Q35451：

老師我係股票班既學生，想問coinbase最近回調，係咪買入機會啊？

龔成老師︰

用長線角度，算係。但你要明白佢回調架箇中原因，同埋佢而家成個投資價值架變化。

其實佢近期跌，主要係因為以往好多人投資對Coinbase(COIN)、MSTR、MARA、RIOT之類架股票，會視之為投資加密貨幣的替代品。但隨著BTC ETF出現(相信未來都有機會出現其他幣架ETF)，佢而個替代品架功能，可以算係完結左。

早前佢地都受BTC ETF將通過消息影響，出現大升(同期BTC其實無乜點升)。

所以，當個ETF落實左架時候。以往用替代品架人，就會開始將資金轉移更BTC ETF當中，令到相關(替代品)股票下跌。

未來佢架投資價值，就要完全睇翻佢業務和市場發展。

我依然覺得佢有長線投資價值，但同時間風險都係高，估值難。所以，你可以分注小注咁慢慢入，同時控制注碼，去等佢未來發展。

記住，一定要控制翻總投資金額，始終這是高風險股票！

Q35452：

老師比D建議

圖中的持股，邊D股可以放棄

龔成老師︰

當我地進行投資增值時，係會因應自已的財政狀況、風險承受能力、年齡、負擔、要求回報等，從而確認那一類股票較適合自已。

你的組合中，中電（0002）、滙豐（0005）、電能（0006）、港燈（2638）屬於收息股，如果你已是退休人士，可以持有。但如果你是年輕人，則不建議持有太多，否則會降低組合的增長力，可減持。

煤氣（0003）近年的增長力有所放緩，仍然有質素，但就不值得佔組合比例太多。

領展（0823）、盈富（2800）屬於平穩增值股，適合大部分的人，可以持有。

比亞迪（1211）、騰訊（0700）屬於潛力股，潛力股波動性大，同時存在一定的不確定性。因此，如果你是投資取態較爲保守又或者已經是退休人士的話，不太建議持有，避免組合的風險過高。

整體個股仍是有質素的，但在現時的加息周期，加上中國經濟較爲疲弱的情況下，可能要暫時守住先，耐心等經濟回暖。

另外，你現時組合明顯偏重晒係港股，建議你未來加入一些美股，令整個組合變得更平衡。

但要留意，個別地區不建議超過組合的7成，如果不懂選股的話，可以考慮加入(VOO)，作用類似盈富（2800）。

Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。

由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。

長遠，你要到港股及美股，同時持有。

Q35453：

我手上美股 同 港股比例

1:10 ，美股只有少量APL , Voo qqq

想加大美股比例

但如果咁既情況係咪應該減低每月$20000 港股月供呢

龔成老師︰

一個地區的股票比例最好不要超過7成，避免風險過於集中。

(AAPL)、(VOO)、(QQQ)都是有質素的股票，可以長線持有。

如果你港股的比例偏多的話，長遠可以減少供款，將部分資金投放到美股又或者加大美股的投資比例都可以。

慢慢令美股有30%以上。

不過，就唔洗話好急咁轉。畢竟美股現價唔平，反觀港股值博率高好多，而個時候太大手去換碼，唔係咁理想，所以你可以慢慢咁做。

Q35454：

龔老師，你好，對上一次找你分析問題已2年了。

我的問題仍在。

但幸好剛升職，入息多了，打算多做5年就辭職，做番份輕鬆少少的工（因現在工作壓力很大）。

不過我每月都冇錢儲，因不但要供樓，還要供養母親和我的貓咪（佢有長期腎病，開支大）。。

我的工種若辭職，會有公積金。

但因為股市跌了好多，我的公職金而家只有1百萬頭。

問題如下。

我仍欠銀行380萬 房貸，大部份錢去了股票度（資產已蒸發2／3），只餘100萬頭，手頭有100萬現金，而家不停做定期。

-＞想請問，你覺得，我應該將手頭個100萬還晒去房貸先，是否可以令個利息會俾少些？

-＞若辭職後，我將筆公積金還晒去房貸，你覺得對嗎？

-＞ 我其實最想知，若我一次還咁多錢，個利息係咪真係會俾少些？因現在我每月還錢，有12000係本，但差不多有10000是息的，好肉痛。。

抱歉，因我已嘗試問過銀行，但個個同我做按揭個人唔覆我，我親身去銀行，佢地又答唔到我，所以我想知，係咪真係會交少些息同會交少幾多呢？

謝謝，麻煩晒

即每日還款22000，有一半是息

龔成老師︰

有現金是應該先還錢還是做其他事，主要是由你投資經驗的多寡及成效來決定。

如果你本身有一定的投資知識，能夠為財富增值，咁當然可以先投資(畢竟一按息口現時唔算好高)。

但如果你本身投資知識不多，咁不如先還款，減少利息的支出會較爲有效(因為投資有不確定性，但還錢節省架利息開支係保證。)。

無論任何時候，我地手上都要有現金。若你真係打算還款先，你可以考慮將部分資金還款，但仍然要持有部分現金應付突發事件。

如果你提早還款，就等於你向銀行借少了錢，當然你還的利息就會減少。(因為樓按初期還款，主要係去左利息部份。愈後期架還款，還本金比重就會愈高。)

但每間銀行的利息都不同，會減少幾多，真的因銀行而異。

你現時架情況，如果你想保守D，係可以考慮還款。否則，你可以用資金去儲一些平穏增長股和收息股，去做退休前最後增值。

去到退休架時候，按情況決定是否即時還清樓按。(長線計，已退休人士我不建議有債務在身。)餘下資金，才買收息資產支持退休生活。

Q35455：

阿sir, 請問1308海豐國際質素好嗎？收息可以嗎？

龔成老師：

海豐國際（1308）主要從事提供集裝箱運輸、貨運代理、船舶代理、堆場及倉儲等綜合物流服務；及提供乾散貨船舶租賃、土地租賃及空運代理服務。

經營多條貿易航線，包括通過聯合服務經營的貿易航線條通過集裝箱互換艙位安排經營的貿易航線。

呢d貿易航線覆蓋中國大陸、日本、韓國、台灣、香港、越南、泰國、菲律賓、柬埔寨、印尼、新加坡、馬來西亞及文萊主要港口。

這企業整體仍有質素，經營也不是有問題，只是之前疫情令運費大升，令這企業十分好賺，股價大升，派息也十分高，而這刻大環境回到正常狀態，盈利回落是正常的事，至於派息，投資者不能預期有之前超高息的情況，相信之後的派息都會減少。

所以，投資者不要預期這股是高增長類，也不是超高息股，可以定義這股為平穩增長類型的股票。

現價在合理範圍，不過有一點投資者要留意，航運股對全球經濟週期較敏感，因此會令股價有點波動，投資時都要控制好注碼。有貨的投資者要明白股價會波動，同時派息會減，因此都不宜持貨過多，但持有基本的貨是可以的。

Q35456：

老師，想了解下，美股買賣配置方面

龔成老師：

投資美股，首先要有美股戶口（現時香港好多銀行、證券行都有），之後存入足夠美元，就可以進行交易。

美股與港股不同的，就是美股可以一股股為單位去買，而港股則要「一手」去買。另一個不同，就是交易時間，你要在美股開市（即香港晚上）才能買賣。

另外，美股收息要比30%股息稅。

至於其他，大致與港股一樣，總之買股票就是買企業，要投資一些有質素的企業，同時要留意平貴度。

如果未有美股選股能力，最好投資ETF，例如Vanguard S&P 500 ETF（VOO），就是追蹤美股的ETF，追蹤指數是標普500指數，當中都是全球有實力的公司，有長線投資價值。

至於個股方面，其實可留意巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）等，你可以了解下，並從中選股。

由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。

最後要留意，現時美股唔平，投資要控制注碼，最好慢慢分注去買。

Q35457：

龔sir, 請問868 信義玻璃值得繼續持有嗎？

龔成老師：

其實佢本質不差，長線投資價值仍在，但佢部分產品，受中國地產市道影響。

而中國市場近年需求放緩，中國玻璃行業近1、2年經歷困難時間，因為玻璃與建築及房地產行業都有關連，相關因素令中國市場浮法玻璃的平均銷售價下降。

因此當中國的地產市道不景，對玻璃行業都有影響。因此，相信這企業在中短期表現會一般，要到中國的建築及地產行業有好轉情況，對佢才會有利。

因此，你預短期仍一般，最重要是控制持貨比例，如果貨不多，就無問題。

Q35458：

Panw，美股有前景？

龔成老師：

Palo Alto Networks, Inc.（PANW）派拓網絡公司是一家基於平台的網絡安全供應商，產品涵蓋網絡安全、雲安全和安全運營。這家總部位於加州的公司在全球擁有超過85,000名客戶，其中包括全球2000強中超過四分之三的客戶。

其實佢生意與業務都增長不差，不過企業未有盈利，市場估值也會有較大分歧，你預佢股價波動。

企業有發展，行業都有前景的，但現時估值唔平，特別近期升得太多了，這類股最擔心佢就算業務增長，市場睇法改變都可以股價大幅波動。如果你睇好，只建你小注投資。

Q35459：

請問龔sirA股603918金橋信息及深股000538雲南白藥的前景如何🤔🙏

龔成老師：

A股無特別研究。金橋信息初步睇較一般。

至於雲南白藥（000538），初步分析，企業業務不差，有一定的規模，生意與盈利穩定，但始終行業都波動，令股價上落都大，現價合理，不過投資都要控制注碼。

Q35460：

龔sir. 有銀行做捆綁推廣, 若果我每月能有一筆三萬元的證券買賣, 該月就可額外多一千五百元的存款利息(扣除交易傭金應該都仲過千元)。

但我一路以嚟都聽你教導分注投資,好少咁大筆。都驚買盈富一筆三萬元也有風險。有冇啲股票或者etf基本上唔會太大波動？(咁我可以考慮, 從而賺取嗰個額外存款利息。) (甚至可以月尾買月頭賣返出去)

龔成老師：

GX恒生高股息率（3110）是一個收息的ETF，佢股價會比其他ETF穩定，不過，始終都有一定的波動性（無法避免）。

佢是一個投資收息股的基金，追蹤恆生高股息率指數之表現。

可以視為收息股的組合中其中一員。這基金可投資的，現價合理，可分注。佢是投資香港大型，較穩陣，派息較高的上市公司。

這是不差的收息組合，但增長力不強。

但要提翻你，我地投資，最重要是投資一些有質素，適合自己的項目，並不會因為貪其他野而投資不適合自己的項目，小心本末倒置！