Q35221：

老師，賺第一桶金，有咩方法？

龔成老師︰

賺取第一桶金，其實有很多方法的，做生意、成為專家、投資等。

如果你本身有某方面技能或人脈，可以試下做而方面架生意(可以全力，或者工職以外做)。

其次，就係用正職慢慢儲錢，不過而個方法會較慢。

Q35222：

老師，我我收入少。建唔建議普通人學trading 抄股, 作為副收入來源

作為中長期目標

龔成老師︰

我會比以下幾個建議你︰

短期) 做兼職、做網上小生意去增加收入來源

中期) 增值自己，令到自己可以係現有工作賺更多收入。或者改變去一個長線更高收入架工作賽道。

長期) 學好投資，將財富更有效地提升

其實我20年前，都是短炒者，技術分析者，用左幾年，輸足幾年，之後長線投資，就開始不斷賺錢。

我當時，用左幾年時間去學分析技術，我當時不斷睇書、上堂學短炒，但最後都是輸，可能是我能力不足吧。

但我之後做銀行同證券行，見大部分輸錢的客，都是偏向短炒的。

當然，你問我有無人贏錢，是有的。但就我觀察，長線投資贏錢的人，比短炒的較多。

另外，如果你分析全球真正賺錢的投資者、經金經理，佢地都無人短炒，都是長線投資的，巴菲特都是反對短炒的，佢都唔用技術分析。

因此，我相信長線投資，是真正助我地贏錢的方法。因此，我唔會建議你用"短炒"作為投資策略。

Q35223：

你好，請問之前加息做定存, 黎緊減息有冇咩低風險投資, 謝謝

龔成老師︰

其實投資項目，唔會因為你加減息而影響佢架風險屬性，純粹係影響佢當刻架投資價值。

就算係加減息週期，定期存款都係一種偏低風險架投資。

如果你自問風險承受力不高，建議保持用定期作為主力。進取少少(又唔想個風險太大)，可以買收息股。

Q35224：

香港仍可以買樓作投資嗎？指非自住

龔成老師︰

香港樓市，短期較一般，始終中國及香港經濟未完全回勇，但相信未必大跌，最多少少調整。

另外是高息因素，高息對樓市會不利，這就近1、2年樓價回落較多的原因，不過，這個因素基本上已反映，加上香港買樓需求仍大，相信不會大跌。

而當美國正式開始減息，會對香港樓市有穩定作用，不過，香港減息的力度不及美國，所以難以令樓市大升。

至於內地資金買香港樓，相信香港樓的吸引力，未必及過往，因此內地人買香港樓雖然會存有一些需求，但不會因此而大幅推高樓價。

在投資價值方面，租金回報率不高，以及按揭利率不低，加上長遠樓價難以倍升，令香港樓的投資價值，並不高。

相信樓市在長遠計，因供求關係，較難大跌，不過，也不會有大升的情況出現。

樓市始終需求大，我見唔少適婚年齡的朋友，都正等機會買樓，但未買樓，這些是「潛在需求」，過往每年不斷累積，只要樓市跌少少，就會有需求走出來，這令樓市不能大跌。

不過，近年移民的確令需求略為減少，加上政府將加大力度找地起樓，所以長遠，供求將慢慢好翻，無過往咁失衡。

政府現時有較大決心處理好樓市問題，我相信會令之後的供應增加（不是中短期，要長期才慢慢見到），因此，樓市不會大升，但相信都較難大跌（始終需求大）。

長遠計，樓價會平穩，不是倍升，不會好似過往般倍升，而是平穩，同時，由於需求大，要大跌也不易。

因此，香港樓作為自住的價值仍在，中短期不會大跌，也不會大升，以穩定為主。長遠來說，暫時睇未必會大跌，最多只會平穩加少少向上。投資價值，就只是一般，未見好吸引的水平，自住則合理，可以考慮，最重要是考慮自己的負擔能力。

另外，我Youtube都剛放左條2024年樓市分析影片，你都可以睇下︰

https://www.youtube.com/watch?v=LpBB-KF7Taw

Q35225：

老師，我在香港上班，在網上見到深圳龍華區的公寓只售$70萬，資金有限的情況下值得買來自住？

龔成老師︰

其實睇你有無實際需要，因為佢係自住樓。

最重要係佢適合自己長期生活需要(講緊未來10-20年)。同埋長線有信心供得起，咁就可以。不過要留意，中國樓市現時較弱，你要選較有質素，長遠價值較高的物業。

當然，更理想係置業後，尚有一定資金可以留來作其他增值。

所以，你可以睇翻佢附唔附合上述因素，同埋自己有無而個自住架迫切性，去做決定。

Q35226：

美股，想買etf，邊幾隻可以一路買到長久？同埋集中一隻etf，定三四隻etf咁買？

龔成老師︰

其實每個投資項目，都係會有出現變化架風險，分別只係多與少。

我自己預期未來10-20年，中美會係全球最大經濟體，所以相關市場都有投資價值。

如果你無研究，建議買入指數ETF，美股VOO。進取D，可以買美股QQQ。

Q35227：

老師 想問如果有3萬美金來投資美股和港股，那點樣去理財？特別是先增值後現金流

龔成老師︰

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

假設你係年青至中年，你可以投資「平穏增長股」和「潛力股」。

選股上，你可以投資在平穩增值股，例如指數基金，美股如（VOO）、港股如盈富（2800），另外再加：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、恆基（0012）、港交所（0388）、領展（0823）、長建（1038）等。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如阿里（9988）、騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。

現時港股在合理區較底，而美股則大致在中上部。你現有3萬美金可以先投入一半，用"分注"形式，慢慢買貨。餘下一半，就等大市出現一定程度的下跌，才大力度掃貨，然後長線投資。

Q35228：

你好，想問融資問題，近期保險經紀sell我融資,金額10萬起跳，10年之後拎得，投資風險大？

龔成老師︰

Premium Financing(保單融資)，其實就係透過借貸，去以槓桿形式放大回報。相比傳統儲蓄保險，佢增長潛力會相對較大，同時風險會相對較高。

若保單實際回報，係多於貸款利息，投保人自然會因為槓桿操作，而令回報放大左。

但由於保單本身，好多時回報和利率都係不保證。再加上貸款利息，多為浮息。在低息環境，固然會受惠。但進入加息週期(或高息環境)，利潤將進一步被蠶食。

因此，用保單融資去投保，係有一定風險。

其實係財富增值上，最好集中係優質資產上(如物業、優質股)。

「保險」只係一種產品，主要係用作防守，買足夠保障就可以。儲蓄成份架保險，唔係唔可以買。如果你個人風險承受能力好低，或者完全無投資能力，這類保險都有持有價值。

但最好係一些較傳統儲蓄保單，而非這類有槓桿性質的產品。

Q35229：

早晨龔sir, 我打算月供股票，以下分布是否合適？我今年5x

1．恒生

2. 長建

3. 建行

4. 盈富

5. 港鐵

以上全部各$2000，共$ 10000

唔該

龔成老師：

如果目標是收息及平穩增長，方向都可以，但你預增長力不算強，如果想組合平衡，可考慮有部分資金供美股VOO。另外，由於當中有2隻都是銀行股，你供到一定金額後，要睇翻銀行股佔你整個股票組合的比例會否過多，如果多就要停一停。

Q35230：

老師, 繼上次您教我要儲錢交稅～ 想再問問每月應該儲幾多

龔成老師︰

如果係做財富增值，我建議盡量儲，去提升自己初期增長能力。

更理想方法，係用"開支 = 收入 - 投資用儲蓄"這個方式，去進行儲蓄計劃。