Q41421：
龔老師，而家AI年代你覺得小朋友讀咩科目好呀？
老實講，我哋做左半世銀行好多同事的小朋友都係做返銀行！
佢哋啲仔女讀書都好叻㗎👍無論讀marketing, 工商管理, 會計, 出國讀書都係入返嚟做喎😄
龔成老師：
現時的科技發展好快，人工智能影響多個行業，相信過多10年、20年，即是現時小朋友出社會，會變到好唔同。
就以銀行來說，以前有好多分行，現時不斷減，因為好多野唔需要用人手處理，市民利用網上就得。我就算想翻自己過往在銀行的職位，相信有部分工作，絕對可以用科技取代！
其實，科技將會影響好多行業，銀行是其中一個，而我地好難預計到，10年後會變成點，只可以話，這是趨勢。
而考慮發展時，最重要想自己的興趣、強項，才是最重要，不要有太多預設的立場，你比小朋友自己尋找方向就得。
另外，由於人工智能發展好快，相信會有很多「重覆性工作」被取代，所以，現時小朋友在學習上，不要只懂「背書、重覆」，而是要有自己獨立思考能力，有自己想法，有解決問題的能力，這才是人同機器最大的分別！
Q41422：
老師，而家政府收緊公屋富戶政策，我手持公屋，以富爸爸的理論這個不属資产（沒有产生現金流)
你覺得換成綠置居或居屋是否好些？
理論上可以變成真的資產
龔成老師：
首先講述富爸爸理論，你要清楚少少概念先。
公屋這的確不是資產，但你細心想想，每個人都有住的需要，這是不能減少的開支，而公屋的住較低，因此能以較少的成本處理了這個問題，所以，並不是無價值。
另外，當你買入綠置居或居屋，你都要供，每月都有支出，所以，同樣不是資產項。
當然，當你供完後，你就能真正擁有這物業。
所以，買綠置居或居屋，或留原本的公屋，各有利弊。
不過有一點要留意，香港政府近年的政策，是對公屋不斷收緊，而這情況有機會持續，即是日後有可能再嚴。考慮到一點，就會增加了買綠置居或居屋的因素。
如果你有足夠的資金，的確可以考慮買綠置居或居屋，但前提是「供得起」，不要太勉強，否則只會增加你的風險。現時的整體樓價，合理的，所以，最重要是考慮你的自身情況。
Q41423：
龔sir, 請問一隻國有內銀收息股，股價升幅利潤相當是10年的股息，建議賣出獲利嗎？
謝謝！
龔成老師：
如果佢股息有實質上升，即是有實質股息支持股價，就未必要賣。但如果股息無特別升而股價升一倍，可以考慮賣出。
由於內銀現時未特別貴，你可以考慮減持一半，留一半作收息，都是一個策略。
Q41424：
早晨老師，548深高速大減派息，股價會否大跌？持貨可以怎應對？公司基本因素有轉差嗎？應沽出嗎？謝謝你
龔成老師︰
深高速(0548)睇翻暫時架資訊，佢收入係無大變，只係純利倒退較多。
有機會係公平值變化(會計上數字﹐例如持有其他公司資產減值之類)，令到佢出現而個情況。
不過，佢大減派息，係一個負面因素。但至於點解咁做，而依個情況會唔會係一個長線政策，要睇佢完整年報先知。
佢暫時依然可以當收息股，但係不確定性高左，唔好太大注碼。
如果係長線減派息，佢股價會有較大波動。如果你而持貨較多，可以減少少，去平衡不確定性。
整來說，相信現時只是中短期問題，長遠發展無問題，仍是收息股。
Q41425：
老師你好, 多謝你一直以黎用心教導大家投資, 真係唔敢相信自己可以迎黎第一個一百萬
好彩2018年已經跟老師教導, 開始月供1211、1810
以下為目前既投資組合，部分仍月供中, 想問問老師意見
本人目前37歲, 有冇邊啲股票可以賣出？
月供中既股票需要更改金額嗎？
1810、1211、388唔打算賣🙂
多謝老師抽時間回覆, 祝老師身體健康！
龔成老師︰
恭喜你，達成首個100萬的里程碑!!!
組合方面，留意以下幾點︰
1) 月供方面，由於比亞迪(1211)唔平，加上你有比亞迪電子(0285)，屬於同系，建議其中一個減少少。
2) 你手上股票，都有長線投資價值，唔建議沽。我地只會係隻股票長線質素變差，或者去到好貴，先會考慮減持。
3) 1928, 0823, 0003近年質素係弱左，長線不宜持有太多。
4) 持股量太多，建議長線"集中"係10隻左右，咁你會易D定期審視佢地架質素變化。
5) 你現時組合明顯偏重晒係港股，建議你未來加入一些美股(但美股現價唔平，可以慢慢做)，令整個組合變得更平衡。
但要留意，個別地區不建議超過組合的7成，如果不懂選股的話，可以考慮加入(VOO)，作用類似盈富（2800）。
Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。
由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。
以下是介紹VOO影片，有需要可以睇翻︰
https://www.youtube.com/watch?v=RnYZQlSG8qA
Q41426：
Sir 點睇6996德其醫藥，點解最近升咗咁多呢？佢喺虛火定真係有數據支持🙏唔該曬
龔成老師︰
佢近2個月升咁多，坦白講，見唔到一個好明確架原因。當然，佢有新藥上市、成立AI部門、有D研究有進展，都係利好。但而D因素長線成效，係要時間驗證，故存在一定不確定性。
德琪醫藥（6996）係一家專注於創新抗腫瘤藥物的亞太地區臨床階段生物製藥公司。
由於未有實質盈利，只可以話，有危有機類。
ＡＴＧ－０１０係佢核心產品之一，通過與Ｋａｒｙｏｐｈａｒｍ訂立的許可協議，集團可於中國內地、台灣、香港、澳門、韓國、東南亞、澳大利亞及新西蘭對其進行開發及商業化。
該產品為首款及唯一一種獲ＦＤＡ批准可同時用於治療復發╱難治性多發性骨髓瘤及復發╱難治性瀰漫大Ｂ細胞淋巴瘤的藥物，亦用於治療脂肪肉瘤、復發性腦膠質瘤及子宮內膜癌。
這類股好難金析，無人知最終的發展情況，大家都只是估估下。
只可以話，如果能承受風險，小注當博下可以，買入後唔好理股價，長線等發展。
Q41427：
你好，想請問小米依家咁高仲供唔供月供呢？thx
龔成老師︰
長線計，現時尚算在合理區，可月供。
小米（1810）以手機、智能硬件，以及物聯網為平台的公司，小米專注於互聯網直接銷售產品，近年發展電動車。
近年的業務發展理想，無論手機、ＩｏＴ、智能車，各類業務部分，都有相當的增長，除了反映不同類別的業務都發展理想外，相信小米的品牌及產品性價比高等因素，能帶動整間企業發展。
近年的賺錢能力也持續向好，多個業務類別的毛利率都有持續向上，反映企業並不是透過減價去推銷量，而是提高產品的吸引力，不止吸引更多消費者，更提高每件產品的賺錢能力。
近年企業發展智能車，由零開始到成功銷售，只用了3年時間，反映這企業的研發能力、執行力都好強，更重要是銷售理想。
雖然這刻智能車業務處虧損狀態，但只要發展理想，當產量進一步上升能產生規模效益，同時只要建立好品牌，慢慢提高汽車的賺錢能力，這部分將慢慢創造盈利。
整體來說，企業長遠發展正面，現價處合理區較上部，可分注投資，但短期股價可能有點波動，投資者要平常心，以長線角度去投資這股，耐心等企業發展。
我出左最新小米(1810)架分析影片，你都可以睇下︰
https://www.youtube.com/watch?v=UTXHpJEPNS4
Q41428：
老師，想問下939建行為例，收益率：6.28%，收益TTM：9.33%
請問1年收息係跟6.28厘，還是9.33厘？
另外，本人939喺接近$5買入作收息，最近有一筆資金空餘出嚟，對於現價（大約$6）左右再買入939做收息之用，理想嗎？
會作長期持有收息之用，如果接近現價買入（$5+$6）除2= $5.5
變作平均價係$5.5買入939，呢個安排可以嗎？
龔成老師︰
其實建行(0939)以往都無派中期息，但今年管理層表示基於良好的業績，會派中期息，所以先有而個咁大架落差。
由於業績唔係保證，加上佢以往都無派中期息架習慣，故建議暫時視為一次性，所以用6.28%會較穏當。
至於是否加注，係可以。但前提係，唔建議持有太多。始終建行只係收息股，以你年紀，應以增值為主。
長遠來說，建行本身質素不差，有一定的規模，在全球都有網絡，本身不會無質素的。
前景都有，但不是高增長類，中短期會因中國經濟有影響。
銀行業的賺錢能力不算好強，加上壞賬因素，都影響盈利能力。長遠不差，但不是高增長股，收息可以，現水平可投資，現時股價合理，加注與否，就要視乎你本身的持貨，以及現金是否足夠。
Q41429：
sir,現時工廈應該可以怎樣利用去賺錢？
龔成老師：
一些市區住宅附近的工廈，迷你倉有一定市場。因為有不少住宅較細，部分人要同時在附近租一個迷你倉，這樣就能以較低的呎租去解決儲物問題。
Q41430：
老師，我想買幾本你說的你出的書看，我想問在每个書店都有的賣嗎？
龔成老師：
書本在三聯、商務、誠品都有得賣。由於部分書在一些書店已斷，所以若你見唔到，問下職員就得（又或向職員訂都可以）。
以下是我的17本書：
《80後百萬富翁》（第10版）
《80後2百萬富翁》（第5版）
《80後3百萬富翁》（第3版）
《財務自由行》（第8版）
《大富翁致富藍圖》（第5版）
《50優質潛力股》（第4版）
《50穩健收息股》（第3版）
《50值博倍升股》（第3版）
《股票勝經》（第6版）
《選股勝經》（第2版）
《年報勝經》（第2版）
《5年買樓4部曲》（第2版）
《80後千萬富翁》（第2版）
《千萬富翁致富學問》（第1版）
《38全球倍升股》（第1版）
《圖解股票小百科》（第2版）
《圖解美股小百科》（第1版）
由於部分書較舊，所以不是每間書店都有貨，你可以首先找左較新的：《圖解股票小百科》、《圖解美股小百科》。