Q48721：
龔sir，我是你的舊生，上哂三班股票班，都有買齊你的書睇。今年我辭了工抖一年，諗住消化哂所有你教d野。所以有d問題想請教下：
1.我選左能源行業，拎佢d年報來睇，發覺好多業務terms都唔太明，有時諗太多左d行業terms，或者不自覺地睇佢業務，好似好勁咁，睇睇下用多左心神，搞到一日起碼冇左2-3個鐘。
填個堆EPS、ROE，有時d名又唔同，叫咩「歸母公司淨利潤、歸母公司權益…」，搞到我少少亂，搵個數都用唔少時間，發覺要睇5年都幾吃力，如果之後睇其他行業，請問呢個練習係必經階段？
2.我試過用AI幫手填個6頁評估表，搞搞下變左個完全靠AI分析，冇用自己個腦，咁樣做係好唔好？定係要用自己思考寫先好？
謝謝你的時間
類似咁填，會否太複雜？
我發覺咁睇，變左我要好似同個公司主管一樣咁知間公司業務、行業前景/困難，好消心神🥲
所以我很好奇你點做到分析咁多間公司？出書、拍片個堆公司，加加埋埋起碼過300間…如果照你書中所說一星期只能分析一間企業，背後的時間和熱誠，令我十分敬佩🙏
又如果在平常一日要分析一間企業，阿sir可否建議一下如何安排時間？謝謝你
龔成老師︰
- 其實，我分析一間企業，都起碼10小時以上。
如果係唔熟架行業，要架時間會更長。
但你要記住，開頭做分析，一定係用好多時間。因為你係分析之餘，開始正式磨鍊技巧，係一個"投資分析 + 前期學習"階段，一定用好多時間。
但當你累積好左經驗，同埋個股架基本資料(即係首次分析檔案)，就會快好多。
同埋，D數據好多BOC都有。
你唔記得點做，睇翻以前D notes。
- AI可以幫你整理資料，分析資料。
但記住﹐你先係思考架人。你一定要明顯間公司和行業背後架特性、投資要關注架要點，你先可以問到有用架野。
如果單靠簡單Prompt，AI出架資料幫助性有限，最多都係基本認知。
- 分析，的確係費時。
但不停做分析，其實同投資一樣，都係想賺複利效果。
但賺架唔係錢，而係知識，一個幫你致富，提早退休，羸翻自己人生返黎架知識。
開頭，回報不明顯。
但長線堅持下來，回報可以好恐怖。
- 企業評估表
‧首先，我自己都未仔細研究而間企業，但我盡量答你
‧ROE偏低(重資本、折舊大、轉化利潤效率偏低)，證明左佢架資本盈利效率唔夠強。"高技術壁壘"如果無法轉化為"高回報率"，就唔建議輕易對佢係"完美護城河"。
‧國有電廠工程週期長、資本投入高，當宏觀經濟波動或者下游資金開始緊張時，佢壞帳或現金流斷裂風險﹐就會大幅上升。
‧成本轉嫁的能力：我建議直接打"交义"，因為佢同客人係長約，中間好易被商品原料價格波動，蠶食利潤。而件事，唔係咁易轉嫁。
‧派息比率平均40%，唔係45%以上
- 東方電氣（1072）從事發電設備製造與銷售業務，主要產品包括水輪發電機組、汽輪發電機、風力發電機組、電站汽輪機和電站鍋爐以及燃氣輪機等。
業務過往不過不失，增長力不強，賺錢能力也不算很高。
以賺錢能力及發展計，現價在合理中上部，投資價值都有，但不建議太大注。
最重有兩個重要建比你：
1）投資，要花時間，正因為地比其他人了解，先可以賺到比一般散戶多的錢。如果你真的不明白，你可以重讀最基本的股票班，打好個底，因為當你實戰後，就會發現有些基礎知識，仍是一知半解。
2）如果你想花時間集中研究一個行業，我建議人工智能行業。
不過，如果你投資實力未強，就絕對不能集中一個行業投資，要做「分散投資」。
Q48722：
09660還可以持有嗎？
龔成老師：
要睇你風險承受能力，企業有發展的，但風險高，只宜小注持貨。
地平線機器人（9660）從事為乘用車提供汽車解決方案，亦提供非車解決方案，使設備製造商能夠設計及製造具有更高智能水平的設備及器具。
是乘用車高級輔助駕駛「ADAS」和高階自動駕駛「AD」解決方案供應商，擁有專有的軟硬件技術。
另外，企業利用其邊緣 AI 感知與機器視覺技術，延伸至其他智能設備領域：賦能設備製造商設計與製造具備 AI 智能的器具，例如智能割草機、健身鏡、空氣淨化器等家電及工業設備。
企業有長遠發展力的。雖然業務發展快速，但企業仍處於虧損狀態，因此，可理解這股為風險類潛力股，如果睇好，都只建議小注持貨，相信佢股價上落會好大，如果風險承受能力不高，就不宜投資這股。
Q48723：
龔Sir, 請問中芯國際應該在甚麽價位入呢？點解佢嘅市盈率係101點幾咁高嘅？
請問你認為它的合理區域是在甚麼價位可入貨？又在甚麼價位可沽貨呢？請覆，謝謝
龔成老師：
中芯國際（0981）業務有增長力，算是有風險有潛力類。但政治因素成為風險，因此投資時要留意這點。
現時市盈率約100倍，預測市盈率約60倍，因為企業務增長快，每年盈利都有理增長。如果之後的每年盈利都有不差增長，市盈率就會不斷下跌，所以市場就是睇好這點。
分析過往的業務情況，雖然仍每年的生意都有增長，但盈利就有波動，反映雖然大環境的市場在增長中，但佢的成本與售價，就未必在佢掌握的範圍，最後造成盈利波動的結果。
由於美國及其盟國對中國高科技限制，預期會持績，因此中國企業將會更依賴中國的科技企業，只要這些企業如中芯不太差，同時技術有進步，都會為其帶來一定的生意。
中芯國際長遠業務仍有增長力，算是有風險有潛力類，企業在中國行業裡有技術，同時產品始終市場，因此仍有前景的。
但投資者要留意，政治因素成為風險，因此投資時要留意這點。這股不建議大注，現價約在合理區中上，如果投資者睇好，要分注，同時以長線眼光去投資這股。
Q48724：
Sir, 請問點睇981同1347最新業績
龔成老師：
中芯國際（0981）與華虹半導體（1347）早前公布了 2026 年第二季（Q2）業績。
這份業績釋放了一個訊號：半導體成熟製程已走出谷底，AI 的需求正帶動晶圓代工全面進入「量價齊升」的上行週期。
主因是 AI 基礎設施建設引發的配套晶片需求激增。AI 不僅利好台積電的先進製程，同時讓電源管理 IC、MCU、嵌入式存儲等成熟製程晶片需求爆滿，加上國內智能手機與消費電子客戶積極提拉出貨，令兩大廠定價能力向好。
Q48725：
手頭有兩隻收息股, 業績都唔好嘅, 你意見如何?
-
1126 (均價 6.82 x 30,000股)
-
1313 (最近買 @1.07, 諗住低啲再入,希望長遠中國建築及地產會恢復)
龔成老師：
德林國際（1126）集團主要從事設計、發展、製造及銷售塑膠手板模型、毛絨玩具、防水布罩及注塑產品。
過往的生意盈利不差，有一定的增長力，這股都有長線投資的價值，不過由於近年股價上升不少，之後又大跌，其實企業無問題，只是股價較波動，如果3萬股佔你整個股票組合%不過多，可持有。
華潤建材科技（1313）你預短期一般，不過在長遠計，仍是有基本質素，不過業務就較有波動，同時回勇要時間，佢過往的盈利數據上落都大，因此股價的變大亦會較大。
長遠計，房屋、基建發展等因素，仍會利好水泥股。因此長遠不是無質素，現價合理區較下部，如果加注，都可，但只宜加少少，始終行業回勇仍有未知數。
Q48726：
香港寬頻 長keep收息仲有冇前途？
龔成老師：
香港寬頻（1310）主要在香港提供固定電訊網絡服務及國際電訊服務，以及產品銷售。
業務發展不過不失，但盈利都有少少波動，令股價波動。你持貨都可以，收息及少少增長，但預佢不是高增長。
所以，雖然佢派息唔差，但由於盈利波動，令佢過往派息都有點波動，要留意這點。
整體來說，長線投資仍可，質素中等，不建議投資太多，主要是股價及股息有點不穩。
Q48727：
滙豐美國股票指數基金（U5009)值得考慮嗎？
龔成老師：
可以，這隻基金是匯豐 FlexInvest 靈活智投平台的獨家指數基金，主要採用複製策略，全面追蹤標普500總回報指數（S&P 500）。
當中都是全球有實力的公司，有長線投資價值。
由於美股波動，現價也不便宜，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。
好處是超低投資門檻，透過匯豐手機 App 的「FlexInvest 靈活智投」平台，最低港幣 $100 即可開始投資，非常適合小資族或想定期定額的投資者
雖然免認購費，但指數基金本身仍有年度管理費。若與美股市場上的同類型 ETF（如美股代號：VOO、SPY）約 0.03% 的管理費相比，銀行指數基金的總營運開支比率通常稍高。
Q48728：
老師～知唔知國際銀行股中渣打同保險股中宏利點解可以咁勁？可以完全跑贏恒指咁多？我開始冇乜心機再投資科技股～如700-9988呢D ～又冇息～又難炒～要好有技巧
龔成老師：
你不要睇短期，而是睇企業長期發展，你不要學一般散戶。
至於不同股票不同表現，其實好睇每間企業的業務情況，例如渣打集團（2888）由於較多新興市場業務，風險度會比其他金融股高。但當然，如果這些市場成功，佢增長力將會較高。
企業有基本質素，但有部分業務涉及新興市場，質素比匯豐略低，這令業務較波動，因此，投資這股都要控制好注碼。
渣打業務起源於在亞洲及非洲新興市場提供貿易融資。現從事個人銀行及商業銀行業務，在亞洲、非洲和中東佔領先地位。
Q48729：
你好。成哥
請問2899/981/992/2338/1093 這幾個股票可以買嗎？但係他們股票升左好多。請問如何部署呢？
謝謝你🙏
龔成老師：
981、992有質素，有增長力，不過近期上升較多，如果投資，不要一次過大手，要用分注模式買。
中芯國際（0981）業務有增長力，算是有風險有潛力類。但政治因素成為風險，因此投資時要留意這點。
分析過往的業務情況，雖然仍每年的生意都有增長，但盈利就有波動，反映雖然大環境的市場在增長中，但佢的成本與售價，就未必在佢掌握的範圍，最後造成盈利波動的結果。
由於美國及其盟國對中國高科技限制，預期會持績，因此中國企業將會更依賴中國的科技企業，只要這些企業如中芯不太差，同時技術有進步，都會為其帶來一定的生意。
中芯國際長遠業務仍有增長力，算是有風險有潛力類，企業在中國行業裡有技術，同時產品始終市場，因此仍有前景的。
但投資者要留意，政治因素成為風險，因此投資時要留意這點。這股不建議大注，現價約在合理區中上，如果投資者睇好，要分注，同時以長線眼光去投資這股。
至於2899，你預受金價影響較大，股價上落大，投資價值中等。
2338雖然都有質素，但近年上升較多，投資暫時只宜小注。
石藥（1093）長遠有發展力。
這企業是國內主要醫藥製造商之一。成藥產主要在中國出售，包括抗生素、心腦血管用藥、糠尿病用藥、精神病用藥、抗腫瘤用藥及中醫用藥。
原料藥包括粉狀抗生素、維生素Ｃ及咖啡因，大部分於海外市場銷售。
財務數據不算差，長遠來說，這企業仍有增長力，不過，行業本質有風險，加上近年的政策風險，都令佢股價較為波動。
這股可投資，如果投資者有興趣，要明白風險較高，投資時要控制好注碼，現價在合理區中間。
Q48730：
騰訊幾錢入？好唔好入？正股Or輪好呢？
龔成老師：
不建議炒輪，始終風險好高。
騰訊（0700）正股可考慮。
騰訊如果用近幾年計，佢業務正好轉中，佢過往受中國政策規管影響，令企業之前的賺錢能力略減，以及企業估值都會略減，不過，政策影響又未到核心性，無令到企業無法賺錢，只是賺錢減少。
同時，見中國政府之後在政策上開始有放鬆，相信中國政府明白騰訊這類企業對經濟有一定的重要性，同時之前規管較嚴，開始調整翻。相信行業最差的時期有已過，之後會慢慢好轉。
這企業長遠仍有質素，有發展力的。佢最有價值的，就是「平台」，這亦是現世代好有發展的資產。
佢業務模式係提供平台，如通訊平台、交易平台、入門網站、遊戲平台等，而收入來源則是其廷伸的服務，如增值服務、網絡廣告、電子商務交易等。
過往的業績理想，又身處長遠有增長的行業，加上擁有重要的資產，即龐大的客戶群，將來發展各業務都有相當的優勢，這都是騰訊值錢的地方。現價合理區中下，分注可以。