Q41781：
老師你好，最近先認識你，發現你同出面的人講野好唔同，我用一般散戶炒股心態，玩左5年股票，蝕左79萬，好沮喪，心很累，身很累，其實我係咪唔應該玩股票？
龔成老師︰
投資股票其實有好多要注意的地方，包括投資心態，選股，買賣時機，技巧策略等，話難唔難，話易都唔易。
我20年前，是短炒者，技術分析者，用左幾年，輸足幾年，之後長線投資，就開始不斷賺錢。
當然投資輸錢不一定是因爲短炒，亦有可能是投資心態薄弱，我想講的是你要尋找出自己究竟在投資邊一環出現問題，然後糾正。
就好似20年前的我，剛學投資，如果我喺短炒既時候就放棄，咁就唔會有今日既「賺大錢」結果，所以，遇到問題，一定要積極搵出原因。
近年港股因爲疫情、加息、戰爭等一連串不利因素，走勢都偏弱，我收到好多讀者的來信都話失去信心，想放棄。
就算持有的是優質股，但投資心態差，最後都是得不償失，所以，有時候並不一定係你投資有重大的問題，而是大環境不配合，呢個時候，我地就更加需要耐性去持貨。
如果仍然覺得疲累，可以先暫停投資，多吸收知識，找出自己的問題所在。
書本上，你可以睇我寫的新作《圖解股票小百科》以及《80後千萬富翁》、《財務自由行》，都適合初學者。
Q41782：
龔sir，關於巴菲特嘅著作
請問有咩推介? 謝謝
龔成老師：
其實巴菲特自己無寫，勉強有一本，就是將佢每天給股東的信，集結成書：《巴菲特寫給股東的信》
另外，如果其他作者寫巴菲特投資理念，可睇：
《解讀巴菲特》
《勝券在握》
Q41783：
老師，期權是一個適合的投資工具嗎？
龔成老師：
期權都是投資工具一種，但散戶操作並不容易，所以好睇該散戶的投資經驗及實力，但對於大分散戶來講，都不算特別建議。
先講基本原理，期權是一種合約，你可以在合約到期日或之前，在其指定價格購買或出售相關資產(如股票、商品、債券、貨幣、指數)。
如果你作為買方，你要支付期權金比賣方，就有權購買或出售合約中的相關資產的決定權，例如支付較小的金額，就有機會得到較大的回報。
相反，如果你作為賣方，就能收取期權金，如果到最後買方不行使你就能賺取期權金，但如果買方行使你就有機會出現虧損。
簡單而言，可視為較短線工具，而且有槓桿性，但由於短線好難預測，因此我唔建議用這類工具，作為投資目標。
Q41784：
龔成老師，之前見你提議過買VOO , 我見富途牛牛評價區有人討論VOO , SPLG 想請問有咩唔同？
如果我可以投入嘅資金唔多，大約每個月/ 兩個月供一股，比較適合簡邊一隻？
Thanks 🙏🏻
龔成老師：
（VOO）同（SPLG）原理一樣，都是追蹤之指數為S&P 500 Index，在扣除各種費用和支出之前追求達到和指數一樣的投資表現，只是不同基金公司搞的。
你可以選（VOO），管理費較低。
你可以每月，或隔月，買少少，長線進行，但都要留意買賣時手續不宜太高。
Q41785：
0005這隻坐左好耐了。繼續定平手放好呢😔😔
龔成老師：
你不要以過往買入價作考慮點，你預佢長遠可作收息及少少增長，如果這是你的投資目標，以及貨不多，就持有
Q41786：
請問941 中移動現價入如何？
龔成老師︰
中移動（0941）有質素，長遠發展正面，值得長線持有，作為收息及平穩增長。
過往中國的電訊企業每月每戶平均收費不算高，而5G業務的ARPU則去較高水平，在5G用戶持續增長的前提下，帶動業績理想。
過往幾年的股價弱，但情況開始好轉，其中一個原因與支本開支有關，因為電訊業要投入巨額資本開支，影響現金流及派息，這令過往幾年股價表現都較弱，但到了近一年，中移動的資本開支有減少情況，反映投資最高峰時期已過，令企業現金流得以提高。
整體來說，這股有質素，有長線投資價值，如果本身有貨，可持有，是不差的收息及平穩增長類股。現時仍是處合理水平，都可分注投資。
Q41787：
龔sir 你好, 有睇你既書, 明白你果套「累積財富」既理論
小弟都因為炒炒賣賣 都輸入肉
最近想改變一下，想請教下，我計劃用5-10萬HKD買標普500 etf （VOO / SPLG), 再月供大約港幣5000
佢地現價適合入場持有嗎？
龔成老師︰
投資係一個長線計劃，而當中成敗，「投資知識」扮演緊一個好重要架角色。
係你再開始投資前，緊記要先找出過去問題(如買貴左、選錯股、用錯策略等)，才再開始會較穏當。
SPDR投資組合標普500 ETF（SPLG）和Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。
你可以用佢作為投資目標，現時美股大約在合理區較上位置，你可以照月供。
不過，你要明白月供係長線(最少供3年，持有5年)，先會有明顯效果。
另外，唔好只集中係單一地區，建議都供埋盈富(2800)，去平衡地區性風險。
長線到你有更多投資知識，才慢慢加入其他個股，去令股票組合更多元化和具增長力。
學習方面，我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《80後千萬富翁》和《財務自由行》，都適合初學者。
我Youtube Channel都會不時分享一些投資技巧和知識，你都可以睇下。
https://www.youtube.com/@user-rw4st4yg5v
另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
Q41788：
老師，6823同 941要點樣揀？
龔成老師︰
兩隻都是有質素的收息股，質素上會係0941較高。你可以同時持有，但中移動（0941）現價較貴，港燈（6823）值博率高啲。
長線計，建議你建立一個收息股的組合(而唔係集中1,2隻)，目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）（記住，股價略波動，不能太過大注）。
投資收息股，可以作為財富分配的一部分，但不建議將全部資金都投資，因為一定要留有一定的現金作防守，以備不時之需，以及若大市下跌，可以買平貨之用。
同時你都可以投資年金、債券或其他銀行低風險類的產品，去透過一個多元化收息組合，去將風險分散。
Q41789：
老師，想請問下，亞馬遜，微軟，你會選擇邊個月供？
龔成老師︰
亞馬遜公司 (AMZN)是領先的在線零售商，1994年創辦，經過多年發展，Amazon由線上書籍銷售，演變成為一間主要包含電商、雲計算、數字串流媒體和人工智能的大型綜合企業。
現時是全球最大的電商之一，更是北美最大規模的電商企業，雖然Amazon相比Walmart、Costco等零售業老行專，資歷較淺。但從零售業務生意額計，已經可以並排在龍頭之列。
Amazon業務主要分為三個部分，北美市場、海外市場和亞馬遜網絡服務（AWS）。當中的北美市場，佔總收入6成，其次是海外市場，約佔3成，餘下就是AWS部份。
雖然消費者相關業務，佔據近9成收入，但以經營利潤計，AWS卻佔7成以上。而且，AWS增長潛力都相對較高，未來會是集團增長力的關鍵，這股適合長線投資。
微軟公司（MSFT）有一定的質素，佢係極少數，多年來都在全球市值前排位置的企業，因為幾十年間，經濟模式不斷改變，但佢仍是處一個有優勢的地位。
雖然已有一定的規模，但營業額每年仍有增長，投資價值絕對有。
管理層近年表示，正在創建由人工智能提供支持的平台和工具，以提供更好、更快、更有效的解決方案，以支援小型和大型企業的競爭力，並通過向個人和企業提供廣泛的基於雲端的解決方案。
可見，這企業雖然規模很大，但絕對不是一間無增長力的企業，憑著當中的優勢與技術，利用人工智能的行業發展，帶動企業業務更進一步。而近年大熱的ChatGPT公司OpenAI，Microsoft是主要的金主。
企業擁有一定的優勢，與技術，雖然行業不斷變化，但企業仍能保持優勢，相信長遠發展仍正面，優質度無問題。唯一擔心的只是估值，因為現水平估值不平，就算有業績支持。
整體而言，2隻股票現價都唔平，但如果你係長線月供，都係無問題。
至於質素同潛力，好難直接比較，因為2者主業務都有所不同。
所以，你可以考慮供晒2者。不過要留意，佢地都係潛力股，有一定風險，所以唔建議持有過多。
Q41790：
早晨 龔sir 請問可分析一下837，6896，2660嗎？看到年報很賺錢的，但比較細隻,他們的股價合理嗎？謝謝
龔成老師︰
譚木匠（0837）過往業務不差，但增長力未算好強，長遠能平穩增長，但不是高增長類，現價合理區中上部，暫時唔建議大手投資，小注都可。
禪遊科技（2660）是有風險有潛力類。
業務不是無發展的，過往的生意都不差，但在中國監管的前提下，業務會有潛在風險（如果不計監管因素，業務不差的）。佢現價合理，都算有反映風險，不過，就算你睇好，都一定不能大注。
金嗓子（6896）都有基本質素，但不算最高質類別，長遠有基本增長能力。
現價合理，預佢長遠有基本的增長能力，但始終規模未算好大，因此不建議大手投資。
你預兩隻質素中算，不算高質類。