Q44701：
老師，想請教你，因早前港股/美股都跌，本身諗住入多少少，最後只加了美股，因為對港股無咩信心（現時還輸錢），到今日星期回調，美股繼續賺，港股繼續跌，可能因為選股問題，我明白要長線，不能只看短期波動，但只從開始買美股，就覺得想re arrange 過： 美股（個股+少少VOO). 港股（只買收息股+ keep 但唔加注的之前4月比較低位買的）
想問趁低溝（知道老師唔贊成溝，
但為左1） 盡快平倉，加注美股
2） 如之後升勢好就當拉低成本
港股如下-
優質股，想現價溝：
比亞迪 （120入）x 1 手
小米（平均53入） x 3 手
質素比較差而轉弱，諗住唔溝，等下：
福壽園(3.7 入）x 1 手
美團（123 入） x 2 手
因為資金有限，如果只在等沒有策略就好似錯失投資有機會升的美股的機會，和趁機會重組一下，想問老師意見🙏因為見到好像美股賺的錢就彌補了港股蝕的錢，變相沒有增值到實在好掙扎
龔成老師︰
輸緊錢，同港股有無投資價值，係2件不同的事，你要分清楚。
首先︰
我想你明白"溝貨"與"分注"的分別。
"分注"即係本身預左一個資金上限，再去因應佢平貴度，慢慢加注入去。這是預先有計劃，去按股價變化去進行。
而"溝貨"﹐即係見佢跌就不斷入貨，純粹只係希望盲目咁拉低平均個價。覺得之要平均價跌，未來平手離場機會就會大左。"溝貨"係好多散戶鐘意用架策略，不過溝貨唔單只唔會幫到你更易平手，反而係增加緊你組合風險。因為一邊拉低平均成本價的同時，你手上架股票比重都增加緊。而這類股票好多時，只會愈跌愈深，令散戶愈加注，愈輸錢。
所以，我唔建議你咁做。
我建議你睇翻以下Youtube影片，對你理解溝貨而件事(作用和風險)，對你未來投資會有好實際架幫助。
https://www.youtube.com/watch?v=5yu9jrvfGX4
第二︰
你唔好用買入價或帳面賺蝕，作為判斷一隻股票優劣的標準。你應著眼佢本身有無質素，如果有，中短期價格波動，令到出現帳面虧損，係無問題，照可以長線持有。
因為你買入一隻股票之後，買入價已經係一個沉沒成本，唔應該用佢作為考慮因素。反而係佢架長線投資價值，先係最重要。
若果有長線價值，就算而一刻帳面蝕緊，都應該守住先。因為長線佢會增長，慢慢去翻一個較理想的股價水平。相反，如果係無質素，就算而一刻是賺定蝕，你都要將佢沽出。重點分析的地方，係企業質素，而非股價上。
另外，再要分析埋自己持股比重。如果太多，就算有質素，都要減少少平衡風險。
你可以睇下以下影片，會對你有幫助︰
https://www.youtube.com/watch?v=5yu9jrvfGX4
你上述持股，都係有長線投資價值。但1448風險高，長線不宜持有太多。
第三︰
你現時最大問題，唔係持股，而係你本身投資知識極之不足，連最基本判斷一隻股票價值的能力都未有，咁係好危險。
建議你先提高知識，此期間最多分注借下指數ETF，例如VOO和2800，因為佢地風險度較細。
同埋，唔係見美股係咁升，就買晒美股。而家美股已經唔平，回調風險唔細。反而港股現價，長線值搏率明顯較好。
我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
我Youtube Channel都會不時分享一些投資技巧和知識，你都可以睇下。
(當中不少影片，係用來幫讀者提升投資和財務知識，所以無時間性，幾年後再睇依然有用。如果你係想提升自己投資知識，建議你抽時間，睇翻舊影片去為自己增值。)
https://www.youtube.com/@%E9%BE%94%E6%88%90%E8%80%81%E5%B8%AB%E8%87%B4%E5%AF%8C%E5%B9%B3%E5%8F%B0
另外，本人的【投資倍升股課程】適合初學者的，課程可以更直接幫你提升"選股 + 估值"等最核心的投資知識。每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
※※【投資倍升股課程】(基礎班)(共24小時) ※※
馬上報名：https://www.80shing.com/register.php?id=1
課程查詢：WhatsApp: 5545 7212
※※【環球美股實戰班】(共24小時)※※
馬上報名：https://www.80shing.com/register.php?id=6
課程查詢 whatsapp:5545 7212
Q44702：
龔Sir00769(中國稀土)今年會不會復牌
龔成老師：
相信未必，因為佢的情況都有點麻煩。
香港上市公司中國稀土控股有限公司 (00769.HK) 的股份已於2025年6月18日起暫停買賣，並將繼續停牌，原因涉及多項內幕消息和公司治理問題。
主要原因包括：
前高管的行為: 獨立調查委員會發現，前任高管涉及未經授權的停牌申請和虛假陳述。
資產挪用及財務造假: 公司主要附屬公司被發現可能涉及潛在的資產挪用、虛假財務陳述及巨額債務（涉及超過人民幣1億元的多宗訴訟）。
Q44703：
軍工股值得投資嗎
市場好少人提及
龔成老師：
因為涉及一定的技術及政治因素，所以要小心選股，部分的確值得留意。
例如其中一隻可留意的，是洛克希德馬丁 Lockheed Martin Corporation（LMT）有質素，佢係全球最大的國防承包商，自2001年被授予F-35項目以來，一直主導著西方高端戰鬥機市場。
航空部門是其最大的業務部門，該領域由大規模的F-35項目主導。剩餘部門包括旋轉和任務係統，主要是Sikorsky直升機公司，導彈和火控係統，製造導彈和導彈防禦係統和空間係統；以及生產衛星並從聯合發射聯盟（United Launch Alliance)合資企業獲得股份收益的太空係統。
這企業的營業額當中，以近年的業務情況計，有7成來自美國政府（包括通過美國政府簽約的外國軍事銷售），雖然存有集中風險，但由於企業獨特性強，因此在可見將來，仍能持續得到美國政府的訂單，令收入有保障。
美國近年在國防的支出約8000億美元，可見是一個巨大的數目，同時數目每年有增無減，加上近年全球戰事不斷出現，令美國政府國防支出進一步增加。
雖然中短期戰事存有一定的變數，但在長遠，仍可以推斷美國政府在國防開支只會不斷增加，因此對這企有利。
由於企業在技術領先，過往無論生意與盈利都有穩定增長，企業長遠有發展，唯一擔心的是估值，始終政治與軍事等較難預期的風險，股價會較感，市場估值也會因大環境而改變，因此這是投資者要留意的地方。現時約處合理區較上部，現時不建議一次過太大注，建議小注分注投資，以慢慢儲貨模式進行，買入後長線持有。
Q44704：
龔Sir，想請教一下你d問題，何謂現金流？買入收息股，令自己有穩定的利息收入算唔算？
龔成老師：
對個人來說，現金流（Cash Flow）指的持續流入的口袋的收入。
例如主要包括你的薪水、兼職收入、利息、投資收益、租金收入等。
所以，收息股都算。
Q44705：
龔sir, 請問有邊d收息股值得買入？
謝謝阿sir
龔成老師︰
以下是一些值得考慮的收息股，你都可以參考下︰
目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）（記住，股價略波動，不能太過大注）。
[各類收息股比較] https://www.youtube.com/watch?v=t1VSoLLtpic
[避開"假"收息股方法] https://www.youtube.com/watch?v=3bf4bhV-f-g
Q44706：
請問科技股長遠點睇，見近來跌左好多
龔成老師︰
總體而言，具質素的科技股，長線發展都係正面。
其實你分析時，最好個別咁睇，因為科技股都分好多範疇，每個範疇架潛力和風險都不同。
無論港股定美股，建議你都係用個股去到做考慮。因為科技行業發展好，唔代表當中所有股票都發展好。
如果你唔識選股，咁我就建議你買科技股ETF，如3067和QQQ。因為佢地係一籃子科技股架公司，較具分散風險能力。
安碩恒生科技（3067），有長線投資價值。
這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。
這基金上落較大，現價大約在合理區中至中上。
此股有一定波動性，最好的策略，就是月供，或自行分注小注慢慢收貨（例如每月買一次、或2個月買一次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。
Invesco QQQ Trust（QQQ）是追蹤美股納指的ETF，長遠有潛力，是最簡單投資美股潛力股的工具。
美國的納斯達克指數，當中在多間大型的國際非金融上市公司，成份股以市值作基礎，並以一些規則平衡較大市值股份造成的影響。
如Alphabet、亞馬遜、英特爾、Netflix等，都是全球最大型的科技類公司。
長遠有一定的潛力，但要留意，由於指數近年上升了很多，現價已在合理區頂至略貴水平，不建議這刻大手投資，最好的方法，就是月供或分注小注投資，長線持有。
Q44707：
您好 龔Sir
請問美股QBTS 和IONQ有質素嗎？ 適合長線嗎？ 謝謝
龔成老師︰
D-Wave Quantum Inc（QBTS）是高風險類潛力股。
從事量子計算係統、軟件和服務的開發和交付，是量子計算機的商業供應商，也是唯一一家同時製造退火量子計算機和門模型量子計算機的公司。
該公司的使命是釋放當今量子計算的力量，造福企業和社會。它通過實用的量子應用提供客戶價值，解決物流、人工智能、材料科學、藥物發現、行程安排、網絡安全、故障檢測和金融建模等各種問題。它的退火量子計算機可通過該公司的LeapTM雲服務訪問。
由於長期處於虧損狀態，幾時有具體的盈利，未知，因此企業風險較高，估值也較難。好睇講這企業能否成功，只可以話高風險，如果你睇好，只建議小注投資。
IonQ, Inc.（IONQ）有一定風險。
這企阮出售多台具有不同量子比特容量的量子計算機，並且正在研究和開發計算能力不斷增強的量子計算機技術。 該公司目前可以通過雲平台訪問其量子計算機，還可以通過自己的雲服務選擇客戶。
這種基於雲的方法可實現量子計算即服務 (QCaaS) 的廣泛可用性。
該公司的收入來自其量子計算即服務安排、與在公司量子計算係統上共同開發算法相關的咨詢服務，以及與專業量子計算係統的設計、開發和構建相關的合同，以及 相關服務。
雖然業務增長，但持續虧損，同時規模細，未能確定有特別優勢，只能說，這企業高風險。
總括而言，而2隻量子電腦概念股有投資價值，但無論係行業，定係企業本身都有好高不確定性，所以長線不宜投入太多注碼，以免令組合風險過高。
Q44708：
請問老師1788現價可入嗎？謝謝
龔成老師：
只宜小注。國泰君安國際（1788）主要從事經紀、企業融資、資產管理、貸款及融資、金融產品，做市業務及投資業務。
佢之前因熱炒穩定幣概念，升左唔少，之後回落。不過，成件事仲係發展初期，有好多不確定性(例如是否能力為發行商、具體政策如何落實、穏定幣長線規模、到時市場競爭格等)。
所以，現價其實反映左好多正面因素。若最終發展不似預期，相信會有較大調整，故睇好都不建議太大注碼。
Q44709：
Hello龔成老師，想請教一隻優質股佔總投資幾多%先算係持有太多？謝謝
龔成老師：
可以在10%-15%，如果好高質而又明白風險，可以去到20%。
Q44710：
現時想入09992，請指教
龔成老師：
泡泡瑪特（9992）有質素，企業是一家覆蓋潮流玩具全產業鏈的一體化平台，當中包括藝術家發掘、IP運營、消費者觸達及潮流玩具文化的推廣。
佢算是中國最大且增長最快的潮流玩具公司。合作伙伴中不乏知名品牌，好似迪士尼、HELLO KITTY等等。而產品中，最為人所認識就是"盲盒"，此銷售模式為集團貢獻不少。
不過，佢過往曾經面對中國策方面的風險，這都是潛在風險。
有一點要留意，業務始終是潮流產品類，如果日後熱潮減少，都會對佢的生意有一定影響！
因此，如果這流潮一直能維持，這刻算是合理區較上部，相反，如果這潮流過一段時間後轉弱，這刻就變成明顯貴，到時股價都會大跌，你要明白這風險。因此，如果你睇好，都只建議小注投資好了。