Q36101：

Hello 請教下1113係咪已經玩完，仲值唔值得投資？

龔成老師︰

長實集團（1113）之前出業績後雖然短期弱，加上削減派息令市場感到意外，所以股價出現較大回調。

但長遠不是無質素的，但佢不是高增長類。而我地分析地產發展企業時，不要集中一年情況，因為地產賣樓週期較長，有些年期會較好賺，有些年期會無乜錢賺，這是正常的，最重要用遠眼光分析。

長實集團業務涵蓋物業發展及投資、酒店及服務套房業務、基建及實用資產業務，以及飛機租賃。

其實現時大環境弱，加上息口高企，減少派息都唔奇。長線我相信佢依然有投資價值，但要全面回勇可能要些時間。現價合理，作為收息及平穩增長類股，佢的價值仍在。

Q36102：

阿sir 一年前真係得個講字，做唔到

一年後遇到貴人提醒左我, 事實持續咁樣落去每個月出糧都係找卡數唔係辦法, 今個月已經有決心開始想要儲錢，月入$28000, 找卡數找左$25000, 剩低$3000儲左無用到, 真心好有決心

另外我想問其實價值投資係點樣賺到錢？

因為真係新手無接觸過股票, 如果我簡岩果隻股票, 我每個月唔理佢咩價位都買入$10000

咁我一直唔平倉，一直都唔會收得番我既利潤，咁價值投資其實有咩用, 真係唔識

26歲果時睇過巴菲特既書, 覺得價值投資真心好正, 覺得好有成就感

如果我暫時咩都唔識，係咪月供盈富或者美股voo?

龔成老師︰

很高興，你向前踏了一大步。

其實價值投資，就係講緊"買股票，等同買企業"。我地會從佢架質素、行業發展、財務狀況等，去分析佢架投資價值。

如果你唔識估值，用月供就係一個最好架方法。(當然，供架要係優質股)

簡單來說，月供股票就是你每月將現金，買入某一隻或多隻股票，慢慢咁樣儲貨。坊間不少銀行都有提供月供股票服務，你先開證券戶口，然後登記做月供股票。

形式就是每月投入相同的金額，買入同一隻或多隻股票，並持續進行。

例如，每月以相同金額$10,000 買入股票A，假設第一個月股價為$25，就能買入400股；第二個月升至$35，就能買入286 股；第三個月跌回$30，就能買入333股。

總結這三個月，投入了的資金為$30,000，累積股票為1019股，平均買入價為$29.4。

由於月供股票每月投入的金額相同，因此當股價上升時，買入的股數自然減少，而當股價下跌時，就自然會買入較多股數，如同自行調節一樣。

要注意的是，由於每月持續投入資金，因此一定要選優質股，長線投資，同時要以儲股票的概念進行，最少持續供3 年以上，之後持有5年以上。

月供最重要的一點，是「選股」，如果你無選股能力，就投資ETF，美股VOO或港股盈富。

另外，你現在要做，就係提升知識。

我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《80後千萬富翁》和《財務自由行》，都適合初學者。

我Youtube Channel都會不時分享一些投資技巧和知識，你都可以睇下。

https://www.youtube.com/@user-rw4st4yg5v

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

Q36103：

Sir 有時間幫手睇睇東陽份資料,

唔係好明佢講咩😅😅唔該丫sir

龔成老師︰

東陽光藥（1558）係一家專注於在抗病毒、內分泌、心血管、抗腫瘤等疾病的製藥企業，是東陽光集團旗下的國內製劑平台。

發展不過不失，都不算差的。

如果你想投資，最好控制注碼，畢竟佢係一隻不確定性略高，同埋股價波動大架股票。

至於合併個部份，有機會係母企想同佢合併，之後變相一齊上市。

一般從營運效益角度，合併都會令規模優勢變大。但同時要考慮母企財務狀況，所以要等落實發展一段時間，先至知有無利。

Q36104：

內房涉及既金額超級龐大，希望中央真係能解決，但現在中國和香港政府好像人才短缺，總是很難想出突破性的方案，又不太聽民意，這點是我最擔心的。

現在葵涌碼頭好多地方是吉的，以前貿易係香港最賺錢的，而家都變成咁，又無乜外國人黎香港玩，連香港人都番噻大陸玩，香港唔知仲有無機會翻身。

龔成老師︰

的確內房問題唔細，唔係一時三刻能夠解決倒。不過，相信未來會有更多政策(例如近期放棄一D資不抵債架房企唔再救，重點救幫倒個D)，更加對應核心，去解決而個問題。不過，中短期難免會有陣痛。

至於香港，依然有佢獨特之處，但能否持續發揮，甚至進一步優化，就要睇中港政策發展。

Q36105：

老師，想請問你認為Airbnb護城河足夠嗎？外來競爭者多嗎？外行人應該不容易差隻腳落嚟？感激老師

龔成老師︰

Airbnb, Inc.（ABNB）是風險類潛力股。

佢成立於2008年，是世界上最大的在線住宿旅行社，也提供精品酒店和體驗預訂服務。愛彼迎的平台在2021年提供了600萬個活躍的住宿信息。

該公司的400萬主機的信息分布在220個國家和10萬個城鎮。2020年，53%的收入來自北美地區，30%來自歐洲/中東/非洲，10%來自亞太地區，7%來自拉丁美洲(2021年第四季度收益發布時並未提供2021年)。在線預訂的交易費用佔其全部收入。

業務雖然有發展，近年也開始轉虧為盈。但業務性質較受經濟影響，故企業風險略高。

這股投資價值是有，但小注投資會較好。發展力不是無，但投資要明白風險。

集團雖然有規模和品牌優勢，但唔係去到壟斷，故出現競爭者機會都有，唔算話好高護城河架類型。

Q36106：

老師晚安，本身信義光能有做月供，不過最近了不小，所以暫停月供了。

而家打算買入同系的8328信義儲電，請問咩價位入會比較好？（長渣不賣的），謝謝

龔成老師︰

其實2隻我都唔太建議月供，因為始終風險度同波動性偏高，就算月供都係小注好了。

信義儲電（8328）由信義玻璃（0868）分拆上市，主要在香港從事汽車玻璃的銷售、安裝及維修。

佢於中國內地生產及銷售鋰電池產品、電池包、儲能系統，以及提供合約加工服務。

這企業長遠發展正面，有潛力，但要留意業務較波動，現價勉強算合理。但如想投資，小注好了。

Q36107：

龔先生，你好。因能扣稅關係，前幾年都有做$60,000 MPF自願性供款

但呢幾年的回報都是負數, 正考慮改買Qdap，你認為應該轉嗎? 還是留下錢買收息股好過?

謝謝

龔成老師︰

首先，你要明白現時有中國經濟轉弱及內房負值問題、全球衰退風險、通漲問題、地緣政治和戰爭危機等等架負面因素存在。

表面上，經濟好似復常，但另一邊大型企業正不斷裁員，難言經濟理想。

你要明白，現時面對係過去20-30年以來最複雜架環境，好多問題都一次過發生。所以，你預中短期一定會好波動。

所以，近年表現差，唔代表你手上架投資無長線價值。

至於是否轉至合資格延期年金(Qdap)，就睇你年紀，同埋風險取態。

只用而2種投資項目比較，如果你近退休之年，你可以考慮年金、將MPF轉成低風險項目、或者投資收息股，會較為切合你架年紀。

相反，你係年青至中年，我會偏向建議你用MPF，投資一些股票類基金，去進行長線增值，會對你長線較有利。

Q36108：

Hi,龔sir，關注咗你好耐啦，但一直未知點開始，想請教下。

師奶仔一個，每個月大概有5000蚊閒錢，可以做d咩理財投資好？

龔成老師︰

如果你本身無太多投資經驗，又想幫資金進行增值的話。

策略上，你可以用月供「平穏增長股」架方法，去進行財富增值。你每月5成儲蓄，即是用$2500做月供。其餘先儲起，用一邊月供一邊儲蓄的策略。

選股上，你可以投資在平穩增值股，例如指數基金，美股如（VOO）、港股如盈富（2800），另外再加：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、恆基（0012）、港交所（0388）、領展（0823）、長建（1038）等。

如果你對而D股票唔太認識，建議你先集中供盈富(2800)和VOO這類指數ETF(因為佢地係一籃子不同行業的股票，分散風險能力。)。到你投資知識有所提升後，才慢慢加入其他股票。

餘下的另一半現金，我地就等機會，當大市出現較大回調，或者你有一定投資知識，才慢慢投入，咁會較穏當。

另外，我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《80後千萬富翁》和《財務自由行》，都適合初學者。

我Youtube Channel都會不時分享一些投資技巧和知識，你都可以睇下。

https://www.youtube.com/@user-rw4st4yg5v

Q36109：

請問1787，有貨但高價入，可守嗎？

龔成老師：

山東黃金（1787）主要於中國從事黃金採礦及加工，以及銷售黃金產品。質素只是一般，過往金價上升佢都追唔到，這股你可考慮反彈減持，部分資金轉黃金，相信長遠回報會較好。

佢係於中國合共控制及經營十幾座礦山，大部分位於山東省，並於中國擁有多個選礦設施及冶煉及精煉設施；當中，持有一定數量的黃金，但開題是，佢的股價無法追到黃金價格。

Q36110：

你好！想問藥明生物（2269） 近日股價大跌，受BIO 影響，請問對投資值博率？潛力和前景如何？

龔成老師：

藥明生物（2269），主要提供有關生物製劑藥物發現、開發與生產服務。近年受到業務轉弱影響，以及政治風險的因素，風險度有所增加，近期的情況，反映政治因素令佢不利情況增加，以及風險大左，這股不是不能投資，但「可投資金額」就要更小心控制。

財務數據方面，過往營業額及盈利都不差，但到了2023年的中開始，盈利出現下跌，由於市場過往一直以高增長去定義這企業，所以當企業由高增長，一下子變成了盈利倒退，市場對其估值有較大調整，股價向下。而管理層解釋，主要因市場大環境因素影響，令賺錢能力所有減少，同時，接下來仍面對挑戰。

另外，近期這企業面對的政治風險正加大，也令股價較弱。

其實這企業在之前已經面對政治風險，早在2022年，美國將藥明生物旗下兩間子公司，列入出口管制「未核實清單」。

未核實清單是美國商務部出口管制清單的一種，但不意味着美國出口商完全不能與其做生意，只是過程較煩複或存有某些限制。這次出口管制，主要是美國限制一些高技術的出口給藥明，例如生物反應器、控制器等原料，對企業發展有影響。

到2024年，有報道指，美國眾議院中美戰略競爭委員會剛提出了新法案，若法案最終落實，將限制聯邦資助的醫療服務提供者使用外國對手生物技術公司，包括藥明，因為美國質疑藥明業務與中國軍方有關，令藥明股價受到影響。

由於這企業的政治風險，比過往增加，就算往後業務無受到影響，企業價值都會因為風險度上升而有所調整，就算股價回落不少，這刻也不會定義為便宜。同時，由於政治風險在投資上，很難預測到，因此，投資者「可投資金額」都宜調整，不建議持貨太多。

以長遠的業務核心來說，企業仍是有質素，不過就不建議持有過多，擔心日後仍有潛在政治風險。

由於業近期的業績轉弱，相信短期業務及股價仍是較一般，回勇要時間。至於長遠的業務發展力，仍是有的，而市場現時過份擔心政治風險，令估值較低，甚至有點過低。估值已經在合理區底部，甚至開始平。

雖然政治風險較難預測對企業有多大響，以及往後的不確定性，但只要投資者控制投資金額，其實這企業的投資價值仍在（要留意，可投資金額比之前減少，以反映政治風險）。