Q34911：
Sir,想問下而家買騰訊定港交所好呢？建行都想買嚟收息，而家喺唔喺買入時機？見到港股好似有返啲起色🙏🙏🙏🙏
龔成老師：
兩隻都有投資博率，都有質素，可長線。
你預騰訊政策風險會大少少，港交所相對會穩定D。
港交所（0388）有質素，獨市生意，加上香港的金融中心角色，這企業有長線投資價值。多年來的生意與盈利都有理想增長，派息不差。
但要留意，由於這股的盈利會受股市成交影響，因此股價都會有影響。而近年的成交弱，會對這股中短期股價有不利影響。
不過，只要投資者分析港股較長的年期，都會發現，成交有一段時間會較多，又有一段時間會較少，同樣，公司上市會睇市況，當市況較旺時上市公司數目較多，市況靜時上市公司數目較少，投資者一定要明白週期性的特點。
因此，就算近一年港股成交較少影響港交所盈利，投資者不用擔心這股無價值，因為週期的因素，成交好轉是時間問題，只要投資者耐心就得，不過短期可能較一般，現價合理區底部，分注可以。
Q34912：
0439有貨應點做呀？佢10合1
龔成老師：
國美零售（0493）質素持續向下，基本上已無投資價值。
建議你反彈後賣出，或分段減持這股。
其實近10年，受大環境、網購、自身品牌轉差等情況影響，質素已大減，自從10多年前創辦人黃光裕因涉及賄賂及挪用資金被捕後，企業一直轉弱。到數年前，創辦人黃光裕刑滿釋放，市場對當時對這企業有期望，但面對大環境不利，以及內部管理問題，業務持續轉差。
近年不但有分店結業，更持續多年出現虧損，加上企業有一定負債，在融資成本持續不輕的情況下，企業往後面對的困境十分大。
國美主要業務是在中國經營及管理電器及電子消費品零售門店網絡。過往曾經是中國領先的家用電器及消費電子產品連鎖零售商，但10年多年前企業業務轉差，再加上大環境不利，令業務持續向下。
簡單來說，企業質素已大不如前，雖然股價近年下跌不少。
Q34913：
請教一下龔SIR, 我留意到早幾日，恆生指數差不多每5分鐘就出現一次陽燭, 好似大戶係後面托住唔俾跌咁, 請問你會如何解讀? 謝謝!
龔成老師：
其實好難知道，背後是托住唔俾跌，還是有基金持續買貨，所以，不要太著重這類短線分析，集中分析企業長期面就得。
Q34914：
老師，建行現價值唔值得入手啊？
等佢升到$5左右就放？
我見收息股好似有個周期咁，派息前通常會高啲，然後派完息就下降，會唔會等派息前放？之後低位再入返？呢個策略得唔得？
龔成老師：
建行（0939）現價可以，但你最好以「長期收息」作投資心態，會好過賺差價的。
至於你見到的情況，其實不一定發生的，只是除淨後股價自然調整，因此策略不一定成功。
本身質素不差，有一定的規模，在全球都有網絡，本身不會無質素的。
不過，這股增長力不算強，只是一隻收息股，現價投資可以，因為在合理價中下，但唔好對股價有太大期望。
前景不過不失，中短期會因中國經濟有影響，銀行業的賺錢能力不及從前，加上壞賬因素，都影響盈利能力。長遠不差，但不是高增長股，收息可以，現水平可投資。
Q34915：
阿Sir, 3086屬於美股行列嗎？ 它的股值合理嗎？ 同現價是否屬於貴？
龔成老師：
算是美股行列。
華夏納指ETF（3086），基金之投資目標為追蹤納斯達克100指數之表現。
這基金長遠有潛力，是最簡單投資美股潛力股的工具。
美國的納斯達克指數，當中在多間大型的國際非金融上市公司，成份股以市值作基礎，並以一些規則平衡較大市值股份造成的影響。
如Alphabet、亞馬遜、英特爾、Netflix等，都是全球最大型的科技類公司。
長遠有一定的潛力，但要留意，由於指數近年上升了很多，現價已在合理區中間，不建議這刻大手投資，最好的方法，就是月供或分注小注投資，長線持有。
Q34916：
老師，請教一下，有沒有優質股票是關於養老服務的？現價合理嗎？
龔成老師：
嘉濤（2189）是從事這業務，質素不算好高，但都不是劣質。
見佢生意穩定，盈利與現金流穩定，現價合理。
香港這行業，長遠有市場的，需求會更多，不過，競爭都大，加上市民對這行的要求、如衛生等，會愈來愈高，這會產生一定的成本。
整體都是正面，但未算最高質之列，這股可投資，長線，但規模唔算大，因此唔建議投資太多。
Q34917：
請問港交所後續如何？
我見有錢賺少少都出咗貨先
龔成老師：
由於港股短期成交仍一般，相信短期股價未必太強，但中長期，會好轉的。
所以，好睇你本身的投資策略。
港交所（0388）有質素，獨市生意，加上香港的金融中心角色，這企業有長線投資價值。多年來的生意與盈利都有理想增長，派息不差。
但要留意，由於這股的盈利會受股市成交影響，因此股價都會有影響。而近年的成交弱，會對這股中短期股價有不利影響。
不過，只要投資者分析港股較長的年期，都會發現，成交有一段時間會較多，又有一段時間會較少，同樣，公司上市會睇市況，當市況較旺時上市公司數目較多，市況靜時上市公司數目較少，投資者一定要明白週期性的特點。
長遠來說，仍會好轉的，耐心少少就得。
Q34918：
Sir, 6865係咪要反彈？
之前走晒應否再入？
龔成老師：
福萊特玻璃（6865）短期仍波動，好難講話是否已向上，最重要仍是之後的業務與中國經濟情況，你預短期仍一般，而中長期慢慢好轉，因此，如果你打算長線，現價可以買少少，但如果短期，就不太建議。
佢主要在中國生產及銷售光伏玻璃，此外，亦生產及銷售浮法玻璃、家居玻璃及工程玻璃，並向中國大陸、日本、新加坡、韓國、台灣、德國及美國等地客戶，銷售產品。
睇翻佢的資料，佢的光伏玻璃產品主要用於生產晶體硅光伏電池，以及用作薄膜光伏電池的蓋板，而佢的生產設施位於浙江省嘉興市。
無論生意與盈利都增長理想，財務數據正面，這股值得長線投資。唯一擔心的就是估值問題，始終現價唔算平，近期股價有時在合理區中下。如果投資，可以分注，不建議這刻大注。
Q34919：
早晨龔Sir，請問點睇美股SQQQ, SOXS兩隻美股ETF的現價投資價值，我諗緊用佢哋嚟做啲對沖，加上見佢哋兩個息率都唔錯😅🙏
龔成老師：
我講SQQQ，因為SOXS模式都類似，只是佢針對半導體行業。
ProShares UltraPro Short QQQ(SQQQ)這類產品本身好高風險，基本上係賭納指100走勢，如果跌你就賺，再加-3倍槓桿。
你用來對沖，其實實質操作不易，因為當納指上升時，佢會出現3倍的跌幅，如果到某一刻賣出了SQQQ，你這部分出現大額虧損，然後，如果不幸地納指在這時候下跌，你美股正股的回報又會減少。
到最後，你忽然因為這次的對沖策略，虧損了一定的資金。
始終對沖正式操作，會有好多可能性發生，你要有不同的假設，同時明白不一定對沖成功。
對於一般散戶來說，其實不太建議。
Q34920：
老師早晨！1029公司收購，我有20萬股公司以0:118收我貨。要蝕錢
龔成老師：
坦白講，這企業無乜質素，生意弱，持續虧損，長線持有也沒有太大作用，唔太值得守。
你可以考慮比佢收購或等股價反彈多少少就賣出，雖然會出現虧損，但已經是最好的方法。