股份造成的影響。

如Alphabet、亞馬遜、英特爾、Netflix等，都是全球最大型的科技類公司。

長遠有一定的潛力，但要留意，由於指數近年上升了很多，現價已在合理區頂至略貴水平，不建議這刻大手投資，最好的方法，就是月供或分注小注投資，長線持有。

至於用翻QQQ，交易成本其實同用港股差唔多，但你要有美金和美股戶口。

其實我地做長線投資，唔會成日做交易，所以這方面成本未必睇得咁重。

Q35357：

Sir,請教下純利&經調整純利既分別係邊？投資者應該睇何者較重要？

龔成老師：

純利是按正常會計，得出的數值。

至於經調整純利，就不一定是跟會計而得出，只是該企業想表達一些資訊比投資者知，就會同時列出這數。

這個數有無參考價值，要視乎的目的，同時投資者要小心解讀。如果是正當的企業列出經調整純利，好多時都是，佢想投資者知道更多資訊，知道一些更有代表性，更有參考價值的數字，而這個數字，有機會比純利更有參考價值。

但如果不良企業，就會利用這些數去誤導投資者。

Q35358：

老師你好，請問8328和981現價合理嗎？

謝謝!

龔成老師：

中芯國際（0981）會較穩健。

先講信義儲電（8328），佢由信義玻璃（0868）分拆上市，主要在香港從事汽車玻璃的銷售、安裝及維修。

佢於中國內地生產及銷售鋰電池產品、電池包、儲能系統，以及提供合約加工服務。

這企業長遠發展正面，有潛力，但要留意業務較波動，同時現價貴，如想投資，小注好了。這股優勢不算特別強。

中芯國際（0981）業務有增長力，但未必能稱為好優質的股，算是有風險有潛力類。但政治因素成為風險，因此投資時要留意這點。

分析過往的業務情況，雖然仍每年的生意都有增長，但盈利就有波動，反映雖然大環境的市場在增長中，但佢的成本與售價，就未必在佢掌握的範圍，最後造成盈利波動的結果。

中芯國際長遠業務仍有增長力，算是有風險有潛力類，企業在中國行業裡有技術，同時產品始終市場，因此仍有前景的。

但投資者要留意，政治因素成為風險，因此投資時要留意這點。這股不建議大注，現價約在合理區中下，如果投資者睇好，要分注，同時以長線眼光去投資這股。

Q35359：

老師，簽臨約前有咩要準備？

龔成老師：

在買樓過程，當經過討價還價的過程後，最終就會達成交易，記得，當你預期當天有可能達成交易，就要準備好支票，銀行戶口已有足夠細訂的資金。

因為當你簽臨約時，就要同時支付細訂。

當你簽臨約一刻開始，整個正式買樓成交過程就會

啟動，簽臨約前要準備好不同時間所需的資金。

所謂臨約，就是臨時買賣合約，即是你已經同業主就單位的售價達成共識，這是一份具有效力及具約束力的法律文件。當中包括若干條款，例如：物業的地址和售價、細訂數額、大訂數額、何時簽署正式買賣合約、交易完成的日期等。

Q35360：

請問龔sir 美股 SQ 及 AI 的現價投資價值

龔成老師：

Block, Inc.（SQ）是有風險，有潛力類，業務增長快，但估值較難，股價上落好大。

Block Inc成立於2009年，為商戶提供支付獲取服務及相關服務。該公司還推出了個人對個人支付網絡Cash App。

該公司在加拿大、日本、澳大利亞和英國都有業務。大約5%的收入來自除美國以外的地區。

睇翻佢的財務數據，收入與盈利都有理想增長，數年前開始由虧轉盈，業務發展快速，所做業務長遠有發展，唯一擔心是估值過高。

就算股價比高位回落不少，現時市值仍是幾百億美元，就算考慮業務有增長力，估值都唔平。如投資這股，有心理準備上落好大，不是不可投資，但只適合較高風險人士，同時只建議小注。

C3.ai, Inc.（AI）係一家企業人工智能公司。

該公司提供Saas軟件即服務應用程序，使客戶能夠跨任何基礎架構快速開發，部署和操作大型企業AI應用程序。

它提供了三個部門的解決方案，即C3 AI Suite，這是一個全面的應用程序開發和運行時環境，旨在允許客戶快速設計，開發和部署任何類型的Enterprise AI應用程序；C3 AI應用程序

包括一個龐大的，不斷增長的行業特定和特定應用程序的交鑰匙AI解決方案係列，可以立即安裝和部署；C3.ai Ex Machina，用於將數據科學應用於日常業務決策的分析。

雖然業務保持增長，但持續虧損，這類股風險較高，估值較難，加上過往股價甚為波動。雖然佢業務仍發展中，但未能確定佢是否有好大優勢，而在這市場，競爭對手好易搶走佢的市場的，加上股價波動，如果投資，只建議小小注，唔建特別建議這股。