Q35131：

龔sir, 最近接觸到美股的狗股選單 (top 10)- WBA, VZ, MMM, DOW, IBM, CVX, KO, CSCO, JNJ, AMGN

我再研究左morningstar 同一些財務數據，覺得 MMM, DOW, KO, CSCO, JNJ 穩陣啲同有足夠既護城河。

唔知阿sir覺得認唔認同和覺得邊隻可以值得留意？

謝謝

龔成老師︰

3M Company（MMM）、可樂(KO)、思科 Cisco Systems, Inc.（CSCO）、強生集團（Johnson & Johnson，JNJ）有一定的質素，但就增長力不算強，可以長線持有。

陶氏公司(DOW)盈利較爲波動，可以投資，但就不建議佔比太多。

以上的5間企業都是有質素的，可以持有。

但我自己唔會用"狗股策略"去做投資決定。

建議你因應自已的財政狀況、風險承受能力、年齡、負擔、要求回報等，建立一個適合自己的"長線"組合會較為理想。

雖然而個方法，好多時都有正回報，但長線計，唔係一個真正賺錢架策略。

Q35132：

龔成老師，522喺未來發展趨勢方面你點睇，而現價算便宜嗎？

龔成老師, 呢個題外話

本人真心好多謝你，以你嘅能力你要賺錢唔需要做多咁多嘢，但正正你做多咗嘅嘢畀左一個希望畀咗一個方向我哋呢啲好窮好窮嘅人，就算唔會大富大貴起碼肯做中年老年都唔會咁辛苦

多謝你

龔成老師︰

ASM PACIFIC（0522）有質素，現價合理區中間左右，分注仍可以。

佢係半導體和發光二極管行業的集成和封裝設備供應商，為跨國芯片製造商，為獨立集成電路（ＩＣ）裝配工廠和消費電子產品製造提供半導管裝配設備及材料。

過往的生意與盈利都有增長，不過盈利有點波動，這都會令股價略有波動。長遠有一定的發展，可長線投資。

其實我開社交平台，其實一個目的，就係想幫助一些投資理財上遇到困難架人，幫助他們建立一個正確的投資理財觀念。

當然，要去到用投資致富，就一定要課堂架幫助。因為講緊初班都成8堂，共24小時(未計進階班)，好難係平台度3言2語，講清楚。

但至少，我希望係平台可以做到，就係確保未上堂架大家，唔會走錯路。

我一直强調知識的重要，只要你擁有知識，你就能夠改變命運。

所以，大家係投資路上好好加油!!!

Q35133：

老師，比亞廸現時值得投資嗎？我見入場費不低。

龔成老師︰

比亞迪（1211）業務發展理想，研發不斷進行，汽車賣得好好，電池技術發展得很好，行業前景良好，企業長遠發展正面。

現時已經成為中國電動車市場的一哥，同時品牌及銷售網絡理想，長遠仍有發展，不過，唯一擔心是股價波動。

現價約在合理區中間，由於一手入場費較高，因此這刻不建議這刻一手手買。或者可考慮小注月供可以。如果想一手手買，建議等佢回翻多少少先。

如果本身有貨，可長線，雖然企業最爆炸性增長已過，但長遠仍有發展，但就預佢股價波動，因此，只要持貨不過量，就可以長線持有。

Q35134：

老師，其實我地應該點挑選醫療保險？

一直都有呢個疑問，但無理到。

龔成老師︰

當選擇醫療保險時，你可以考慮翻以下幾點：

1) 需求分析： 先確定你醫療需求，包括常規醫療(要住乜野房間等級之類)、特定疾病等。記住，焦點盡量優先放係較大開支項目上(如手術、麻醉等賠付)。

2) 保障範圍： 檢查保險計劃所覆蓋的項目，如醫療檢查、住院、手術、出院後治療等。也要了解保險計劃的限制和排除項目。

3) 保費與自付額： 了解保險費用及支付規則，有部份醫保係有自付額架要求，即係你要先付一定比重架開支，餘下的才會再跟保單條款理賠。

4) 特殊條款和限制： 注意保險合同中的特殊條款、限制和免責條款。除左一般保單架限制性條款外，保險公司都有機會因應你架健康狀況，去作出保障範圍或保費上架調整，而D都係要考慮架地方。

5) 公司信譽： 查看該保險公司的評價和客戶反饋，不過香港保險業監管唔差，好少出問題。

6) 稅務上優惠︰現時保險公司都會有一些自願醫保計劃提供，你可以用佢去節稅，當然大前提係個保障要適合你。

7) 你要從你長線的健康需求作考慮，因為保單係跟你一世。

最後，其實保險條款係好複雜，以上只係一些比較具參考性架因素。但每一個保單計劃，內容和條款都可以好唔同。我建議你最好找一個值得信任的保險agent，去幫你安排，會係最穏當架做法。

Q35135：

龔Sir，3888怎麼看，什麼時候能回到25蚊

龔成老師：

金山軟件（3888）主要從事遊戲研發及提供網絡遊戲、手機遊戲及休閒遊戲服務；提供雲存儲及雲計算服務；設計、研發及銷售推廣辦公軟件產品及服務。

業務有質素，長遠發展力不差，不過擔心股價較為大上大落，現價合理區中下，有長線投資的價值。

由於業務有點波動，加上有可能受政策風險影響，因此又唔建議大注投資。

你預上翻$25，要D時間，始終市場期弱，行業短期也不是特別強。相信要中長期，先會上到，首先要大市好轉先。

Q35136：

1) 老師，你覺得而家呢個市況現金同資產(我得股票）比例可以係幾多？

我30歲，比較進取

2) 1177

a)估值/買入策略: 我計算到佢而家算係合理區底部, 便宜區就係跌多15% $2.8, 由於佢都算高風險/賺錢能力冇咁高, 所以打算唔跌到去便宜區都唔買 (已佔倉位7%, 平均價: $5.23, 賬面-35%) 或好小注咁加到10%。

龔Sir你覺得合理嗎？我係年輕人 承受到風險

b) Sir 你上年2023仲有冇增持1177?

c) Sir 你覺得而家既1177潛力係咪已經冇以前咁大？(受政策影響）

3)而家好多朋友都去做定期，係咪要逆向思維，反而係股票儲多啲貨，因為做定期會比佢鎖住筆資金？

龔成老師︰

1）任何時候都不建議只持有股票，"長線"你要考慮加入其他資產，如自住物業之類。

現時大市處於合理區的水平，現金與股票的比例大概2:8左右較爲合適。

2）合理，如果現時已經有貨，不建議太心急入貨，可以等股票有較明顯的回調先開始加注，單一股票不建議超過組合的15%。

中生製藥（1177）長遠有發展。不過，市場其中一樣擔心是中國政府的採購政策，影響企業賺錢能力。

要留意，始終醫藥企業有風險的，投資者要考慮自己的風險承受能力，控制注碼，如果你投資後不能承受股價波動風險，就不建議投資這股，同時，要控制佔組合比例不宜過多。同時要耐心持有，等企業收成。現價算是合理區底部。

b)無增加，無減持，原有貨持有，因為現時佔比我應該適合，所以無加，反而加了1810。

c）潛力度無大變（最多只是減左少少），但風險的確高左，因此要比以往更控制注碼。

3）其實理財講求的是一個平衡配置。

現時定期利率雖然高，但當減息來臨後，所得到的回報就會相應減少，你應該根據自己的情況做一個全面的理財配置。

任何投資，都會有機會成本，你要諗翻長遠邊D先最適合你，而唔係單單睇當刻環境。

我本身都有拍片講相關的主題，你可以先訂閲我的頻道，然後再點擊以下影片觀看。

https://youtu.be/kRL04PJHPSE?si=N-cotgxu9sR1tpC9

Q35137：

龔sir，請問點解小鵬跌咁多？

龔成老師：

其實近期整個行業都有跌，不過佢就跌較多，相信是市場對佢上年銷量弱的情況，較擔心2024年，中國經濟弱，佢會更差

Q35138：

成哥🐮～請問港股5倍股

邊隻推介🤔

龔成老師：

現時港股的投資大環境，要找5倍股不易，或者背後有相當的風險。

或者可以先實際少少，找一些有機會倍升的，例如小米（1810）、完美醫療（1830）都有一些期望。

小米（1810）以手機、智能硬件，以及物聯網為平台的公司，小米專注於互聯網直接銷售產品，近年發展電動車。

雖然發展電動車，投入了較多資金，令風險比過高左，但如果成功，股價可以倍升，不過如果失敗，股價會進一步弱。

過往業務較差時期已經過去，除了推出新手機產品、以及業務好轉外，如果小米能按目標在2024年推出智能車，當市場見到具體產品，就會重新估值，只要產品不太差，股價都有機會好轉。

隨著新產品系列推出，小米賺錢能力提高，同時佔據了一定的市場，在中國安卓類手機4,000至5,000元價位，小米出貨量排名第一。

另外有一點值得留意，小米最新的全球及中國大陸MIUI月活用戶數持續增長，達到約6億和1.5億，均創歷史新高，而這部分會慢慢產生更多的將來收入，所以前景又不用睇得太差。

至於小米電動車，雷軍公布目標於2024年正式量產。因此，很大機會在2024年，能見到更多電動車相關資料，甚至有產品出現。

由於生產電動車令投入了資金多左，在市場未見到產品前，一定會認為風險高左。但當有具體產品出現，加上原本手機等業務開始好轉，現金流好轉，風險度就會減少，令估值有一定的重估。

考慮到小米過往的發展，其產品性價比不差，以及研發能力強，其實電動車值得期待的。

這股可長線，現價約合理區中下，分注可以，不過都要控制注碼，預佢股價仍波動。

Q35139：

老師，想了解一下，自住居屋2010年買，仍有按揭在身，現樓齡35年，想換樓，

還是現有市場加按買多一層？我兩公婆己50歲

龔成老師︰

現時香港的樓市處於合理區的中間左右，自住的價值還有，但投資的價值只屬於一般。

長遠預期香港的樓市會平穩，大升的機會不大。

對於加按買多層會有所保留，一來你們年紀不輕，銀行承造按揭較難;二來加按會加大你們將來的供款壓力。

如果係長線生活所需，要更換自住樓的話，則可以考慮，現時樓價合理，比起高位已經要明顯的回調。

換自住樓時，除左要睇翻該物業的質素、呎價、預期租金回報率、未來地區上、交通上、生活等。更重要是睇物業是否適合你們未來退休生活的需要，另外長遠是否供得起。最好係退休前供得完，才算理想。

所以，如果你現時資金足夠，計好負擔能力可以，可考慮換樓。

Q35140：

龔成老師，謝謝你詳細的回覆。給我明白到用現金流估值要注意的事項。

本人今年42歲，我想向你匯報一下在2022年5月28日，我向你講述我於2023年12月31號要達成$10,000,000HKD 淨資產的目標。

當時我的淨資產只有5,000,000港元。現在今日我在做了淨資產的計算，有一點失望未能完成$10,000,000淨資產的目標，但今日我的淨資產已有7,000,000港元及我已經擁有10,000,000資產，詳細的資產負債報表如下。 還有我現在已經擁有五萬蚊港元非工資收入每月。

2023/12/31 資產負債表

資產：

香港股票 = $6,124,390 HKD

英國房地產 (兩個住宅單位）= GBP 395,495

現金=$134,090 HKD

股票期權內的股票= $353,600 HKD

總資產:$10,567,030

負債：

銀行透支戶口：$1,916,256

銀行一孖展戶口: $691,287

銀行二孖展戶口 ： $805,938

汽車貸款: $144,109

總負債: $3,557,581

非工資收入:

股票股息 $32,120 /month

英國房地產租金淨收入： $13,800 HKD/month

香港股票期權收入： $4,200 /month

我新的目標是要在2025年10月9日，擁有每月六萬蚊非工資收入，及我的非工資收入將會大過我的開支。正式達成財務自由的狀況。而我的淨資產亦要由最少10,000,000港元。

謝謝你寫書給我的啟發，一個將要成為80後億萬富翁的人上。

龔成老師︰

見到你在財務上有自己的計劃以及目標，真的好替你高興。

只要擁有第一筆財富，並且懂得運用適當的理財技巧，其實財富的累積，達到財務自由的狀態有可能的。

若你目標係每月六萬蚊非工資收入，扣除租金收益，大約要多5萬。以股息率6%計，就要1000萬架股票。

你現時股票有600多萬，而且現時股市都在較低位，相信數年內去到1000萬係有可能，但有幾點你要留意翻。

1) 唔好用"孖展"、"期權"這類工具，因為風險好高，會令你財富變得過份波動。

2) 人有目標係好，但2025年只係跟現在相距2年。對於股市而言，係一個好短架時間，較易有波動，影響最終回報。建議你投資計劃時，用最少5年做單位，個波動程度會較合理。

3) 你現時組合明顯偏重晒係港股，建議你未來加入一些美股，令整個組合變得更平衡。

但要留意，個別地區不建議超過組合的8成，如果不懂選股的話，可以考慮加入(VOO)，作用類似盈富（2800）。

Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。

由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。

4) 如果你手上有高息貸款，建議你先還款，後投資。以免被高息大幅度蠶食投資回報。

5) 除閲讀我的書外，我YOUTUBE CHANNEL都會不時分享一些投資技巧和知識，你都可以睇下。

http://www.youtube.com/@user-rw4st4yg5v