龔sir 你好！岩岩出黎社會做野無耐,深知儲錢既重要性,自從上年開始番副業，收入唔多,希望可以追到靠副業追到每個月既洗費。
目前副業既時間唔係好穩定。平均1個星期有3-4日工開。岩岩開始對投資有D興趣但係就唔係好識去點分配自己既投資組合。投資黎講，我個人認為我可以承受比較高風險既股票組合。
資產/現時投資既組合已經ListOut左係下面，有幾個問題希望龔Sir可以幫小弟解答一下
-
目前股票佔資產既比例唔算多,我希望可以買入一啲增長型既股票作長線投資,以我下面月供票既比重需唔需要作出調整?如果要，建議的比例會是多少?
-
現時持有既$275,000現金,會建議買入哪些股票(特別是處於平價區的)?
-
以目前[美團]既發展,適唔適合作為我投資組合之前既其中一部份?如果是，月供／持有的比例會建議多少？
-
股票組合之中，我希望會有小部份既投資會係保值股票，請問龔Sir會唔會有少少建議，比我去做下研究?
希望龔Sir可以為我呢隻迷途既小羔羊指點一下,為我既投資組合比一啲意見,非常感謝可惜以前無關注你，錯過左唔少可以靠月供既儲錢方法。
背景資料--27歲, 單身持有學士學位暫時未有結婚/置業等諗法
短期目標:28歲前:儲到$500,000--
29歲前:儲到$750,000
30歲前:儲到$1,000,000 或更多長期目標:
--靠被動收入過日子置業買樓收息其他目標:持續增加被動收入，資產增值將來儲夠錢以買樓收租讀項士考公務員
每月收入:
--正職:政府外判合約文職，扣除MPF後月入$23,161副業:私人補習導師，上門補習，無須報稅，平均月入$3,000~$5,000左右每月支出:
----支出:家用:$6,000交通費+日常飲食等雜項開銷<$3,000與家人同住,無租金支出對昂貴消費物品等無興趣,甚少出外聚會未有購買任何保險
可用作投資/月供金額:每月可以投資約$15,000[已預留部份用作突發開支,如無使用會全數投放至投資中]資產組合如下(截至11月中 ):
股票:股票吉利汽車比亞迪電子股票編號0175 0285持有股數3,000 4,000 *可預留2萬左右用作應急開支，全數均可投入至投資中
股價$ 14.3 $ 29.3市值$ 42,900 $ 117,200
股票總市值: $160,100.00銀行定期: $20,815.83流動資金/現金: $275,583.21*
資產: $456,499.04
月供(預定)現時未有月供股票-打算在2024年12月開始預計策略:月供$15000至股票$3500 : 比亞迪------ $3000 : 比亞迪電子$2500 : 小米$2000 : 港交所$1500 : 恒基地產$1000 : 吉利汽車$500 : 海底撈
個案重點：
‧27歲
‧$45萬資產
‧單身，未有置業及結婚打算
‧收入$23000，可儲$15000
重點目標：
‧30歲前$100萬
‧訂立更長期目標
龔成老師分析：
- 當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
以你現時27歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。
策略上，你長線可以投資「平穏增長股」和「潛力股」。
你手上架股票都適合，但月供部分是潛力股：1211,0285,1810,。你作為新手，最初都要制比例，之後可慢慢增加。
另外，比亞迪系列佔左唔少比重，你要留意這點。
長線建議你最好加少少美股，去平衡地方性風險。
至於0175,6862，不建議月供太多。
以下是一些適合你的股票，你可以參考下，但暫時先平穏增長股作主力。到你有更多投資知識，才加大潛力股比重。
平穩增值股︰指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
潛力股︰例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
- 至於手上資金，同樣可以"分注"慢慢買入上述股票，同樣以平穏增長股為主。同時留有一定現金，等每有明顯回調，才慢慢加注。
另外，現時無明顯邊隻優質股，仲係平宜區。
- 美團（3690）受中國經濟因素影響，以及行業競爭，之前較一般，但長遠仍有發展，不過都要留意短期股價波動。
但有一點留意，雖然企業長遠仍在市場有一定地位，但市場長遠計，都有機會因為競爭比過往年代大左，令企業賺錢能力略減，令企業發展度，有機會比過往減少，所以投資，都要控制注碼。
- 我唔太明白你"保值"架意思，如果你意思係"保本"，其實係無。因為再穏陣架股票，都會有波動。
若你想係要D波動性細架股票，可以選以下收息股。但佢地增長力唔明顯，不太適合你年紀，建議最多佔1,2成好了。
目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
- 我見你目標都幾進取，但你要明白，我地投資股票，其實等同投資一間企業。希望透過其自然增長，以達至財富增值的目的。
所以，我地投資一定係長線，而唔係短期炒賣，去賺差價。由於係長線計劃，你唔好預期佢對你短期財務上，會有任何幫助。
而且，一般我地投資回報架目標，係每年10-15%，講緊係長線拉平均，唔係每年都維持而個數。所以，你上述架短期目標，是否可行，其實存在好大不確定性，但長線用上述方法去投資，累積財富。只要你肯比時間，同埋保持提升自己投資知識，長線回報相信唔會差。
（上述文章只是分析，只供學術性質，並不構成任何投資建議或邀約，投資者在投資前，請自行花時間了解，才決定是否適合自己。）
龔成老師簡介
‧ 暢銷書《圖解美股小百科》、《圖解股票小百科》、《股票勝經》、《選股勝經》、《年報勝經》、《50優質潛力股》、《50穩健收息股》、《50值博倍升股》、《38全球倍升股》、《大富翁致富藍圖》、《5年買樓4部曲》、《80後百萬富翁》、《80後2百萬富翁》、《80後3百萬富翁》、《80後千萬富翁》、《千萬富翁致富學問》、《財務自由行》作者
‧ 《經濟一週》理財真人Show 節目擔任致富教練
‧ 曾接受港澳多個傳媒訪問
‧ 過往於銀行從事投資相關工作多年
‧ 曾在萬多元月薪狀態下，憑股票累積數百萬財富
‧ 現為全職投資者，擁數千萬財富
‧ 於網上分享投資心得，瀏覽量過百萬，為人氣博客，解答網友理財問題逾40,000條
‧ 《經濟一週》、《華富財經》專欄作家
‧ 擁財務學學士學位
‧ 證券業持牌人士
‧ 投資課程導師，香港及澳門學生人數逾5,000 人
‧ Facebook專頁「龔成」粉絲人數超過300,000人
若有問題發問，可在fb專頁「龔成」（www.facebook.com/80shing）inbox。