Q45241：
早晨您好 .. 我都想請教您我男朋友的理財.. 我想問下您意見同分析..
我同佢買左樓花..供左1年
1）我地每月共同供$13000 左右比銀行
2）我地要另每月共同還比我屋企$25000 （要還多63個月）
3） 黎緊輕裝修加所有預算我都儲好左 13萬 （但佢家姐話可以資助$50000左右）
4） 我地共同現金只有$62000
5） 佢收入是 $52000 13.5個月糧
6） 我男朋友屋企好彩有家姐搵到錢, 所以叫做有咩可以等家姐經濟支援佢媽咪，當然我男朋友會繼續俾家用屋企啦，就算同佢結咗婚我都唔會要佢唔好俾屋企
7） 佢2年前都係搵2萬中而仲有幫老豆還40萬負債（已還完）
8）佢無持有股票同現金
我地財政獨立
我地都想儲錢結婚但可惜好難儲 。基本上佢all in 左1mio去比首期.. 而家變成左月光族..
其實佢都好節儉無車無名牌
我同佢出街都唔會話食好貴
佢爹哋已經過咗身 而供養父母免稅額就俾咗佢家姐
黎緊稅又多…
佢都努力想繼續升職..
因為我屋企已經幫咗手，所以都冇得再問我屋企幫
到底結婚？佢應唔應該同家姐開口借錢？當然結婚我都會出錢啦。
未來幾年應該最難捱
我好lost…
龔成老師︰
我都少少明白，點解你咁迷失。
因為財務上，你們真係沒有太多優化空間，除左增加收入。
成件事，我較擔心係你地已經咁多債務要還，如果長線再問家姐借錢，會令你地財務壓力再更大。
所以，我建議你用長線作思考點，當然我明白結婚一生人一次，一定要規劃得好D。但都要同長線財務作平衡，以免往後財務路上過得更困難。
如果你要有具體方法，第一，想想方法增加收入，有時人在不利情況下，反而有一些重大突破，兼職、小生意、利用自己專業創新收人？
第二，我見你地每月有一筆錢：
「每月共同還比我屋企$25000 （要還多63個月）」
如果你資金上壓力太大，可否同家人講，拉長還款期，令每月還少D，例如每月還$12000，你地每月就可以儲到$13000，起碼有一些現金在手。
到你地過1、2年後，如果資金較好，又或加人工等收入提高，你地可以增加翻還款金額，都是一個方法。起碼可以令你地在心理上，壓力減少。
Q45242：
老師你好 自從2020年上完你堂之後就5年了 不經不覺又0開始儲錢 到今日已經超個了100萬 在加上置業成功，到今時今日股票上都冇大幅改動 但有幾隻股票都上問下你意見
有貨
1810 想問下平易區係幾多左右 因為我都唔識去估算佢 ，實在升得太多 但我仲未夠貨 仲想入 因為覺得10年之後佢一定大有發為
1177
9988
1448
2800
3319 輸到冇眼睇，穿曬頭
823 其實本身都係諗住當收息用 只不過成本價有點高 去到48蚊左右 想問下如果30蚊樓下 可以大手嗎
未有貨 想了解下幾多係平易區係邊個位左右
20
836
如果有其他潛力股，不妨可以介紹下比我🤣
之前你比我地上網睇市盈率同埋每股盈利個網站 冇左 仲有冇其他網可以分享下
因為好耐冇做功課 如果唔在重溫下我怕要重新上過基礎班
龔成老師︰
-
小米(1810)要去到平宜區，至少跌3成以上。
-
你手上持股，依然有長線投資價值。
雅生活服務（3319）受到中國的內房市場影響，近年業務持續轉弱，雖然本身從事物業管理的風險較地產發展為低，但由於物管都受房地產市場影響，加上這企業受母公司弱的因素影響，影響了近年的業務，以及股價表現。
由於中短期內房仍弱，加上母公司弱的因素，所以短期這企業仍未會強，但長遠又不是劣質類，但就比過往質素有減弱情況，同時風險度提高，回勇要較長時間。
企業近年業務轉弱，盈利有一定的下跌，除了受行業情況影響，行業的資金問題也是其中一個因素，例如企業有部分應收賬出現壞賬的可能性提高，主要由於中國地產市場情況，客戶面臨資金壓力。
雖然這股不是劣質，但風險度的確增加，投資者如果投資這股，要明白當中的風險，「可投資金額」不宜太多，如果過往有貨，宜減持部分，餘下小注持有好了。
現時投資這股的策略，是博內房過幾年好轉，如好轉，這股都會出現倍計上升，雖然相比起內房，這企業風險相對較低，但都要小心控制注碼，始終都是較高風險類別。
企業面對行業不景，股價可以大跌，但如果好轉，股價可以有倍計上升，因此投資者要小心衡量，這股是否適合自己，不要大注。
- 商湯集團（0020）有質素，但擔心政治風險。
佢係一家專注於計算機視覺軟件的人工智能軟件公司。根據報告，按2020年收入，為亞洲最大的人工智能軟件公司，並以2020年11%的收入市場份額成為中國最大的計算機視覺軟件提供商。
佢專有的人工智能基礎設施SenseCore，截至2021年6月30日，佢已開發超過22,000個用於不同應用的商用人工智能模型，涉及多個垂直行業，已於智慧商業、智慧城市、智慧生活及智能汽車領域取得市場領先地位，服務商業空間管理、住宅物業管理、城市管理、製造、基礎設施、交通、移動設備及應用、醫療及汽車。
長遠來說，佢的技術應用將會更多，有發展力。
不過，美國之前有對佢進行打壓，相信之後仍會面對一定的政治風險，這對投資者來說都是一個較大的不確定因素。
因此，這股都有長線投資價值，但由於政治風險，因此不建議投資太多。
此股未有盈利，加上行業變化快，不宜估值。建議分注，小注咁儲貨，同時控制注碼。
-
華潤電力（0836）你預跌多2-3成，才算平宜。
-
網站，可用Morningstar
-
潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以自己了解下，再決定是否從中選股。同埋，佢地波動性和風險會較高，要自己平衡。
-
你現時組合明顯偏重晒係港股，建議你未來加入一些美股(但美股現價唔平，可以慢慢做)，令整個組合變得更平衡。
但要留意，個別地區不建議超過組合的7成，如果不懂選股的話，可以考慮加入(VOO)，作用類似盈富（2800）。
Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。
由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。
以下是介紹VOO影片，有需要可以睇翻︰
https://www.youtube.com/watch?v=RnYZQlSG8qA
Q45243：
呀sir. 你好。呢排開始規劃投資基本盤。想請教下你覺得點睇
-
美元貨幣基金 - 50%
-
3110 - 20%
-
66 - 10%
-
435 - 10%
-
2015 - 小注
-
Full goal 中國中小盤成長基金 - 5%
打算再入315，173，同埋1310。
另外本身自己MPF 全部買曬北美基金。
然後諗緊月供3110 會好啲定買個股。
5好意思，有好多問題。麻煩晒🙏🏻
龔成老師︰
- 我建議你首先思考清楚，自己適合那一類股，因為你種類好散，雖然大部份都係可長線投資(除左0173和1310較一般，不宜大注外)。
我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
因此，你在選擇應該投資那一類股票時，會係因應你人生階段、投資經驗和風險承受能力，去做決定。
假設你係年青至中年人士，你可以先留意「平穏增長股」 + 「潛力股」的組合。如果你係偏年青，比例大約可以去到各一半。
(1310, 0435較適合近退休之年人士)
但由於「潛力股」有一定波動性，較適宜年青和有投資經驗人士。若你投資取態較保守、經驗較淺或者較接近中年，「潛力股」比重就要相對下調。
若你投資經驗淺，建議先用月供去平衡買貴貨風險。
現在你每月先用5成儲蓄做月供。其餘先儲起，用一邊月供一邊儲蓄的策略。
月供方面，你可以參考一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以自己了解下，再決定是否從中選股。
如果想增長力高少少，可留意下潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）。另外再加：美股如微軟（MSFT）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，再決定是否從中選股。同埋，佢地波動性和風險會較高，要自己平衡。
但潛力股風險較高，對投資知識要求較嚴格，所以你可以先集中在平穏增長股上，甚至先集中供盈富(2800)和VOO這類指數ETF。到你投資知識有所提升後，才慢慢加入潛力股到組合之中。
至於餘下的現金，就等機會，當大市出現一定程度的下跌，就可以動用現金去投資，在平宜價加大力度掃貨，然後長線投資。
- 一般來說，貨幣基金都是風險較低，但不代表保本。
由於現時有好多貨幣基金，你要睇清楚該基金的風險度，以及條款。
這類基金一般投資政府債券、大型銀行定存、商業票據等商品，雖然回報不算高，但風險也不高。
貨幣市場基金會面臨的風險包括有：利率突然發生大幅變化、多家公司的信用評等遭下調、公司違約等，都有機會令基金出現虧損。
- 至於MPF，唔建議集中單一地區，長線最好加入其他地區(如中港股票)，咁會較平衡。
MPF長線，你只要按你的年齡階段，去進行分配就得，年輕時較進取，到了中年就以平穩作配置，到退休前5-10年基金配置就要趨向保守，為退休做準備。因此，你只要按年齡做好配置，並且因年齡漸增，慢慢將強積金轉為較保守類別就得。
另外，在股票配置的部分，你可以考慮環球股票，又或以中國+美國作為核心，因為這兩在往後10年，都是全球兩個最大的經濟體，你同時持有可以。
其實強積金，著重配置、平衡，不著重炒賣。要考慮長期配置的模式。
Q45244：
請問2318中國平安的前景？
龔成老師：
中國平安（2318）之前表現較弱，到近期好轉。
之前影響股價因素，是內房及延伸資產問題，會對平保中短期不利影響。
而現時內房問題開始好轉，起碼中國政府表明要穩內地房產，對這部分資金會利好翻。
因為平保除了有企業本身的保險業務，會將浮存金進行投資，因此當中國類資產質素轉弱，都會對這企業的資產質素造成影響。
如果用較長遠的角度分析，平安不是無質素的，但的確要等中國經濟及資產質素較正常，這股表現才會較好。而這股近2年表現較弱，主要受兩大因素影響，第一，業務，第二，資產質素。
平保這類保險公司，會持續收取客戶的保費，這些浮存金就可以進行投資。但由於近年中國類的資產質素轉差，都影響了平保的資產質素，無論是與內房相關，又或同其他行業相關的。
長遠來說，企業仍是有質素的、有規模、有品牌，因此發展力仍在。這股長線投資價值依然存在，現價算係合理區中間，但由於短期股價仍波動，因此投資者投資，都要明白這方面的風險。
Q45245：
龔老師，你好，請問5號仔幾多錢入合理？
龔成老師：
現價仍未貴，當然，並不是大手時候，你可以用分注模式投資。
匯控（0005）近年的業務有持續好轉情況。
整體來說，匯豐長遠仍是有質素有發展的企業，不過，銀行業的賺錢能力比過往年代減左，因此不能視為高增長股，但當經濟不差時，始終都會有錢賺，因此都有投資價值。
相信長遠是收息股，但股價增長就未必太強。
這股都有投資價值的，但都不能持貨過多。現水平約合理區中上，作為收息及少少基本增長，這股有長線投資價值。
Q45246：
老師,如果中國想利用便宜電費以扶持產業（特別是AI產業）, 電力公司會否比較不利. 電力股在過去一年算是比較落後大市.
龔成老師：
雖然可能是一個因素，但佢又不會令行業無錢賺，同埋，佢都想支持新能源行業。
Q45247：
龔SIR,請問VOO好D定BRK.B?定兩隻放哂落個組合,有呢個需要嗎THX現時美股處高位,不應開倉🙏
龔成老師：
你預VOO較正路，長遠有平穩增長能力，回報不差，風險也不太高，但短期波動，要以長線投資做核心。
至於BRK.B，都是優質，可投資，但始終要睇巴菲特退休後，整個團隊的運作，能否有一定回報，我自己相信不差，但始終不確定性比過往有所提高。
Q45248：
龔老師:請教下你,如果我想買ETF,長遠咁當儲錢,你覺得可行嗎?
龔成老師：
可以，你可以利用月的方法，如同每月儲錢一樣，不過不是儲現金，而是儲股票。
由於是長期儲貨，所以，一定要確保該ETF，有質素，有長線投資價值，我會建議較大路的，例如標普500指數基金（VOO）、盈富（2800）。
當然，你都要控制好總投入金額，不能過多，始終我地做理財，不應太過集中在單一資產。
Q45249：
請問領展供了3年，停供2年@$62，應繼續持有或月供？謝謝
龔成老師：
要睇你持貨比例，如果這股佔你組合已多，例如已去到15%，就不用再加，原有貨持有就得，相反，如果好少，可以月供，但都不建議供太多。
這房託雖然不是劣質，但增長力的確比過往年代有所減少，所以，要控制翻持貨比例。
Q45250：
請問恆生銀行私有化是好/壞事
應否賣出股票?
龔成老師：
如果你持有恆生（0011），當匯豐正式通過程序，就會強制買你的股票，你到時就要賣比佢，如果匯豐不成功，到時恆生股價會跌。
我相信很大機會成功，所以，你一直持有至私有化都得，除非你擔心才賣出。
匯豐控股及恒生銀行宣布，匯控建議以協議安排方式將恒生私有化，並建議撤銷恒生股份上市地位，對價為持有每股恒生股份可獲現金155元。