Q35111：

龔sir, 有事請教🙏 佐丹奴2.77上年入貨。唔知什麼原因突然下跌得好低， 繼續持有，還是估出？

龔成老師：

因為之前出左業績較弱。

雖然全年盈利有兩成增長，但有兩點令市場失望，第一，疫後回勇的角度不算強，第二，其實佐丹奴去年下半年盈利按年減少，亦少過上半年，只是上半年盈利增長較好，令全年有兩成增長。這股由於市值較細，股價上落會較大。

考慮到現時的業績情況，加上市況，股價短期未必上到。

至於中長期，有機會的，但就要好睇佢業務，要業務有增長先上到，始終2023年股價上左好多，當時市場有較大期望。但當增長不如預期，股價就會回落。因此，要耐心少少等業務有增長。

如果你持貨不過多，可考慮守。

Q35112：

老師，我不識買股票，是壞事嗎？

龔成老師：

長遠要學懂理財，而股票只是理財其中一部分，不是唯一，也不是必然。

Q35113：

龔成 您好，請教一下一些仙股只有超大手買入成交，沒有大手也沒有散戶買，我可以理解為有機會大戶開始鋪貨嗎？

龔成老師：

其實唔易分析，只能話有些大戶在入貨，但無人知佢會否好快賣出。同時要睇佢真正買了多少。

同埋，就算有大戶入貨，是否一定能炒起，無人知。

當中太多變數。

Q35114：

老師，3690美團算唔算係好既公司？為何跌成這樣？

龔成老師：

主要是估值，以及業務增長問題，其實佢幾年前，股價只是幾十蚊，之後炒上幾百蚊，再打回原形，之前炒高，主要是疫情業務好，市場預期有高增長，但之後增長減慢，加上中國經濟弱，股價都會弱。其實從長遠分析，佢又不是完全無質素的，但要耐心少少等佢好轉，同時明白股價波動。

Q35115：

龔成老師，如何可以學習美股？

有沒有一些方法？

龔成老師：

投資美股，首先要有美股戶口（現時香港好多銀行、證券行都有），之後存入足夠美元，就可以進行交易。

美股與港股不同的，就是美股可以一股股為單位去買，而港股則要「一手」去買。另一個不同，就是交易時間，你要在美股開市（即香港晚上）才能買賣。

另外，美股收息要比30%股息稅。

至於其他，大致與港股一樣，總之買股票就是買企業，要投資一些有質素的企業，同時要留意平貴度。

如果未有美股選股能力，最好投資ETF，例如Vanguard S&P 500 ETF（VOO），就是追蹤美股的ETF，追蹤指數是標普500指數，當中都是全球有實力的公司，有長線投資價值。

至於個股方面，其實可留意巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）等，你可以了解下，並從中選股。

由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。

最後要留意，現時美股唔平，投資要控制注碼，最好慢慢分注去買。

Q35116：

2380有冇機會倍升？

龔成老師：

都有機會，但要睇業務及市況，不是短期事。

中國電力（2380）業務不差的，近年有發展新能源，帶動業務增長。

佢主要在中國開發、建設、擁有、經營及管理發電廠。過往業務都有增長，不過盈利有少少波動，主要受成本及定價因素影響。

近年有發展風能及太陽能業務，成果不差，帶動企業增長，現價合理中下，都有長期持有的價值。

Q35117：

老師，日股點睇？

龔成老師：

日本已走出了過往的經濟問題，所以股市向好，其實大方向唔差，只是擔心近年上升較多，估值會有少少高，所以投資都要控制好注碼。

Q35118：

sir,現時港股情況比沙市更悲觀了？

龔成老師：

未到，因為當時經濟更差，同時樓市已跌左7成，好多人自殺。但現時都有一定的悲觀程度。

Q35119：

阿sir,龍源電力跟華潤電力哪個更優質？

龔成老師：

都有基本質素。

反而不同是業務類別，龍源較多比重在新能源類，因此風險會較高，股價上落會較大。

至於華潤電力，由於有傳統及新能源業務，所以較平衡，風險都會較低。

Q35120：

與其買大跌股，2830同2836指數會否更好？

龔成老師：

兩個都是有增長力的市場，但要留意風險，特別是2836，始終新興市場的風險與回報並存，如果投資，宜控制好注碼。