Q41401：
龔成老師你好！多謝你一直分享供股及其他股票訊息，令我呢啲唔識投資嘅人都學下有紀律地投資，令財富慢慢增長。呢幾年由打工仔走去創業，資產增長唔少，希望老師可以抽時間解答，指點財富配置的方向。
先介紹下目前的財富配置情況：
股票：唔經唔覺供股接近7年，現時手上有2手比亞廸（之前因為一手太貴，已停供）、20手盈富基金、8手港鐵、15手中生製藥，現時價值大約85萬元，現時每月供股大約7000蚊。
其他長線持有股票包括20手建行、16手工行、2手港交所，以及一堆價值不高的股票，現時價值大約38萬。
基金：大約200萬元，現時每月派息共約1萬元，現時帳面價值與買入價大致相約
其他：現金、定期等共有大約300萬
做生意收入不固定，平均大約每月10萬
開支：
每月大約供樓1萬5千蚊，自住樓中，樓價比買入時大約下跌2成。長遠希望換樓，改善居住環境
家用連每月不同洗費／開支：約2萬元
另外有買年金，每年交6萬，醫療保險大約一年7至8萬（10至15年後相關開支會減少，有年期儲蓄plan掛鉤）
想請教一下，供股方面，中生製藥、港鐵是否值得繼續供？現時每月供大約2000元，應否換馬？如果想增加每月供股的金額，大約3000元，騰訊、3067是好選擇嗎？或者有咩推薦股票？
如果再買股票（非月供），現時有咩股票投資價值較高？因為呢幾個月，好多服票都升晒上來，擔心太高位入貨（知道要睇長遠的，但擔心自己唔識睇，買錯股價太高的，有長遠投資價值都要守）
另外，唔同保險經紀時不時推介儲蓄plan，聲稱放25至30年，大約65歲取回時有3－4倍回報，老師覺得呢類財富配置是否合適？
多謝老師抽時間解答！祝你身體健康！
龔成老師︰
我分開幾部份去同你講︰
你所講架股票，都係有長線投資價值，但有幾點要留意。
1) "一堆價值不高的股票" 你要分析佢地仲有無投資價值，如果無就要沽。唔好因為銀碼細，就唔理。
2) 現時唔少股票升左好多，但長線計，依然係一個可以分注架水平。如果你自問無足夠"估值"能力，建議維持月供，或者分注去慢慢儲，以平衡買貴資風險。
至於買邊類股票，就睇你年紀。
若你係年青至中年人士，可以投資「平穏增長股」和「潛力股」。
選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
但潛力股風險較高，對投資知識要求較嚴格，所以你可以先集中在平穏增長股上，甚至先集中供盈富(2800)和VOO這類指數ETF。到你投資知識有所提升後，才慢慢加入潛力股到組合之中。
3) 長線慢慢加入一些美股，去平衡地區性風險。
4) 基金，一般都有唔少收費。而且，派息基金其實係好複雜，有好多風險唔係一般投資者可以理解。我唔係話一定唔好，只係你要明白佢都有一定風險。
5) 年金、定期之類，係較適合近/已退休人士，或者一D較保守架投資者，你要諗翻自己是否適合。
6) 中生製藥(1177)、港鐵(0066)依然可以月供。但1177本質風險較高，如果你貨多，可以轉供另一隻。
近年市場整體都跌唔少，如果你長線有換樓架計劃，你就要睇翻現有物業質素，至少要同大市同步。以免換樓時，因為佢價值貶值得太快，而造成額外成本。
另外，如果你預未來2-3年就會換屋，相關資金就不宜作高風險投資(集中收息股、定期之類就好了)。
保險在理財的計劃中扮演「防守」的角色。
原理就是將你某些不想承受的風險，轉嫁給保險公司。例如人壽保險的原理，是當一個人不幸過世，其家人會因此而失去經濟支柱，
若果想將「失去經濟支柱」這部分的風險轉比保險公司，就要買人壽保險。當家庭失去經濟支柱時，保險公司的賠償就會起作用，購買保險的人就用「保費」作爲代價。
在理財中，我們應該做到「攻守兼備」，保險是防守性產品，有購買的需要。我自己也有買，但買哪些類別，金額多少，就真的很個人化，要視乎你願意承受哪些風險，又有哪些風險想轉嫁給保險公司。
另外，由於保險只是一個防守性產品，因此不用買得過多，「足夠保障」便可。理財是一個配置的過程，當你做好防守後，就應該將資金，留作「進攻」之用，這樣對整個財富最為有利。
儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。
但始終係財富增值角度，佢幫助好有限，一般我都就唔建議太多。做財富增值，應集中投資在優質資產(如優質股、物業等)，效果才會理想。
如果你本身個生意長線發展係好，其實個回報可以跑贏優質股，所以你手上架資金應該優先留比生意部份。
而投資優質股目的，就會由"增值"，變成"分散風險"。
令到你收入來源唔會過於依賴生意部份，使你整個財富組合變得更穏當、更平衡。
Q41402：
老師，請問中國平安(2318),華潤醫藥(3320),北京控股(392)係唔係平穩增長股？值得長線投資嗎？求指教🙏
龔成老師：
中國平安(2318)、華潤醫藥(3320)，是平穩增長類股，長遠都有基本增長力。至於北京控股(392)，增長力不及這兩股，可視為收息類。基本上，3隻都有長線投資價值，可以考慮左中國平安(2318),華潤醫藥(3320)先。
Q41403：
見你學先儲到$100萬，咁佢點起步先
龔成老師：
相信是利用儲蓄，然後利用資金投資，一步步進行，其實，我見好多網友都可以30歲有$100萬，並不是利用做生意等搞到好勁，而是一邊打工一邊儲錢，並利用投資，合理增值。
Q41404：
2638 港燈現價算唔算可以大手入貨收息？
龔成老師：
合理，但不是大手。港燈（2638）是不錯的收息股，港燈電力投資有限公司是一家縱向式電力公用事業機構，旗下香港電燈自1889年成立，為香港島及南丫島唯一電力供應商，業務包括為其發電、輸電、配電及供電。
佢業務穩定、派息穩定，同時港燈會因資本投資，令之後的盈利增加。即是說，過幾年派息就可以慢慢增加。不過，近期外圍加息，收息股受壓，加上佢融資成本增加左，令短期股價有點波動。
長線投資的話，就可以買這股，但最好都是以分注作投資，現價在合理區中下部，都可分注。
Q41405：
龔Sir，請問0006，可以入手收息嗎？升值空間大嗎？但是見距營收不及預期，謝謝
龔成老師：
電能實業（0006）佢主要從事投資能源及公用事業相關業務，範圍包括火力及可再生能源發電，輸電和輸油，配電及配氣。
佢除左持有港燈（2638）外，亦有國際業務，如英國、澳洲、新西蘭、中國內地、泰國、荷蘭、葡萄牙、加拿大和美國等能源及公用事業相關業務。
這股是收息股，但增長力就不強，有長線投資價值，適合中低風險類的投資者，投資目標是收息，及有少少增長，而這股的股價也較穩定。現價合理區中間。
Q41406：
MPF買美股可行?
龔成老師︰
可以，因為我預中美會係未來10-20年最大經濟體，所以投資美股係可行。
但長線記得，唔好過份集中單一市場，以免造成過度集中性風險。
強積金的配置並不複雜，首先要注意，強積金是一個超長線投資，因此不宜做中短期炒賣，不用以預測投資市場的走勢去將強積金轉來轉去，除非你很確定，現時的投資市場明顯平，或明顯貴，否則在大部分情況，強積金不用轉來轉去
其實，你只要按你的年齡階段，去進行分配就得，年輕時較進取，到了中年就以平穩作配置，到退休前5-10年基金配置就要趨向保守，為退休做準備。因此，你只要按年齡做好配置，並且因年齡漸增，慢慢將強積金轉為較保守類別就得。
另外，在股票配置的部分，你可以考慮環球股票，又或以中國+美國作為核心，因為這兩在往後10年，都是全球兩個最大的經濟體，你同時持有可以。
其實強積金，著重配置、平衡，不著重炒賣。要考慮長期配置的模式。
Q41407：
龔 sir, 近期 Tesla 因不利事件股價調整約50%，你覺得此股是否仍值得長線投資？如果現價分注是否合適呢？
龔成老師：
特斯拉Tesla, Inc.（TSLA）長遠有發展，但股價上落大，要注意這方面的風險。
佢成立於2003年，總部位於加州，是一家垂直整合的可持續能源公司，以及製造與銷售電動車。
Tesla銷售用於發電的太陽能電池板和太陽能屋頂，以及用於住宅和商業地產（包括公用事業）固定存儲的電池。特斯拉擁有多款車型，包括豪華、中型轎車和SUV汽車。
Tesla是全球最大的電動車製造商，全球電動車銷量第一位，以現時這企業擁有的技術與優勢，領導地位將會持續。企業過往發展速度十分快，憑藉其主打車型「Model S」、「Model X」、「 Model 3」、「Model Y」，帶領Tesla發展成為電動車王者。
佢有一定的質素及潛力，但不是無風險的，第一，電動車始終是較新興行業，業務始終有不確定性，第二，Tesla估值有時會偏貴，第三，Tesla過往股價甚為波動。
因此，這企業不是不可投資，但投資者要注意風險，最簡單的方法，就是投資時小心控制注碼，最好以小注分注的模式進行，同時，要控制好總投資金額。如果有貨，可長線持有，如果無貨，現價可分注，你預現價是合理區中間，要留意股價上落大。
Q41408：
Sir ,您好
有個問題問您
我由上年12月開始月供2800，1000Hk
想問，到現時為止我賺左幾錢？圈住2個價錢，我應該睇邊個？
感謝解答
同埋我想問，美股係咪可以買一股？
圈住係咪就係一股的價錢？
龔成老師︰
到你現時賺左架錢，相信就係粉紅色圈(綠色字)個度。
至於美股，係可以一股股咁買，唔洗好似港股咁，完整一手先買得。
你圈住個個USD303，就係佢一股架價錢。
不過，你要分清楚一個重點。一股股買，純粹係令你"買入成本"細左，但唔代表隻股票平。
例如︰
股票A買入成本係$100，不過佢現價已經貴。
股票B買入成本係$100000，不過佢現價仲係合理區。
咁股票A，雖然你買入用架錢唔多，但長線股價下行機會好大。相反，股票B雖然要用好多錢買，但長線依然有增長空間。
你要分清楚，"成本"同"平貴度"架分別。
總體而言，現時美股雖然跌左唔少，但仲係唔平。如果你無貨，分注慢慢儲係可以，但唔好過份進取。
Q41409：
老師， 這是我倉的股票狀況，請問可以給我一點意見嗎？謝謝。
（附上組合資料圖片）
龔成老師︰
你持有股票，都有長線投資價值，不過要留意2點︰
1) 個股長線唔好超過組合15%，以免造成過度集中性風險。
2) 你現時組合明顯偏重晒係港股，建議你未來加入一些美股(但美股現價唔平，可以慢慢做)，令整個組合變得更平衡。
但要留意，個別地區不建議超過組合的7成，如果不懂選股的話，可以考慮加入(VOO)，作用類似盈富（2800）。
Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。
由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。
以下是介紹VOO影片，有需要可以睇翻︰
https://www.youtube.com/watch?v=RnYZQlSG8qA
Q41410：
龔老師, 今年我50歲，打算5年後退休，之前的收入沒有太多儲蓄，錢都用在家庭和照顧兒女身上！
五年前開始買股票，當然係唔識啦！呢幾年睇你嘅專業慢慢學懂一些概念！
現存有以下股票，希望老師俾啲意見之後嘅部署，以便五年後退休的安排！。退休有$2,000,000退休金！現在沒有現金流
現每月月供股票及存款如下：
66地鐵 $2000
388港交所 $2000
2382 舜宇光學 $2000
939 中建 $2000
現金存款 $5000
年金5年期 $ 5000
現有股票
066 1339 $32.5 月供中
388 118 $328月供中
939 944 $6.3月供中
2382 605 $77月供中
以下三隻打算繼續持有
1810 2000 $25.7
3067 3000 $9.5
590 1000 $13.9
以下想問老師意見如何處理？
270 6000 $7.7
824 2400 $44.7
6618 700 $53.5
2202 3000 $20.2
現在沒有現金流, 只有$50000
謝謝老師
龔成老師︰
首先，由於你距離退休只有5年，你要先想清楚，現時跟你退休目標相差多少。
若你希望退休後，每月有2萬蚊現金流，以股息率6%計，你需要本金400萬。因此，我地要以這400萬作為目標，透過一些有增長力的股票，去累積這筆資金。
到你退休時，再將這些有增長力股票，換成為收息資產(如收息股、年金、債券等)，去創造你需要的2萬蚊現金流。
以你50歲年齡，財富仍有增長力（但不是進取），因此你可以投資「平穩增值股」+「收息股」。
你可以睇翻自己同退休所需資金差距，去決定集中係邊類。
若你想進取些，可集中「平穩增值股」，相反你想保守少少，可以集中在「收息股」上。但比重要隨著年齡增加調整，你要慢慢上調收息股比例。到退休時，你收息股比例，應提升至100%。
總體而言，你手上持股都有長線投資價值。
但0270和0823近年弱左，而2202和6618本身風險高，這些長線只宜小注。
未來時間，你可以考慮以下股票，作為重點目標。(當然，你維持現有月供都可以。)
平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
你可以建立一個收息股的組合，目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）（記住，股價略波動，不能太過大注）。
最後，緊記要提升自己投資知識。因為長線投資回報，係必然同你架知識水平成正比。
我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。