Q35861:
Sir, 請問有冇咩創業方向/建議可以分享吓?
龔成老師:
現時網上可以做到好多野,可以從這方向思考。
其實最重要是自己興趣與強項,睇下可做那個類型,同時,了解一下市場情況,尋找一個切入點。
創業過程,好多時是邊做邊試,同時不斷調整,所以最重要是大方向,就可以開始計劃。
Q35862:
老師你好,我總資產達到一百萬以上了,多謝老師指導
另外,有一個問題想請教你,就是之前短炒7552獲利萬多元,獲利之後再入左10000股7552,買入價8.74,但踏入龍年之後恒指一直造好,現只值7.1,請問需要止蝕嗎?
謝謝
龔成老師︰
先恭喜你,達成左一個人生目標!!!
不過,你要記住,我地投資一隻股票,背後其實係投資緊一間企業。就算再優質公司,都要時間成長,所以投資會係長線。
而中短期波動,我地係好難估計到。因為當中影響的因素,可以好多,部份更同企業本質無關,所以我地唔會去短炒,或者用"估走勢"作為投資方法。只會用線投資,等企業真實價值全面體現在股價上。
XI二南方恒科反向(7552)投資目標是提供在扣除費用及支出之前,盡量貼近恆生科指每日兩倍反向表現(-2x)的每日投資業績。
如果指數跌1%,你就會獲利2%(另扣管理費)。但若然指數向上,你就會虧損。
我對這類產品有保留,科指雖然在最初成立後反覆向下,但原因是最初成立時較貴,以及監管因素,但近期相關風險已減,指數長遠好大機會反覆向上,所以長遠計持有這股對你"不利",一定多於"有利"。
Q35863:
阿Sir請問美股U和港股1830和2383現在可以買
龔成老師︰
Unity Software Inc (U)是一家創建和操作互動式、實時3D內容的平台。
集團令創作者,可以利用UNITY工具,去創作3D遊戲。現時排名前 1,000 的移動遊戲當中,有超7成是使用 Unity 制作。
透過其技術創作的遊戲,可以部署在不同的領先平台,例如任天堂、Play Station、IOS、Android、Window等。
業務有投資價值係有,佢過去多年營業額都有增長,但由於集團上市時間唔算長,而且依然未做到收支平衡。再加上近年大環境持續疲弱,好多機構都縮減開支,故此股不確定性較高。
總括而言,此股投資潛力係依然有,不過仲未做到收支平衡同時,負債又高。係而個高息低增長架大環境下,風險唔細。投資可以,但一定要用分注,同時不宜佔組合太多。
完美醫療(1830)長遠有發展的,但佢的生意都會受經濟、市道等因素影響,都有少少敏感。整體來說,本身有一定的質素。
不過由於管理層及企業本身的業務風險,這股不建議持貨太多。佢會因為經濟、市場競爭等因素,令佢中短期業務未必好強。
長遠仍有發展力的,佢的野心唔細,本身有一定的技術,同時不斷將香港的業務模式複製到其他海外地區,我見佢加強了發展其他地方,因此發展力都有。
這股有長線投資價值。
所以,如果無貨可分注,或者你先小注,等跌慢慢分注,然後等跌多d先正式分注投資。但這股又不建議持貨太多,因此都要控制翻注碼。
如果本身有貨,就長線持有。
舜宇光學科技(2382)有一定的質素,但現價合理。
過往手機市場高增長,令佢鏡頭業務受惠不少,但近年手機增速開始減慢,你預佢增長力會變得較平穏。再加上大環境及中國經濟對佢不利,相信短期都會弱。
不過,佢始終有技術,長遠仍有發展的,但就算這刻,始終不確定性高左,因此都不建議持有太過多,同時未算平。如果無貨想買,只建議這刻正常分注,不建議大手,同時不能佔組合比例太過多。
如果本身有貨,除非加注後,佔你總股票組合仍少過10%,否則不要加注。
Q35864:
阿sir,想問下1211,1830,2382依家可以入嗎?
龔成老師︰
總體而言,上述3隻股票,現價都可以分注入貨,但大市依然波動,故要用長線投資作目標︰
比亞迪(1211)如果本身有貨,可長線,雖然企業最爆炸性增長已過,但長遠仍有發展,但就預佢股價波動。因此,只要持貨不過量,就可以長線持有。
此股有質素,有發展,不用擔心。研發不斷進行,汽車賣得好好,電池技術發展得很好,行業長遠前景良好,企業長遠發展正面。
現時已經成為中國電動車市場的一哥,同時品牌及銷售網絡理想,長遠仍有發展。不過,唯一擔心是股價波動。
現價約在合理區中間,由於一手入場費較高,可考慮小注月供可以。如果想一手手買,就要睇你資金情況,如果你只得一注資金,建議等佢回先買
完美醫療(1830)長遠有發展的,但佢的生意都會受經濟、市道等因素影響,都有少少敏感。整體來說,本身有一定的質素。
不過由於管理層及企業本身的業務風險,這股不建議持貨太多。佢會因為經濟、市場競爭等因素,令佢中短期業務未必好強。
長遠仍有發展力的,佢的野心唔細,本身有一定的技術,同時不斷將香港的業務模式複製到其他海外地區,我見佢加強了發展其他地方,因此發展力都有。
這股有長線投資價值。
所以,如果無貨可分注,或者你先小注,等跌慢慢分注,然後等跌多d先正式分注投資。但這股又不建議持貨太多,因此都要控制翻注碼。
如果本身有貨,就長線持有。
舜宇光學科技(2382)有一定的質素,但現價合理。
過往手機市場高增長,令佢鏡頭業務受惠不少,但近年手機增速開始減慢,你預佢增長力會變得較平穏。再加上大環境及中國經濟對佢不利,相信短期都會弱。
不過,佢始終有技術,長遠仍有發展的,但就算這刻,始終不確定性高左,因此都不建議持有太過多,同時未算平。如果無貨想買,只建議這刻正常分注,不建議大手,同時不能佔組合比例太過多。
如果本身有貨,除非加注後,佔你總股票組合仍少過10%,否則不要加注。
Q35865:
美股儲vt and vti是否比儲單一股票好
龔成老師︰
從分散風險角度,儲VT和VTI一定會較理想。
但如果從長線回報角度,就好睇你本身投資知識水平。如果能力高,具選股和定平貴能力,投資個股有機會優於ETF。
當然,如果自問投資知識不高,就建議用翻ETF去平衡風險。
Q35866:
龔老師,如果只想求穩定請問3988同939點睇?
龔成老師︰
要睇翻你穏定架定義是什麼,如果你只係想收下息(但唔好預會有明顯增長),0939和3988係可以。
不過,銀行業本身風險度高,要盡量控制在組合2成比重以內,咁會較穏當。
Q35867:
早晨 老師
1997 應該點部署
26.5入左
龔成老師:
買入價合理,不差的,你可長線,預佢短期仍只是一般,不會太強,但長遠,仍有收息及平穩增長的能力,你耐心持貨就得。只要貨不過多就可以,佢有質素的。
Q35868:
你認為車位
有無投資價值?
龔成老師︰
從投資角度計,車位都可考慮,因為是土地衍生出來的工具,都有長線投資價值。
最好是市區,屋苑,同時你要以車主的角度,分析該車位是否好泊。
現時的車位比之前回落翻少少,算是合理區中間,租金回報率雖然比過去幾年好左,但未稱得算理想。
因為同定期存款相比,可能都係相若。但持有車位,還需要承受價格波動風險。
而我自己預期香港車位偏向平穏向上,投資價值算係中等。若你本身有自用需要,又或者你資金好充裕,想分散下風險,投資不同資產類別,都是可以考慮的。
另外,除左車位外,建議加入一些優質股,去令財富組合更平衡和多元化。
Q35869:
多謝回覆
但怎樣查这些公司的真假
龔成老師︰
如果係香港公司,我會上證監度睇翻佢有無註冊。
而要查證一間美國基金公司的真偽,我相信都係類近,但我自己無研究開美國非上市企業。
我估計都係類近,例如向美國證券交易委員會(SEC)查詢其註冊情況。確認基金公司是否受到其他監管機構的監管。
其次,可以研究公司背景: 通過研究基金公司的背景信息,包括其成立時間、過往業績、管理團隊等,來評估其信譽和可信度。您可以查閱公司的官方網站、新聞報導以及第三方獨立評級機構的報告。
上述只能提高可靠性,但最理想都係問翻相關專業人士(如美國方面律師)。
Q35870:
1) 龔Sir, 我起銀行月供港鐵同盈富接近3年, 約佔組合5-10%, 其他股票都係蟹貨, 冇再買其他投資
請問我應否繼續?還是轉其他?
2) 亦想請教強積金
現時月供80%美股
10%環球股票
10%環球債券
而強積金倉
50%美股
28%中港
15%環球股票
7%環球債券
因為係公務員,政府月供相對都多
心動想將倉入面28%中港都轉美股
想請教龔Sir你點睇?
小弟現年38歲
龔成老師︰
1)近幾年,全球經濟因爲疫情、戰爭、加息等一連串的不利因素,走勢都相對較弱。
雖然現時疫情已經過去,但中國經濟復蘇未如預期,股市的中短期走勢都偏弱。
月供是一個好長期的理財計劃,好處是只要是有質素的股票,長期累積資產,達到財富增值的效果。
你月供3年,時間不長也不短,港鐵(0066)和盈富(2800)都是有質素的股票,現時處於合理區的底部,我不建議貿然停供,但如果你真的好擔心,可以考慮減部分比例,等自己一個心理上更能承受。
長遠,可以考慮同時月供美股,例如(VOO)或(QQQ),令整體組合更爲平衡。
總體而言,我地分析一隻股價持有與否,唔係睇佢股價(是否蟹貨)。而係從長線投資價值著手,關鍵位是企業質素、前景,不要被買入價影響。因為我地買股票就是買企業。
如果企業質素轉差,就要賣出。如果企業某些核心優勢減少左,就有機會減持。
因此,你要分析翻其他手上架持股,如果佢地核心因素無變壞,就算帳面蝕緊,都可以保留。
2)你現時强積金的配置算是平衡,不用特別去轉換,你將中港股票換入美股,反而資產會過於集中在美股上,不夠平衡。
而且,現時美股已經開始少少貴,反而港股值博率明顯較高,所以而個時候轉移,並不理想。
強積金的配置並不複雜,首先要注意,強積金是一個超長線投資,因此不宜做中短期炒賣,不用以預測投資市場的走勢去將強積金轉來轉去,除非你很確定,現時的投資市場明顯平,或明顯貴,否則在大部分情況,強積金不用轉來轉去
其實,你只要按你的年齡階段,去進行分配就得,年輕時較進取,到了中年就以平穩作配置,到退休前5-10年基金配置就要趨向保守,為退休做準備。因此,你只要按年齡做好配置,並且因年齡漸增,慢慢將強積金轉為較保守類別就得。
另外,在股票配置的部分,你可以考慮環球股票,又或以中國+美國作為核心,因為這兩在往後10年,都是全球兩個最大的經濟體,你同時持有可以。
其實強積金,著重配置、平衡,不著重炒賣。要考慮長期配置的模式。