Q35361：

Hi 龔老師，請問你覺得香港前景如何？大環境變了，港股係咪唔好持有太多？定係現在是值博機會？你仲有冇買港股？有冇港股你覺得值博率高啲？

我都有買美股，一股一股買，所以唔多，美股唔認識，我主要買VOO ，上年$3xx 每月入數股，後來覺得貴冇再入，到而家$4xx, 唔知入唔入好, 定係唔好理，每月買1股，當儲錢？我用緊Charles Schwab 冇手續費

謝謝解答

龔成老師︰

雖然好多人都睇淡港股，但我自己認為，港股仍有投資值博率！

中國、香港等的經濟，的確面對一些挑戰，但投資者最重要睇長期，現時市場過份悲觀，所以，反而是一個投資時機。

我近年都有加注在港股，但同時，明白港股的政治、政策等風險比過往增加了。因此，我組合也同時有美股，平衡配置比過往變得更加重要！

相信中美會成爲未來10到20年的世界經濟大國，因此，在兩個國家中，一定會有優秀的企業出現。

現時港股的確有投資值博率，但理財講求平衡配置，同一個地區不建議超過組合的7成。因此，如果手上港股比例偏多的話，將來有資金應該分配到美股上。

我仍然會持有港股，同時都會投資美股。

Vanguard標普500指數ETF〈VOO〉，是追蹤標普500指數的ETF，對於不懂選股的人是一個很好的投資選擇。

現時美股大約處於合理區較頂位置，你可以投資，但不是大注，月供或分注買入是可以考慮的策略。

Q35362：

醫療股好嗎？

有咩推薦？

龔成老師：

如果是醫藥類，美股可留意輝瑞。港股則中生製。

輝瑞公司 (PFE)有質素，佢是一家全球研究型生物製藥公司。

集團主要從事醫療產品的發現、開發及生產業務，其全球產品組合包括藥品和疫苗。

最新的口服藥相信會有好廣泛的應用，長遠正面，亦反映企業的研發能力。

此股有一定投資價值，但礙於業務性質關係，盈利方面會較為波動。現價算合理較下部，可分注或月供儲貨，並長線持有。

但由於業務上都有一定不確定性，令投資風險增加，故不宜太大注。

中生製藥（1177）長遠有發展。不過，市場其中一樣擔心是中國政府的採購政策，影響企業賺錢能力。

自從帶量採購政策開始，部分中標藥物降價幅度可以超過五成，對相關企業影響不少，令中生製近年的股價較弱。另一方面，中國政策近年鼓勵藥企發展創新藥，而過往不少藥企都以發展坊製藥為主，故此對不少藥企有所影響。

雖然這些行業政策的改變，影響了企業的賺錢能力，不過，行業同時進行汰弱留強，所以長遠對一些較有實力的企業來說，不一定是壞事。而中生製藥，是中國藥企中，其中一間較具研發能力的，而經過近年的投資期，特別是部分創新藥陸續進入收成期，這股將慢慢好轉。

部分創新藥，開始為中生製貢獻不少收入，同時增長快速，加上近年投入大量資金研發，考慮到這企業過往能不斷推出新產品及擁有的研發能力，相信之後能保持推出具有競爭力的產品。

投資這類醫藥股，投資者要集中睇長遠前景，而不是短期情況。

這企業短期仍受中國政策等因素影響，但長遠，企業仍是擁有一定的研發能力，長遠仍是有發展的。

要留意，始終醫藥企業有風險的，投資者要考慮自己的風險承受能力，控制注碼，如果你投資後不能承受股價波動風險，就不建議投資這股，同時，要控制佔組合比例不宜過多。同時要耐心持有，等企業收成。現價算是合理區中下至底部。

Q35363：

Mr Kung #6882 東瀛遊 此刻買得過嗎？ 短線投資, 睇 5 個月. 😆

龔成老師：

東瀛遊（6882）質素不算高。

佢係香港及澳門的旅遊公司，並以「東瀛遊ＥＧＬＴｏｕｒｓ」品牌從事以下三項業務：

１﹒旅行團：營運傳統旅行團、主題旅行團（如美食旅遊、婚紗攝影旅遊、遊學團及運動之旅）、ＭＩＣＥ及

定制旅遊（包括公司獎勵旅遊及遊學團）；

２﹒自由行產品：設計及供應自由行產品，包括僅預訂航班、僅預訂酒店及航班加酒店套票；

３﹒輔助性旅行相關產品及服務：提供旅行簽證申請服務、旅行保險服務、入境遊的交通安排服務（包括火車、旅遊車及機場快線預訂及日本租車服務）、門票銷售，以及向入境遊客零售禮品及紀念品。

近年疫情對佢影響好大，但相信已經開始好轉，但要留意，業務風險高，股價上落好大，因此投資者要明白風險。

所以，雖然疫情退卻對佢有利，但本質始終有一定的風險，因此投資價值只是一般，如果投資者睇好，也只建議小小注投資。

Q35364：

請問龔sirTSLA剛出業績比預期差，亦預計嚟緊增長會放緩，大行紛紛下調目標價，若現價入覺得OK嗎？🙏

龔成老師：

特斯拉Tesla, Inc.（TSLA）長遠有發展，但股價上落大，要注意這方面的風險。

由於業績弱，加上市場競爭加大，以及這刻估值仍在合理區較上部，所以短期股價仍一般。但長遠，仍有發展的，不過要明白短期波動。

Q35365：

941 可以入

股息多嗎？

龔成老師：

佢有收息及平穩增長能力，現價合理，可投資。

中移動（0941）有質素，5G對佢有正面影響，長遠發展仍正面，值得長線持有，作為收息及平穩增長。

過往中國的電訊企業每月每戶平均收費不算高，而5G業務的ARPU則去較高水平，在5G用戶持續增長的前提下，帶動業績理想。

過往幾年的股價弱，但情況開始好轉，其中一個原因與支本開支有關，因為電訊業要投入巨額資本開支，影響現金流及派息，這令過往幾年股價表現都較弱，但到了近一年，中移動的資本開支有減少情況，反映投資最高峰時期已過，令企業現金流得以提高。

整體來說，這股有質素，有長線投資價值，如果本身有貨，可持有，是不差的收息及平穩增長類股。現時合理水平，都可分注投資。

Q35366：

想問下小米近期不停回購股份

係唔係代表公司自己知道有機會股價會上升

所以不停回購

龔成老師：

回購就是指公司買翻自己公司的股票，好多時之後會註消，令每一股的價值從而提高。

這動作會對短期股價有支持。

同時，反映企業認為現水平股價吸引，有投資價值，同時都睇好自己公司的前景。

但要留意，影響股價仍有好多因素，例如業務發展，才是核心。

Q35367：

老師你好，本人未買過美股，見現時美股升勢強勁，想賞試買下。請問有哪些美股可以推薦？現時可以買入？可以承受風險係中至高

謝謝老師解答

龔成老師：

投資美股，首先要有美股戶口（現時香港好多銀行、證券行都有），之後存入足夠美元，就可以進行交易。

美股與港股不同的，就是美股可以一股股為單位去買，而港股則要「一手」去買。另一個不同，就是交易時間，你要在美股開市（即香港晚上）才能買賣。

另外，美股收息要比30%股息稅。

至於其他，大致與港股一樣，總之買股票就是買企業，要投資一些有質素的企業，同時要留意平貴度。

如果未有美股選股能力，最好投資ETF，例如Vanguard S&P 500 ETF（VOO），就是追蹤美股的ETF，追蹤指數是標普500指數，當中都是全球有實力的公司，有長線投資價值。

至於個股方面，其實可留意巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）等，你可以了解下，並從中選股。

如果你能承受高少少風險，可同時考慮Invesco QQQ Trust（QQQ）是追蹤美股納指的ETF，長遠有潛力，是最簡單投資美股潛力股的工具。

由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。

最後要留意，現時美股唔平，投資要控制注碼，最好慢慢分注去買。

Q35368：

老師，我已移民，請問會唔會考慮開一個純美股投資班，可以zoom上堂？

我曾諗過飛返嚟上堂但一班橫跨兩個月真係做唔到, 同埋都唔會再投資港股了

我帶咗你啲書同你之前介紹過嘅其他書過嚟，會一本本開始睇，但認為始終不及上你堂好。

另一個問題係，英國係不可以買美股ETF的，只可一隻隻美股買，現時持有CVX, NVDA 同TSM.

另有在香港買入嘅VOO, XLP, SCHD, ICLN 同BND, 但過咗嚟就不能再增持。

希望可以俾啲意見🙏🏻多謝老師

另外我而家36歲，冇負債，有全職工作，希望5年內可以買樓，而家有50萬，30萬放咗係以上美股同ETF內，另外20萬做緊定期，一年有5%回報。

龔成老師︰

其實我同天窗出版社，合作開辦左一個網上課程，題目是關於「資產配置」的，即是講述各種資產與投資工具的特性、投資價值、在財富組合中的角色，至於股票內容就唔算多。你有興趣可睇睇：

http://bit.ly/3pP252j

課程按「人生階段」、「財富累積」、「資產特徵」設計，更有給年輕人、已婚人士、退休人士的精明理財建議。

完成課程後，你會學到：

✓財富系統概念，不再被炒差價的框框束縛；

✓股票、基金、債券、的士牌等資產的運用和買賣技巧；

✓懂得分辨資產質素和平貴，在最合適的時機買賣；

✓如何以最低的價錢，買到最具升值潛力的物業

✓致富3部曲，如何從當下這刻開始啟動！

至於股票班，或日後有機會開的美股班，由於內容太重要，只有實體班，唔會開網上課程。

因為之前實體股票班試過比人偷拍，之後放左上網賣，最後要搞到報海關先處理到，好煩。所以，網上類的教學，都好擔心有偷拍問題，風險太高，因為好多課堂內容，都唔想太公開，只想自己學生知，所以暫時都唔會搞。

你可以睇住書先，同時多睇新聞和年報，去提升技巧。

你手上架美股，都適合長線持有。但Schwab U.S.Dividend Equity ETF(SCHD)增長力唔高，同埋佢派息會被美國稅局扣起30%，英國個邊如果過左免稅額，你都要交股息稅。是否值得"長線"持有，你要再諗真。中短期，當然有機會受惠於減息，令股價向上，但長線未必太有利。

最後，港股雖然現狀好差，但同時值博率都變高。我地投資要從長線角度去諗，到底恆指架公司會從始一沉不起，定係只係處於一個較差架階段，長線係會正常翻。你要用長線思考架角度，唔好被消息和氣氛影響，盡力去作出一個客觀和理性架決定。

加油!!!

Q35369：

3110 比2800 好嗎？

龔成老師︰

以現價值博率計，2者相若。

至於投資邊隻較好，好睇你年紀和投資取態。

3110會係主要收息，增長力唔明顯，較適合保守、年長和退休人士。

2800會有平穏增長，較適合進取少少，距離退休尚有較長時間人士。

Q35370：

老師，我係退休人士，上了你的股票班，做了配置作收息被動收入。現在香港的市況是投降式下跌，我可以做什麼？

我的收息股配置有：

工行、建行、中行、中銀香港、置富、陽光、香港電訊、深高速、電能、中國移動

龔成老師︰

第一，這刻對你來說，最重要是現金流，所以只要企業派息好，你持續有現金流，短期股價波動，不用太著重，只要企業本質無出事就得。

第二，你除了收息股，同時要投資其他收息類的資產，不要太集中在收息股，如果這刻太集中，宜等大市上翻多少少，正常翻D的時候，賣部分收息股，轉其他資產。

現時的股價跌架問題，其實係因為近年大環境同時間面對好多不利因素，係以往極少見，所以導致個市咁弱。

疫情雖然已經過去，但港股仍然受住外圍加息，中國經濟情況影響，表現比較疲弱，但相信經濟會慢慢回暖，只是需要時間。

你持有的股票都有質素，可長線持有。但你要留意一點，你將來退休手上持有架收息股，是否一直持有收息。個重點唔係睇股價升跌，而係佢公司本質和派息政策有無變差。如果無變，咁就算佢個股價跌，你都唔洗理。

因為退休後架你，重點唔係做資產增值(即係賺股價)，而係要穏定架被動收入(即係股息)，千奇唔好錯重點。

整體而言，你手上架股票保留收息，係無問題。

但要小心銀行股的比例會否偏多，銀行的風險其實比一般行業高，因此，不建議持有超過組合比例的20%會較爲合適。

如果你怕股價波動太多，可以將部分資金配置在債券（要A評級以上）、定期、年金或者一些銀行低風險的投資產品。

只要你資金平均分配，不要過於集中某一類資產，股價升跌其實不是重點，長遠收息，創造現金流才是問題所在。