Q41811：
老師多謝你, 因為你的支持和提醒, 上個月畀心機去搵另一份工作而賺取少少額外的收入
如果我真係有多餘嘅時間和金錢我係會報讀你的精讀班
龔成老師：
加油！提高收入，做好理財。
理財是一個長期計劃，要有紀律，慢慢會見到成果。遲D股票班見啦！你一定得！
Q41812：
老師，近期有什麼票可以買入嗎？
龔成老師：
你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
Q41813：
龔老師你好，我pgde 被人waitlist咗，宜家打算讀bed sen 3yr part time, 讀完有教師證，又唔洗再讀edb sen課程做sen t，唔知應唔應該讀？
因為有group projects 和capstone project我驚我同人合作唔嚟又被人話freeride（之前讀bachelor已經係咁）而且我打算一路pt一路讀，變相揾實習要到時自己揾，我唔知揾唔揾到實習...
而我今年讀就俾9萬多，但越遲讀大學學費會加價，讀完出來大點機會做到正教，人工高雙倍，但壓力應該都會更大，我應該投資時間和金錢下去嗎？謝謝老師。
龔成老師︰
其實我唔太肯定教育行業，專業資格的要求，所以好難比到最精準架建議比你。
不過，你要記住，我地分析架時候，要從長線角度去思考。
就算而一刻成本、時間較高，或者短期薪酬較少，但長線可以承就到你達成目標，或者更高架成就，你都應該考慮。
而且，教育行業一般入行後都好少再轉行，所以你記住係用人生整個職涯去做規模，用長線角度去思考成件事。
另外，同人合作方面個問題，建議你都要思考下。就算比比你有一些不用做Group Project架方法，去到考取到證書。但將來工作，始終會要同其他老師同學合作。
所以，你要思考下，點解會比人覺得你係話freeride。係能力不足，所以幫唔到手、溝通問題、定係只係一次性事件....等等。
最後，以下影片係教人點判斷是否值得進修。雖然同你架問題唔完全對應，但當中概念都值得你了解下。
加油!!!
https://www.youtube.com/watch?v=b5aqPc_8Qm0
Q41814：
老師您好，2021年我有上過您嘅堂，喺您度學到嘅投資知識同正確概念真係畢生受用、同埋其實係世界通行㗎！而家我已經移居到加拿大，除咗仍然持有港股+美股，都想開始入手加拿大股票作長期投資，一來因為加拿大的 investment income 徵稅考慮、二來是 Trump 2.0 貿易戰加上環球不明朗因素啦。
我明白老師您只集中分析港股+美股，但我深信您睇一家企業是否好優質、衡量值唔值得長期持有嘅量度方法係同睇美股/港股是一樣的，希望老師您唔會介意我問嘅係「加股」啦，萬分感謝感謝
以下係我觀察咗好一段時間，考慮緊響加股市場入手嘅企業：
Dollarama Inc. (股票代號: DOL.TSX)
- 行業：Diversified Retail
- 業務簡介：Dollarama是加拿大最大的連鎖dollar store，以固定及低廉的價格出售各種日用百貨、消耗品和季節性產品 (就好似日本城、Daiso咁)。店內售賣的貨品定價每件由$1-$5加元不等。 普通商品和消耗品佔總銷售額的90％，其餘來自與節日相關的季節性商品。 按官網 2024年的公佈，Dollarama在加拿大現經營約1,600間分店，目標在 2034年或之前擴展至2,200 間分店。同時，Dollarama 也擁有拉丁美洲超值零售商 Dollarcity 的大多數股權，這也是 Dollarama 在加拿大以外的第二個重要發展。而在2025年3月，澳洲最大的折扣零售商The Reject Shop的董事會已經同意加拿大零售巨頭Dollarama的收購協議。Dollarama將以2.59億澳元的價格收購The Reject Shop。Dollarama計劃在未來9年內把The Reject Shop門店從目前的390多家擴張到大約700家。
- 財務數據：https://ca.investing.com/equities/dollarama-inc-financial-summary
Lundin Gold Inc. (股票代號: LUG.TSX)
- 行業：Gold Mining
- 業務簡介：Lundin Gold Inc. 是一家總部位於加拿大溫哥華的黃金開採公司，全資擁有厄瓜多爾東南部的 Fruta del Norte 金礦，該礦自 2019 年底投產，為全球品位最高、成本最低的金礦之一。該礦擁有約 492 萬盎司的黃金儲量，平均品位為每公噸 8.7 克。 財務方面，自 2020 年起，Lundin Gold 的營收和淨利持續增長。2024 年，公司實現營收 11.93 億美元，較 2023 年的 9.03 億美元增長約 32%；淨利潤達 4.26 億美元，較前一年的 1.79 億美元大幅提升。每股基本盈餘為 1.78 美元，並發放每股 0.60 美元的股息。此外，2024 年的黃金產量達到創紀錄的 502,029 盎司，超出公司預期。
- 財務數據：https://ca.investing.com/equities/fortress-minerals-corp-financial-summary
另外亦有一個唔係好明嘅問題… 大企業例如美股COST / BRK.B / AAPL等，喺加股市場似乎並無正式上市，我searched到嘅資料只可以投資呢啲企業嘅 “CDR hedge funds (加拿大存託憑證)” ，請問投資Costco和Berkshire Hathaway的CDR (CAD Hedged) 同直接購買美股COST和BRK.B正股相比，有什麼分別呢？
而如果我已經有美股Costco，你會否建議我唔好再響加拿大市場買入 COST 嘅 CDR呢？
唔好意思，我今次嘅問題有啲長 🥴 再次感謝老師，希望得到您嘅解答
龔成老師︰
我自己無研究加股，以下係我粗略架分析，你可以參考下，同時再找多點資料去分析，之後先做判斷︰
一元店公司 (DOL)是一家加拿大上市的零售公司，專注於提供各種日用百貨、消費品和季節性商品。
佢主打平價貨品，同埋較多係一些必需品，在全球經濟較弱架時候，而類企業有佢優勢存在。而且，佢雖然係賣平貨，但純利唔低，達10%以上，係唔錯。
不過，要留意關稅戰，會唔會對佢供應鏈和成本造成影響。
此股有投資價值，但以佢業務性質計，40倍PE唔平，故只宜小小注。
Lundin Gold Inc (LUG)是一家總部位於加拿大的礦業公司，專注於黃金的開採與生產。該公司最著名的資產是位於厄瓜多爾東南部的 Fruta del Norte 金礦，這是厄瓜多爾第一個大型金礦，也是全球品位最高的金礦之一。
但你要留意番，雖然這類資源股雖有投資價值，但只算中等。
原因是這樣，資源本身有一定的價值，但盈利始終受國際黃金價格影響，本質上會較為被動，無乜價格自主能力，同時產品無差異性，是典型的商品企業。這類企業都有一定的投資價值，但就不會太高。
而且，由於佢有業務，所以走勢未必同黃金一樣，你要明白這點。現價合理，可分注。
至於存託憑證，同買第一上市地區的股票都係一樣，價值和分析方法都一樣(除左匯價因素，因為美股用美元、加拿大存託憑證用加元結算)。
如果你本身已經有美股Costco(COST)，就無必要再買加拿大架存託憑證。
Q41815：
謝謝老師。 呢兩日我check過 個account Balance 所損失嘅程度已經好似暫時少咗好多。
我再觀察多幾日收埋這次派息 睇下大概幾多錢喺個戶口度， 必要時我就會全數 提早贖回 因為投資。
又轉去其他所謂的 保本基金選擇只有一兩隻其實 一買一賣又唔見錢最好都係等時機成熟贖回 再作分配 將部分再加碼放入銀行定期收息。
再次多謝老師 在假期中都覆我。 願上天祝福你的善行。
我買這些咁嘅基金都係受所謂的朋友誤導我當時還有些錢。
龔成老師︰
你首要考慮，唔係時機，而係風險。
唔好假設"時機"，一定會比重大"風險"先到。如果倒轉，你要問自己是否有能力承擔。
我粗略睇，其實部份債券個風險唔算細，因為係投資房產，但具體佢地投資結構，就唔太清楚。
都是正如之前所講，債券基金唔係想像中一定低風險。
建議你都係集中係收息股、A級債券、年金、定期等會較好。
Q41816：
龔成老師你好，在是在2023年7 月左右上過你的course。學了不少知識，雖然未完全我運用流暢，會繼續努力💪。
想請教你我現在情況是否仍堅持買樓或怎樣才加大財富能力更多🙏🏻
我的資產如下：
1）流動資金約$200000。
2） 現有港股：
- 1211 （500 股，買入價HK$168）
- 941（500 股；HK$64）
- 1810（1400 股，平均買入價HK$45）
- 7552（10000 股，買入價HK$2.4)
3）現有美股：
- TSLA (3 股，買入價約US$190.69）
- AAPL(10 股，買入價約US185.06）
- NVDA (40 股，買入價約US$75)
4） 儲蓄保費有3份：
- 第1 份將在出年才完成供款，本金約$100000，要擺10 年才回本。
- 第2 份是2023年買，本金是$460000，已一次付款，問了Agent 如我現在退保只可取回約$260000。
- 第3 份是2023年買，本金是$210000已一次付款，如我現在退保，只可以取回約$120000。
5） 另外 我在泰國有層小型物業，但不是投資用，是家庭自住，現價約$200000 左右。
我今年43歲，月入約$24000，有雙糧。
以下是我基本最大支出是租金加水電費約$11000，再加其他開支約$5000。
近年香港樓近回落. 我本身打算退保第2和第3份的保險來支付首期。但問了agent後先知會蝕好多下，只能取回HK$360000,要起碼等10年才回本。
如我放哂手頭上我港股美股，有機會取到首期，但換來是資產將近歸$0。
我想keep 住手頭上的股票（除了7552外）。而我又怕過幾年樓市升返 我到時又買唔起樓🥲現在情況是否唔好買樓住 等多幾年再算？
另外，我本身想換泰國層樓，換間有增值能力的而要額外付多約港幣$400000元，而這個差額會嘗試在泰國當地銀行借錢來供樓。不過我會負擔大好多。
sorry sir 我怕我寫得唔清楚，總結問題如下：
1） 現在退保但會蝕本成HK$300000, 再放手頭上股票，共可提取$600000 左右…. 。而現金流就只剩幾萬左右。 在這情況下買樓是否不明智？
2） 如唔買港樓只換泰國層樓（每月供款約$5000 港元，供款期20 年）。
3） 定系什麼都不做，等多幾年再算。
希望阿sir 能給我少少 意見🙏🏻感謝你
龔成老師︰
首先，講左你投資上架問題︰
(a)XI二南方恒科反向（7552）投資目標是提供在扣除費用及支出之前，盡量貼近恆生科指每日兩倍反向表現（-2x）的每日投資業績。
如果指數跌1%，你就會獲利2%(另扣管理費)。但若然指數向上，你就會虧損。
我對這類產品有保留，科指雖然在最初成立後反覆向下，但原因是最初成立時較貴，以及監管因素，但近期相關風險已減，指數長遠好大機會反覆向上，所以長遠計持有這股對你"不利"，一定多於"有利"。
(b) "保險"主要係用來防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。
但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。
你手上架儲蓄保，由於已經一次付清或者就快供完，建議你保留。因為提早贖回，會有好高手續費。我建議你當佢係應急錢，等有急事才。同時，唔好再加大"儲蓄保"架開支。
另外，如果你無保障型保險(如純人壽、危疾、住院等)，建議盡快購買。
(c) 中國及香港經濟未完全回勇，相信樓市難以大升，但未必會大跌，相信會平穩。
中國政府在2024年9月，推出了多項支持經濟及樓市政策，雖然不會令經濟快速好轉，但有穩定作用，當中也發放了訊息，如果有必要，會再推出支持經濟政策。所以在大方向上，經濟會開始穩定，慢慢向好，但全面回勇就要時間。
同時，中國政府在政策上支持樓市，相信中國樓市不會大跌，而這因素，也會間接影響香港的樓市，令香港樓不會大跌。
另外是高息因素，高息對樓市會不利，這點令2022年-2023年香港樓價大跌原因（因為當時加息很急），到2024年下半年，美國開始進入減息週期，這點會利好香港樓市，因為供樓成本減少。
不過，2025年美國政府換屆，由於新政府推關稅等措施，這點有機會推高美國通賬，而高通賬就會影響美國減息的時間表，有機會推遲減息，維持高息在一段時間，這因素將會令香港樓市增加了不確定性。
至於內地資金買香港樓，相信香港樓的吸引力，未必及過往，因此內地人買香港樓雖然會存有一些需求，但不會太多，也不會大幅推高樓價。
而香港政府推出的吸引人才計劃，在近年的確吸引一些人來香港，因此令租金得到支持，令近年出現一個現象「租金上升，樓價下跌」，引致租金回報率拉高。
在投資價值方面，過往香港樓市的租金回報率不高，一般只有2%、3%，投資價值不大，加上近幾年按揭利率高，加上長遠樓價難以倍升，令之前香港樓的投資價值，並不高。
到現時，由於租金回報率有上升情況，香港樓的投資價值，由之前較低吸引力，到現時投資價值為中等，但樓市不會象過往般倍升。
相信樓市在長遠計，因供求關係，較難大跌，不過，也不會有大升的情況出現。樓市始終有一定的需求，令樓價較難大跌。
不過，近年移民的確令需求略為減少，加上政府加大力度找地起樓，所以現時，供求已到達平衡狀態（過往由於供不應求，令樓價倍升）。
長遠計，樓價會平穩，不是倍升，不會好似過往般倍升，而是平穩，同時，由於需求大，要大跌也不易。
因此，香港樓作為自住的價值仍在，現時的樓價，已由過往的貴，回落合理水平，中短期雖然會因經濟及利率因素而波動，但相信不會大跌，但也未有條件大升，以穩定為主。長遠來說，暫時睇未必會大跌，最多只會平穩加少少向上。
香港樓的投資價值，算是中等。而自住則可以考慮，現時樓價合理，最重要是考慮自己的負擔能力。
以下是你想知的問題︰
1) 如果你買物業係為左投資，我唔太建議，特別係要勉強咁抽出資金。
2) 你睇下自己自住方面(泰國層樓)，有無而個需要。如果有，可以換屋，只要唔好令到資金太緊張，同埋長線供得到就可以。
3) 股票方面要調整，你手上架都有長線投資價值，但潛力股太多(除了0941)，其他都係。長線建議用平穏增長股做主力，會較穏當。
物業方面，自住部份有需要可調整。
保險方面，無保障型的話，可調整。
[平穩增值股︰指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。]
Q41817：
我是想資金穩陣又有相對高息🤣
佢組合係歐美債券，有5釐息，隨時走得
龔成老師︰
你想穏陣，就定期。
因為你係隨時走得，但你走架時候個債券價，未必等同於你買入價。
除非你持有至到期，就能夠以到期還本模式進行，不過，都要考慮自己的買入價是否高過面值。
Q41818：
忘記了如何查看上市公司有冇曾經改過名
龔成老師︰
香港交易所披露易，查看相關公告和歷史資料，這裡通常會記錄公司名稱變更的公告。
https://www1.hkexnews.hk/search/titlesearch.xhtml?lang=zh
Q41819：
小米如果再跌40樓下再可以入市？
因為
美的8000股70/73/76.4
小米2000 股$43.9
2498 3000 股$39
1928 3600 $17.5
939 9000$6.48
2228 9000$6.48
未有得賺，感到惶恐
8月開美股班，即係唔開港股班？
龔成老師︰
先講你架持股，佢地係有長線投資價值，但除左小米(1810)和建行(0939)，其餘不是風險太高，就是未算最優質，都不宜大注。
長線建議用以下股票作組合，平穏增長股為主，潛力股為輔助。另外，慢慢加些美股，平衡地區性風險。
平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
小米(1810)依然有投資價值，再回調可以加注。但現價唔平，唔好加得太進取。
同埋，你加注之餘，一定要先定好小米長線總投入資金，而唔係跌就盲目地一直加，咁係好危險。
我地決定加注與否，要睇幾個因素，記住，並不是「拉低平均買入價」為目的。
第一，要分析這股的質素，如果無質素，就再跌都唔加。
第二，這股的類別，如潛力或增長或收息類等，是否與你的財富組合匹配，比例是否適合。
第三，你要先計算加注後，這股佔你股票組合的比例會否太多，因為同一行業，同一股票。不能佔股票組合的比例太多。
第四，現價是否有投資價值率，要平，或起碼合理，不能貴。
第五，你要在加注後，仍有現金剩。
記住，重點不是「拉低平均價」，而是組合比例與配置。
我建議你睇翻以下Youtube影片，對你理解溝貨而件事(作用和風險)，會有實際幫助。
https://www.youtube.com/watch?v=5yu9jrvfGX4
至於港股班，會在7月開︰
【投資倍升股課程】(港股基礎班)
日期：2025年7月4, 11, 18, 25日，8月1, 8, 15, 22日(逢星期五)。時間：1900-2200
地點：灣仔
費用：$8800
了解及報名：https://www.80shing.com/register.php?id=1
第一課：投資與股票基本功
第二課：投資策略與行業分析
第三課：穩健股及收息股投資術
第四課：買賣時機與估算合理價
第五課：企業估值模式
第六課：選股秘技
第七課：分析年報技巧
第八課：特質類倍升股與潛力股
**附加資料：合共超過240分鐘的溫習影片
Q41820：
老師我見小米每次到44蚊就升唔到上要唔要遲少少先入?
龔成老師：
其實好難預測到短期走勢，去決定那一個位買，反而利用預早設定的入市策略，例如分注模式，到價買入，或每隔一段時間買入，會較好。減少主觀的判斷。