Q36071：

我持有ETF

要留意乜野

龔成老師︰

要睇你買邊類ETF，只要適合你年紀、經驗、投資取態等，都可以考慮。

ETF投資價值，你可以主要留意以下幾點︰

1) 投資項目，如行業、商品等，是否具投資價值

2) 理解持股，最少係前10大

3) 是否跟貼相關指數，會唔會跟追蹤指數，有太大偏差(可見基金"偏離值")

4) 管理費

Q36072：

1) AI同量子股中短期發展趨勢會唔會唔同，我見RGTI/QBTS都只係個位數

2) 你好，龔老師，我今年35歲，大專畢業，現在份工月薪大約10000，不過做到今個月就完約，目前未搵到下一份工作，因為之前工作經驗原因，搵工難度十分大，好多工都係見完都無得請，近年聽力開始衰退，再加上有糖尿病前期，已經有一定醫療開支。

本來有20萬積蓄，不過因為投資失利（港股同美股），至今已經損失15萬，仲欠下20萬元債務(主要係以前讀書問親戚借的學費)，請問龔老師我可以點收回失地？

龔成老師︰

1) 中短期，真係無人知。

你諗下1年幾前，無人會估倒AI已經會好似今日咁，發展到咁多唔同右範疇。

所以，你睇好相關板塊，最好分注咁慢慢儲。

同時，要控制整體注碼，因為而類新行業一定會較為波動。

2) 至於投資方面，過去的就由得佢過去，唔好諗點去追翻失地，因為咁樣只會令你更加進退失據，這些一個經驗之談，你要"認真記住"。

睇你過去投資表現，本金損失了7成以上。假設你不是開了槓桿，那你在選股和估值(即係買入價部份)操作都不理想。

你現時要先做以下幾件事。

(i) 審視現有持股，到底有無長線投資價值

(ii) 由於你將會待業和有醫療負擔，故餘下資金先以現金方式去保留，用於生活部份。我地永遠都係生活為先，投資為次。你要明白我地投資股票，其實等同投資一間企業。

希望透過其自然增長，以達至財富增值的目的。所以，我地投資一定係長線，而唔係短期炒賣，去賺差價。由於係長線計劃，你唔好預期佢對你短期財務上，會有任何幫助。

(iii) 再投資前，先努力提高自己投資知識。因為長線投資回報，必然同你架知識成正比。

我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《80後千萬富翁》和《財務自由行》，都適合初學者。

我Youtube Channel都會不時分享一些投資技巧和知識，你都可以睇下。

https://www.youtube.com/@user-rw4st4yg5v

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

而負債方面，我建議你同家人好好商量，定一個令你較可行的還款計劃。如果當中有街外架借貸，而利息又高的話，緊記要優先處理。

總括而言，你現時要做係先處理好生活和負債部份。而投資增值，就先審視現有持股，決定是否保留。若想加大投資，建議先提升好知識，否則很大機會跟之前一樣，出現不理想回報的狀況。

Q36073：

謝謝老師提點，希望能慢慢轉營，始終香港現在零售業低迷，好似暫時無方法走出這個胡同，國內房產 危機又係另一個死結。

龔成老師︰

香港零售業，總體好受大圍經濟影響，所以短期難言看好。

至於內房，中央正努力解決緊，但點都要時間去消化。暫時相關股份，風險都會偏高。

Q36074：

Sir, 個市仍反覆嗎? 1299友邦同六福應該繼續持有定賣出?前者仍輸，後者微利?

龔成老師：

相信短期仍反覆的，中國經濟數據未算特別好，同時市場等中國推經濟措施。1299同590長遠仍有發展，有長線投資的價值，如果你持貨不過多，其實可持有。

Q36075：

成老師想問你推介一些收息股可以嗎？

龔成老師：

你可以建立一個收息股的組合，目標是5%以上股息率的收息股，例如高息基金（3110），同時再加：港燈（2638）、深高速（0548）、香港電訊（6823）、工行（1398）、置富（0778）、陽光（0435）你可以了解下，並從中選股。

Q36076：

老師你好,想問1928資產負債比達到100%,而同業0027只有18%,但為何它們會同樣優質?

1928不會因為負債而造成任何影響嗎?

龔成老師：

我地分析一間企業時，會從多個方向方法，財務數據是其中一個考慮方向。

金沙（1928）負債雖然比銀娛（0027）多，但由於水平未到嚴重程度，加上現金流理想，因此不用太擔心。

加上，金沙在往多年，派息較多，甚至有部分年份的派息比率超過100%，在會計上會影響了股東權益數目情況，從而在計算負債比率時，都有機會影響左。所以，我地在分析時，其實要更立，先可以得到全面的答案。

Q36077：

龔Sir, 本人@8.5持有968二萬股，請指教他的前景如何，有機會返家鄉嗎？感謝指教

龔成老師：

以長遠來說，行業發展不差，佢都可以在當中受惠，不過佢始終是新能源相關股，會較波動，因此，都要睇你持貨。

如果你承受風險能力不高或持貨佔組合比例較高，宜減部分。

但如果可承受風險，以及持貨不算多，其實股可長線，但就要平常心面對短期波動，上翻買入價可以的。

信義光能（0968）本質不差，但風險高，佢由信義玻璃（0868）分拆上市，主要從事生產及銷售太陽能玻璃產品，以及發展及經營太陽能發電場。

近年受市場產品價格影響，令賺能力有所減弱。加上市場擔心中國經濟影響需求，令股價較波動。

市場對太陽能玻璃銷量有需求的，因為這企業營業額有增長，但市場對產品的平均售價出現下降情況，令這企業的太陽能玻璃毛利率造成負面影響。

這企業中短期也面對較一般的環境，至於長遠，由於這企業從事生產及銷售太陽能玻璃產品，以及發展及經營太陽能發電場，而這行業仍有一定的發展力，因此長遠前景仍有發展，只是中短期波動增加，風險有所增加。

信義光能雖然近年風險有增加，及中短期仍會較一般，但長遠來說，並不是無發展的，不過投資者要明白當中的風險，以及投資控制注碼。

Q36078：

sir, 除了股票，你還會投資外匯嗎？

你認為外匯值得投資嗎？

龔成老師：

我自己無投資外匯，始終外匯並不是一個長期增長的項目，只是週期性走勢，因為外匯始終只是貨幣，並不是資產項，並無本質增長的能力，因此投資價值並不算高。

Q36079：

老師，想請教一下你的經驗，如果返緊的工作是穩定收入但長期以來覺得不太自由同埋工作佔據了人生太多時間，轉兼職又無法儲夠錢置業，我需要做些什麼去分辨究竟現在這份工是不是應該堅持的呢？

你曾有篇文章類似提過如果在錯誤的路上/用緊錯誤的方法，幾努力都係去緊錯的方向，咁我要怎麼區分，究竟應該堅持現在工作，捱過去以求收入穩定+積蓄，定係去試著自己兼職或創業？多謝

龔成老師：

你首先要從長遠的角度去想，5年後，10年，如果你保持這工作，將會怎樣，你的收入、職位、事業發展、生活、置業等，與理想的生活，是近左，還是遠左？

如果你認為是遠左，你這刻就要想想，有甚麼方法突破，可以幫你完成心中理想的生活。

你要有更闊的思維，這份工會如何，無了這份工如果，轉其他公司如何，轉其他行業如何，創業如何，兼職創業又如何，利用工作+投資又如何。

總之，先了解自己，同時從長遠角度，好好想清楚。

Q36080：

如果想月供股票 四大內銀行股邊隻收息好啲

安全性高啲

龔成老師：

考慮到壞賬及風險問題，你可優先考慮工行（1398）、建行（0939）。

其實4隻都不差的，不過你預佢地都會受中國經濟與內房負債等因素影響，增長力不強，但收息就無問題。