Q35331:
阿sir, 現在值博率如何排,1810,916,1830,9866,1686?thx
龔成老師:
大約:
1810
1830
916/1868
9866
Q35332:
巴郡美股代號?入場費?
新手!未買過美股!😅
龔成老師:
Berkshire Hathaway Inc(BRK.B)即是巴菲特主理的巴郡B股。
現時1股約$380美元,你預港幣$3000。
你要先開了美股戶口先買得。
巴郡是一家控股公司,擁有從事各種業務活動的子公司,包括保險和再保險、公用事業和能源、鐵路貨運、製造和零售,屬於大型綜合企業,可以理解為一個投資公司,或可視為一個基金。有質素,可以長線。
由於有巴菲特作操作,基本上有一定質素,有長線投資價值。
巴郡的平貴度,建基於其資產組合平貴度的分析,考慮到現時主要持股的平貴度,大致推算巴郡在合理區中上,有興趣的投資者可分注,或用月供方法去儲貨,並長線持。
Q35333:
2318我輸好多!
請問可否轉其他?
龔成老師:
中國平安(2318)近幾出現一些不利因素,令股價都比較波動,例如增長力減慢慢以及資產質素較弱,例如佢背後持有一些企業,出現債務問題,加上中國經濟有轉弱風險,佢生意都有受到影響。
這股長線投資價值依然存在,你可考慮減部分(不用賣晒,因為佢都有質素的),轉去941、386會較穩陣,或轉到美股VOO都得(最重要是建立一個長期優質、平衡的組合)。
Q35334:
你好,老師!Update 返少少我既資料現況,之前有請教過你工作同收入方面既問題,咁我仲係做緊同一份工,最近都仲係停留係儲本金既階段,雖然比起之前收入高左,但都仲係間中會有冇收入既月份,儲錢實在慢。
而我現階段想做下小生意,賣下我既手作產品,呢樣野都需要一筆少少既錢去開始,本來想係屋企製作,不過地方太細實在唔允許,唯有要出去工廈到租細細一間既office, 都係一筆支出。
呢到想問問老師,唔知老師贊唔贊成借錢做生意?
另外仲有一個問題,就係我父母俾左一筆錢我,想我幫手做定期,因為佢地都退休,但暫時未用到啲錢,又唔想就咁放係到,所以想睇下有冇息收。但我一聽到做定期就諗起老師教落, 做定期真係好似好浪費咁,但呢筆錢始終唔係我既,拎去投資又怕失手,想請教老師有咩睇法。
老師可以得閒再回覆,太感謝你!
龔成老師︰
其實睇你借幾多,好多人做生意都係用槓桿。不過,你始終人生和工作經驗淺,如果係太大架數,而個生意你又唔係好有信心,就可能太高風險。
所以,借貨做生意係可以,但要從你還債能力、生活現金流、生意增長潛力去做平衡。
其實我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。
例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。
你父母已經退休,其實做定期都係一個可行選擇(若係用在你這樣的年青人身上,就會太保守)。
其實一般退休人士,我會建議將退休資金分成5部分。
第一部分投資收息股,可以建立一個收息股的組合,目標是5%以上股息率的收息股,例如港燈(2638)、深高速(0548)、香港電訊(6823)、工行(1398)、置富(0778)、陽光(0435)、高息基金(3110)都可以,你可以了解下,並從中選股。
另外,有些更有超過8%的高息股,但股價就略有風險,你可以小注考慮,例如佐丹奴國際(0709)、中石化(0386)、偉易達(0303)等(記住,股價略波動,不能太過大注)。
(你可睇下《50穩健收息股》當中仲有好多)。
你平衡的投資這些股,除了可以得到穩健的收息收,同時可有效的分散風險。
第二,投資債券,你可以選擇A評級的債券,年期較長都可以,但利息卻不高。你可以到銀行問問。
第三,投資年金,你可以睇睇,這是適合你們的產品,零風險,可以有穩定回報。
第四,你亦可投資銀行低風險類的產品,你可自行到銀行了解下,總之是「低風險,持續現金流」的。
第五,持有現金,以備不時之需。同時,若投資市場大跌,你也可以考慮買到更多的收息股,因股息率會進一步上升。
你只要平衡地分配在上述的項目上,對你父母來說是最好平衡風險,同時有穩定的現金流。
如果你本身未有太多投資經驗,可以先集中做年金、定期先,因為佢地風險最細。同時加少少收息股或/和債券,去提高息率回報,咁就可以。
Q35335:
-年齡40
-有女兒
收入:$67000
每月其他開支(家用、2夫妻開支、女兒開支):20000
-有一物業,需供30年,現供18000
還款:$8000/月,到2025年5月
還款:$20000/月,到2028年6月
-有股票,阿里巴巴(9988) 900股,政府綠債(4273)500股
-現金10萬
-10萬定期
應如何配置才好呢?
謝謝你抽空幫忙分析
我是希望可以有一些固定收息股和資產增值的配置。
現階段未必做到,但1年半後$8000的還款完成了,希望可以有方向怎麼配置。謝謝
龔成老師︰
當我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。
例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。
以你現時40歲去計,你可以投資「平穏增長股」和「潛力股」。
你可以用每月5成儲蓄做月供,其餘先儲起,用一邊月供一邊儲蓄的策略。
選股上,你可以投資在平穩增值股,例如指數基金,美股如(VOO)、港股如盈富(2800),另外再加:美股如巴郡(BRK.B)、蘋果公司(AAPL)、迪士尼(DIS)、Costco好市多(COST)、麥當勞(MCD)、可樂(KO)、港股如中銀(2388)、港鐵(0066)、恆基(0012)、港交所(0388)、領展(0823)、長建(1038)等。
如果想增長力高少少,可考慮潛力股,例如指數基金,美股可投資納指基金(QQQ),或在港上市追納指基金(2834)、港股則可考慮安碩恒生科技(3067)、中國電車基金(2845)。另外再加:美股如微軟(MSFT)、Visa(V)、ASML Holding(ASML)、Tesla(TSLA)、Amazon(AMZN)、港股如阿里(9988)、騰訊(0700)、比亞迪(1211)、小米(1810)等,你可以了解下,並從中選股,但佢地波動性和風險會較高,要自己平衡。
如果你現時無太多投資經驗和知識,潛力股這類風險較高的股票,你就不要持有過多,最多維持2-3成好了,甚至先集中係平穏增長股類。
若你有一定投資知識﹐潛力股比重可以相應調高,佔組合約3-5成,視乎你投資知識多寡和了解這些股票程度而定。
現時大市只是合理區底部(港股)和中上部(美股),,你現有10萬資金可以先投入一半,用"分注"形式,慢慢買貨。餘下一半和每月所儲到的資金,就等大市出現一定程度的下跌,才大力度掃貨,然後長線投資。
至於政府綠債(4273)和定期,主要係收下息,增長力不高。如果你自問風險承受力不高,或者暫時無太多投資經濟,可持有。
但長線建議都將部份投入優質股,對你長線財富增值會較有利。
Q35336:
What is happening to stock #2013 ? Why is it dropping so much recently? Is it safe to buy and hold?
Heard it wants to reorganize the company. Good prospects after reorganization? Thanks
龔成老師︰
微盟集團(2013)集團主要在中國從事提供軟件即服務產品及營銷服務,佢一向都好高風險的!
佢的產品分為「商業雲」解決方案、「營銷雲」解決方案及「銷售雲」解決方案三類。
「商業雲」可助商戶開設線上業務並助彼等提升顧客參與度、轉化率、收益及忠誠度。「營銷雲」通過大數據分析能力及AI技術為商戶提供智能營銷服務。
這些都是將來發展的趨勢,從業務潛力上,的確是有的,但見佢財務數據不算強。過往估值上都唔平,所以當大環境轉差,自然會出現較大架回調。
如果投資都得,但長線只小小注,同時要明白佢不確定性大架風險。
至於佢重組,初步睇似係股權變化,估計對本質無太大影響。
Q35337:
現在資產情況:
我同先生(41歲)2人共月入13.5萬,扣除所有開支,每月剩$45000 。
港幣現金$130萬
美金US$5.2 萬
日元¥40萬
歐羅€3000
人民幣 $2.4萬
$310萬股票倉,現在得返$200萬
我2020年上完Sir 堂之後,2020先開始學習買賣股票。現時這些股票分咗4個戶口。
戶口1: 我自己操作約$56萬,有14隻,大部分係高風險股票跌咗50%🥺 平安好醫生同雅生活已經跌咗80%😢
股票/數量/均價/佔比
比亞迪電子285/4手/$26.5/20%
阿里巴巴9988 /6手/$164/13%
中國生物1177/9手/$6/9%
騰信700/1手/$448/9%
完美醫療1830/7手/$3/7%
小米 1810/10手/$21.6/ 8%
中國鐵塔/788/9手/$1.38/4%
龍源916/2手/$9.3/3%
平安好醫生/1833/$68/3%
舜宇/2382/$121/3%
雅生活/3319/12手/$22/3%
新意網/1686/2手/$6.5/2%
春立/1858/4手/$20.9/3%
戶口2: 月供戶口現時市值有$33萬,現時跌緊34%。
2020年3月開始月供$16000 (盈富,安碩恒生科技3067 各$4000,其他領展,港鐵,中銀香港,恆地各$2000 )。由2021年用居屋轉按的$$ 買咗私樓後,月供股票改為每月$8000 (恒基,港鐵,中銀香港,3067 各$2000 )
戶口3: 中銀有$158萬(比較多有34隻,高風險50%,增長股20%,收息30%)
現在跌緊33%,得返$100萬左右。
每年收息約$60000。
收息 (14隻)成本約$434,000
中電002 / 1手/$70
粵海270/5手/$11.6
深高速548/1手/$7.5
置富778/2手/$7
領展823/7手/$62.5
中移動941/1手/$47.5
長建1083/3手/$3.5
港華燃氣1382/7手/$3.54
工商1398/5手/$5.3
富豪1881/10手/$1.3
中航租貸2588/4手/$51.5
港燈2638/10手/$7.75
香港電訊6823/4手/$10.2
增長(10隻)成本約$308,000
恆基012/2手/$29
地鐵66/1手/$38.8
港交所388/1手/$315
六福590/1手/$15
中國鐵塔788/8手/$1.4
長建1038/2手/$38.5
金沙1928/3手/$27
太古1972/3手/$20
中銀香港2388/1手/$21
盈富2800/5手/$20.2
潛力 (10隻)成本約$675,000
騰訊700/3手/$434
阿里巴巴9988/12手/$156
中國生物1177/20手/$5.8
比亞迪1211/1手/$38.5
福壽園1448/11手/$6.2
小米1810/20手/$19
完美醫療1830/5手/$3.8
平安好醫生1833/12手/$75
舜宇2382/3手/$125
雅生活3319/20手/$18
戶口4: 老公自己操作$70萬,輸35萬左右
置富778/2手/$6.5
盈富2800/10手/$23
江南布衣3306/5手/$14.4
中國鐵塔788/10手/$1.44
長建1038/2手/$38.7
福壽園1448/3手/$7.8
比亞迪電子285/2手/$23
工商銀行1398/2手/$4.5
煤氣003/1手/$11.78
玖龍紙業2689/3手/$10.22
中國移動914/2手/$49.5
龍源916/3手/$8
中航租賃2588/5手/$48.15
DynamJapan 6889/15手/$7.25
完美醫療1830/8手/$2.45
1. 自住居屋(不用補地價)2012用$250萬買,2019以$550 萬甩名𨍭按,套現$300萬,現欠銀行$270萬,供30年,$12000 /月。現估值$420 萬。
2. 2021年7月中用了$100萬(1成首期,印花稅及雜費)我名義買入樓齡40年(已做大維修)地鐵站上蓋新葵芳花園高層2房408實呎,買入價$682萬,現在跌咗20% ,估值$550萬,現月供約$27500 ,收租$15000 ,每月沒有正現金流,收租金後,還要支出$13000。
2人MPF $150萬
問題:
1. 近2年除咗月供股票外,沒有投資金錢入股票市場,我大部在恒指 18000-24000 左右買入。因為現在4個股票戶口都有30% 以上損失。我明白股票投資是長線,但現時手上股票,有冇那些需要調整?
2. 現時港股市值比較低,係咪好時間逐步買入收息股?等日後加減息,股價回升,賺價+ 賺息?
3. 現時月供$8000 4隻港股(恒基,港鐵,中銀香港,3067),手上股票100%港股,好唔好將$8000 轉月供美股VOO ?
4. 樓市跌咗20% ,我2層樓短期都不會賣,因為暫時都唔會離開香港。新買的第二層樓,現時供$27500 ,利息約$14000 ,收租$15000 ,雖然沒有正現金流,但我當租客幫我比利息,差額我當自己儲錢。近排有睇過珠海/中山樓盤,150萬左右,800 呎,如果揸車往返香港約1.5小時,有諗過退休後返大灣區住,將香港2層樓全部租出。如果要在大灣區買多一層樓,首期約$35萬,每月供$6800,30年。有3層樓,大灣區的樓冇預計會任何升值,只係當低成本住屋需求。咁好似放得太重在房地產?
5. 之前set 2025 年有資產$1000萬,2030 年有2000萬。想工作到2030退休,每月有$50000被動收入。不過以現時資產情況,好似未必可以實現😓
請教亞Sir 🙏
龔成老師︰
1) 質素上,你持股都可以長線。
但0270、0003、1382、1448近年質素弱左,而3306和2689本身質素都較一般,這些長線不宜持有太多。
另外,你持股太多,建議你長線集中翻係10-15隻以內,否則你好難定期審視組合持股質素,咁係好危險。
同埋,你現時組合明顯偏重晒係港股,建議你未來加入一些美股,令整個組合變得更平衡。
但要留意,個別地區不建議超過組合的8成,如果不懂選股的話,可以考慮加入(VOO),作用類似盈富(2800)。
Vanguard S&P 500 ETF(VOO)就是追蹤美股的ETF,追蹤指數是標普500指數,當中都是全球有實力的公司,有長線投資價值。
由於美股波動,不建議一次過大手買入,最好的方法慢慢分注,或以類似月供模式進行,長線持有,這是一個最好的投資策略。
2) 都可以,不過長線收息股增長潛力,點都唔及水桶1和2。以你年紀,應以1和2為主。
3) 唔先轉晒,要平衡。而且,美股現時係合理區中上,以平貴度計不是大手入貨時機,建議只轉部份月供預算去美股。
4) 會太偏重物業類,你未有咁快退休,建議唔好太快再投入物業類住。到時你將近退休,真係落實點樣生活,先再行動會較好。
另外,我Youtube剛放左2024年股樓架睇法,你都可以睇翻。
https://www.youtube.com/watch?v=XXy6Ue8U8fI
https://www.youtube.com/watch?v=LpBB-KF7Taw
5) 其實有時大環境架變化,唔到我地控制,只能盡力做去能掌控範圍內架事,其他就見機行事。
現時全球衰退風險、通漲問題、地緣政治和戰爭危機依然存在。
表面上,經濟好似復常,但另一邊大型企業正不斷裁員,難言經濟理想。
你要明白,現時面對係過去20-30年以來最複雜架環境,好多問題都一次過發生。所以,你預中短期一定會好波動,但我會邊穏陣投資之餘,都會同時找尋市場機會。
記住,成功架投資者,除了要掌握好價值投資技巧外,仲需要好強架心理素質,才可以令自己長線投資回報,比坊間散戶更優勝。
Q35338:
咁3110算平未??
同埋永利仲有冇投資價值??7.5買入
龔成老師︰
3110算合理區底,至到開始少少平。
至於永利澳門(1128)主要於澳門擁有及經營綜合娛樂場度假村,包括永利澳門及永利皇宮。增長力不算強,但相信都有平穩增長力,相信長遠派息不差。
佢業務情況慢慢向好,但全面回勇始終需要時間。
佢投資價值仍在,不過就不是高增長股,相信有平穩增長的能力,同時有一定的派息,可長線持有。
Q35339:
買賣美股同港股分別?
1)對滙率
2)交易費較港股高?
3)買入數目 ?月供或每手入?
4)美股開市時間是本地晚上9至早上9點 有時差?
David Lg
5)美股 有那種如 2800 ?反映大市表現值得入?
龔成老師:
1)有匯率,所以不用擔心
2)要睇你的平台。一般證券行會較平,銀行較貴
3)可1股股買
4)對,要晚上進行交易,例如現時是香港時開晚上10點半開始
5)對,VOO
投資美股,首先要有美股戶口(現時香港好多銀行、證券行都有),之後存入足夠美元,就可以進行交易。
美股與港股不同的,就是美股可以一股股為單位去買,而港股則要「一手」去買。另一個不同,就是交易時間,你要在美股開市(即香港晚上)才能買賣。
另外,美股收息要比30%股息稅。
至於其他,大致與港股一樣,總之買股票就是買企業,要投資一些有質素的企業,同時要留意平貴度。
如果未有美股選股能力,最好投資ETF,例如Vanguard S&P 500 ETF(VOO),就是追蹤美股的ETF,追蹤指數是標普500指數,當中都是全球有實力的公司,有長線投資價值。
至於個股方面,其實可留意巴郡(BRK.B)、蘋果公司(AAPL)、迪士尼(DIS)、Costco好市多(COST)、麥當勞(MCD)、可樂(KO)等,你可以了解下,並從中選股。
由於美股波動,不建議一次過大手買入,最好的方法慢慢分注,或以類似月供模式進行,長線持有,這是一個最好的投資策略。
最後要留意,現時美股唔平,投資要控制注碼,最好慢慢分注去買。
Q35340:
Ok, 如果以優質股來說 0066 2800 941 1088 17 是否值得月供?Thx
美股要用美元買入!如無足夠資本 不能勉強買入 ?
龔成老師︰
你講架港股都長線投資價值,都可以月供。但中國神華(1088)和新世界發展(0017)質素中等,只宜小注。
而美股係要用美元買,長線建議點都有D美股,用來平衡組合地區性風險。
如果你現時資金少,可以儲下錢先,畢竟現價在合理區中上區,但長線建議都將佢加入組合之中。