Q35611：

想問下1801幾錢放好?

買入價$50

龔成老師：

信達生物（1801）雖然不是劣質，但業務始終有一定風險，這股不建議持貨太多。如果你貨太多要反彈減持，如果貨不過多就守住先，慢慢等佢上翻。

係一家中國生物製藥公司，開發了集研究、發現、開發、製造及商業化於一體的生物醫藥平台。

睇翻佢資料，佢亦係腫瘤、眼科、自身免疫和代謝疾病領域建立了一個包括單克隆抗體和其他生物藥物的產品管線。

由於仍處於燒銀紙的狀態，所以有危有機，潛力度是有的，但估值好難，現時市值都唔細，只能完全「估」佢將來的價值，不確定性好大。只可以話，唔建議持貨太多。

Q35612：

老師，如果你乜都唔識，想用股票儲下錢，應該點做？

龔成老師：

你要做三樣野，第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。《股票勝經》、《圖解股票小百科》適合初階者的。

第二，了解銀行及證券行，去開一個證券戶口，並準備做月供股票。

其實兩者都可以，銀行就較方便，但手續費就較貴，證券行收費就較平，香港的監管不差的，風險不大。你可以先了解下不同的收費。

第三，將每月的部分資金，去做月供股票，供指數基金，港股如盈富（2800）、美股如（VOO）。對初階投資者來說，月供股票是一個很好的累積財富方法，因為可避免你一次過在高位買入的風險。

同埋近年單一9市場風險增加左，建議兩邊都有。

原理如同儲錢，不過就不是儲現金，而是儲股票。計劃要長期進行。

另外，盈富是一個組合，適合絕大部分人投資，風險不高，長期儲貨可助你財富平穩增值，記住要長線持有。

當你在做上述三件事的同時，開始學下股票，了解下那些股票適合你自己。上述只同你簡單供盈富，當你過幾個月，有知識及少少經驗後，就可以利用你手上的資金，其中一部分，去投資股票。

Q35613：

老師，你點睇SMCI？

現時可投資嗎？

龔成老師：

Super Micro Computer, Inc.（SMCI）為雲計算、數據中心、大數據、高性能計算和“物聯網”嵌入式市場提供高性能服務器技術服務。

其解決方案包括服務器、存儲、刀片和工作站到完整的機架、網絡設備和服務器管理軟件。該公司遵循模塊化架構方法，提供了交付定製解決方案的靈活性。

該公司致力於開發和提供基於創新、模塊化和開放標准架構的高性能服務器解決方案。該公司一半以上的收入來自美國，其餘來自歐洲、亞洲和其他地區。

業務發展都不差，生意與盈利都有增長，但始終業務有一定的波動性，風險會高少少。近年股價上升不少，現價唔算平，這刻投資值博率只是一般，如果你睇好，都只建議小注投資。

Q35614：

你好，有野想請教一下，

我而家有現金150萬

應該入摟市定淨係做定期？

龔成老師︰

定期就比較彈性，但回報有機會下跌。

買樓就要睇長期情況，要想清楚。

買樓的話有兩個用途，一是自住；二是投資。

現時香港的樓市處於合理區的中間左右，如果買樓自住的話，可以考慮，同時要符合「供得起」+「物業滿足未來10-20年的住屋需求」。

如果買樓投資的話，則值博率只屬一般。

現時香港息口還算較高位，定期的回報率比以往都高，但定期並不是一個長遠最好的配置方式。

因爲現時雖然高息，但當減息周期來臨的時候，長遠的回報將會減少。

因此，要因應自已的財政狀況、風險承受能力、年齡、負擔、要求回報等，從而確認哪一類投資工具較適合自已。

我的YOUTUBE 頻道會定期更新不同的理財影片，你可以先訂閲，當中亦有講高息環境下的財務配置，你可以睇下以下影片，對你會有幫助。

https://youtu.be/kRL04PJHPSE?si=VERAXIbqhzaL-oV-

Q35615：

你好啊老師！我明白到不能只投資港股或美股，要兩邊都投資咁先可以分散風險，想問下你本人港股或美股的投資百分比應如何選擇？是否兩邊都50%？

另外，近排見到美股升了很多，覺得泡沫太大，而且相較港股嘅低位，港股顯得更有值博率，你是否認同？

我近排看好1928金沙中國，想在22.0位入貨， 亦都看好0066港鐵和0293國泰，想分別在25.5和8.0位入貨，唔知你有沒有什麼意見想比我？

謝謝你！

龔成老師︰

我自己港股及美股兩邊都有，由於近年港股的政治及監管風險有所提高，因此美股的比例近年不斷增加，以平衡組合風險。

總之你記住，長遠要做到兩邊平衡，單一市場不要超過70%，如果你這刻太集中一邊，可以利用幾年時間，慢慢調整翻（不用太急一次過調整），令兩邊可以平衡。

你可以根據自己對該地區的企業認識程度去選擇比例，只要個別地區不超過組合的7成，咁就可以。

如果在選股上有問題的話，可以先從指數型基金開始，美股如(VOO)或（QQQ);港股如盈富（2800）或恆生科技指數（3067)。

美股現時處於合理區的較上位置；港股處於合理區的下部，相對而言，港股其實更有值博率。但由於港股受到中國經濟的影響，復蘇的脚步相對較慢，投資者如果買入港股的話，需要有更多的耐性。

假設你係完全無貨係手，而一刻你港股或美股都可以分注。但由於美股較貴，所以配置比例唔可以太多，等佢有明顯回調才慢慢加大注碼，現時先小注會較好。

至於你看好的目標︰

金沙（1928）有質素，佢業務情況慢慢向好，但全面回勇始終需要時間，此股有長遠的投資價值，現價合理，可分注。

港鐵（0066）核心質素無變，可長線。佢是全港唯一的鐵路營運商，加上政府會比佢地產方面的優勢，長遠正面，現價合理。

國泰（0293）經歷完疫情後，業務好轉，但要留意，這企業整體質素不是最高之列。

同時航空業對經濟週期較敏感，收入不穩，因此，這股整體的質素只是中等。如果有興趣的話，可以投資，但不建議太多。

Q35616：

對於近年很多同業競爭，對比亞迪前景的睇法如何？

會否利潤和賣車量會下降？

龔成老師：

雖然都有少少影響，但睇翻近年的財務數據，又無明顯的下跌情況，始終佢能大量生產，加上一些成本減少左，因此賺錢能力可以保持，當然，始終市場競爭不斷加大，風險會比之前提高左。

Q35617：

老師，多謝回覆，我明白老師嘅分析。但五年之後，樓宇供應量會大增，我驚到時候樓價會大跌。

兩層樓都喺太古地鐵站，喺港島區，附近有商業Office，我諗質素應該唔太差，只不過過多10年，樓齡就會差唔多40歲，到時候可能有其他問題😅

呢個都係我其中之一個原因想換一間新d嘅樓，但係老師都有提過，買賣樓宇嘅transaction cost好貴.

我冇等錢使，所以都係遲遲決定唔到買樓定換樓定keep 住現狀。

最近聽老師講Brk.b, 都有諗分住投資。

只不過我唔知道應該點樣去平均分配美股同港股，應該買幾多😅

老師，我五年前上過最基本嘅堂, 一路都想上進階班，但係覺得自己始終未去到嗰個水平,驚上堂會發夢。😂老師通常暑假會唔會開班㗎？因為暑假工作會比較有時間，可以多啲時間讀書。

再次多謝你嘅時間同埋寶貴嘅意見

龔成老師︰

其實張相都唔清，我盡量答。

樓齡固然係一個影響物業價值架因素，但由於太古城地區(太古城和康怡)本身具有一定價值，故抗跌力較高。

這2個物業，有1個你係會自住，這個物業如果真係適合你長住退休，咁負資產其實唔重要，最重要係你供唔供得起。

但你要留意一點，如果你將來用佢做逆按揭，銀行有機會因樓齡太高(>50年)，而拒絕申請，你要明白這一個風險。

至於收租物業，你可以睇翻佢租金回報水平去決定。以你買入年期，我相信應該都合理。

當然，如果你真係好擔心﹐或者現有物業不能滿足你退休需要，你換一個新屋都可以。

而部份，我真係完全睇唔倒D字。

總之，潛力股最多佔2成。未來用平穏增長股做重心，過多幾年，要慢慢加入收息股為退休做準備。

進階班是「投資倍升股課程」的延伸，對象是有基本投資知識，或已完成「投資倍升股課程」的學員。課程內容集中實用層面。

進階班內容涵蓋價值投資法的全面應用，經濟、行業、企業的全面分析，財務報表進階分析，財務數據的運用，進階企業估值模式，全面掌握平貴。

一般上過初班架同學，都能夠掌握到進階班架內容。

最新一期進階班，在2024年2月開始。

由於進階班每次更新都要花大量時，因此，下一次再搞，要到一年之後。

我建議你如果時間配合，就今期報，不要再等，你數年前已經想上，但一直無上，你這樣只會令自己一直無進步。反而你上今次課程，逼自己多溫書，就可以推逼自己進步，你太擔心自己跟唔到，只會停在原地，所以要自己上，多溫書，才是更好的方法！

放心，進階班只要你有上過基礎班，可以跟到的，但就要你多溫書，而我在最新的進階班，加了重點重溫片，你可以返家重溫內容，有更大進步！

如果你想報，就盡快通知我ADMIN安排(同時︰必須出示之前課程的付款證明，會有優惠)，whatsapp 852-55457212。

Q35618：

如果物業係自住的，其物業價錢應計入個人資產嗎？有關的物業按揭尚欠款額，應計入個人負債？

龔成老師：

物業都會計算為個人資產項的一部分，因為這部分都會影響我地總財富的價值。同時，負債都要計算，因為這的確是一筆還的負債。

但同時我地明白，這只是一個自住的項目，並不能夠產生正現金流。

Q35619：

請問SMCI連續暴升，是不是不應該建倉？什麼原因另它可以升得咁勁

龔成老師：

因為整個科網、人工智能板塊，都有少少熱炒的情況，所以市場會找一些未被炒得太高，但本身又有潛力，或本身有主題的企業。不過要留意，現時投資風險開始高，要小心。

Super Micro Computer, Inc.（SMCI）為雲計算、數據中心、大數據、高性能計算和“物聯網”嵌入式市場提供高性能服務器技術服務。

其解決方案包括服務器、存儲、刀片和工作站到完整的機架、網絡設備和服務器管理軟件。該公司遵循模塊化架構方法，提供了交付定製解決方案的靈活性。

該公司致力於開發和提供基於創新、模塊化和開放標准架構的高性能服務器解決方案。該公司一半以上的收入來自美國，其餘來自歐洲、亞洲和其他地區。

業務發展都不差，生意與盈利都有增長，但始終業務有一定的波動性，風險會高少少。近年股價上升不少，現價唔算平，這刻投資值博率只是一般，如果你睇好，都只建議小小注投資。

Q35620：

老師，本人安排緊退休，現在努力緊去做到被動收入多於日常支出。

被動收入主要係收息股股息，e g REITS, 內銀，3110，公用股等。

但有一問題，通脹假設每年3% ，股息增長真係可以追到？否則，幾年後被動收入不能應付日常支出。

龔成老師：

你持有上述的收息股及收息基金，可以長線的。

至於派息能否追到通賬，就好睇當中企業的表現，無絕對的答案，如果企業盈利增加派息增加，自然就能夠做到，而投資者可以參考佢地過往的派息情況。

例如1398，2019年派0.26，2022年派0.30，都算有基本增長。至於0002，2019年派3.08，2022年派3.1，增長力不算強，當然，部分原因是近年的中國及香港經濟因素。

長遠來說，佢地的股息都可以增長，要追到通賬，相信就一半半機會，要睇到時情況。

所以，你在理財上，最好都考慮相關因素。