成哥，可否分享一下你當年有冇如何戰勝恐懼？你講過2008年大跌市，2016年股災，當時都令你當時身家大縮水，但之後反而身家大增，點做到？

你見住自己股票價不斷跌，點可以克服？當時驚唔驚？點解可以把握到機會令升你之後身家大增？

我持有的股票應該是有質素的，但每次見到股價跌都會不安，我好擔心如果股災，心理上到時可能會亂左策略。我未經歷過股災，唔知到時應該點面對，或點樣避開？

個案重點：

‧未經歷過股災

‧2008及2016年股災

重點目標：

‧如何戰勝股災時的恐懼

‧股災時的財富配置

‧如何把握機會翻身

龔成老師分析：

經驗是其中一個重要元素，過往20年，經驗多次大市上上落落，身上大升與大跌，就會學懂訓練，平常心面對股市上落。

第一要明白，大市恐慌期，持股的股價雖然會跌，身家看似減少左，但在長期來說，這是難得的機會，所以野都要從長遠角度分析。

另外，買股票就是買企業，只要企業有質素，完全唔需要理中短期的股票，當你愈有企業方面的知識，愈了解該企業的業務情況，這更平常心面對中短期不利情況。

原理就如同買樓，個個都想要沙士價，到近期新沙士，好多人就驚，2001年買樓，會跌到2003年，心理壓力好大，但而家睇翻，就賺到幾倍。永遠都係，係最差的經濟與市況，就是長期入貨機會，但我地唔會知幾時先係最底，現時如同2001年？還是2003年？無人知。

我又覺一例，我投資比亞迪（1211）已有12年，買入後股價上到$88，之後又跌翻去$12，你可以想象，這股是我最大持股，這股跌了近9成！身家當然大縮水，但你要記住，我地不是睇當刻的「股價」，而是著重長遠的「企業價值」，當時我就是從長遠價值，去平常心面對股價。

面對股價，第一，要平常心對待當前股價，第二，要分析企業的長遠價值，第三，如果企業質素無變，這是入貨機會。第四，你任何時間都要有基本現金，無人知股災幾時出現，有現金就可以在股災買平貨。

我地唔需要驚股災，反而應好好利用機會。

我地最重要是建立一個長期的「財富組合」，要優質，要平衡，要適合你的年齡與風險承受程度。建立後長期持有，不是買賣賺差價，而是成為你財富組合一部分。

龔成老師簡介

‧ 暢銷書《股票勝經》、《選股勝經》、《年報勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《80後千萬富翁》、《5年買樓4部曲》、《財務自由行》作者

‧ 《經濟一週》理財真人Show節目擔任致富教練

‧ 曾接受多個傳媒訪問

‧ 過往於銀行從事投資相關工作多年

‧ 曾在萬多元月薪狀態下，憑股票累積數百萬財富

‧ 於網上分享投資心得，瀏覽量過百萬，為人氣博客，解答網友理財問題逾20,000條

‧ 《經濟一週》、《華富財經》專欄作家

‧ 證券業持牌人士

‧ 股票課程導師，學生人數逾4,000人

‧ 過往10年投資成績，過半能獲利超過1倍以上

Facebook專頁「龔成」粉絲人數超過200,000人

若然你有問題想向龔成老師發問，可在龔成的fb專頁中（www.facebook.com/80shing）inbox龔成。