Q43571：
Sir , 最近覺得coinbase 個表現怪怪
加密貨幣既表現明明好活躍 但coin base個股價就一路都冇升 仲要跌既多
當有一筆新資金番黎既時侯，你覺得擺係邊度比較好？
龔成老師︰
- 自從有左BTC ETF，佢已經唔再係加密貨幣架代替品，長線表現真係要睇佢本身業務發展。
就加密經濟活躍，都唔代表佢同幅度受惠。因為市場架競爭者多左，令佢發展不確定性大左。
不過，中短期我相信佢股價走勢，都係偏向同主流加密貨幣同步，但股價增長/減少幅度就未必跟幣市一致。
遲少少會YT會出影片再講佢，你可以留意。總括而言，尚有長線投資價值，但記住控制好注碼。
- 放落港股，因為你太集中美股。
另外，唔好做槓桿，咁係好危險，有機會倍大損失。
最後，你手上潛力股太多，放港股時，應先集中平穏增長股類。
平穩增值股，指數基金由於是一個組合，因此在平衡風險方面較好，例如追蹤富時全球股市指數（VT）、追蹤港股的盈富（2800）。
另外再加其他個股：港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
Q43572：
363可唔可以月供？
龔成老師︰
上海實業控股（0363）不過不失。
佢從事物業發展及投資與經營酒店；基建設施包括投資於收費公路項目及水務相關業務；消費品包括製造及銷售香煙及印刷產品。
業務不是無質素，但就無乜增長力。加上係房地產類別，負債都徧高，長遠前景只是中等。
現價合理，但預佢不是高增長類，同時只宜好小注(不宜作為月供目標)。
Q43573：
老師，看到你的post說如果有1000萬會做什麼，其實有1000萬有沒有可能財務自由？
即如果買5%-6%股息既股票，因不會短期賣股，待股票平倉或有增長時或有用錢需要時才賣出股票，這樣的情況是否已可實現財務自由？謝謝
龔成老師：
如果有$1000萬，而到時的目標不是增長，是現金流，是穩陣收息，是財務自由，其實可以集中投資一些風險不算高，有穩定現金流項目就得。
如果收息6%，一年收$60萬，一個月收$5萬，對不少人來說，已經可以應付基本開支，已經是財務自由了！
例如投資以下五種工具：
第一，建立一個收息股的組合，目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。
3110可以視為收息股的組合中其中一員。這基金可投資的，現價合理，可分注。佢是投資香港大型，較穩陣，派息較高的上市公司。
這是不差的收息組合，但增長力不強。
第二，投資債券，你可以選擇A評級的債券，年期較長都可以，但利息卻不高。你可以到銀行問問。
第三，投資年金，你可以睇睇，這是適合你的產品，零風險，可以有穩定回報。
第四，你亦可投資銀行低風險類的產品，你可自行到銀行了解下，總之是「低風險，持續現金流」的。
第五，持有現金，除了可做定期外，現金亦可以為你的後盾，以備不時之選。同時，若投資市場大跌，你可以在這時買到更多的收息股，股息率會進一步上升。
Q43574：
Sir, 9660是否行業首選？
龔成老師：
算是行業裡，其中一隻較有質素及技術處較前的。地平線機器人（9660）從事為乘用車提供汽車解決方案，亦提供非車解決方案，使設備製造商能夠設計及製造具有更高智能水平的設備及器具。
是乘用車高級輔助駕駛「ADAS」和高階自動駕駛「AD」解決方案供應商，擁有專有的軟硬件技術。
企業有長遠發展力的。雖然業務發展快速，但企業仍處於虧損狀態，因此，可理解這股為風險類潛力股，如果睇好，都只建議小注投資，相信佢股價上落會好大，如果風險承受能力不高，就不宜投資這股。
Q43575：
龔成老師，想請問中銀香港現在是高位嗎？
龔成老師：
雖然短期有機會波動，但企業近年的盈利與派息也不斷增加，企業價值提高，對股價有實在支持，所以，如果以長線角度分析，股價未貴。
中銀香港（2388）長遠仍有質素，是收息及平穩增長類的股票。
這股近年股價較弱，除了市場擔心香港影響影響業務與壞賬外，香港樓市回落令負資產增加，都會對這銀行有影響，因為中銀在香港的按揭市場業務有一定的市佔率，因此當樓市轉弱，市場都會擔心這方面出現不利風險。
不過，這企業長遠的質素不變，投資者在分析時，也應該著重企業的長期發展，而不是短期情況。
在中長期，經濟會慢慢好轉，樓市會穩定，因此，這企業仍會慢慢好轉的。
銀行業雖然無過往咁好賺，但整體的質素不差。此股適合較穩健型、長線型的投資者，無論是平穩增長還是收息，都是可取的，現價合理中間，分注投資，長線持有可以。
Q43576：
依家先開始供voo，qqq是否長遠選擇？
Tsla，蘋果，微軟嘅個別股或者係咪應該等回調咗之後先入市？
龔成老師：
整個美股市場，現水平都唔算平，不過，又無人知幾時跌或跌唔跌。
因此，最好方法是長期月供，減少一次過在高位買入風險，voo，qqq都可以的，但你就要明白中短期有機會波動，要以長期作方向，同時，都不能全部資產集中在美股，要留現金，要有其他資產，作平衡。
至於Tsla，蘋果，微軟等個股，就要睇個別，而投入金額應該要比voo，qqq少。這3隻個股都有質素，但就留意平貴度，特別Tsla，注碼要控制好。
Q43577：
請問老師怎樣看瑞幸咖啡(美股)? 十分感謝
龔成老師：
Luckin Coffee瑞幸咖啡（LKNCY）係中國發展很不差。
佢係中國的咖啡連鎖品牌，現時門店數量已超過一萬家，成為中國最大的連鎖咖啡品牌。其在中國大陸的主要競爭對手為星巴克咖啡、庫迪咖啡等。
其實佢發展年期唔長，2018年先至算是正式營運，但佢靠住補貼，以及APP外送商業模式，令佢高速增長，佢利用左吸引的價格再配上科技，令佢增長快速。
相信長遠企業仍有發展力，但較擔心的是股價，始終近年上升不少，有機會較為波動，如果現時入市，要小心控制好注碼，小注投資好了。
Q43578：
老師 我想問 匯豐收息好定係恆生收息好 唔該老師
龔成老師：
匯控（0005）會好少少。
匯控近年的業務有持續好轉情況。
整體來說，匯豐長遠仍是有質素有發展的企業，不過，銀行業的賺錢能力比過往年代減左，因此不能視為高增長股，但當經濟不差時，始終都會有錢賺，因此都有投資價值。
相信長遠是收息股，但股價增長就未必太強。
這股都有投資價值的，但都不能持貨過多。現水平約合理區中上，作為收息及少少基本增長，這股有長線投資價值。
Q43579：
老師 你好.
請問股票使唔使交税
龔成老師︰
如果你係香港人，在香港買港股，係唔洗交稅。(因為香港無資產增值稅)
但如果你係買內地企業，或者美股收息，就會分別被收取10%和30%股息稅。
不過，這些稅會在派發股息給你前，已被徵收，所以你不用自行去申報。
Q43580：
阿Sir, 現在月供緊0005，823，941和2800，每股每月1000，想請教一下，是否應先集中供1或2隻股，以達到想擁有的股數？如集中供2800及941，以達到5000股的數？
龔成老師︰
如果你長線供，你3,4隻，每隻$1000係可以。唔洗刻意去理個股數，最重要係配置，因為你長線一定會儲到個唔細架股數。
若你係中年，或者保守人士，這個組合可以。
但長線可以考慮慢慢加少少美股，去平衡地區性風險。