【理財個案】工字出頭的方法

我今年22歲，做地盤科文，剛開始半工讀緊土木工程高級文憑，但讀緊既野只係理論，讀完未必應用得上，覺得浪費時間，依家唔知讀唔讀好。

細個渴望可以將來成為一個有錢人，自由自在做自己想做既野，但係自己又無咩生意天份咁，唔似得你細細個就咁識做生意。

初中時接觸到富爸爸呢本書，睇左小小，接觸到財務自由呢4個字，但就冇深究，因為努力工作儲錢呢個「加」既概念由父母根深底固地傳到自己當中，所以只知道工作係帶黎收入既唯一方法。

踏入社會後，每日都忙於奔命，只係為左生存，個人開始走下坡，之後辭左工，失去工作後個人開始變得焦躁不安，失業期中，我係三聯遇上左你本書，一睇就不能自拔。其後找到現時的地盤科文工作。

依家開始個腦係舊果套觀念同你果套「乘」既觀念衝突緊，個人好亂，返工又冇以前咁有幹勁，因為認清左原來自己係老鼠賽跑當中，唔甘心就此一生，但又唔知應該下一步點行。

我真係唔知邊個可以指點我去路，你係過來人，靠自己努力同堅持累積到財富，你既一字一言都具有極大既說服力，希望您可以得到你既回覆，感激不盡。

個案重點：

22歲半工讀高級文憑 ## 重點目標：

工作方向的決定是否仍要讀書將來成為一個有錢人 ## 分析：

先講你讀書的部分，除非所讀的項目對你將來係有真正的幫助，否則只是為學而學，我有所保留的，因為太浪費時間，不如將時間用於學習創富，又或一些對將來事業有具體幫助的知識技能，那來得更好。

要賺大錢、要致富，最好當然係全職去做有關「乘」的工作，即是《80後百萬富翁》所講的5方法：生意、投資物業、投資股票、成為專家、佣金工作。這是最好的路，但未必所有人都適合全職的，全職做生意的人，10個有8個失敗，就算強如富爸爸作者清崎，亦試過到中年時，無錢要寄居在朋友家一年。

因此，全職創富這條路並不易行，當中必定會經歷失敗，之後才能有大成功，你的能力不是重點，你有沒有這個心理準備，以及決心才是重點。

除非你有好大好大的決心，否則我會建議你以「打工+創富」並行數年進行會更好，即是本身有一份正職，再兼職去學、去做這些創富方法，而我自己都是運用這個方法的。

因為你仍好後生，思路可能未清晰，未完全知道自己想點。所以一邊打工，一邊做上面5方法，你將會更清楚自己想點，當上面方法的回報足夠你全職跳出來，到時再全職也不遲。加上你社會經驗不多，先打工去累積會更好。

但要記住，你打工同時，必須利用時間學創富、去創富。而打工不要單聚焦在人工，更要自己爭取人工以外的東西，如人脈、社會知識與經驗、商機。

你做地盤，之前我聽過一個後生仔做搭棚，由低做起，之後開搭棚公司，年年賺過百萬。其實，一些由年長人主導的行業，他們不懂得年輕人才懂的宣傳方法，這可能就是你的機會。

所以機會到處有，問題係你有無足夠的料，打工出路有限，但你都要保持積極，我相信積極打工與創富無沖突，所以你要做的是積極做好你份工，並從中找機會，再利用空閒時間學創富、去創富。

作者：龔成

作者：Daniel Miller

更多內容：