Q35831：

OPEN，想知是否潛力股 ？

龔成老師：

Opendoor Technologies Inc（OPEN）係一個住宅房地產的數字平台，這個平台使客戶能夠在線購買和出售房屋。它通過房屋銷售以及其他房地產服務的產生收入。

生意波動，過往持續虧損，屬於有危有機的業務類別。風險會較高，未算好有潛力。

Q35832：

老師，想問下如果將現時物業去換自住單位，帳面上反而蝕了，這樣做好嗎？

因為當時購入540萬，現時樓市下跌後約$450萬

龔成老師︰

我建議你用長線角度，去諗而換唔換樓而件事。

首先，如果你現有物業不適合自住，長線都係要換，只要你一買一賣時間接近，一方面現有物業蝕左，但買入架新物業理應都係平左(相比你買入現有物業個一刻)。

而且，如果你現有物業如果本質較弱，那怕市場平穏發展，佢都係會跌。所以，要否把握自住而個契機，去順便轉換其他物業，而個係你另一個考量點。

所以，焦點唔應該係你而一刻帳面賺蝕，而係有無而個"真實需要"。

另外，記住買樓自住，最重要是符合兩個條件：「供得起」+「物業能夠滿足未來10-20年的住屋需求」。

你換樓，雖然賣出的物業蝕了，但你買入的物業同樣都是根據樓價的走勢，一買一賣會將樓市跌而件事平衡翻。因此，你有沒有能力供才是長線重點。

當然換樓涉及成本，所以你要想清楚自己是否有真正的換樓需要先行動。

現時香港的樓市已經過了快速增長的時期，我預期將來的樓市不會大升，同時都不會大跌，只會平穩增值。

如果真要換樓，最重要都是睇翻該物業的質素，呎價，預期租金回報率，特別是利用「呎價，預期租金回報率」去比較同區同類單位，以確定該物業的平貴水平。

另外，你再要審視其升值潛力，未來地區上、交通上、生活等等的配套發展，能否配合自己長遠的需求。

Q35833：

龔Sir，你好，可以分析吓3306嗎？我

想入收息

龔成老師：

江南布衣（3306）質素都有，但不是最高之列。

佢是一家位於中國的設計師品牌時尚集團，從事設計、推廣及銷售女士、男士、兒童及青少年時尚服裝、鞋類及配飾。品牌組合包括ＪＮＢＹ、ＣＲＯＱＵＩＳ、ｊｎｂｙ ｂｙ ＪＮＢＹ、ｌｅｓｓ及Ｐｏｍｍｅ ｄｅ ｔｅｒｒｅ，產品定位於中高層收入客戶。

過往業務不差，生意與盈利都成增長，長遠仍有發展的，但就不是高增長類。

股息不差，都可以分注投資，但就要留意股價都會波動，因此都要控制投資金額。

Q35834：

阿sir , 請問美股IOT質素好嗎？

龔成老師：

Samsara Inc.（IOT）你預有風險有發展的類別。

這企業提供端到端的運營解決方案：該解決方案將物理運營數據連接到由數據平台和應用程序組成的互聯運營雲。 在地理上，它的大部分收入來自美國。

雖然近年生意不斷增長，但財務數據仍弱，企業仍處虧損狀態，令估值較難。

業務發展力都有，但由於仍處虧損，所以風險始終較大，如果你睇好，都只建議小注投資。

Q35835：

Mara點睇

龔成老師：

Marathon Digital Holdings Inc (MARA)是一家數字資產技術公司。該公司致力於開發加密貨幣業務，重點關注區塊鏈生態系統和數字資產生成業務。

區塊鏈和虛擬貨幣，我不是這方面的專家，所以我無太多意見。

以本質來說，這是人為創造出來的，絕對不是「資產」，有沒有真正的價值，如何定義真正的價值，未知。

這些人為創造的貨幣，因為關注度由很少變得大，價格會大升，但這背後是否有真正的支持，我不知道。只能說，投資這些貨幣，投機味好重，可能大賺，亦可能蝕到一文不值，因為，當中有沒有價格，我不知道。

但這不代表佢無價值，佢可能好勁，只是我自己不知佢好勁定好差。

佢長遠的價值，取決於「有多少人用」，即是說，雖然無真實價值，但可以有「交易價值」，如果長遠好多人用，的確可能有高價值。

此企業近幾年營業額，雖然都有唔錯增長，但至今依然是虧損狀態。

我唔係話佢無投資價值，但無人知佢幾時才會有真正穏定的盈利，因此我地好難做個穏妥的估值。

只能說要投資的話，緊記要控制注碼。同時間，你預佢股票會相當波動。

Q35836：

龔成 sir, 請問Coinbase你諗住幾多錢食糊？

龔成老師：

這股是高風險類，所以在最初的投資設定，一係大賺，一係大蝕，因此，策略上會長線等整個行業發展（重點是行業及企業發展，不是股價）。

當行業已去到成熟，好多應用及產品已開始普及，就會賣出。相反，如果行業失敗，確定行業無發展，就會止蝕（當然，如果這情況發展，股價會大跌）。

Q35837：

龔sir , 請問美股Block質素好嗎？

值得投資嗎？謝謝

龔成老師：

Block, Inc.（SQ）是有風險，有潛力類，業務增長快，但估值較難，股價上落好大。

Block Inc成立於2009年，為商戶提供支付獲取服務及相關服務。該公司還推出了個人對個人支付網絡Cash App。

該公司在加拿大、日本、澳大利亞和英國都有業務。大約5%的收入來自除美國以外的地區。

睇翻佢的財務數據，收入與盈利都有理想增長，數年前開始由虧轉盈，業務發展快速，所做業務長遠有發展，唯一擔心是估值過高。

就算股價比高位回落不少，現時市值仍是幾百億美元，就算考慮業務有增長力，估值都唔平。如投資這股，有心理準備上落好大，不是不可投資，但只適合較高風險人士，同時只建議小注。

Q35838：

老師 我有120手3988 平均價2.963，揸左三年，今年想除淨前沽，再低位入返，這樣做好嗎？ 升到3.22沽其實都算收左佢份息🫠

龔成老師︰

我地投資唔會估走勢，而係用策略去行事。

首先，中行(3988)係收息股，如果你係較年長或者保守人士，此股係適合。但佢係用來收息，唔係做增值。

之後，你要留意佢比重，個股不要佔組合15%以上，為之理想。

記住，我地投資唔係賺差價，而係因應自身需要去配置。若你係想做增值，係應該長線，等企業慢慢成長。

Q35839：

呀sir, 請教吓而家港股美股分別有邊啲有質素嘅企業二價格係屬於合理又或者偏低 值得嘅呢？

龔成老師：

港股可留意388、66、700、823，至於美股，如果較有質素的，大多數唔平，迪士尼（DIS）算是其中一隻有質素同時又有值博率的。

Q35840：

龔成Sir, 請問 763 中興通訊 可買入嗎？

龔成老師：

中興通訊（0763）從基本面分析，這股不差的，我亦相信5G的發展，會對佢長遠有正面影響，因此長遠不會太差，但又未到很好的類別。

佢本身係中國高科技通信設備主導供應商之一，通過提供客戶化的產品及解決方案，目前主要服務於中國及其他發展迅速的新興市場。

佢主要同中國電信、中國網通、中國聯通和中國移動等中國主導的電信運營商建立了長期穩定的合作關係。這部分是較穩定的。同時，佢亦向全球多個國家銷售產品。

不過，潛在政治等因素令佢點都有少少風險，從生意分析，長期仍會有發展的，只是有潛在的政治風險，這點不能忽視，而這個風險好難分析及預測。

此股可長線，只要唔係佔你組合太高比例，都可以，同時要明白這股上述的風險。現價算是合理區中間。