Q41651：
老師早晨，我初學投資，都想試吓月供嘅方法，但我想問吓係每個月定一個日子，就買入自己組合的股票，或是在哪一個月內觀察那日是合理價格呢？如果組合項目多，交易手續費都不少，我有理解錯誤嗎？
龔成老師：
簡單來說，月供股票就是你每月將現金，買入某一隻或多隻股票，慢慢咁樣儲貨。坊間不少銀行都有提供月供股票服務，你先開證券戶口，然後登記做月供股票。
形式就是每月投入相同的金額，買入同一隻或多隻股票，並持續進行。
例如，每月以相同金額$10,000 買入股票A，假設第一個月股價為$25，就能買入400股；第二個月升至$35，就能買入286 股；第三個月跌回$30，就能買入333股。
總結這三個月，投入了的資金為$30,000，累積股票為1019股，平均買入價為$29.4。
由於月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣。
要注意的是，由於每月持續投入資金，因此一定要選優質股，長線投資，同時要以儲股票的概念進行，最少持續供3 年以上，之後持有5年以上。
月供最重要的一點，是「選股」，如果你無選股能力，就投資ETF。
Q41652：
請問新手要買邊幾本書睇
龔成老師：
你可首先睇：
《圖解股票小百科》
《圖解美股小百科》
《80後千萬富翁》
《財務自由行》
之後再睇其他。
書本在三聯、商務、誠品都有得賣。由於部分書在一些書店已斷，所以若你見唔到，問下職員就得（又或向職員訂都可以）。
以下是我的17本書：
《80後百萬富翁》（第10版）
《80後2百萬富翁》（第5版）
《80後3百萬富翁》（第3版）
《財務自由行》（第8版）
《大富翁致富藍圖》（第5版）
《50優質潛力股》（第4版）
《50穩健收息股》（第3版）
《50值博倍升股》（第3版）
《股票勝經》（第6版）
《選股勝經》（第2版）
《年報勝經》（第2版）
《5年買樓4部曲》（第2版）
《80後千萬富翁》（第2版）
《千萬富翁致富學問》（第1版）
《38全球倍升股》（第1版）
《圖解股票小百科》（第2版）
《圖解美股小百科》（第1版）
Q41653：
龔sir,本人今天40，不精於投資，幾年前開始月供股票，組合一直沒大變動，每隻月供若2000或3000，如下：
（27/66/388/823/1299/1810/2388/2800/9988）
1.想請問一下上面的組合維持可以嗎？或是需減少「隻」數，轉較集中某幾隻？
2.想停供9988，改700是否合適？
3.長遠點睇27、1299？
4.若果想比現時進取「少少」，有沒咩建議可調整組合？
感謝
龔成老師︰
1) 100萬以下的組合，數量最好維持在5-10隻，你現時的數目勉强可以接受，但就不要再增加，太多的話難於管理，同時手續費用會較高。
如果不懂選股的話，潛力股可以考慮月供組合安碩恒生科技（3067）。
這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。
長遠你可以考慮加入美股，令整體的組合更爲平衡。
2) 騰訊（0700）、阿里（9988）同樣有質素，你可以睇自己持貨量，如果本身有一定9988，咁可以轉供0700。
3) 銀娛（0027）你預短期弱，始終消費力弱。
但不是無質素，可以長線持有，本身擁有一定的資產及品牌，加上以賭彩加娛樂模式進行，企業有一定的價值，雖然澳門最高速發展年代已過，但相信仍長遠仍有平穩增長的能力。
佢業務情況慢慢向好，但全面回勇始終需要時間。
銀娛仍有投資價值，現價合理，分注投資，長線持有，可以。
但由於近年業務風險增加左，因此，不建議投資太多。
友邦保險（1299）不差的，企業有一定的質素，有品牌、有規模，生意雖然做到較大，但仍有增長力，不過就不是高增長，只是平穩增長。
不過盈利就有少少波動，再加上現時中國的經濟仍然未有正式好轉，相信中短期都會較弱，但長遠正面。
這股有長線投資價值，現價就處合理區内，可以分注，長線持有無問題。
4) 可以考慮提高潛力股的比例，例如增加到大約4-5成，但由於你本身不精於投資，建議還是集中ETF，如儲（3067）或者QQQ會較爲穩妥。
Q41654：
龔Sir,你好，本人今年42歲，過去幾年亂買一堆牛熊，輸了百多萬，還有2個小朋友照顧，人生什麼都沒有，好想重新規劃，好想請教如何增長第一桶金！
每月約有2萬可存，現存五、六十萬現金！還欠銀行幾百萬，可以點做？
龔成老師︰
記住，不建議投資牛熊這些高風險工具！
我地投資股票，係希望買入一些優質企業，透過佢自然增長，達至財富增值目的。
重點係長線持有優質股﹐唔係去做短炒，唔好用衍生工具去估走勢咁投資，咁係好危險，因為中短期走勢無人知。
但長線持有，企業質素一定會反映在股價當中。另外，由於係長線計劃，你唔好預期佢對你短期財務上，會有任何幫助。
你現時要做，係睇下負債中有無邊D係高息。如果有，建議先還款，因為長線會蠶食你回報。
未來投資方面，當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
以你現時42歲去計，應以增值為主。
策略上，你可以投資「平穏增長股」和「潛力股」。你每月5成儲蓄做月供，其餘先儲起，用一邊月供一邊儲蓄的策略。
選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
但潛力股風險較高，對投資知識要求較嚴格，所以你可以先集中在平穏增長股上，甚至先集中供盈富(2800)和VOO這類指數ETF。到你投資知識有所提升後，才慢慢加入潛力股到組合之中。
餘下的另一半現金，我地就等機會，當大市出現較大回調，就加大力度掃貨，然後作長線投資。
至於手上資金，如果不用急於還債，都可以將部份"分注"去慢慢儲貨。同時留有一定現金，等大回調機會。
最後，緊記要提升自己投資知識。因為長線投資回報，係必然同你架知識水平成正比。
我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
Q41655：
老師你好，想請教如果手持一百萬，咁岩又有機會揀到啟盈苑最大單位，我應該用一百萬俾首期令到每個月按揭降低，定係借足95%按揭用一百萬放落高息戶口或者進行投資？
本人每月薪金係佣金制，每個月可能三萬至五萬之間浮動，感謝老師解惑
龔成老師︰
而個係機會成本問題，最重要睇你投資知識水平。
如果你投資經驗淺，或者好保守，都可以加大付款部份。因為投資存在不確定性，但省下來的供樓利息，郤是保證。
相反，你係有一定投資經驗和能力﹐就應該保留較多資金，去進行投資增值。
所以，你可以因應自己情況，去決定買樓投入資金比重。
另外，由於你薪金係佣金制，建議都留多少少資金周轉，以免影響還款穏定性。
Q41656：
你好龔sir, 上星期初已放晒股票獲利, 我而家手上有現金150萬, 現等時機再入巿, 短中期應該点佈處, 謝謝
龔成老師︰
我想先糾正你一個錯誤的投資觀念，我地投資一定係長線，你見全世界最成功的投資人巴菲特，都只會做長線投資，唔會短炒。
因為中短期股價，可以因為好多因素影響，有些因素甚至跟企業無關，所以無得計。但長線企業價值，必然會反映在股價上，只要長線持有優質股，就自然會有理想回報。
所以，我地唔會好似坊間散戶咁，經常要睇住個股價上落。反而係投資前，我地要做較多準備功夫，去分析一間企業質素和平貴度，以制定入市策略。
當買入後，只要佢長線質素無明顯轉壞，我地長線持有，讓其自然增值就可以。
至於未來投資，就要睇你年紀同投資經驗。
當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
假設你係年青至中年人士，就應先以增值為主。
策略上，你可以投資「平穏增長股」和「潛力股」。你每月5成儲蓄做月供，其餘先儲起，用一邊月供一邊儲蓄的策略。
選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
但潛力股風險較高，對投資知識要求較嚴格，所以你可以先集中在平穏增長股上，甚至先集中供盈富(2800)和VOO這類指數ETF。到你投資知識有所提升後，才慢慢加入潛力股到組合之中。
現時大市大致算在合理區中下至中間(港股)和中間(美股)，你現有150萬資金可以先投入20-30萬，用"分注"形式，慢慢買貨。餘下資金和每月所儲到的資金，就等大市出現一定程度的下跌，才大力度儲貨，然後長線投資。
最後，緊記要提升自己投資知識。因為長線投資回報，係必然同你架知識水平成正比。
我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
Q41657：
老師想請教你一下、派息除净日持有股數，除净后沽出仲有冇息可以派到
龔成老師︰
其實，你只要在"除淨日"前一個交易日，依然係持有隻股票，咁就會收到派息。
不過，你唔好諗住有個時間差，就可以從中獲利(唔好諗住沽完，仲可以賺埋息。)。因為除淨前後賣，其實你架權益係無分別。
因為除淨日會除權，股價會減去左派息個部份，去反映派息對財務上架影響。
[假設除淨日 - 5月21日]
5月20日賣出收益︰股價$20 + 股息$0
5月21日賣出收益︰股價$19 + 股息$1
另外，股價除左受除淨日影響外，仲有好多因素。簡單咁講，除淨後最終股價，未必一定比除淨前平。
詳細除淨解釋，你可以睇翻以下Youtube影片︰
https://www.youtube.com/watch?v=iy_G1yjs0fY
Q41658：
請問7299 2840有咩分別
如果睇好金價 月供以上兩隻其一 係咪都可以？
龔成老師：
ＦＬ二南方黃金（7299），當中有槓杆成份，要留意風險。升的時候你會賺多左，但跌時候你損失同樣會係雙倍。
我一般會建議無槓杆成份的，例如2840。
ＳＰＤＲ金ＥＴＦ（2840）係一隻追蹤黃金價格的交易所買賣基金，當金價上升，佢都會上升，當金價跌，佢都會跌。
睇翻佢過往的價格表現，基本上都追蹤到黃金的價值，因此都可以成為投資黃金的工具。
Q41659：
請問教授 點睇港股??
港股現在有升勢
應該脱險了
龔成老師：
無人知的，只能話，短仍會波動，其實我地作企業面分析，就不用太擔心，並不是所有貿易戰因素都對企業不利的。總之記住，我地應該集中分析企業長期發展情況，而不是短期股價，同時，大市波動往往有危有機。
Q41660：
hello 龔成，聽專家講恆指未來1年有可能升到28000，想請教你點睇🙏 我而家手頭上有50萬定期，60萬cash，考慮緊入貨買 2800...
龔成老師：
所有的預測，都只能參考下，不能盡信。
實中國經濟已經有好轉情況，也會帶動香港經濟，不過，貿易戰就增加了不確定性，現時好睇貿易戰的發展，我相信仍會持續短期，但最終都會達成協議。
所以，要預測今年去到幾多，其實不易，只能說，短期存有不確定性，會波動，但我相信中長期是正面的。
你可以分注買入盈富（2800），但不要一次過大手，要慢慢分注，同時，也不能將所有資金只集中盈富，可以同時考慮其他，例如VOO都得。長遠建立一個平衡的組合。
同時，你都要留適當現金在手。