Q24211:
龔Sir,你好! 本人從你的書本上獲益良多,亦因此開始了月供股票累積財富。
不過近來眼見港股一直向下,一些財經新聞資訊表示多了投資者轉投其他國家投資買股票,我是否應該要轉投其他股票或市場,以避免資產繼續下跌。
1398 : 18968股 (@5.215)
1928 : 1881股 (@34.798)
27 : 1000股 (@63.5)*不是月供
2800 : 3117股 (@27.442)
1177 : 2000 股 (@7.11 )*不是月供
9988 : 572股 (@174.8)*不是月供,股票掛鈎接貨的
賭業股因續牌及政策影響,股價跌幅頗大,這還可以守嗎?還有更合適的做法嗎?
阿里巴巴如174.8 這價位算是合理區嗎?雖然龔Sir 說中短期股價可能會較弱,長遠業務核心依然沒有太大影響,應否先離場,還是應該繼續守呢?
中國生物製藥如再下跌,會建議加注嗎?
盼望龔Sir 既回覆。謝謝!
龔成老師:
雖然近期港股係弱左,但不代表它已無投資價值,在港股當中依然有不少優質企業。但從平衡配置上考慮,你係可以加入其他地區股票,令組合的風險更分散。
金沙(1928)和銀娛(0027)受續賭牌影響,仍有好多變數。金沙(1928)和銀娛(0027)在澳門有正面的貢獻,從資產質素、澳門發展、就業等角度,佢都做得不差,賭牌好有機會得到,不過,政治因素就是不確定,這點好難準確分析影響是否大。
初步分析,佢得到賭牌會過半,但政治是一些不能預測因素。
要留意,現時賭牌的條款,要求加入政府人員,這無可避免地影響了企業長遠的賺能力,優質度及估值都會略減。
此股長線投資價值依然存在,但風險度係高左,故暫時要控制注碼,不宜持有太多。
由於你已有一定持貨,暫時唔好再加注了,月供也應該要先停止。持有的貨,可以守住先。
阿里(9988)業績差,相信阿里中短期仍較弱,但股價已到合理區中下的水平,長遠投資價值呈現。以下會先簡單講業績,然後再深度分析阿里前景。
阿里巴巴第二季度收入同比增長約3成,而純利逾53億人幣,同比跌8成,非公認會計準則淨利潤285億元,跌4成。
盈利大跌,其中一個原因是上年度同期,有較多投資收益(投資在上市公司,股價上升帶來會計上盈利),如果以較反映經營層面的數據分析(即是不考慮會計、一次性相關因素),盈利下跌約4成,這個數字,當然是不理想,其中一個原因是支出增加,反映行業競爭加大,同時,增長力減少。
另外有一點值得投資者留意,該集團指,調整2022年財政年度的總收入指引,預計2022財政年度的總收入同比增長為20%-23%(而過往預期是30%)。
以最新的業績,以及阿里收入的收入修正,相信中短期的經營環境,仍會較一般,投資者要明白短期股價波動,但長遠來說,阿里始終本身有優勢,慢慢能適應新經營環境,現時股價處合理區中下部,因此仍有長遠投資的價值。
但由於近期政策風險高左,暫時不宜持有太多,故暫時不要再加注。而且,佢佔你組合比重都好高,最好沽少少,換至其他優質股,去分散風險。
而中生(1177)有質素,現價是合理區中間,你可以現價加1注。之後每回10-15%,就再加注,去慢慢儲貨。
Q24212:
龔Sir,想請教美股QD趣店現在有值博率嗎?互金股前景如何呢,謝謝。
龔成老師︰
趣店(QD)創立於2014年3月,主要從事在線客戶信貸技術平台運營業務的中國控股公司。集團透過自身技術和大數據,作為金融機構和用戶之間的橋樑。
睇翻集團過去幾年表現,收入和盈利都幾波動,很受大環境經濟氣氛所影響。大環境好,需求會被帶動。相反,營業額會較慘淡。
此股不是無投資價值,但質素只屬中等,不宜持有太多。現價算合理水平,可以小注,但你預此股波動性會較高。
不過,近年中央政府對互聯網金融規管多左,而且這個收緊方向,唔似係中短期。故整個行業不確定大左,所以投資必需要較保守,不宜大注。
Q24213:
阿sir 你好~由今年年頭請教過你,我既財務情況之後,我已經開始
-
慢慢adjust 我既投資組合
-
開始睇你既書
-
報讀左你第43期既課程
由最初既組合
-
自住樓 (尚欠約280萬,月供約$12000)
-
一隻約30萬既每月收息債券基金(每月收約$700)
-
股票,包括
-
匯豐(1手$45入)、
-
友邦(1手$19.68入)、
-
財險(2手$13.86入)、
-
渣打(4手$61.8入) 、
-
領展(1手$69入) 已變成:
-
友邦(1手$19.68入)、
-
財險(2手$13.86入)、
-
領展(1手$69入) 、
-
小米(4手$26.25入)
-
阿里巴巴(1手$173.0入)
-
中生製藥(1手$6.0入) 外加供股
-
$2000 騰訊
-
$2000 盈富基金
-
$1000 領展 但係我上完你堂之後開始重新計一下比例…發現依家變成
25% 保險
11% 房托
9% ETF
51% 科網
4% 藥業
照理我應該減持科網、增持其他第1水桶既股票…
但最近D科網股 (例如阿里)已經係合理區內, 其他又好似好貴…所以好爭扎應唔應該繼續入科網
同時, (1) 因為科網比例太多, (2) 盈富 好似太保守唔適合我年紀。我諗緊應唔應該將供騰訊、盈富 既錢改供GX中國電車
另外, 我有溫書, 嘗試分析下隻財險…因為依家7蚊真係唔係好捨得賣…比起買入價差不多蝕成50%…想分析完俾個reason自己放又好、keep又好…
但係當我想搵同類型公司比較既時候…我就發現2328係主力做內地車險…我睇哂成個aastock 保險業條list, 其他股都唔係車險…最近似已經係泰加…但係泰加係做香港市場而唔係內地市場
咁呢個情況…我應該點做分析?
龔成老師︰
其實你而家個組合未成型,總金額唔算好大,個比例有所偏差,都尚可以接受。
你現時持有股票,和月供分配都正確。只要你用新資金,去慢慢將個比例拉翻平衡,咁就可以。
總之長線,個別企業和行業,不要佔組合15%和30%以上,銀行業更加不要高於組合20%,咁就可以。(盈富由於係一籃子組合,故不受此限。)
至於阿里(9988),早前業績差,相信阿里中短期仍較弱,但股價已到合理區中下的水平,長遠投資價值呈現。
不過,最近政策風險略高,你加注係可以。但畢竟不確定性高左,暫時不宜持有太多。
至於盈富(2800)雖然增長力無科技股高,但勝在平穏增長,加上佢係一籃子不同企業的ETF,能有效分散風險,故值得你持有。若你唔想投資太多盈富,可以考慮VOO,都有分散風險效果。
中國財險(2328)主要於國內為各界客戶提供多種財險產品,包括機動車輛保險、企業財產保險和家庭財產保險。
你可以用佢,同一些更規模的保險公司比較,好似平保(2318)的一般保險分部、眾安(6060)、中國太平(0966)等作比較。但中國財險(2328)算是一般保險的龍頭,有質素。
過往的生意與盈利都不差,不過就無乜增長動力,質素算是中等。這股都可長線,不過就重收息,唔好對股價有太大期望。
Q24214:
老師你好,請問以下4隻股票點睇?頭3個已經持有但虧損中。
02208金風科技600股$18.3
00836華潤電力4000股$20.3
00916龍源電力2000股$17.8, 1000股$18.44
另外考慮是否入阿里巴巴,富途控股同拼多多?
龔成老師︰
你要明白一個概念,我地持有一隻股票與否,關鍵位是企業質素、前景,不要被買入價影響。買入價只是一個心理因素,如果企業核心因素未被影響,我地係唔需要理會。
你現時持有的股票,都係有質素,有長線投資價值。
不過,較大問題是你太集中在能源類,這3隻都是能源股。除左有過度集中性風險外,內地能源企業,普遍負債都較高,有一定風險,不宜持有過多。
建議你最好沽少少,換碼至其他優質股,咁會較平衡。
至於阿里(9988)現價算合理區中下部,你可以小注。但近期有不少政策出台,都影響到科技股,故投資時,暫時不宜大注。
富途(FUTU)佢係一家在線經紀公司,提供一站式在線投資服務,騰訊(0700)為股東。該公司通過網上平台提供服務,其中包括香港、中國大陸,以及美國股市的市場數據、交易服務和新聞源。
佢以經紀佣金,以及手續費服務的形式產生收入。
早前佢由於被質疑在內地《個人信息保護法》不合規,近期又被指在內地無牌經營,令股價進一步下跌。
相信內地加大對金融平台規管,會是長期政策,暫時未知會影響佢幾大。政策風險係高左,最好先再觀察一下發展情況。就算投資,都只宜好小小注。
拼多多(PDD)由於之前估值貴,加上監管因素,令股價向下,中短期仍有一定的風險,但長線不差。不過,這刻只建議小注好了。
佢本質不差的,佢將娛樂與分享的理念融入電商運營中,由用戶發起邀請,與他人等拼單成功後,能以更低的價格買到所有商品,同時也通過拼單了解消費者,通過機器算法進行精準推薦商品,這個商業模式不差,長遠其實有發展,只是行業的賺錢能力,存有不確定性。
Q24215:
龔成老師你好,小弟今年26歲,已經跟隨你專頁幾年,真是好多謝你的分享。
在這一年看你出版的書得到很大啟發(財務自由行),發覺原來要實行財務自由真是不太難,只是看你願意為財務自由付出多少而已,
於是決定今年年中辭去工作。在一個租金比較便宜的商場 租下一個單位 嘗試建立自己小生意 但發現自己未準備好,有好多少細節沒有思考 生意情況一般 (護膚品)
暫時早上兼職下午看鋪,因為租約是半年 加上發現這個商場人流嚴重不足 有個想法之後會找一份工作 去增加自己經驗再增值自己捲土重來
交代背景後,有個問題想問下龔成老師。
因為自己由細到大朋友不多,可能性格比較內斂。
想問下老師可以在什麼地方結識到可以令自己進步的朋友,做什麼工作可以多機會結識成功人士。想參考老師經驗。謝謝
龔成老師︰
我自己不太認識護膚品市場,基本上唔能夠比到太多意見。
雖然這次生意看似不太成功,但你已從中吸取到經驗,明白到位置的重要。下次再租舖時,要多加留意。
而且,你記住要留意唔單只係附近人流,商場內人流都好重要。附近多人,唔代表D人會一定行個商場,這點要小心。
其實你可以不斷試、不斷錯,也不用想太多。當生意開始後,再因情況慢慢修正,咁就可以了。
如果你有財政壓力,或者想再準備充足D先行動,你可以重回正職,再慢慢計劃。
而且,唔一定一開始要用實體度,可以用成本較低的網店,先去磨鍊下技巧。總之,無人會一試就成功,但只要肯努力,總會發展到你想的事務,加油!
至於識人,其實無特定地方,除了工作地方外。一些課程、講座,或者一些商會活動,都有機會識到人,可以試下。
Q24216:
無質素,就建議賣左先。老師-我有以下股票,請比d意見邊d要賣左去先。
- 0823 average $65, 400 share
- 1810 average $24.5, 1000share
- 3067 average $16.1, 700 share
- 2800 average $25.6, 4000share
- 9988 $217, 100 share
- 1310 average $9.8, 3000share
- 345 $22.7, 2000 share
- 303 $ 60.7, 200 share 龔成老師︰
睇翻你現時持有的股票,都係有質素,可以長線持有。
但留意阿里(9988)業績差,相信阿里中短期仍較弱,但股價已到合理區中下的水平,長遠投資價值呈現。以下會先簡單講業績,然後再深度分析阿里前景。
阿里巴巴第二季度收入同比增長約3成,而純利逾53億人幣,同比跌8成,非公認會計準則淨利潤285億元,跌4成。
盈利大跌,其中一個原因是上年度同期,有較多投資收益(投資在上市公司,股價上升帶來會計上盈利),如果以較反映經營層面的數據分析(即是不考慮會計、一次性相關因素),盈利下跌約4成,這個數字,當然是不理想,其中一個原因是支出增加,反映行業競爭加大,同時,增長力減少。
另外有一點值得投資者留意,該集團指,調整2022年財政年度的總收入指引,預計2022財政年度的總收入同比增長為20%-23%(而過往預期是30%)。
以最新的業績,以及阿里收入的收入修正,相信中短期的經營環境,仍會較一般,投資者要明白短期股價波動,但長遠來說,阿里始終本身有優勢,慢慢能適應新經營環境,現時股價處合理區中下部,因此仍有長遠投資的價值。
但政策上風險高左,暫時要控制注碼。
另外,偉易達(0303)和香港寬頻(1310)係收息股類別,增長力不高。若你係年青至中年人士,這類股票不宜持有太多。
Q24217:
感謝ar sir你提醒美股現時合理區頂或偏貴,而港股則處合理區。但近期看到不少文章皆提及港股市況與其他股市市況背道而馳,應放棄港股,全部/大部分轉投美股。
但是,我覺得既然現時港股處合理區,應等待港股時機入貨或慢慢儲貨,而非吸納估值較高的美股,或者最多無貨時少注吸納,因為股價最後都係趨向公司價值。
請問我呢個想法正唔正確?棄港從美的想法是不是財經新聞炒炸?
我目前的組合是95%港股及5%美股(全部voo)。
龔成老師:
你想法,部分是正確,但有一個問題,就是你現時已較多比例在港股。
長遠要建立一個更平衡的投資組合,同時投資港股及美股,能有效減少風險的集中度,因此這是方向。
我相信中國、美國,都是全球兩個長遠最大經濟體,同時投資會有不差的長期回報,美股如不懂,最簡單是投資ETF,如追蹤標普500的VOO,分注或月供,都有不差的長期效果。
現時美股不算便宜,就算你美股無乜貨,都不建議現時一次過大手投資,最好是慢慢分注,平衡自己在財富配置的比例。
相反,也不建議完全不投資港股,因為當中仍有有質素的企業,長遠仍有當中的價值,只是有些企業的增長力,比過往減少左,因此只需平衡配置就得。
Q24218:
龔sir, 想問你点睇2638 和6 這兩隻股票?
龔成老師:
港燈(2638)是不錯的收息股,現時股息率約4%,雖然不算多,但2638佢會進行資本投資。
即是說,過幾年派息就可以慢慢增加。長線投資的話,就可以買這股,但最好都是以分注作投資,現價在合理區中上部至頂,都可分注,但不是大注。
電能實業(0006)佢主要從事投資能源及公用事業相關業務,範圍包括火力及可再生能源發電,輸電和輸油,配電及配氣。
佢除左持有港燈(2638)外,亦有國際業務,如英國、澳洲、新西蘭、中國內地、泰國、荷蘭、葡萄牙、加拿大和美國等能源及公用事業相關業務。
這股是收息股,但增長力就不強,現價合理,有長線投資價值。
Q24219:
多謝龔老師嘅意見同投資分析,我都明而家我地都係維持現狀會比較好。
正如老師講,我以前(有些真係10年前)買籃籌係買貴咗,我幾乎用咗而家一倍嘅市價去買(如001,005,345,2888)而當時中途係有機會放咗佢而賺錢,
當時諗住佢地會繼續升同穩鎮,所以我無放,一直keep, 諗住呢d叫長線投資。之後佢地跌咗,我又補返一手,溝下貨,覺得會抵返d.
如果老師唔介意,我俾你睇睇我買股票嘅日子,股票號碼,價錢,成本
30/9/09~845(1000)@4.4x1,4400
*26/1/10~005(400)@85x1,34000
*26/1/10~005(400)@90x1,36000
24/6/16~001(500)@102x1,50100
20/4/18~2888(50)@81.7x5,20550
*27/7/18~2638(500)@7.98x6,24068
*27/7/18~62(400)@22.5x2,18122
13/3/19~345(2000)@35.05x1,70358.66
*14/3/19~939(1000)@6.96x4,27973.14
*30/7/20~939(1000)@5.81x4,23368
*30/7/20~386(2000)@3.41x4,27413
*6/8/20~2018(500)@61.25x1,30561
*6/8/20~001(500)@49.75x1,25004
*10/12/20~005(800)@42.75x4,34341
*10/12/20~2888(50)@50.05x10,25155
*20/01/21~2018(500)@48.1x1,24180
*20/01/21~2638(500)@7.63x6,23018
*11/6/21~6823(1000)@10.5x3,31637
11/6/21~9983(1000)@8.09x3,24399
5/11/21~700(100)@467.4x1,46926
*5/11/21~939(1000)@5.17x5,25988
*15/11/21~3110(1000)@24.64x10,24640
15/11/21~345(2000)@17.68x1,35360
*係收息股
本身我仲諗住再買多d收息股,一黎唔洗太花時間睇住個市(黎緊要湊多件bb),二黎又可以保本(我plan咗趁而家平平地會買老師之前介紹嘅幾隻收息股3110,435,778,548, 唔打算買銀行股係因為我已手持005,2888同939)
但聽完老師話要買下平穩增長股同潛力股,其實應該幾時先買收息股先岩?平息增長股我地係應該要識得放?
一般我每次買增長股2萬蚊左右嘅,認為可賺4-5千都會放(即係都成20%以上)呢個心態又岩唔岩?
龔成老師︰
先糾正你一些投資上想法。
我地投資唔好太睇中短期股價,佢可以受好多因素影響,有些因素甚至跟企業無關,所以無得計。但長線企業價值,必然會反映在股價上,只要長線持有優質股,就自然會有理想回報。
所以,我地唔會好似坊間散戶咁,經常要睇住個股價上落。反而係投資前,我地要做較多準備功夫,去分析一間企業質素和平貴度,以制定入市策略。
當買入後,只要佢長線質素無明顯轉壞,我地長線持有,讓其自然增值就可以。因此,跟收息股、定係增長股,係無關係。
另外,優質股投資,長線持有係最理想方法。但唔代表我地一直唔放,係去到大市好狂熱,或者隻股票已經偏離合理值好多,我都會進行減持動作。
但絕對唔係升10-20%,就去沽貨。我地一個理想投資,一般希望"長線"可以達至1倍,甚至更高的增長。唔好升少少就放,咁會大大降低你增值成效。
所以,點解我經常叫人要學好估值方法,就係在買入和賣出﹐都會應用得到。好多人都知乜野股票係好、有質素,但就在買入和賣出策略上出事。
睇翻你持有股票,大致上都有質素,故長線持係正確。但這4隻股票(如001,005,345,2888)帳面輸錢原因,除了係買貴左,有部份股票(0005,2888)的長線質素,跟10年前已經有所不同,增長力弱左好多。
其次,就是選股配置上不太理想。你組合中,太多收息股。佢地增長力不高,以你年紀只宜小注,預2成左右。
若你相保守D,去到3,4成都可以。你應該先做好增值部份,先累積起一筆財富,到近退休或財務自由時,才慢慢換成收息資產。
最後,雖然你大部份股票,質素都可以。但留意翻當中2隻,較大問題。
恒盛地產(0845)多年出現虧損,核數師多年來都是"不表示意見", 代表公司盤數係有問題,建議你盡快沽出。
而渣打集團(2888)質素只是一般。
雖然未到劣質,但質素不高,但本地銀行股中,賺錢能力算是較弱。加上銀行業近年的環境不及過往,賺錢能力不及以前咁好,相信佢之後,都只是好基本增長,不要對股價有太多期望。
投資價值只是一般,我會建議考慮其他更有質素的股票仲好。
未來時間,你就最好跟翻我之前建議你的股票,你創建議組合。至於現有股票,你可以分段咁將一些收息股,換至較有增長力股票。
長線創造一個有質素,又平衡的增長組合,不會太偏重個別企業或行業(分別不要超過組合15%和30%),並長線持有,相信會對你最有利。
Q24220:
龔sir,見近期啲人開始suscribe disney+,我又見迪士尼算係好多範疇&業務穩定既公司,就膽粗粗買左一股DIS,$157入
美股黎講我平時都有月供開VOO,但因為唔想投入太多錢入股票,而又對DIS有啲興趣
就諗緊應唔應該VOO同DIS間住間住月供,還是只供返VOO/ DIS 同埋美股唔係好識估合理價。請賜教,謝謝!
龔成老師︰
迪士尼(DIS)是一家綜合娛樂公司,有投資價值。其業務包括媒體網絡、公園體驗和產品、影視娛樂等,有很強的品牌效應。
集團過往賺錢能力,都算唔錯。但受疫情所影響,2020年出現虧損。但相信疫情只係中短期影響,長線發展都是正面的。
現價算合理區中上部至頂位,可以小注,但你預佢中短期都會較波動。
這隻股票,都係有投資價值,你可以用輪換形式去月供。但我比較建議2個月VOO,之後才一個DIS,咁你個組合會平衡D。