Q35571：

錦上路柏瓏發展，是否長遠好過9龍？

龔成老師：

未必，始終佢離市區較遠，雖然有新發展，但存有不確定性，如果好，升的幅度長遠有機會高過九龍（但呎價未必去到在龍），但如果發展唔好，又可以較差。同埋，當區都會有一定的供應，所以不能一面倒睇好。

Q35572：

arkk可以長期持有嗎？

龔成老師：

如果你能承受風險，其實可長線，但就不建議投資太多。

ARK Innovation ETF(ARKK)主要投資一些創新性產品和服務的基金，是一隻潛力與風險並存的ETF。

主要持股包括潛力股，如TESLA、ZOOM、COINBASE、UNITY等等。

此基金有一定不確定性，要精準地估值係好難。

由於基金是主動型基金，當中的組合會改變，同時好睇基金經理的投資策略，因此，不單是考慮當中的資產，同時考慮「基金經理」。

因此，較難定義平貴度，但如果再考慮基金經理的策略，就較難有答案，例如佢賣出了部分股票，平貴度就會改變。

Q35573：

請問點睇ARM Holdings?

龔成老師：

Arm Holdings plc（ARM）是有風險有潛力類別。

1990年成立的ARM，由其設計的晶片，幾乎應用於所有智能手機上。近年人工智能需求增加，市場憧憬ARM受惠於數據中心和發展人工智能，並帶動其設計晶片需求。

這企業從事設計、開發並授權高效能、低成本且節能的 CPU 產品及相關技術，佢主要產品是 CPU 產品，可滿足各種效能、功率和成本需求。

另外，佢亦提供 GPU、系統 IP 和運算平臺等輔助產品，可為各種日益複雜的裝置和應用程式提供高效能、可靠、可靠的系統層級建立作業。

佢業務有發展的，但最難是估值部分，現時市場對這行業有炒作，所以都擔心估值有點高。因此，短期股價都會較波動。

由於未正式計算這企業的估值，只能夠話，企業發展前景是有的，但這股你預上落大，你投資要明白風險，小注投資好了。

Q35574：

2018點睇？

會唔會好似以前咁上返成百蚊？

龔成老師：

瑞聲科技（2018）近年增長力減弱，但又不是完全無質素的，但相信短期仍一般，長遠會慢慢好轉。

不過要翻$100，相信難。

由於近年智能手機市場較為一般，下游手機廠商持續去庫存，對這企業聲學業務帶來一定負面影響，管理層表示，由於與同海外客戶的多年緊密合作，才能保持了市場份額。反映這企業為了保持生意及市場份額，減價去保持這情況，同時反映市場競爭加大，管理層不得不這樣做，最終令企業盈利減少。

簡單來說，就是市場仍然只是一般，同時企業的技術優勢比過往減少，企業優質度有所減少。

不過，企業並不是完全無質素的，始終在行業都有技術，只是市場較弱及競爭加大。

由於企業質素減少，賺錢能力有所減少，企業估值都有所調整，因此現時股價只是合理，由於質素未能稱為最高，因此不建議投資太多，可投資金額也比過往有所減少，企業長遠發展力中等，不過投資者就要明白短期仍一般，同時行業競爭加大。

由於質素未能稱為最高，因此不建議投資太多。

Q35575：

老師您好， 想請教如何在財務自由之後在不工作的情況下， 仍然能使現時的現金流長遠能抵抗通脹， 不被通脹蠶食？ 謝謝🙂

龔成老師：

第一，要建立一個組合，不能只持有單一類項目，減少集中風險。

第二，最好持有真資產，即是會長期增值，以及當中現金流，長遠有增加能力的類別。

投資者要在現金流較高，與資產有基本增長力，這兩方面取平衡。往往可以同時持有這兩類的項目。

Q35576：

龔成 sir，其實Bitcoin halfing 對礦工股係好定不利

他們靠 挖出嚟嘅Bitcoin為收入

但減半對他們咪好不利？

但係同時間好多礦工股自身會持有Bitcoin

減半可能會令Bitcoin 價格上升

咁礦工股的資產又會上升?

龔成老師：

其實好睇減半後，比特幣的價格有無一定的上升，因為這只是一個成本與回報的問題。

如果企業發現電力同硬件等成本，令挖礦活動不再有利可圖，同時比特幣的價格沒有上漲，他們可能就會停止挖礦。

Q35577：

老師，家股市咁低迷

需要幾耐幾時先會好啲。

2-3年到可以嗎..？

龔成老師：

其實好睇中國經濟，因為現時經濟仍較弱，回勇要時間，內房問題會對經濟有一段時間的影響。

因此，經濟會短期大好，相信較難。

但中期會慢慢穩定翻，並好翻少少，股市相信會在1年內穩定，之後會好翻D，但要大好，就真的要睇中國經濟情況。

建議港股+美股，進行財富配置，可以有利整個組合的回報，同時平衡風險。

Q35578：

你好老師，你覺得這年有咩美股港股可以投資呢？

謝謝你！

龔成老師：

其實好睇你風險承受能力，以及所追求的回報。

美股現時有點偏高，但又有實質的經濟及企業業績支持，之前有不少企業公布的業績都是不差的，所以就算股價已高，仍未出現下跌的情況。

人工智能長遠發展理想，但已有炒作成份，風險已高，但潛力大，這類股如果能承受風險，可以等回翻少少，小注。

至於較正路的，風險較正常的，可投資Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。

由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。

Q35579：

龏sir，其實我最近有一個更加要面對問題要面對，有d複雜，我吾知點算

時間部分為上半年下半年，假設我屋企人1000萬現金，我資產（80萬（50萬股票（現值）+10萬基金+20萬現金），我投資都處於虧損狀態達30-50%虧損。

屋企人1000萬將會有機會全數買樓、買車，上半年我一定要比200萬出去，剩返800萬，但我屋企人覺得我有錢，想我拎錢出尼比層樓，上年因為佢地原因，有d優質資產基金股票我都賣哂，套現左一部分投入返哥1000萬度

我月收17000，貸款買樓最多借到200萬左右，但壓力應該會好勁，因為新樓我都想裝修，但屋企人偏向吾裝修，我點樣可以套現到裝修錢而又吾會太大壓力，我吾係好識做整個財務規劃，想你幫幫手

我有諗過轉工睇下有冇機會加薪，到時候借多d，又或者用定期擔保套筆錢做靈活資金

我尼緊上半年可能都要做個手術要用到十萬左右現金，雖然保險應該可以cover 8成，但我吾想錢都一下子砸哂落去拎吾返感覺

龔成老師︰

其實你係想講，你屋企將會有近1000萬開支，對嗎?

因為有點亂，你有80萬資產(當中現金有20萬)，同時假設家人有1000萬。但如果家人有1000萬，點解仲要你而個人工水平幫手借錢買樓，是否我有地方理解錯左?

總括而言，你財務上如果未準備好做咁多事，勉強去做係無意思。

你應該先優先做左必需做架野，例如醫療上架開支(包括可能要休息，令收入減少部份)，要先處理好。

至於轉工，係有一定風險。首先，你向銀行貨款，剛轉新工係有機會對批出貨款造成負面影響。

除非你家人真係好有置業同買車架迫切性，同時佢地自己財務上都無能為力，否則建議唔好勉強自己，一家人好好商量，以免造出不良後果。

Q35580：

老師，你好。想請問一下你對003 同011 的中長線睇法，可以繼續持有嗎？

港股一直向下，有值搏率嗎，應否繼續長線持有？

謝謝你

龔成老師︰

2隻都仲有長線投資，現價都合理，可以分注。

恆生(0011)是收息股，比較適合退休或保守人士。而煤氣(0003)則是平穏增長型，未近退休之年都可以考慮。

不過，煤氣(0003)近年弱左，長線不宜持有太多。

煤氣（0003）增長力比過往減少左，但不是無質素的。

雖然近年業務較一般，但煤氣近年在中國的投資，仍是保持進行的，煤氣在中國於2021年擁有的項目有514個，到2022年，則去到624個。

每年都有幾十億，這些投資不會好快就見到收成，但這企業就仍是發展中的，但要時間才能將當中的價值顯現出來。

這股全面回勇仍要時間，近年的賺錢能力及盈利的確有下跌情況，但最近情況已經穩定，整體的企業質素仍有，現時正好轉中，不過增長力比過往減左。