Q43251：
龔成老師 ”恒瑞醫藥”因為IPO有2手
你點睇？
龔成老師：
恒瑞醫藥（1276）是一家根植中國、全球領先的創新型製藥企業。根據資料，以2023年新分子實體創新藥收入。你預股價會有少少波動，你兩手，可以視乎你本身打算長線或短線，等價位決定策略，如果你是長線，就不要理短期股價。
集團戰略性地專注於包括腫瘤；代謝和心血管疾病；免疫和呼吸系統疾病；以及神經科學。
截至2025年，集團擁有110多款商業化藥物，包括19款新分子實體創新藥和四款其他創新藥。此外，集團的管線涵蓋逾90款候選新分子實體創新藥及七款處於臨床及更後期階段的其他創新在研藥物。
集團的客戶主要包括於中國及全球的醫藥產品分銷商及集團向其對外許可集團藥品及在研藥物若干權利的國際製藥公司。截至2024年12月31日，集團的分銷網絡由分佈在全國30多個省級行政區及海外市場的597家分銷商組成。
這股風險會高少少，如果睇好，也只建議小注持貨進行。
Q43252：
阿sir，想問下目前月供的話，以下3隻港股哪個你會比較建議？916、285和1299🙏🏻🙏🏻
龔成老師：
如果你想穩陣D就1299，能承受風險，想增長力強D就285。
友邦保險（1299）不差的，企業有一定的質素，有品牌、有規模，生意雖然做到較大，但仍有增長力，不過就不是高增長，只是平穩增長。
不過盈利就有少少波動，但這都正常，因為保險公司有投資相關收益，所以這亦會令股價略為波動。
前景方面，正面的，佢保持不同市場的發展，利用本身的品牌去加強新市場業務，而長遠的市場仍有增長潛力。
這股有長線投資價值，現價就處合理區中間，長線持有無問題。
Q43253：
股票班會唔會有錄影教學？😆
我係一個媽媽 出來上堂真係有d難度
但我又好想學
龔成老師：
明白，但暫時唔會開網上課程。
因為之前實體股票班試過比人偷拍，之後放左上網賣，最後要搞到報海關先處理到，好煩。所以，網上類的教學，都好擔心有偷拍問題，風險太高，因為好多課堂內容，都唔想太公開，只想自己學生知，所以暫時都唔會搞。
希望日後有機會夾到啦。你暫時睇書增加知識先。
Q43254：
成哥，Coinbase點睇
龔成老師：
Coinbase Global Inc（COIN）雖然有獨特性，但真正的長期價值有多少，根本好難估。
佢係加密經濟技術供應商，佢從平臺上的交易中產生大量交易費用的凈收入，以區域來講，佢大部分收入來自美國，其次是世界其他地區。
近年BTC和ETH ETF相繼出台，而部份會對佢架託管業務造成正面影響。睇翻現時大部份BTC ETF，都係用佢做託管人。如果未來再有新的加密貨幣ETF要出台，相信集團依然能穏佔一個重要席位。
不過，大家要留意一點。以往好多人投資Coinbase(COIN)，會視之為投資加密貨幣的替代品。但隨著BTC和ETH的ETF出現，佢而個替代品架功能，可以算係完結左。
未來佢架投資價值，就要完全睇翻佢業務和市場發展。
至於它的業務價值，要分析就要睇翻虛擬貨幣長遠發展。
近年佢都開始加大業務範疇，去令收益更多元化。此外，穏定幣應用愈來愈普及，都會對佢架收入有所幫助(因為Circle會有分成比佢)。
再加上，美國對加密經濟政策漸漸明朗化，都係利好佢發展架原因。
不過，大家要明白佢收入來自業務表現，所以長線股價走勢未必一定會同幣價一樣(有機會更高，或更低)。
同埋，始終成個加密經濟好新(雖然已經比多年前成熟)，但本質來說，虛擬貨幣是人為創造出來的，絕對不是「資產」，有沒有真正的價值，如何定義真正的價值，未知。
長遠的價值，取決於「有多少人用」，如果長遠好多人用，的確可能有高價值。但如果無人用虛擬貨幣，這公司都無價值。
因為分析長遠是否好多人用，是非常困難，因此，當中存有相當的風險，當然，潛力同樣都大。
你若睇好加密經濟發展，可以投資。但你要明白成個加密經濟仲係好新，故未來發展的不確定性相當之高。
投資時，緊記要控制注碼，只能投放一個輸左都唔會明顯影響組合的比重，之後長線持有，咁就可以了。
Q43255：
老師知道你一向都好忙, 希望你第時有時間抽空解答問題. 我會耐心等待.
本人 45歲, 以下嘅股票都係經過睇左你好多本書, 當時,大約恆生指數17000點 開始分階段入市. 如果手頭上仲有HK 20萬作為投資用途, 應該如何進行投資? 是否應該加入收息股? 如果是的話有甚麼建議?
（網友附上投資組合相片）
龔成老師︰
當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
以你現時45歲去計，應以增值為主。策略上，你可以投資「平穏增長股」作主力，再輔以一些「潛力股」。
你現時持有股票，都有長線投資價值，但問題係佢地全是「潛力股」，會令組合風險偏高(特別1772只宜小注)。故長線你要優先加入更加「平穏增長股」作平衡。
另外，你太集中港股，長線要加少少美股平衡風險。但美股現時唔平，可以長線慢慢才加，不用急。
選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
如果你現時無太多投資經驗和知識，潛力股這類風險較高的股票，你就不要持有過多，最多維持2成好了，甚至先集中係平穏增長股類。
若你有一定投資知識﹐潛力股比重可以相應調高，佔組合約4成，視乎你投資知識多寡和了解這些股票程度而定。
現時你20萬，可以先用一半，其餘等有明顯回調才慢慢再加注。
以下是有關"平穏增長股"和"潛力股"的影片，你可以參考下︰
https://www.youtube.com/watch?v=YJdE6xyUXS0
https://www.youtube.com/watch?v=u0ADUWkikhU
Q43256：
龔成老師, 請你推介兩至三隻比較好的 Bitcoin ETF.
另外在美國上市的會否比較好?謝謝你
龔成老師︰
以下是部份加密貨幣現貨ETF，美股我覺得會較好，因為交易量較高。
但記住，BTC本身風險唔細，加上近年升左唔少，要控制好注碼，不宜過份進取。
BTC︰3439、3042、3008、IBIT、 FBTC
Q43257：
龔sir！請問2800現時價位還適合月供嗎？
龔成老師︰
現時港股在合理區中間水平，故盈富(2800)現價有一定值博率。
如果你本身係新手，無選股能力。盈富(2800)這類指數ETF，係值得考慮。佢係由於數十間質素不錯上市公司股票構成的組合，有助你減少選錯個股的風險。
另外，如果你不懂定平貴度，最好長線利用月供或者分注，去到慢慢儲貨，來平衡買貴貨的風險。
最後，長線唔好只集中一個地區架股票，個別地區最好控制在組合比重70%以內。所以，建議你都考慮分注投資美股，若無選股能力，可分注投資VOO(追蹤S&P500的指數ETF)。
Q43258：
老師，呢排VOO經常創新高，有啲心動下次買入，要回返幾多先買好？
因為你講話VOO入門級好適合買呢隻
龔成老師︰
Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。
由於美股波動，加上現時已經唔平，不建議一次過大手買入。最好的方法慢慢分注，或以類似月供模式進行，長線持有，這是一個最好的投資策略。
以下是有關VOO的Youtube影片，你都可以睇下︰
https://www.youtube.com/watch?v=RnYZQlSG8qA
Q43259：
何為合理價格？
龔成老師：
首先，買入股票就是買一間企業，每間企業都有當中的價值，最基本的概念，一間企業由業務價值與資產價值組成。要計企業的價值，過程比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。
簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。
例如，我地會考慮佢有多少生意，有多少盈利、現金流，有多少資產，從而計算該業務值多少錢，同時會推算將來的盈利情況，去推算這企業長遠的價值。
如果要深入計算，基本上要好仔細的研究企業，要分析好多財務數據用比率，先至有較完整的答案。
Q43260：
老師可否分析1788
龔成老師：
國泰君安國際（1788）主要從事經紀、企業融資、資產管理、貸款及融資、金融產品，做市業務及投資業務。
過往業務發展不過不失，雖然生意有增長，但盈利卻無增加，反映佢的賺錢能力唔算強，質素亦未算好高。
長遠相信平穩增長，但未必是高增長類。
近期佢受惠於熱炒穩定幣概念，升左唔少。不過，成件事仲係發展初期，有好多不確定性(例如是否能力為發行商、具體政策如何落實、穏定幣長線規模、到時市場競爭格等)。
所以，現價其實反映左好多正面因素。若最終發展不似預期，相信會有較大調整，故睇好都不建議太大注碼。