Q35191：

點解股市場，不論車股，運動用品股都全線下跌既？疫情過後正常，應該恢復正常，經濟轉好..😲😯🙏🏻謝謝老師

龔成老師：

因為中國經濟轉弱，加上中國的內房負債問題嚴重，將會持續影響經濟，所以預佢短期仍是弱，令中國消費力都會有影響，回勇要時間，當然，長遠又不用太過悲觀。

Q35192：

Mr Kung, 舜宇光學 #2382 可繼續持有嗎？幾個月前 $70+ 入，未升過？

龔成老師：

你預短期仍會一般，要平常心面對波動，過往手機市場高增長，令佢鏡頭業務受惠不少，但近年手機增速開始減慢，你預佢增長力會變得較平穏。不過，長遠手機市場始終不會太差。

在長遠，無論是手機鏡頭，又或是各種鏡頭方面的應用，只會愈來愈廣泛，不過，中短期可能會有少少波動。但由於佢近期業績弱左，要耐心等佢好轉，因此，最重要是控制持貨，如果貨多就反彈減少少，如果貨適中，就持有。

Q35193：

你好，請問哪裡有80後百萬富翁2

中環三聯和誠品都沒有

龔成老師：

因為已經斷左貨，所以坊間已經好難找到。

你可以去一些大型書店，例如商務、三聯，叫佢地同電腦查下，睇下有無分店有，如果有，叫佢轉移到你方便的書店去取。

Q35194：

想請問新手想學習投資股票發掘倍升股有無咩書推介 。之前見你介紹過幾本 。但吾記得左，搵吾反

龔成老師︰

如果你對投資知識有一定基礎，想學多少少點去分析股票，可以用以下3本︰

《股票勝經》（第6版）

《選股勝經》（第2版）

《年報勝經》（第2版）

相反，如果你係全新手，我建議你先睇以下3本，去打好個基礎︰

《圖解股票小百科》

《80後千萬富翁》

《財務自由行》

至於點樣發掘倍升股，因為具體方法比較複雜，我只會係課程中教授。

Q35195：

你好 龔成

以下是我買入的股票

1448 3000股 $7.2 買入

1830 4000股 $5.2 買入

依家價格跌左唔少，沽唔沽貨好？可以俾d意見嗎？

之前買的阿里巴巴，蝕左好多沽出

龔成老師︰

首先你要明白一個概念，我地持有一隻股票與否，關鍵位是企業質素、前景，不要被買入價影響。因為我地買股票就是買企業。

如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。

福壽園（1448）係中國最大的殯儀企業，有一定的規模，而針對的是高端市場，企業本質不錯。但存有監管風險。

由於行業處增長的市場，而新競爭者要入行不易，因此對原有企業有利，故福壽園是優質的企業。

要留意，福壽園產品較高端，因此會較受經濟因素、市民消費能力影響，如果中國經濟較一般，會對對其銷售有所影響。

以長期角度分析，福壽園的行業護城河強，加上有品牌優勢，因此仍有一定的質素。

另一點要留意監管。中國政府表示，要完善基本殯葬公共服務、強化公益導向作為修訂重點，內容提及為整治殯葬商品和服務價格虛高亂象。簡單來說，就是政府知道行業的透明度低，企業處於高毛利狀態，想加強對價格的規管。由於福壽園產品較高端，影響相對較少。

當然，現時的股價已反映了這些不利因素。

另外，近年管理層更新股息政策以提高分紅比例，增派息率至不低於35%，漸升至逾60%。企業將會由水桶1，轉為水桶1-2。質素仍在，但增長力略減。

簡單來說，這企業整體質素仍在，但增長力會略減，同時投資者要明白政策風險，所以投資都要控制注碼，長遠發展仍然存在。

完美醫療（1830）長遠有發展的，但佢的生意都會受經濟、市道等因素影響，都有少少敏感。整體來說，本身有一定的質素。現價在合理區中下，不過由於管理層及企業本身的業務風險，這股不建議持貨太多。

佢會因為經濟、市場競爭等因素，令佢中短期業務未必好強。

長遠仍有發展力的，佢的野心唔細，本身有一定的技術，同時不斷將香港的業務模式複製到其他海外地區，我見佢加強了發展其他地方，因此發展力都有。

這股有長線投資價值。但這股又不建議持貨太多，因此都要控制翻注碼。

最後阿里(9988)，之前政策影響佢賺錢能力，佢的整體優質度仍在，內地不是不想佢賺錢，只是想規管佢。佢已建立好完善的業務，因此本身是無得輸，只是賺多賺少問題，現時監管多左，點都會影響賺錢能力。

其實，近年同時間出現多個大環境不利因素，好極少見，所以大部份股票表現強差人意，都係正常。

從長線角度睇，以上3隻都係值得長線持有。但它們都是風險高的類別，不宜持有太多。

若佢地只係佔你組合少部份，可以守。若佔較大比重，建議你反彈時減持部份，去平衡風險。

Q35196：

將788換成/762或941會否更好？

龔成老師：

788增長力不強，的確將佢轉其他會較好。

當中以中移動（0941）質素會較高，你可考慮部分成全部轉為941。

5G對佢有正面影響，長遠發展仍正面，值得長線持有，作為收息及平穩增長。

過往中國的電訊企業每月每戶平均收費不算高，而5G業務的ARPU則去較高水平，在5G用戶持續增長的前提下，帶動業績理想。

過往幾年的股價弱，但情況開始好轉，其中一個原因與支本開支有關，因為電訊業要投入巨額資本開支，影響現金流及派息，這令過往幾年股價表現都較弱，但到了近一年，中移動的資本開支有減少情況，反映投資最高峰時期已過，令企業現金流得以提高。

整體來說，這股有質素，有長線投資價值，如果本身有貨，可持有，是不差的收息及平穩增長類股。現時合理水平，都可分注投資。

Q35197：

老師 如果我分注買 留一半現金45萬 用45萬分注買6865同710 , 再月供5000共一萬

黎緊25年中結婚 我估計首期100萬 結婚50萬 共150萬 這個方法 你覺得可以嗎？

大約一年時間 102萬 滾到150萬

龔成老師︰

福萊特玻璃（6865）股價上落有點大，但業務上有質素。

佢主要在中國生產及銷售光伏玻璃，此外，亦生產及銷售浮法玻璃、家居玻璃及工程玻璃，並向中國大陸、日本、新加坡、韓國、台灣、德國及美國等地客戶，銷售產品。

睇翻佢的資料，佢的光伏玻璃產品主要用於生產晶體硅光伏電池，以及用作薄膜光伏電池的蓋板，而佢的生產設施位於浙江省嘉興市。

過去無論生意與盈利都增長理想，財務數據正面，這股值得長線投資。

但近年整個行業盈利和發展，都有少少受經濟大環境影響，不確定性大左。但長線我依然睇好行業未來發展，現價合理，可以分注。

而京東方精電（0710）質素只是中等，投資價值未算高，而且股價都好波動。

其實而2隻都係不確定性較高架股票，本身不宜大注。而且，你距離結婚唔到2年，投資而言係一個短架時間，個回報不確定性較大。

所以，我唔建議你用而個策略。

因為如果佢地表現不似預期，你人生計劃就會被打亂。我地永遠都係生活行先，有餘力才做投資增值。

結婚架資金，由於可投資時間短，建議只能低風險投資，例如收息股、定期之類。

而結婚和首期以外資金，你可以因應自己，選擇適合的股票和策略，去做長線增值。

Q35198：

成哥，上圖係我既存倉，現金大約有90萬，想今年買樓，想請教一下你嘅意見

龔成老師︰

首先，你今年要置業，這部份資金記得用現金持有，唔好再投資(最多做定期收息)。

如果現金不足，先考慮賣出你手上持股。你持股不是無質素，但始終港股短期弱，所以要耐心持有。如果真的要資金，可考慮減持一些持股比重較高的，減少少。

物業方面，若果你係自住，只要個物業適合自己長線生活，同埋有信心供得起，咁就可以。

但你目標係諗住投資的話，就建議你諗清楚先，特別係你手上資金又唔算好多。

具體令年架香港樓分析，我剛放左係上Youtube，你可以自己去睇翻。而今年股市架預測，我早前都出左，你可以睇下。

2024股市︰

https://www.youtube.com/watch?v=XXy6Ue8U8fI

2024樓市︰

https://www.youtube.com/watch?v=LpBB-KF7Taw

至於你手上架持股，主要有2個問題。

第一︰太集中係潛力股類

第二︰集中晒係中港股票

到你日後，建議你長線加入更多平穏增長股去減低風險，另外加入一些美股去平衡地區性太偏頗架問題。

Q35199：

Arm Holding 有咩睇法

74蚊入左貨

龔成老師：

Arm Holdings plc（ARM）是有風險有潛力類別。你如果只是小注買入，無問題的，但你預佢股價可以好波動。可長線，有發展力的。

1990年成立的ARM，由其設計的晶片，幾乎應用於所有智能手機上。近年人工智能需求增加，市場憧憬ARM受惠於數據中心和發展人工智能，並帶動其設計晶片需求。

這企業從事設計、開發並授權高效能、低成本且節能的 CPU 產品及相關技術，佢主要產品是 CPU 產品，可滿足各種效能、功率和成本需求。

另外，佢亦提供 GPU、系統 IP 和運算平臺等輔助產品，可為各種日益複雜的裝置和應用程式提供高效能、可靠、可靠的系統層級建立作業。

佢業務有發展的，但最難是估值部分，現時市場對這行業有炒作，所以都擔心估值有點高。因此，短期股價都會較波動。

由於未正式計算這企業的估值，只能夠話，企業發展前景是有的，但這股你預上落大，你投資要明白風險，小注投資好了。

Q35200：

多謝老師回覆，本人已45，除物業，流動現金有120萬左右，股票現市值約50萬比買價跌了15萬左右，

持有股票為︰

盈富，港鐵，領展，港燈

信義玻璃，信義能源，申州国際，舜禹光學，比亞迪，周大福，價值黄金，雅居樂，互太紡織

越秀，石藥，聯想，建行，阿里巴巴，李寧，中國移動

不知以上股票在我年龄是否適合長期持有？是否該先淘汰那些劣質，但我個人又不知他們是否跌冇可跌，可以先擺著看？

龔成老師︰

從長線投資價值，同埋你人生階段計，這些股票都係可以，但有以下幾點要注意︰

1) 黃金是貴金屬，有「終極貨幣」之稱，是人類自古以來的貨幣，因此，有持有價值，而現時我地的現金，一定長期貶值，所以黃金長期會向上。

不過，黃金沒有現金流，持有無法創造出經濟價值，其主要作用是對沖黑天鵝事件。

所以，你可以投資黃金，但不用佔財富比例太多，我一般建議係佔財富組合3%左右就足夠。

你用價值黄金(3081)投資係可以，但更理想做法係用實金。

2) 你持有的股票數目就偏多，會難於管理，100萬以下的組合，建議"長線集中"係5-10隻較爲合適。

否則，你好難定期審視佢地架質素變化。

3) 你現時組合明顯偏重晒係港股，建議你未來加入一些美股，令整個組合變得更平衡。

但要留意，個別地區不建議超過組合的8成，如果不懂選股的話，可以考慮加入(VOO)，作用類似盈富（2800）。

Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。

由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。

4) 要留意的個股︰

雅居樂（3383）面對中國樓市有風險，加上佢本身負債較高，相信會對佢有影響。

但如果投資，要有心理準備是上落大，一定要小心控制注碼。

互太紡織（1382）這股質素中等，長線不宜持有太多。

5) 現時大市在合理區底，我建議你可以慢慢加多少少注碼，雖然現時港股較波動，但畢竟價唔高，有一定長線值博率。

反而美股，現時算係合理區中上至頂（要視乎股票)。納指會再高少少，大致合理區較上部。雖然我建議你加美股，但因為唔平，只宜小注咁慢慢加。

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。