Q23971：
老師，你好，留意咗你的facebook一段時間，終於鼓起勇氣向你發問
我現住公屋，係租置可買的，初時想平平哋買咗佢，但老公覺得係老人邨，唔想買，所以一心希望努力儲錢買私樓，儲咗幾年，現在有兩個方案想老師俾啲意見，唔該晒
1.都係平平哋買咗間公屋，冇後顧之憂，再儲多兩年錢買細細哋私樓放租，好彩的幾年後賣咗間公屋，再攞筆錢買樓
2.用公屋換間大啲的居屋自住，希望儲到的錢再買私樓放租
龔成老師︰
其實2個方法都可行，因為我地做財富增值，重點就係將只會貶值的現金，換成有增長力的優質資產。物業、優質股、車位、生意等等，都係屬於優質資產類。
至於選擇1定2，你可以睇翻你現有資金水平，若不算太多，而現有公屋又配合到你未來10-20年生活，可選公屋。
相反，如果唔係咁合適的話，而你資金都較充裕的話，我建議你目標應該放係居屋身上。
不過，你要留意2點。第一，你成個財富組合，唔好只係集中晒係物業類。因為咁樣做，將物業市場有較大問題時，你成個組合就會有嚴重影響。
所以，你一定要加入其他資產類，好似優質股等，去令組合更平衡。
另外，現時整體香港樓唔平，你自住物業只要有信心"供得起"，現價入市都可以。但投資物業，由於租金回報率不高，暫時唔洗過急去考慮，可以再等等先。
Q23972：
想問下3383 有4000股應吾應該繼續持有？
另外1691有什麼睇法？
Thanks
龔成老師：
雅居樂（3383）業務上是有質素的，但中國經濟有少少風險，加上佢本身負債較高，相信會對佢有影響。
這股都有長線投資價值，現價合理，但負債高始終是風險，唔建議太大注。另外，雅生活服務（3319）的優質度反而更高。
現時你持有4000股，要睇你持貨佔組合比例，會否過多，如過多就減少少，如不多，可守的。
至於ＪＳ環球生活（1691）主要從事生產及銷售清潔電器（吸塵器、掃地機器人等）、食物料理電器（豆漿機、攪拌機、食品加工機、榨汁機）、烹飪電器（煲類產品、咖啡茶飲機）及其他小家電（淨水器、換氣扇、熱水器、衣物護理及保溫瓶）。
佢旗下品牌包括廚房電器品牌「九陽」及「Ｎｉｎｊａ」，以及家居環境電器品牌「Ｓｈａｒｋ」。
分析翻佢的營運模式，佢通過線上及線下銷售渠道在中國、美國、加拿大、英國、日本等地銷售產品。
睇翻過往的財務數據，實力是有的，長遠相信仍有增長力，不過股價增長不少，其實都反映了不少利好因素。這刻投資值博率，只是中等。如想投資，小注都可以。
Q23973：
老師，你好，想問一下中國恒大(3333)係呢個位還有沒有投資價值？
龔成老師：
中國恒大（3333）現時業務價值已好低，餘下只有資產價值，在中央有時會出打擊樓市政策，加上佢本身負債極高（這是最大問題，風險太高），相信佢仍不利。
你預佢中短期都會波動，最大的問題是，就算佢能過到這一關，都要賣資產，這就會元氣大傷。
就算大環境好翻，股價也不能上到過往的水平，因此，投資真的只是博博下。
Q23974：
老師好，想請教一下藥明生物你這邊係咪仲睇好？我$109有貨，唔知仲應唔應該沽，定可以再低溝貨？謝謝！
龔成老師：
藥明生物（2269），主要提供有關生物製劑藥物發現、開發與生產服務。
方向是睇好的，但佢估值唔平，同時外國不斷研發新藥，對佢可能會有不利，股價會上落較大。
佢涵蓋生物製劑發展過程的所有五個階段，即藥物發現、臨床前開發、早期臨床開發、後期臨床開發及商業化生產。
潛力是有的，因為過往的財務數據的確理想，但現時的估值唔平，這刻投資值博率一般。
不過，這類股好難話現價一定貴，因為佢有好高的增長，只可以話現價唔平，但如果之後有高增長，那就未算太貴。
你本身有貨如不多，可持有，但加注就不建議，除非出現再大型的下跌先考慮。
Q23975：
請問 龔Sir，健倍苗苗(02161) 前景如何？有冇機會上番2或以上？Thanks
龔成老師：
健倍苗苗（2161）中短期弱，因為最近的業績，盈利下跌了4成，除了反映企業面對不利因素外，同時反映這企業之前上市時的數據，表面不差，但卻不能反映企業真實一面。
不過，佢又不是劣質，但都不是高增長，之前市場預佢高增長是錯誤，現時股價修正去翻合理區。
佢係總部設於香港的醫療保健品推廣及分銷公司，產品組合涵蓋品牌藥、健康保健品及品牌中藥（包括非處方品牌中藥及濃縮中藥顆粒產品）。
由雅各臣科研製藥（2633）分拆於聯交所上市，主要從事開發、製造及銷售自主品牌醫療保健產品，亦通過訂立分銷及授權協議採購及代理第三方品牌醫療保健產品。
佢經營的自主品牌主要包括飛鷹活絡油、保濟丸、十靈油、何濟公、唐太宗活絡油、鎮痛霸活絡油、ＢＩＴＥ－Ｘ寶寶手指水及Ｄｒ﹒Ｆｒｅｅｍａｎ醫臣健康保健品等，而代理的第三方品牌主要包括德國秀碧除疤膏、挪威的Ｓｍａｒｔｆｉｓｈ保健產品、愛爾蘭的諾華痔瘡膏、美國的安可待乳癌基因表現檢測及台灣的ＡＩＭ亞妥明眼藥水等。
企業本身質素中等，中短期一般，長遠為平穩增長類，現價合理。
Q23976：
老師，這問以上的買得過嗎？
龔成老師：
GX恒生高股息率（3110）買得過，現價合理，這是一個投資收息股的基金，追蹤恆生高股息率指數之表現。
可以視為收息股的組合中其中一員。這基金可投資的，現價合理，可分注。佢是投資香港大型，較穩陣，派息較高的上市公司。
這是不差的收息組合，但增長力不強。
Q23977：
老師，請問領展幾多錢先可以入手？
龔成老師：
領展（0823）有質素，持有物業都不差，同時部分有加租能力。
雖然增長力比過往年代略減，但整體仍是有質素，是平穩增長型。近年不斷收購海外，以及國內業務，以強化物業組合，領展其中一個特色，就是尋找一些有潛力的物業，收購後進行翻身，提高租金及物業估值，因此，長遠仍有增長力。
現價合理，可分注投資，長線持有。
Q23978：
請問邊d 製造商會受惠？2382 舜宇光學 會受惠嗎？
龔成老師︰
元宇宙成件事，其實仲係好初型。
最終會點發展，規模有多大，當中包含的技術和範疇有幾廣，現時好難下定論。
現時市場普遍睇好的範疇，包括元宇宙社區平台(如META, 即Facebook前身)、相關技術公司，好似晶片、VR、AR技術等(如NIVDIA)，或者一些遊戲開發商(如Roblox)。
而港股現時較少相關股票，騰訊(0700)是其一間表明有意開發元宇宙公司，近期集團更註冊了「甜美元宇宙」、「王者元宇宙」、「騰訊音樂元宇宙」等商標，預期會有進一步發展。
另外，雷蛇(1337)、栢能(1263)、安捷利實業（1639）會係較有機會受惠的企業。
不過始終成個宇宙發展，都係好初期，我地好難咁快話邊D企業，長線必然受惠。故投資時，只宜小注。
同時間，不少相關股份都被炒高，投資時要做好估值和控制注碼。
舜宇光學(2382)未來會唔會關元宇宙事，未知。但而一刻計，暫時不太相關。
Q23979：
Hello龔sir, 睇完你3月時既建議, 我睇咗你幾本書, 而家上緊你股票班, 希望可以增加多啲投資知識, 同埋終於見到你盧山真面目
我定咗個目標5年累積到$300萬, 整理咗個供股組合, 撥咗$20萬慢慢入貨, 主要是入1972同3067, 現時每月儲現金$12,000加月供$14,000股票:
平穩:
66 - $2,000
2800 - $3,000
1928 - $3,000 (10月停供)
1972 - 2-3個月入一手
潛力:
388 - $3,000
2382 - $1,000
1810 - $1,500
285 - $1,500
9988 - $2,000 (10月開始, 將1928既資金調過嚟)
3067- 每月入一手
(1)我想問我呢個計算$300萬既方法有無錯？
- 手頭上$55萬股票, 加每月現金同供股(即一年$31萬), 乘10%增長。5年是否可累積到$300萬, 定係唔洗5年已做到, 又或者5年可以增值到多少？
- 問題是嗰$55萬股票當中, 6823佔34%, 66佔24%, 0001佔9%, 0002佔6%。收息同平穩增長是否佔太多,會否影響個10%增長？
- 如果我唔計呢4隻股, 就只有$14萬股票,咁要再儲/月供多幾多呢？ (2)隻1@$82同2@$84買入, 而家跌到得返$52同$76, 係咪無機會升返上去架喇？係咪真係要忍痛放咗佢調返啲錢出嚟買其他股？因為呢兩隻加埋隻6823佔咗我成個組合50%, 繼續留好似有啲浪費時間咁。嗰時買係咩都唔識之下亂入咗既
(3)呢排賭業股好唔穩定, 我停供金沙, 用啲資金嚟趁低吸納阿里巴巴做法恰當嗎？還是照供金沙, 反正難得有咁低位
(4)其實上次你建議我用部分現金入貨, 咁我而家咁分段入1972同3067正確嗎？還是你指用呢$20萬作月供用途
(5)如果從組合中剔除1,2,6823, 咁平穩增長佔67%, 潛力佔33%, 我想潛力增加至40%, 應該係呢個餅入面調整, 定係用嗰$20萬餘下既資金增加至40%？
勁多問題, 希望你唔好介意, 謝謝
龔成老師︰
- 我假設投資回報有10%（連股息再投資），你每月投資$26000 + 現有55萬股票，5年後大約會增值至280萬。
但我計算時，係假設首年投入的月供資金，係無增長。若你計算時係假設首年已有10%，大約會變成290萬。
不過，你持有香港電訊(6823)太多。本身單一企業，就唔應該佔組合15%以上。再加上，你這隻是收息股，增長力不高，以你年紀不宜持有太多。
建議你沽少少，分注換成其他較有增長力股票。
而你現時月供組合，都存在一個問題，就係太集中係科技股類(2382,1810,0285,9988,3067)。任何行業都不宜佔組合3成以上，否則會有過度集中性風險。
所以，你最好再調整一下。
如果你只有14萬持股，要做到300萬(假設年回報10%)，若維持5年，每月要投入$38000。若保持每月投入$26000，就需要將年期加長至7年。
-
2隻都係平穏增長至收息型股票，增長力唔高，你預經濟普遍性向好，才會有機會。你想沽少少，換去較有增長力股票，都係可以。
-
金沙(1928)由於續牌問題，不確定性高左，長線投資價值依然係有，但就要保守少少。你暫時停供都可以，阿里(9988)都適合。
但就要留意翻，科技股佔組合比重，會否過高。
- 那20萬，其實你可以直接去買貨(但要分注)，因為現時大市在合理區，不少股票在合理水平。
若你對定平貴無信心，你就將佢拆成24份，分2年每月入貨，好似月供咁做。
- 你現有持股，若果係有質素，同埋比重無過多，就唔好再變。直接用新資金，去調整至你目標比重，咁就可以。
Q23980：
你好呀，我聽你講減左月供
依加煤氣每月1000
粵海投資每月1500
斷供交通銀行
咁就空左2000出黎，尚有積蓄十幾萬，我應該月供潛力股定還是直接係股票市場一手咁買入潛力股？(小米/中生製藥/GX中國電車/安碩科技都想買)
謝謝
龔成老師︰
我建議你用月供，將多出的$2000去供2隻潛力股，小米(1810)/中生製藥(1177)/GX中國電車(2845)/安碩科技(3067)都可以。
現時大市在合理區，十幾萬積蓄十幾萬，我地可以預留3-5成，去等大跌市機會。
其餘資金，現時可以去分注入市，這4隻潛力股都在合區中上至頂部，已可入首注。
但潛力股雖然有增長潛力，同時風險都較高，不宜持有過多。
你算年青，潛力股可佔約5成，餘下應用以下平穏增長股。若你投資經驗較淺，潛力股比重，要再調至3成以下。到你學到一定投資知識，才慢慢調高。
這些現金，除了買你想入的潛力股外，都要加入一些平穏增長股，令組合更平衡。