Q24191:
9988,有貨,蝕緊,如何部署?
龔成老師︰
阿里(9988)業績差,相信阿里中短期仍較弱,但股價已到合理區中下的水平,長遠投資價值呈現。以下會先簡單講業績,然後再深度分析阿里前景。
阿里巴巴第二季度收入同比增長約3成,而純利逾53億人幣,同比跌8成,非公認會計準則淨利潤285億元,跌4成。
盈利大跌,其中一個原因是上年度同期,有較多投資收益(投資在上市公司,股價上升帶來會計上盈利),如果以較反映經營層面的數據分析(即是不考慮會計、一次性相關因素),盈利下跌約4成,這個數字,當然是不理想,其中一個原因是支出增加,反映行業競爭加大,同時,增長力減少。
另外有一點值得投資者留意,該集團指,調整2022年財政年度的總收入指引,預計2022財政年度的總收入同比增長為20%-23%(而過往預期是30%)。
以最新的業績,以及阿里收入的收入修正,相信中短期的經營環境,仍會較一般,投資者要明白短期股價波動,但長遠來說,阿里始終本身有優勢,慢慢能適應新經營環境,現時股價處合理區中下部,因此仍有長遠投資的價值。
你現貨可持有,但由於政策風險高左,暫時不宜持有太多。若你持貨已佔組合一定比重,就算現價比你買入價平左,都唔好再加注。
Q24192:
Hi Sir, 我上年六月上過你既堂。我有個難題,唔知點好。本人現跟老爺奶奶住九龍一居屋單位,正好樓上隔幾層同一單位現正放售,差不多要670萬,實用五百二十幾尺。
我真係好想搬出去住,我同先生都四十二歲了,沒有小朋友,但希望一年內有小朋友,我同先生入息加埋有七萬蚊,但兩邊家庭也要比家用及加埋洗費,
每月只可儲三萬,如果買樓最多可以比兩成,之後每月供兩萬多D,但手頭仲有一百萬左右股票。其實670萬居屋是否不值?
買咁近係想方便照應,如果有小朋友又可以比老爺奶奶照顧。
但而家又好驚樓價係美國加息後會跌 ,其實買樓自住是否不怕?
麻煩你可否給我意見,謝謝
龔成老師︰
雖然居屋投資價值,比私樓為低。但由於佢售價跟市場價相比﹐係有折扣。
你考慮時,應從長線角度去考慮,邊個方法先至可以令我地,有較多現金流空出來,作投資增值。
而且,這間係你自住屋,投資角度其實係其次。最重要,係佢適唔適合你長線生活,講緊係未來10年,甚至係20年。
另外,你要確認自已有能力,長線都可以"供得起",咁就算佢中間大升大跌,對你都無實際關係。
因此,這是值得考慮的。
香港樓市,中短期會有少少上落(但不會大跌),長遠會向上。
首先要睇經濟基本面,如果經濟持續地差,失業率上升,樓市終會向下,這會對樓市有中期性的影響,不過,就算跌,都不會大跌,最多只是小跌,如果經濟差的情況不是太大,甚至不跌,這是由於背後的需求大。
在長遠計,我仍相信樓市在長遠計,因供求關係,仍是向上多。
樓市始終需求大,我見唔少適婚年齡的朋友,都正等機會買樓,但未買樓,這些是「潛在需求」,過往每年不斷累積,只要樓市跌少少,就會有需求走出來,這令樓市不能大跌。
另外,樓市另一作用是「投資」,現時的租金無大跌情況,以投資回報率的角度分析,樓價都不會大跌,因此樓市平穩。
當然,政府及中央現時有較大決心處理好樓市問題,我相信會令之後的供應增加(不是中短期,要長期才慢慢見到),因此,樓市不會大升,但相信都較難大跌(始終需求大)。
長遠計,樓價會平穩,有少少向上,但不是倍升,不會好似過往般倍升,而是平穩向上。
因此,香港樓作為自住的價值仍在,長遠樓價平穩及有少少向上。但投資價值,就只是一般,未見好吸引的水平。
Q24193:
龔成老師,你好啊~
我而加24歲,follow左你大概一年,早排終於的起心肝買左你本百萬,千萬&自由行,早2日都入左幾隻股,因為資金唔多,每月只儲到6k-8k,
之後可能會每季再入d,希望5年後可以百萬啦!
另外,我想入多隻藥股平衡下個組合,&尼個組合老師覺得可以嗎?希望老師指教下,感謝~
9988 @100股
3132 @400
1398 @2000
1448 @1000
龔成老師︰
我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
你24歲,應以增值為主,建議你用「平穏增長股」 + 「潛力股」作組合,去創造一個增值平台。
工行(1398)只係收息股,增長力不足,唔適合你年紀。至於餘下3隻,都有質素,但同時潛力股類,風險性會較高。以你年紀,我比較建議「平穏增長股」和「潛力股」比重各佔一半。
而且,你現時無乜投資經驗,最好將潛力股比重進一步調低,至3成左右會較好。現貨可持有,就新資金最好先集中翻係平穏增長股,去平衡翻個組合。
另外,由於你係初學者,對企業估值,點去定平貴未必太了解。我建議你先利用月供模式,去建立一個股票組合,以減低買貴貨風險。
現在你每月先用5成儲蓄,即$4000做月供。其餘先儲起,用一邊月供一邊儲蓄的策略。
至於餘下的現金,就等機會,當大市出現一定程度的下跌,就可以動用現金去投資,在平宜價加大力度掃貨,然後長線投資。
以大市過去年平均回報10%計(連股息再投資),你每月投資$8000,5年後大約會增值至56-57萬。如果要達至你的財務目標,你可以增加投資年期,例如去到7年,就會滾存到$92萬,較接近你的目標。
或者,你可以選擇加大金額,去到每月$14000,都是一個方法。
又或者,你可以提高你的回報率,例如投資較多潛力股,當然,這會令你風險度提高,以及要求你有更多的投資知識,你都要明白這點。
Q24194:
想請問下1850 、585、235現價值得入嗎?
算老千股嗎
龔成老師︰
海鑫集團(1850)之前股價無原因大升,之後又大跌,股價的確好人為,很大機會是問題股。就算現時股價大跌後,投資價值仍不高。
佢主要在香港從事設計、供應、安裝、保養及維修消防安全系統。
消防安全系統主要有火警警報系統、排水及排氣系統、消防栓及喉轆系統、應急照明系統及便攜式消防裝置。佢客戶包括建築及整修項目的總承建商、政府部門及相關機構,以及物業管理公司。
過往業務好普通,無乜增長,企業無獨特性,這類業務增長力其實有限,過往每年生意額約$2億,盈利也只有$1000萬、$2000萬,有時出現虧損,這類股估值最多只有$2億、$3億(甚至更少)。
過往市值見過$25億!非常貴。就算現時股價回落,市值$7億,仍是唔值得投資。
意馬國際(0585)從事娛樂事務、投資業務及綜合金融服務業務。
以往經常出現8合1、5合1、供股等動作。
而且2017年核數師更表明"保留意見",代表間公司盤數好大機會有問題,我對投資這類公司有保留。
中策集團(0235)質素唔太好,但又未至於係老千股。
佢主要從事投資證券、金屬礦物及產品及電子組件貿易、放債及證券經紀業務。
睇翻過往的業務情況,非常波動,生意上落大,有時大賺有時大蝕,風險高。加上企業規模不大,投資價值不高。
這股股價有時會大升,但可能只是中短期業務與消息,長遠未必一定利好。
Q24195:
龔Sir你好! 我follow左你一段時間,一直想請教穩健投資.
本人23歲,中學畢業後全職工作4年,有儲蓄10萬。今年9月開始修讀3年全日制高級文憑,所以放棄了全職工作.現在兼職工作,每月5千.沒有家庭負責.
打算把10萬儲蓄投放在收息股,而且比較穩健,利息好。請問有什麼推介?如何分配?
希望得到你的指教.
龔成老師︰
當我地進行人生財富累積時,會運用「先增值,後現金流」方法。年輕人應著重於增值類資產,而較年長的,就應著重保守類別。因年輕人財富系統未成形,同時負擔較少,可以承受較高風險,所以應以增長為先。
例如初期投資較有潛力股票,令財富增值較快,到一定金額後,可轉較平穩增值的股票。最後有相當財富時,才換成收息股去為自已創造穏定現金流。
以你現時23歲去計,是財富增值的黃金時期。除了盡力儲蓄、投資、學投資知識外。也要把握這個黃金時間,做好財富增值部份。
收息股,主要係創造被動現金流(即係收股息),增長力唔高,你很年青,應先努力做好增值,去累積一筆財富。
策略上,你可以投資「平穏增長股」和「潛力股」。
由於你現時無太多投資經驗和知識,潛力股這類風險較高的股票,你就不要持有過多,最多維持2-3成好了,甚至先集中係平穏增長股類。
到你將來掌握到一定投資知識﹐潛力股比重可以相應調高,佔組合約3-5成,視乎你當時投資知識多寡和了解這些股票程度而定。
現時大市只是合理區,你現有10萬資金可以先投入一半,用"分注"形式,慢慢買貨。餘下一半,就等大市出現一定程度的下跌,才大力度掃貨,然後長線投資。
到你將來再有穏定收入,建議你用每月閒錢,進行月供股票,去加大你增值速度,咁會較好。
除了資產增值外,你都把握年青優勢,好好為自己知識進行增值,來提升你財富增值效果。你要多讀投資相關書本、年報,新聞和報讀相關課程。
書本上,你可以睇我寫架《80後千萬富翁》、《財務自由行》和《股票勝經》,都適合初學者。
另外,本人的【投資倍升股課程】適合初學者的,每一課後都會有指引比你,要你在一星期內找那些資料,溫那些內容,只要你跟著去完成,到你讀完整個課程後,你已能自己選股、投資、評估平貴,在投資上已掌握了一定的知識。
Q24196:
龔Sir,唔好意思,有個問題想請教你,如果我想月供股票,金額為每月$10000
想問下以下邊隻股票組合較為適合長遠投資?
00388 香港交易所
01810 小米集團
01211 比亞迪股份
02382 舜宇光學科技
02845 GX中國電車
01263 栢能集團
00868 信義玻璃
00014 希慎興業
03067 安碩恆生科技
龔成老師︰
我地投資增值會運用「先增值,後現金流」作方法,初期投資較有潛力的股票,令財富較快增值,當增值到一定金額後,可開始將財富分配至平穩增值型股票,然後到已累積了相當財富後,才漸漸轉成收息型股票,為自已創造穏定現金流。
因此,我地係做投資選項時,會睇翻你現時人生階段。假設你係年青至中年人士,應先做好增值,我一般建議用「平穏增長股」 + 「潛力股」作組合,去創造一個增值平台。
但如果你希望開頭穏陣D,或者你係年紀較大,你應該用「平穏增長股」 + 「收息股」的組合。你可以睇翻你自已年紀和風險承受能力,去做決定。
你上述股票,除了希慎(0014)外,全部都係「潛力股」。佢地增長潛力大,但風險都偏高,就算你係年青人,我建議「潛力股」比重都唔好高過5成。
而且,比亞迪(1211)現價偏貴,栢能集團(1263)不確定性較高,暫時不宜用作月供,你當回翻D小注就得。比亞迪(1211)可以等回多D先月供,或者用GX中國電車(2845)暫時去代替。
現時大市算在合理區,每月資金唔好盡用,要留有部份,等大市出現一定程度的下跌,就可以動用現金去投資,在平宜價加大力度掃貨,然後長線投資。
Q24197:
你好呀,龔Sir,之前有睇過你分析3319,雅生活服務,請問今日是否合適入手?最近回唔少,以及想問下呢隻股票的前景你有什麼睇法?謝謝!
龔成老師︰
雅生活(3319)近期回調不少,但未見本質有明顯轉差,有貨可以照持有。現價計,算是合理區中下部至底。
不過,要留意內地房地產市場有明顯放緩情況,特別係住宅類。雖然,雅生活較其他物管股,相對業務分散,有住宅類之餘,也有不少商用、公用項目,分散風險能力較強。
加上佢母公司近期弱,對佢都有少少影響。
但始終都會有D影響,你預佢中短期都會較弱,但長線係看好的。
Q24198:
老師你好,我剛剛先接觸股票,完全無經驗,想問問老師有無書籍可以推薦新手增加對股票既知識
龔成老師︰
以下是我的13本書:
《80後百萬富翁》(第9版)
《80後2百萬富翁》(第4版)
《80後3百萬富翁》(第2版)
《財務自由行》(第7版)
《大富翁致富藍圖》(第5版)
《50優質潛力股》(第4版)
《50穩健收息股》(第3版)
《50值博倍升股》(第3版)
《股票勝經》(第3版)
《選股勝經》(第2版)
《年報勝經》(第2版)
《5年買樓4部曲》(第2版)
《80後千萬富翁》(初版)
你可首先睇以下幾本,較適合初學者,之後再睇其他。
《80後千萬富翁》
《股票勝經》
《財務自由行》
另外,有一些其他作家的書籍,都值得初學者參考。
《我十一歲,就很有錢》
《經濟蕭條中,七年賺$1500萬》
《富爸爸,窮爸爸》
《思考致富聖經》
《秘密》
《財富金鑰匙》
《有錢人想的和你不一樣》
《世界上最偉大的成功寶典》
《洛克菲勒寫給兒子的38封信》
《解讀巴菲特》
《巴菲特傳-永恆的價值》
《勝券在握》
《智慧型股票投資人》
《非常潛力股》
《彼得林區的選股戰略》
《誰搬走了我的乳酪?》
《人性的弱點》
Q24199:
基石科技控股(8391)點睇?
龔成老師︰
基石科技控股(8391)過往主要於香港提供商業印刷及財經印刷服務,集團近年開始轉型,於2020年8月收購電動車充電業務,開始在香港進行銷售電動車充電系統。
這佢這段時間,銷售電動車充電系統部份,營業都有唔錯增長。現時電動車充電系統,主要是建設在政府物業。
政府過往都推出措施,去鼓勵和資助建設充電設備。現時香港整個新能車市場,還未普及,故有不少增長空間。
但集團規模始終係細,而且充電系統未算得上係好獨特技術,故未來市場出現競爭者機會好大。而集團該部份增長係唔錯,但長線是否維持到、面對新競爭,它能否優勢,都係一個問號。
另外,你要留意,佢充電系統營業額增長理想,但問題是,這部份比印刷虧損幅度更大。也是為集團虧損擴大的原因。
充電系統發展係有潛力,但何時才可以轉虧為盈,我地而一刻好難知道。
由於印刷長線發展較負面、而充電系統發展時間好短,不確定性高,加上在虧損狀態、集團規模細、負債比率偏高等因素加總下,我暫時唔會睇得太正面。
當然,佢充電系統部份係有潛力,但依然有好大不確定性存在。若你想投資係可以,但只宜小注,同埋預佢係好長線架投資。
Q24200:
老師想問下apple 值得投資嗎?咩價位入好?另外spy咩價位入?謝謝你
龔成老師:
Apple(AAPL)有質素,無論持術、發展、品牌、銷售網絡都十分強,是可以長線持有的股票。
佢設計了各種各樣的消費電子設備,如智能手機(iPhone)、(iPad)、智慧手錶等。
而iPhone占蘋果總收入的大部分。另外,蘋果亦為客戶提供各種服務,亦是一些延伸的賺錢模式,如蘋果音樂、iCloud、蘋果電視、蘋果支付等。
由於已經發展得好大,因此,最高速增長期已過,之後會進入穩定的增長期。長遠的投資價值仍在,但要留意股價。近年大部分時間在合理區頂的水平,如投資要分注,長線。
SPDR標普500指數ETF(SPY)就是追蹤美股的ETF,追蹤指數是標普500指數,當中都是全球有實力的公司,有長線投資價值。
由於近年美股唔平,不建議一次過大手買入,最好的方法是長期月供,長線持有,這是一個最好的投資策略。
若你有問題想向本人發問,可在龔成的fb專頁中(www.facebook.com/80shing)inbox龔成,但要注意如無特別聲明,有可能將問答放上網,當然,會將發問者的身份,以及有關個人資料的部分刪去。
另外,我所給予的各種意見,只是供大家參考,當中無任何銷售及推介,不涉及任何利益,其實大家應該要有獨立分析的能力,我只是給予一些方向及純參考模式。
由於提問人數眾多,見諒無法即日回覆,如果是普通的提問,預起碼要7天以上才能回覆,若然是較複雜的提問,起碼要10天才能回覆,希望各位能諒解。