Q42111：
你好，我想報八月課程
但有啲時間上唔到堂有冇得補堂？
龔成老師：
有的，如果個別堂無法出席，將會安排你在下一期，補翻該堂。
你只要預早在報名時，同我同事講就得。
Q42112：
阿Sir你好，我係你股票班啲舊學生，我最近有諗過買樓改建做劏房投資，但係實行之前我想搵個導師教吓
有冇邊個導師你覺得可靠嘅可以推介？
龔成老師︰
我唔會評價個別導師，同時也不會推薦導師。
不過，你要明白現時物業市場，已經同過去20-30年唔同，未來唔會再好似以往咁大升，只會平穏發展格局，唔大升，又唔大跌。
劏房方面，其實法規本身係好複雜，而且近年見政府都開始調整法例要求，令到成件事不確定更高。
除非你自己好熟，否則建議你唔好投資。永遠投資目標，必需係自己有足份認知架範疇。
Q42113：
電能實業(00006.HK)
中國銀行 (03988.HK
滙控(00005.HK)
小鵬汽車-W (09868.HK)這4隻股票宜家大勢點樣？
龔成老師︰
長線投資價值的話，其實4隻都有。不過，我地投資邊類型架股票，係要睇人生階段、經驗等因素。
我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
如果你係近退休之年，就應以較保守的收息股為主，故0006、3988、0005都係可以。
相反，你係偏年青，0006、3988、0005佔你組合比例就未必要太多。
反而應該買多少少具增長力的股票，小鵬汽車（9868）就相對適合。
不過，小鵬汽車（9868）業務波動，長遠有發展力，但由於佢業務風險較大，這股就算睇好都不建議太注，同時要明白風險。
近年業務增長快，前景都有，但始終都較新興，財務數據一般，所以都會有風險，這股有長線投資的價值，當小注投資都可以的，但預佢股價上落會大少少。
所以，如果你想買潛力股，應該建立潛力股組合，而小鵬只能佔一小部分，你應該再加入其他潛力股。
Q42114：
龔sir，如果預計十年後退休， 資產配置方面，需要增加邊一類別？🙏🏻🙏🏻🙏🏻
龔成老師：
如果10年退休，就要開始準備，可以慢慢增加「收息類資產」，到你退休前5年，最好大部分都是這類資產項。而這些都是風險相對較低，同時目標是幫你創造現金流的。
第一，建立一個收息股的組合，目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
3110可以視為收息股的組合中其中一員。這基金可投資的，現價合理，可分注。佢是投資香港大型，較穩陣，派息較高的上市公司。
這是不差的收息組合，但增長力不強。
第二，投資債券，你可以選擇A評級的債券，年期較長都可以，但利息卻不高。你可以到銀行問問。
第三，投資年金，你可以睇睇，這是適合你的產品，零風險，可以有穩定回報。
第四，你亦可投資銀行低風險類的產品，你可自行到銀行了解下，總之是「低風險，持續現金流」的。
第五，持有現金，除了可做定期外，現金亦可以為你的後盾，以備不時之選。同時，若投資市場大跌，你可以在這時買到更多的收息股，股息率會進一步上升。
你可以將資金，平衡地分配在上述的項目上，慢慢增加上述資產，對你來說是最好平衡風險，同時有穩定的現金流。
Q42115：
我覺得比特幣近期點解會升咁多，有可能係另一個渠道比人避險，即同黃金同一類，不過我唔敢直接買比特幣，因為買都只能買0.000x
龔成老師：
加密貨幣，有沒有真正的價值，如何定義真正的價值，合理價是多少，根本無真正的計算方法。
這些人為創造的貨幣，因為關注度由很少變得大，價格會大升，但這背後是否有真正的支持，根本無從計算。只能說，投資這些貨幣，投機味好重，可能大賺，亦可能蝕到一文不值，因為，當中價值，根本好難量度。
但這不代表佢無價值，佢可能好勁。
部分加密貨幣的長遠價值，取決於「有多少人用」，即是說，背後可能有「交易價值」，如果長遠好多人用，的確可能有高價值。
如果分析到佢長遠的交易大，大家都持續關注，就有價值，就值得投資。
另外，投資者可以從這些貨幣和其智能合約平台，長遠是否有功能上的價值去分析（部分可能有的，但就要仔細分析），這就會產生「功能價值」。
我並沒有支持或反對投資加密貨幣，只能說，加密貨幣風險高，可能大賺，可能大蝕，因此不建議大額投資。
如果有興趣，可以用以下的心態投資，首先，預期可能會大跌，心態上只用「閒錢」投資，就算不幸大跌都無影響，但要求回報一定是倍計，博加密貨幣有多倍計的升幅，絕不要升少少就賣。
Q42116：
想知你點睇Brookfield (BN)，現價如何，它的投資理念有點像Berkshire
龔成老師：
Brookfield Corporation（BN）是一家專注於為機構和個人建立長期財富的投資公司。
它有七個運營部門：資產管理、財富解決方案、可再生能源和轉型、基礎設施、私募股權、房地產和企業活動。它投資於構成經濟支柱的實物資產，為利益相關者提供風險調整後的回報。
該公司的大部分收入來自資產管理。它在英國、美國、澳大利亞、加拿大、巴西、印度、哥倫比亞、德國、其他歐洲、其他亞洲和其他國家/地區都有業務。
投資這股，都可以大約理解為投資基金，近年回報不差的，當然，之後是否有理想回報，就要睇佢團隊的投資實力，這方面你可以進一步了解，才決定是否投資。不過，巴郡的回報較佢好，所以，是否一定要買這股要研究下。
Q42117：
龔sir你好，請問點睇招商局港口(144)，值得長線月供投資持有嗎？
龔成老師：
招商局港口（0144），都算是有質素。可月供，只要持有比例不過多就得。
先講佢的基本面，佢係中國最大，世界領先的港口開發、投資和營運商，係中國沿海主要樞紐港建立了完善的港口網，並成功布局南亞、非洲、歐洲及地中海等地區。
佢有龐大的港口業務，於中國處領先地位，絕對有其優勢。不過，貿易因素受全球及中國經濟情況影響，將令業務出現略波動情況。
另外，股本回報率低，加上中國進入經濟增長較一般的年代，都令這企業的賺錢能力較一般，整體質素而言，算是中等。
過往股價一般般，長遠來說將平穩，股息則十分穩定，但增長有限，現價有投資價值，但貿易問題對佢股價有波動。
如投資作收息及平穩增長類，可以，但就唔好對股價有太大期望。
Q42118：
已有兩手1211，是不是不用入285🧐
1211現價可入嗎？
龔成老師：
其實不用再買285，因為持有1211已間接持有285，除非你十分睇好285才再買。
至於
比亞迪（1211）業務發展理想，研發不斷進行，汽車賣得好好，電池技術發展得很好，行業前景良好，企業長遠發展正面。
現時已經成為中國電動車市場的一哥，同時品牌及銷售網絡理想，長遠仍有發展，不過，唯一擔心是股價波動。
現價約在合理區較上部，由於一手入場費較高，可考慮小注月供可以。
如果想一手手買，就要睇你資金情況，如果你只得一注資金，建議等佢回翻多少少先。如果有多注資金可分注，現價已可以買入（但要留意，這股佔整個股票組合，最好在15%以下）。
如果本身有貨，可長線，雖然企業最爆炸性增長已過，但長遠仍有發展，但就預佢股價波動，因此，只要持貨不過量，就可以長線持有。
Q42119：
阿SIR，想請教一下3416這隻ETF值得投資嗎?
龔成老師：
ＧＸ國指備兌（3416），之投資目標為透過投資於恒生中國企業指數的成份股本證券，及沽出相關指數的認購期權以收取認購期權買方支付的款項（期權金），以產生收入。
由於這ETF運作，並不是無風險，加上這ETF較新，未知佢做成點，所以，如果你睇好，可以小注投資，但不建議太大注。
Q42120：
計劃分散地區風險投資番些美股，但美國現時情況，應如何入市（也是為退休作準備）
龔成老師：
兩個策略，可以配合運用的。
雖然近期經濟轉弱，據較一般，但我地是重要是睇長線，當然，經濟不確性，將會令我地入時，不要太進取，同時要留部分現金。
第一，可以慢慢分注買入ETF，例如VOO、QQQ，分注能將買入價平均，有效分散風險，只要長期進行就得。
第二，分析美股平貴，去計算投入美股資金，例如較便宜時就大手買入。
現時美股大約在合理區中間至中上，都可以買部分優質股，但一定要同時留現金等機會。