Q29441：
龔老師：你好！我接近退休
請問2007碧桂園可以作收息股投資嗎？
請賜教，謝！
龔成老師︰
碧桂園（2007）不是收息的股票，當中有風險，如果你是接近退休的年紀，其實唔太建議。除非你好明白這股的風險，就真的當小注投資好了。
佢質素中等，負債高，故有一定風險。
除非你好明白當中的風險，先勉強可考慮（一定要好小心控制注碼）。投資這股的策略，可以是小注，買入後預等2年，等內房好轉。
當然，你要明白無人知期間會否再出事。我相信行業最差的時期已經過去，正慢慢好轉，但如果投資，都要控制好注碼，你當買入後，如果企業完成正常，就有機會派高息，你就長期收息。
Q29442：
我見到老師喺facebook講到，可以月供2814和2834 ( 美國科技股指數)， 請問它們有什麼分別？
香港有沒有etf， 可以像買入道瓊斯指數？
因為夜晚唔想捱夜買美股
龔成老師︰
三星FANG ETF（2814）的投資目標，係追蹤NYSE FANG+指數的表現。是一個美股潛力股基金。
首先，FANG+係代表美國上市多隻領先既科技股票，即係代表Facebook、Amazon、Netflix、Google，而該指數會再加上其他科技股，如Tesla、百度等，即是全球處最前列的科技類公司。
安碩納指一百(2834)是追蹤美股納指的ETF，長遠有潛力，是最簡單投資美股潛力股的工具。
美國的納斯達克指數，當中在多間大型的國際非金融上市公司，成份股以市值作基礎，並以一些規則平衡較大市值股份造成的影響。
如Alphabet、亞馬遜、英特爾、Netflix等，都是全球最大型的科技類公司。
2814和2834都係主要追蹤科技股，2814是集中追蹤科技股，而組合只有10隻持股。而2834則是追蹤100間市值最大非金融類別的上市公司，無2814咁集中科技類。
香港應該無ETF買道瓊斯指數的，你可以選翻美股的ETF，其實，只要是長線投資，買入後短期唔理佢都無所謂的。
Q29443：
Sir, 關於財務嘅嘢想請教。
嚟緊屋企人出年年中收樓280尺。(係綠置居一定要裝修先住得人)
預計係我自住，因不能出租，將來又唔知賣唔賣得出。
單位細，用裝修技巧能善用空間，而且住得舒服d，網上見到類似裝修費用，需要20萬。
我手頭有50萬，用20萬實在肉赤，你點睇？ 現在市道現金為王，這裝修費用應pay cash, 還是低息貸款分期找呢？
龔成老師︰
裝修其實是支出的項目，但由於你的物業是自住用途，是否值得，其實好個人。
如果你想住的得舒服些，財政許可，可以考慮。
但如果你本身有一定的投資知識，希望用多些資金投資的話，裝修費用可免則免。
所以，視乎自己對生活的要求。
居屋如果有質素的話，轉手其實都可以賺錢，因爲居屋有折扣，但都要睇翻物業本身有無質素。
現金雖然能夠把握投資機會，但前提是你要懂得如何利用，懂得投資。
你利用現金投資的回報超過利息收入的話，當然是選擇低息貸款分期。
但如果你本身不懂投資，一次過付款，免卻利息的開支，都未嘗不是一個好的選擇。
Q29444：
老師，請問市場上既公司系點樣定義佢哋股票派息派幾多架？
龔成老師︰
派息比率其實有公式可以計算：每股派息/每股盈利 X100%。
例如，一隻股票每股盈利是$1，派息是$0.7，派息比率就是70%。
至於決定派多少，是企業自己的派息政策決定，投資者可以留意企業派息的日期，會公佈股息。
一般較穏定，無太大發展空間企業，派息一般較多，因為無預留資金發展需要。
但潛力股派息會較少，甚至不派息，因為賺到架錢會優先留來發展，令企業增值，而非去即時以現金回饋股東。
Q29445：
龔sir, 看到你的文章講財務自由，我非常認同。但我有一個疑問。
因資產本身都身處在它們自己的市場中。當達到財務自由之後，當資產身處的市場出現大跌，令資產產生少了現金流或停止產生現金流，如果那時已經停止了工作好久，我們在狀況豈不會好麻煩？
假設，那時資產所產生的現金流不足以支付日常開支
這個問題，我們也必需要解決的
龔成老師︰
所以，我地選擇收息股的時候有3個要點：
業務穩定
派息穩定
派息比率高
業務穩定意味住企業比較少受到經濟周期影響，即使經濟環境不好，依然可以維持派息，從而減少派息停止的風險。
選擇企業的時候，前提是優質股，這樣的股票不會因爲經濟周期就減少派息，因爲企業本身有盈利能力。
第二，不要將所有資產都放於股票市場，你可以分散到債券，定期等保本的投資工具上，這樣就可以避免你所講的情況，因此，理財講到底都是一個配置的過程。
同時，係你退休組合中，都要有一定現金，應付不時之需。只要你整個退休財富組合配置得宜，其實出現災難性被動收入減少的機會不大。
Q29446：
sir,9698 vs 20 邊隻較好？
龔成老師
萬國數據（9698）會較好，較穩健，佢有質素的。
佢的業務為開發及營運數據中心，根據佢公司提供的資料，佢係全中國最大的運營商網絡中立數據中心服務提供商，市場份額約2成。
現時主要通過GDS上海、GDS北京及其子公司進行該等業務。GDS北京及GDS上海各自持有經營業務所需的互聯網 數據中心牌照。
佢提供託管和管理服務，包括創新和獨特的託管雲價值主張，機房面積為266,260平方米，有一定的規模。
見佢生意有一定的增長，行業前景正面，只是現價唔算平，投資價值都有，現價合理區底，但始終業務有不確定風險，而及受中國政策影響，唔建議太大注。
其實0020業務都有潛力，但風險較高。
Q29447：
多謝回覆，我明白老師意思
另外想老師幫我分析下我的持股比例
20，2000股$2.5
136，12000股$8
388，200股$315
6618，100股$171
700，300股$400
939，2000股$5
941，500股52.1
1024，100股$109
1810，1200股$14.6
3333，1000股$1.77
3690，200股$187.8
9618，100股$144
9988，200股$107.2
美股GOTU，20股$34.65
可否幫我分析下邊隻可放出或者可長線持有
我要等下年晚上至有時間才可上課，到時我再留意，多謝老師
我覺得自己科技股比例較多，係咪可以投資平穩增長股先，潛力股就不用投資住
龔成老師︰
你科技股的比例的確偏多，約佔組合的一半，建議同一行業最好維持3成以下較爲合適。未來時間，這些科技股唔一定要換碼，但起碼唔好加注，但個組合平衡翻先。
你持有股票，都有長線投資價值。
但中國儒意（0136）、高途(GOTU）、商湯集團（0020）、京東健康(6618)、美團（3690）都是風險較高股票，建議長線不要持有太多
騰訊（0700），阿里（9988）因爲政策監管，中短期都會較弱，你（0700）的持貨比例偏高，建議個股維持在15%以下較好。
未來時間，建議你加入更多「平穩增值股」，去平衡整體的組合風險。
現時大市只在合理區，記得資金唔好盡用。最好留有部份，等大跌市出現時，可以用來掃貨。
至於上堂，你或者可以預早留位，只要whatsapp 852-55457212我同事講。我地有具體資料就會 whatsapp你。
Q29448：
老師請指教，月供股究竟係選好股之後set好每月定額供款….就唔駛理佢？
還是要留意在高位時要停供、在低位時要多供一點？謝指教
龔成老師：
如果投資者實力不太強，可以不理佢，只要金額不過多，就可以保持去供。但如果有基本的投資知識，當見到股價升太多，就應該停一停或減少供款。相反，跌得多時可考慮加金額。
Q29449：
老師，想問下首置物業如果買30～40年既舊樓是否可以？
舊樓會唔會比較難再次放售/升值？
謝謝老師
龔成老師︰
可以。
30/40年樓齡的物業，如果本身係有質素(如位置、附近發展、配套等)，而又保養得好，都依然有平穏升值能力。如果係大型藍籌屋苑，保值能力就會更佳。
不過，但隨住佢樓齡愈高，就有機會面對潛在維修成本，同時再做按揭都會較難(故令其他買樓人士郤步)。
這時候，物業價值就有機會出現倒退，你要留意。
Q29450：
老師你好，我想問下月供股票係咪月供基金？
龔成老師︰
不一樣。
你問題的重點在於「基金」和「股票」的分別。
每一個「基金」都有不同的主題，投資股票、地產、商品、衍生工具等。又會投資不同的地區，環球、中國、美國、新興市場等。
而股票是單一的企業。
基金因為是投資一個主題，而非個別企業，故較有分散風險的作用；而一般股票，只係投資個別上市公司，故相對集中。