Q41581：
龔成老師：
您好！我快將60, 最近整合了手上以下的股票, 現時市值約五百萬, 目的是退休後作收息用途, 請問需否調整比重, 謝謝！
0003~14%
0005~15%
0012~5%
0836~24%
0941~18%
內銀(0939, 1398, 3988)~22%
1177~2%
龔成老師︰
由於你接近退休之年，建議未來時間集中係收息資產，去為退休準備。
你手上的股票，都有長線投資價值，但要留意幾點︰
1) 1177和0836係潛力股，風險太高，長線要慢慢換成收息股。
2) 個股和個別行業，唔好高於組合15%和30%(銀行業最好少於20%)，以免造成過度集中性風險。
3) 到你退休時候，股票組合應該100%係收息股。
到時候，你可以將退休資金分成5部分。
第一部分投資收息股，你可以建立一個收息股組合，例如港燈（2638）、深高速（0548）、香港電訊（6823）、工行（1398）、置富（0778）、陽光（0435）、高息基金（3110）都可以，大多有5%股息
你平衡的投資這些股，除了可以得到穩健的收息收，同時可有效的分散風險。
第二，投資債券，你可以選擇A評級的債券，年期較長都可以，但利息卻不高。你可以到銀行問問。
第三，投資年金，你可以睇睇，這是適合你們的產品，零風險，可以有穩定回報。
第四，你亦可投資銀行低風險類的產品，你可自行到銀行了解下，總之是「低風險，持續現金流」的。
第五，持有現金，除了可做定期外，現金亦可以為你的後盾，以備不時之需。同時，若投資市場大跌，你可以在這時買到更多的收息股，股息率會進一步上升。
你可以將退休資金，平衡地分配在上述的項目上，對你來說是最好平衡風險，同時有穩定的現金流。
Q41582：
你好，內房股還有投資價值嗎? 謝謝
龔成老師：
內房要睇該企業的負債，如果負債問題較少，只要耐心等中國樓市好轉，仍會好轉翻，但如果本身負債問題大，就要小心，第一是風險高，第二，你預這類企業，除了中短期較波動，最大的問題是，就算佢能過到這一關，都要賣資產，這就會元氣大傷。
就算大環境好翻，股價也不能上到過往的水平，因此，投資真的只是博博下。
Q41583：
龔Sir,你好,1137將派特別息0.38,我今日1.72入,值得長期投資嗎？
龔成老師：
香港科技探索（1137）業務始終有波動。近期面對的競爭再加大，風險增加。佢派息後，始終要睇翻業務基本面，長遠不是無發展，但風險高左，你小注投資好了。
之前疫情生意理想，但當疫情過後，見佢的業務無之前咁好，再加上，香港消費力略有轉弱，以及有部分市民轉向香港以外地區購物，都對這企業業務造成影響。
考慮到現時的香港經濟及市民消費力，仍會對這企業有影響由於成為了行業的先行者，已建立一定的品牌及銷售網絡，因此都有投資價值。
這企業其中一個重要的資產，是配送系統，涵蓋由頭至尾的整個過程，客戶在平台購買商品後，系統便安排自營物流中心及數千間商戶各自執貨，再經由自己車隊及員工送貨。
香港科技探索打算將這系統技術複製，發展香港以外的市場。當然，要對最新的競爭者，賺錢能力有機會減弱。
同時，要留意三大風險。
第一，佢都會依靠人的因素，王維基成為了公司最值錢的資產，佢的想法好多，有生意頭腦，但我對這類太依靠個人的企業，不建議太過大注。
第二，疫情過後業務無過往咁好，考慮到香港市道情況，加上競爭大左，現時發展仍有不確定性。
第三，估值方面，我都好難講這刻的估值，只能話唔算平。
如果投資者能承受風險，這股小注投資不是不可，可以話，投資價值比過往都有所減少，但又未到無價值，只是不確定性增加。
Q41584：
請問想買科技ETF, 邊只較可取3033，3067？
龔成老師：
如果是中國科技企業的ETF，3033、3067都得，佢都都是追蹤恆生科技指數的，只是不同基金公司搞，你投資那一隻都無問題，如果是長線，可考慮3067，管理費略低。
安碩恒生科技（3067），有長線投資價值。
這基金追蹤恆生科技指數之表現，而恆生科技指數，都是一些有質素的潛力股，例如阿里（9988）、騰訊（0700）、小米（1810）、美團（3690）等的新經濟類公司，長遠有潛力。所以有長線持有價值。由於基金有30隻股票，比起單一股票，風險能減低。
這基金上落較大，現價合理，但始終較波動，因此，不建議一次過太大注投資。
最好的策略，就是分注，或月供（例如每月買一次、或2個月買一次），總之慢慢入，不能用盡現金，原理如同不斷儲貨，這樣就能平均買入價，減少風險。然後就長線持有。
Q41585：
龔sir 請問如想投資比特幣的話投資那個ETF比較好？您是否傾向投資coin多d?謝謝
龔成老師︰
其實2者唔同，如果你係相追蹤BTC走勢，應買BTC現貨ETF。而Coinbase(COIN)，則是睇好幣市和交易所的發展，佢唔一定同BTC同步。
以下是部份市場上交易的現貨ETF，不過香港唔係間間證券商行有，你要自己問下。銀行的話，一般都無提供。
BTC︰3439、3042、3008、IBIT、 FBTC
ETH︰3179、3046、3009、ETHA、FETH
不過，你要明白由於加密貨幣本身，有沒有真正的價值，如何定義真正的價值，合理價是多少，根本無真正的計算方法。
雖然現時無論應用、定監管都較以往成熟。同時，近期推出現貨ETF，都進一步推高了比特幣的需求。
但大家要明白，始終成個加密經濟唔算新，大家投資除左關注佢架潛力度之餘，都要明白佢有很大不確定性和波動。
因此，若你決定要投資，必需要明白很高風險。要控制注碼，不宜過份進取。
Coinbase Global Inc（COIN）雖然有獨特性，但真正的長期價值有多少，根本好難估。
佢係加密經濟技術供應商，佢從平臺上的交易中產生大量交易費用的凈收入，以區域來講，佢大部分收入來自美國，其次是世界其他地區。
近年BTC和ETH ETF相繼出台，而部份會對佢架託管業務造成正面影響。睇翻現時大部份BTC ETF，都係用佢做託管人。如果未來再有新的加密貨幣ETF要出台，相信集團依然能穏佔一個重要席位。
不過，大家要留意一點。以往好多人投資Coinbase(COIN)，會視之為投資加密貨幣的替代品。但隨著BTC和ETH的ETF出現，佢而個替代品架功能，可以算係完結左。
未來佢架投資價值，就要完全睇翻佢業務和市場發展。
至於它的業務價值，要分析就要睇翻虛擬貨幣長遠發展。
近期BTC和ETH都升左唔少，主要係受到新任美國總統將會由較支持加密貨幣的Donald Trump出任所影響。不過，大家要明白佢雖然係選舉架時候，講左好多對加密經濟正面的說話。但何時落實、如何落實、甚至會唔會真係落實，依然係有一定變數，所以不要因為近期加密貨幣大升，就過份進取。
始終成個加密經濟好新(雖然已經比多年前成熟)，而Coinbase整體發展依然有不確定性。
同時，以本質來說，虛擬貨幣是人為創造出來的，絕對不是「資產」，有沒有真正的價值，如何定義真正的價值，未知，亦令COIN的價值，變成未知數。
長遠的價值，取決於「有多少人用」，如果長遠好多人用，的確可能有高價值。但如果無人用虛擬貨幣，這公司都無價值。
因為分析長遠是否好多人用，是非常困難，因此，當中存有相當的風險，當然，潛力同樣都大。
你若睇好加密經濟發展，可以投資。但你要明白成個加密經濟仲係好新，故未來發展的不確定性相當之高。
投資時，緊記要控制注碼，只能投放一個輸左都唔會明顯影響組合的比重，並以數倍增長作為目標去長線持有，咁就可以了。
以下是COIN分析影片，建議你睇翻，去具體了解翻Coinbase架業務和加密經濟發展︰
https://www.youtube.com/watch?v=XjtOk6ZwtZE
Q41586：
你好阿Sir, 我係你股票班既舊生, 有一個關於置業既煩惱想請教, 呢兩個星期都困擾住。唔好意思, 呢個問題比較長，感謝老師無私的解答。
以下係我背景資料:
本人33歲, 已婚。兩人每月收入共$95000。太太係一位教師, 工作穩定。我就係私人工程公司擔任工程師。
我自己現時月入: $50500; (已扣除強積金)
太太現時月入: $45000 (已扣除強積金)
置業困擾:
三星期前係東涌購入了一個兩房單位, 自住用途，492呎，樓齡22年，面向南方，離東涌地鐵站約10分鐘步行時間，步行全室內，鄰近東薈城。購入價為$645萬。
因為當時鍾意個裝修, 太衝動咁簽左臨約。但自己睇番該屋苑兩房最近成交都只係$590 - $625萬, 自己都買貴左,壓價亦都實踐唔到你本書的技巧,只係壓到$15萬，原業主當時2020年以$670萬購買。
同埋現時仔細再想裝修未必太岩自己 都發現本身裝修都限制左我好多。而家回想起當時實在太衝動, 有D 後悔同時都認為自己愚蠢左。但決定已經做錯, 而家唯有睇下點樣令自己唔好蝕咁多同埋有咩補救方法。自己打算都會係到住番3-5年, 到時睇睇樓市情況如何。
現時兩房單位月租參考價: $17000-$19000
供樓情況及以身財務狀況:
樓價 $645 萬, 都搵左4間銀利做按揭, 全部都估足價。是次買賣，我做了75% 按揭, 因為首次置業, 都免左按揭保費。
每一個月供款: 大約$22000;
我們每月儲錢金額: $30000
自己現時持有股票: 小米 12000股; 中生製藥 30000股, 港鐵2000 股, 合共現時市值大約: $850000。
現金: 現時只有20 萬 (扣除曬所有置業費用), 自己都知道唔健康。
問題:
Q1:
作為業主, 可以點樣令到自己層樓以高於市價賣出? (因為都知道東涌樓市長遠都比較弱, 但礙於方便太太同自己番工, 所以選擇東涌)
Q2:點樣令自己唔好蝕太多賣呢? 同買家同地產經紀又有咩策略呢? 因為我之前都有買到老師出既一本書籍「五年買樓四部曲」, 當中都只提到準買家應對賣家同埋地產經紀既策略。所以都想問下業主應對買家同地產經紀又有咩策略呢?
Q3
自己的dream house, 樓價都係預計900-1000萬, 三房單位, 有露台，請問自己而家應該點做呢?
Q4
當我3-5 年後想換Dream house 時, 是否應該先賣後買? 先賣左而家呢個單位, 之後租樓, 之後先再買Dream house?
知道自己今次呢個問題比較長, 都再次感謝老師無私教導。
龔成老師︰
1) 其實主要係裝修，才可以令你物業有機會優於市價平均值，到正式賣樓，就是談判技巧，不過，如果你算自住5年，這刻不用考慮，最重要是保養不要太差，這是你能做到的事。
2) 主要係耐性，你要清楚自己個單份價值去到邊。同埋，雖然個單位唔適合你長住，但又未到有迫切性要搬，咁你等市況好少少，才慢慢放。
不過，你要明白未來港樓走勢同過去30年唔同，只會平穏發展，即係唔大升，又唔大跌架格局。
另外，如果你打算往5年，這刻不用想太多，因為5年後大環境果有變，策略都可能變。
3) 如果你現時單位，質素能同大市同步。同時，又無搬走的迫切性。可以用投資去累積所需資金，等有明顯機會才入手目標物業。
由於買賣過程，一買一賣的成本高，所以，會建議你住耐少少先換樓。
4) 二個方法，無話邊個一定好D，睇你自己︰
第一，先沽出現有物業去取得首期，中間有機會要租屋，變相增加換屋成本。此期間，新物業也可能會出現變數，如貴左、已出售等。
第二個方法有點冷門，先加按，套現一筆錢去做首期，但你要考慮自己還款能力。同時增加了之後按揭的難度。這方法適用於無現金，但有一定收入（可以做較高按揭的人）。
因為你同時持有2個物業，係做按揭時會用2套房去計。你要確保有足夠收入，過度銀行審批和壓力測試。
其實一般來說，都會有第一個方法，「先賣後買」。
Q41587：
多謝阿Sir 嘅詳細解答
都想問多少少關於Q1
想問談判技巧姐係咩因素？
首先要知道市場定價，之後立場要企硬 唔好急？
龔成老師：
第一，提高別人對你物業的觀感，例如不要暗，不要太多傢私不要亂（等你感到你間樓好用、夠大、整潔）
第二，不要比人覺到你想急賣，你要給人印象「好多人搶貨」，不能賤賣。
知道市場定價好重要的，一定要多留意到時你附近單位的成交，銀行估價等。
Q41588：
老師你好～睇咗你個Facebook一段時間，我大約係39歲, 打算年中股市下跌時入一啲股票，由於我對於投資冇乜概念，想買一啲跟大市升跌為主，暫時有以下諗法，打算在股市下跌時入貨，請問一下這樣的配置平均嗎？
港交所 x3
盈富基金 x2
美團 x1
京東集團x2
希望收到你的回覆，謝謝你
龔成老師︰
我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
因此，你在選擇應該投資那一類股票時，會係因應你人生階段、投資經驗和風險承受能力，去做決定。
以你39歲，可以選擇一些「平穩增值股」+「潛力股」作投資目標。
港交所(0388)、盈富基金(2800)都屬於平穩增值股，可以持有。
美團（3690）、京東（9618）屬於潛力企業，由於你投資知識不高，潛力股這類企業只適宜小注，維持不多於組合比例的3成會較好。
另外，如果你目標係純粹同大市同步，建議你集中係指數ETF(例如2800, VOO)。因為任何個股，都有機會同大市反向，或者變幅不一致。
最後建議你此期間，努力提高投資知識，才慢慢增加翻潛力股比例。
長遠你同時都可以考慮加入美股，令到整體組合更爲平衡，如果不懂選股，可以考慮追蹤標普500指數的ETF(VOO)。
至於儲貨策略上，建議初學者用分注或月供的模式投資，避免一次過在高位買入的風險。
你要多讀投資相關書本、年報，新聞和報讀相關課程。
書本上，你可首先睇：
《圖解股票小百科》
《圖解美股小百科》
《80後千萬富翁》
《財務自由行》
之後再睇其他。
Q41589：
Sir:你好！我找不到你有一次分析那QQQ的美股，可否可傳多次給我；我看到這美股在港衹可用港幣投資？
此外，1810)小米我衹持有幾手，可以在這個價再入市？感謝你呀！
龔成老師：
Invesco QQQ Trust（QQQ）是追蹤美股納指的ETF，長遠有潛力，是最簡單投資美股潛力股的工具。
美國的納斯達克指數，當中在多間大型的國際非金融上市公司，成份股以市值作基礎，並以一些規則平衡較大市值股份造成的影響。這些企業潛力較高，但風險都會較高。
如Alphabet、亞馬遜、英特爾、Netflix等，都是全球最大型的科技類公司。
長遠有一定的潛力，但要留意，指數較為波動，現價已在合理區較上部，不建議這刻大手投資，最好的方法，就是月供或分注小注投資，長線持有。
（QQQ）要有美股戶口先可以投資，如果你想買類似的工具，可考慮景順ＱＱＱ（3455）是在港交所上市，追蹤美股納指的ETF。
至於小米（1810），你預短期仍波動，如果你有貨，就不要太急，或小注好了。現水平約在合理區中間。
Q41590：
老師 我呢個方法月供 約三年-四年後 能達到一百萬？ 有咩需要改善的地方？
另外 我想報名8月上堂 想查詢資料
工資約22000
龔成老師︰
其實我睇唔到晒你月供總金額，我當住$14000先。
以你25歲計﹐組合係可以，但留意2點︰
1) 你太集中科技類，建議個別行業唔好佔組合3成以上。
2) 你現時組合明顯偏重晒係港股，建議你未來加入一些美股(但美股現價唔平，可以慢慢做)，令整個組合變得更平衡。
但要留意，個別地區不建議超過組合的7成，如果不懂選股的話，可以考慮加入(VOO)，作用類似盈富（2800）。
Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。
由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。
以下是介紹VOO影片，有需要可以睇翻︰
https://www.youtube.com/watch?v=RnYZQlSG8qA
以大市過去年平均回報10%計（連股息再投資），你每月投資$14000，4年後大約會增值至78萬。如果要達至你的財務目標，你可以增加投資年期，例如去到5年，就會滾存到$95萬，較接近你的目標。
或者，你可以選擇加大金額，去到每月$17000，都是一個方法。
又或者，你可以提高你的回報率，例如投資較多潛力股，當然，這會令你風險度提高，以及要求你有更多的投資知識，你都要明白這點。
黎緊架初班會係7-8月，以下係【投資倍升股課程】第58期的資料，現正式接受報名。
你可以睇下有無興趣，因為我地學投資，一定係愈早愈好，盡快得到知識，就可以盡快啟動財富增值！否則到個市升左先學，就會太遲！
龔成課程：【投資倍升股課程】(基礎班)(共24小時)
2025年7月4, 11, 18, 25日，8月1, 8, 15, 22日(逢星期五)
時間：1900-2200
地點：灣仔
了解及報名：https://www.80shing.com/register.php?id=1
第一課：投資與股票基本功
第二課：投資策略與行業分析
第三課：穩健股及收息股投資術
第四課：買賣時機與估算合理價
第五課：企業估值模式
第六課：選股秘技
第七課：分析年報技巧
第八課：特質類倍升股與潛力股
**附加資料：合共超過240分鐘的溫習影片
【投資倍升股課程】多次爆滿，課程教大家投資股票，對象是初中階的投資者，選股、捕捉時機、策略、分辨平貴等。
這是一個終生受用的課程，課程內容十分豐富，除了有很多實戰例外，企業估值技巧、選股模式、年報分析，都有一定的內容，同時會派一份「企業評估表」給學員，令大家可以自行為企業進行有系統的質素評分。
雖然課程不敢講，可以立刻幫你賺大錢，但就可以幫你係一生中，有效減少虧損，同提升回報。所以係一生中，一定對你財富有好大幫助！
（過往曾報讀【投資倍升股課程】的同學，再讀這課程，可再減$3000優惠，注意：必須預早同我們講，這亦只是本年度限時優惠）。