Q41761：
老師請問現價買byd 、小米，定騰訊較好？
龔成老師︰
比亞迪(1211)、小米(1810)、騰訊(0700)都是有質素的潛力股。
三隻中，小米（1810）的潛力最高，但現時的價錢都係較貴的一隻。
騰訊（0700）、比亞迪(1211)都有潛力，但最高增長的時期已經過去。
整體而言，三隻都仲係合理區，可分注。但由於已經唔平，故不能太進取。
三隻都有質素，但你要因應自己的風險承受能力選股，想更爲穩健的，就選（1211）或（0700）；想增長度高些，就選（1810）。
現時大市處於合理的水平，買入的話要分注，同時要控制總投資金額。
以下是"ATMX比較"和"小米"影片，你都可以睇下，再了解清楚D佢地架分別。
https://www.youtube.com/watch?v=bAxesxjx-eU
https://www.youtube.com/watch?v=UTXHpJEPNS4
Q41762：
老師，最近港股好轉翻，係咪應該賣晒美股，全部轉翻去港股？
龔成老師：
不是，建議你用「平衡配置」，而不是估那一邊走勢較好，因為我地投資，首先要考慮風險管理。當然，如果你認為那一邊的長遠增長較好，以及值博率較高，配置較多是可以的，但就不建議這種100%一邊，並轉來轉去，最重要是建立長期的財富組合，並平衡。
近年，中美爆發貿易戰，西方與中國因政治、經濟、貿易、技術等因素，立對面不斷增加，中國政府對多個行業加強監管，令相關企業股價波動。
加上近年全球局勢不穩，如果集中一個市場（無論是那一個），風險度都會比過往提高。
長遠來說，中國及美國仍是全球最大的兩個經濟體，因此，投資這兩個市場會較好。因此，同時投資「港股+美股」是一個平衡做法。總之，單一市場不要佔比過多。
Q41763：
老師, 以前d人買匯豐長揸收息作退休的現金流, 請問這種做法還可取嗎? 還是適合短中線的操作? 長遠來說股價可以升幅大於通漲嗎? 請指教
龔成老師：
方向上仍可以，但投資者要明白，匯控（0005）增長力不及過往年代，同時，股息也會因為經濟等因素有波動，投資者不要以為絕對穩陣。
因此，投資是可以，但都要控制投資比例。
佢最差時期已經過去，業務正好轉。
不過，銀行業的賺錢能力比過往減左，因此不能視為增長股，但當經濟好轉，始終都會有錢賺，因此都有投資價值。
相信長遠是收息股，但股價增長就未必太強。
這股都有投資價值的，但都不能持貨過多。現水平約合理區中間，作為收息及少少基本增長，這股有長線投資價值。
Q41764：
你好龔Sir，有冇收息股推薦？
龔成老師：
投資收息股，可以作為財富分配的一部分，但不建議將全部資金都投資，因為一定要留有一定的現金作防守，以備不時之需，以及若大市下跌，可以買平貨之用。
你可以建立一個收息股的組合，目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
3110可以視為收息股的組合中其中一員。這基金可投資的，現價合理，可分注。佢是投資香港大型，較穩陣，派息較高的上市公司。
這是不差的收息組合，但增長力不強。
Q41765：
你好呀，我一直都有留意開老師你，想問下如果想做長期投資for 2個小朋友，應該投資那類股票會比較好？
龔成老師︰
小朋友由於可投資時間長，策略上十分簡單。你可以儲盈富(2800)，佢係包括數十間質素不錯上市公司股票的組合，有一定增長力。
若你想增長力較高，可以儲安碩恒生科技(3067)。但此股波動性會較大，要睇翻你自已風險承受能力。
另外，你可以考慮埋美股指數ETF，令組合分散風險能力更高。VOO和QQQ，前者追蹤標普500，算平穏增長型，類似盈富。QQQ追蹤納斯達克100指數，風險會較高，風險度近似3067。
操作上，建議你用月供模式儲貨。每月大約用一半儲蓄，去做月供，餘下一半就先儲起，去等大跌市機會。如果你覺得太複雜，可以每月全部儲蓄都做月供，都係可以。
Q41766：
請教老師，一般您讀這些書是會全本睇晒，還是揀重點嚟睇？我都開始培養閱讀習慣，我的閱讀速度較慢，如果要成本書睇晒，可能都需要5-6小時，很好奇老師怎樣可以看到這麼多的書🙏🏻
龔成老師：
9成書，是全部睇晒，一邊睇一邊寫重點，睇完後，會重溫重點一次。你可以睇一本速讀的書，有一些技巧的，不要每隻字睇。
Q41767：
龔老師你好，想瞭解一下，美國違約發生機會高嗎？假設美國真的違約，相信美股會大挫，對世界有咩重大影響？咁是否也會影響港股？
龔成老師︰
如果美國違約發生，美股和美國經濟會有明顯架負面影響。
而美國作為全球最大經濟體，如果佢出事，難免會拖累到不少市場(包括港股)。
不過，而個美國違約機會唔大。
Q41768：
今日高位買咗港交所，好唔開心
龔成老師：
短期上落好難捉到，最重要是長遠企業價值，你預左買股票一定有這些情況，反而要學會提高心理質素，另外，建議用分注投資方法，令買入價平均。
Q41769：
老師，多謝你3年前叫我月供隻中移動，但我最近見佢升咗咁多，我反而想問，仍然可以月供嗎？
龔成老師：
要睇你的持貨比例，現時佔你整個股票組合比例多唔多。
雖然近年佢上升左好多，但現時的市盈率約10倍，股息率仍有6%、7%，並不貴。現時要持貨，如果貨已多，可以考慮停。
如果貨不多，月供不是不可，但注碼可以減少少，如果佢再明顯上升就停，原有貨持有。
Q41770：
老師，你點怎樣計算企業價值？
龔成老師：
首先，買入股票就是買一間企業，每間企業都有當中的價值，最基本的概念，一間企業由業務價值與資產價值組成。要計企業的價值，過程比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。
簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。
例如，我地會考慮佢有多少生意，有多少盈利、現金流，有多少資產，從而計算該業務值多少錢，同時會推算將來的盈利情況，去推算這企業長遠的價值。
如果要深入計算，基本上要好仔細的研究企業，要分析好多財務數據用比率，先至有較完整的答案。