Q35441：

你好龔成老師，我剛在市場學學系畢業，都做過一些市場學相關的工作，也做過私人補習

相較之下我發現自己更喜歡做教育的工作，而且人工亦都比較高，工作亦都相對穩定，我性格不太外向，所以應該較難在市場學工作上取得更高的成就

但我要報讀教育文憑, 首先要讀一個13萬的學科教育碩士學位，咁先至可以做老師，而我存款亦不太足夠，請問我應該選擇向這個方向繼續走嗎還是繼續做市場學相關的工作？

龔成老師︰

你還很年青，這個是一個可以試錯架年紀。

我建議你從自己興趣為優先，因為要係自己想做架事上努力，效益和成就一般都較好。

至於如何達至從事教育方向，相信你比我清楚。如果教育文憑係你當前最有效率(成本、時間和未來發展)的方法，你就想方法做。做住野儲錢、問家人借等，想辦法令自己達成而件事。

記住，你眼光要放遠點，唔好只睇眼前數年，一切決定應該用一生架生涯規模咁去諗。

你甚至可以用一張紙寫低，不用情況下，你長遠的收入、支出、發展會怎樣，你就有更具體的答案。

最後，補充一點，市場學架工作，以我理解唔一定要外向，只要你對市場觸覺足夠強，再加上一些實務經驗，已經可以好好。

因為而家市場學工作，未來一定企係前線，好多已經轉移去左網絡上。相關架支援人員，都係電腦背後，而唔係一定下下都出現人前。

Q35442：

這幾年股市有跌無升，有沒有影響到你對價值投資的信心?

龔成老師：

當然不會有影響。

價值投資的核心，就是「買股票等如買公司」，這點是永遠不變的，而我地就是分析企業，作為投資的核心。

不過，企業有機會轉變，又或估值有可能改變，而中短期，股價與價值有機會出現偏離，最重要是企業長遠的發展。

價值投資在所有成熟市場都一定正確的，例如美股、歐洲股、日股、港股。但投資者要持續分析企業，因為企業會受大環境影響而改變的。

港股近年弱，企業受大環境而影響業務，所以有些企業質素減少左，有些則是估值下跌，投資者要持續分析。如果企業質素減，就要減持或賣出。

同時，近年單一市場風險增加，投資者是好同時投資其他市場，例如美股。

Q35443：

sir,美股是否只升不跌？

龔成老師：

無一個市場只升不跌

Q35444：

你好，之前提到會發一個關於是否合適買樓的短片，不知道是否忽略了，請問呀sir今年是否買樓的時機？既然樓價下跌，應該合適？

龔成老師：

我在2024年年頭，出了有關今年樓市分析的影片，可睇：

https://www.youtube.com/watch?v=LpBB-KF7Taw

香港樓市，短期較一般，始終中國及香港經濟未完全回勇，但相信未必大跌，最多少少調整。

另外是高息因素，高息對樓市會不利，這就近1、2年樓價回落較多的原因，不過，這個因素基本上已反映，加上香港買樓需求仍大，相信不會大跌。

而當美國正式開始減息，會對香港樓市有穩定作用，不過，香港減息的力度不及美國，所以難以令樓市大升。

至於內地資金買香港樓，相信香港樓的吸引力，未必及過往，因此內地人買香港樓雖然會存有一些需求，但不會因此而大幅推高樓價。

在投資價值方面，租金回報率不高，以及按揭利率不低，加上長遠樓價難以倍升，令香港樓的投資價值，並不高。

相信樓市在長遠計，因供求關係，較難大跌，不過，也不會有大升的情況出現。

樓市始終需求大，我見唔少適婚年齡的朋友，都正等機會買樓，但未買樓，這些是「潛在需求」，過往每年不斷累積，只要樓市跌少少，就會有需求走出來，這令樓市不能大跌。

不過，近年移民的確令需求略為減少，加上政府將加大力度找地起樓，所以長遠，供求將慢慢好翻，無過往咁失衡。

政府現時有較大決心處理好樓市問題，我相信會令之後的供應增加（不是中短期，要長期才慢慢見到），因此，樓市不會大升，但相信都較難大跌（始終需求大）。

長遠計，樓價會平穩，不是倍升，不會好似過往般倍升，而是平穩，同時，由於需求大，要大跌也不易。

因此，香港樓作為自住的價值仍在，中短期不會大跌，也不會大升，以穩定為主。長遠來說，暫時睇未必會大跌，最多只會平穩加少少向上。投資價值，就只是一般，未見好吸引的水平，自住則合理，可以考慮，最重要是考慮自己的負擔能力。

Q35445：

每月$4000月供etf,應該供1隻etf 還是3隻etf呢？

龔成老師︰

睇你本身投資知識，同埋對相關ETF架認知。

如果你係初學者，建議你分散係指數ETF，同埋唔好集中1隻，例如分散係VOO，或盈富，咁會平衡風險效果高D。

相反，你係有投資知識，又分析過而隻ETF係好，持有多幾隻都可以。

重點係，個別行業投入，唔好高過組合3成。(銀行業風險高，最好少於2成。)

Q35446：

為何樓價跌租金會升？

龔成老師︰

主要即係唔少買家，都持觀望態度，所以租住先。

當然仲有其他因素，例如一D短期來港工作、讀書架人，都會推高租金。

Q35447：

939值得投資嗎？還是2388較為好？

龔成老師︰

2者都OK，但前者主要收息，後者則平穏增長 + 收息。

Q35448：

我係你2022年美學生，請問用價值投資發投資美股，可以用什麼網站搜尋資料去分析？

龔成老師︰

Morningstar, Aastock, Yahoo, 同埋美國SEC網站。

Q35449：

請問如巴菲特不在時, 會否影響公司嘅價值及股價？你現時主要持有那隻美股？

龔成老師︰

點都會有影響，但我覺得係中短期，因為始終交接方面，相信已經安排好，同埋個投資方針應該唔會大變。

其實我YOUTUBE剛出左條影片，但係講而個問題，你可以睇翻。

https://www.youtube.com/watch?v=HrX-eT4n37w

至於我美股持股，主要係BRK.B、AAPL。

Q35450：

早晨！101，14現價可以買入長揸收息嗎？

抑或2388較好？

龔成老師：

香港地產及市道短期仍弱，如果講穩陣就2388，當然，如果想博好轉後有較大升幅就14，或101。

中銀香港（2388）係本地銀行股裡面，其中一隻有質素的，有長線投資價值。

銀行業雖然無過往咁好賺，但當加息週期令息差拉閱，以及經濟漸漸好轉，對佢都有利。可以視為收息及平穩增長股。現價合理區度部。