Q22961：
老師我係你舊生，1448市場因監管而股價下跌，在你比的價值網的PE 5年取平均3年23.62-26.94，就算給10%BUFFER，仍然是21.26-25.84，從AASTOCK看是19.689。
自行預測=半年業績EPS0.161，把它乘2=0.322再乘返人仔滙率1.2=0.3864港元，基於現價6.43/0.3864。預測PE是16.64
請問基於這樣如何去估計1448合理PE?很難估
以往PE RANGE20-30，是否調整至10-20?10-15?還是15-20?才合理?
1177估值:
PE 5年取3年: 12.71-23.65
EPS平均值: 取2016-2020，但不計2018因特殊地高，平均EPS:0.2，考慮埋2021年上半年盈利:0.5432(來自AASTOCK)，我假設下半年冇錢賺，
用保守角度:即2021EPS0.5432，那我計EPS平均數為(0.2X4+0.5432)/5=0.269
合理估值:3.41-6.35
那麼現價是合理頂部?調返轉問一句3.41是便宜區會唔會太唔實際?或唔合理?
調返轉1448的監管是短暫不影響到核心質素，今次跌市是入市機會?
龔成老師︰
<<福壽園1448>>
我地估算的市盈率，必需要有參考性，係可以有效反映到企業和行業未來狀況。
由於近年中國政府，對行業有不少新指引，主要方向都係控制價值，避免殯儀業相關產品和服務，出現定價過高情況。相信未來，殯儀業盈利會回到較合理水平。
因此，用過往市盈率作參考，就未必咁適合。所以，我地會自行將個市盈率打拆，去到約15-20倍，以反映政策造成的影響和相關風險。
受政策影響而增長力減慢，我會每股盈利用較近的5年平均數(2016-20年)，再加這5年的年均增長率(約16%)去做參考。
你會計到合理值大約HKD5.6 - 7.5。
但未來中央應該會對賺錢企業，會加強監管。而集團本身屯了不少土地，有機會成中央打壓對象，故風險係高左。
長遠佢依然有投資價值，在大跌市時，依然值得加注。
<<中生1177>>
你個計算有少少保守，你用5年平均EPS，再調整了2018年一次性異常數字變動，得出5年平均值為HKD0.2，係正確。
但中生畢竟是潛力股，我地要加入一些增長率，才會有效反映佢未來狀況。故在合理EPS$0.2，再額外加入+30%增長。
同時間，此股係有潛力，行業發展和其生意模式，都係正面，故合理市盈率用20-25倍。
在加入10%緩衝區後，合理價約為HKD4.68 - 7.15，當然，這只是從市率值法計算，我會再配合其他估值法，去得到最後的企業價。
Q22962：
謝謝老師的建議。暫時也沒有全部投資在股票上，因都擔心有風險，還有些資金來作備用。
(1)平穩類股，目前股市情況向下，盈富、金沙、領展、粵海，也有看老師的介紹，大概在什麼位置會比較合適？
(2）美股也在去年投資少許，約5-6千美元如LVS, BYND,ARKK,但目前都是蝕錢的。VOO,QQQ都是ETF ，目前都是在比較高的位，請教下和其他的ETF區別是什麼？
ARKK也是ETF但組成比較科技類，ETF的升跌幅度也大，雖然有息收，但也會出現賺息蝕價。
龔成老師︰
-
這些現價都在合理區，你現時無貨，其實已經可以入首注。但領展(0823)只算合理區頂，暫時先入較細注，會比較好。
-
你現時持有的美股，都係有質素，和適合你這類年輕人士。
至於ETF，佢地係會投資在不同市場、行業、商品或者特定項目。所以，你買入時，要了解清楚。最少你都要睇佢10大持股，去判斷其質素。
ARKK係在全球投資一些創新科技類股票，十大持中包括TESLA、COINBASE, SQUARE、ZOOM等等。
此股係投資企業潛力，而唔係收息。你預佢會較波動，故不宜持有太多。但這類潛力股，其實係適合你這類年青人，只要控制注碼就無問題。
Vanguard標普500指數ETF〈VOO〉，是追蹤標普500指數的ETF。
Invesco QQQ Trust(QQQ) 是追蹤納斯達克100指數。
2隻都係投資美股主要市場，風險會比ARKK低少少。當2隻之中，QQQ波動性會較高，要注要風險。
Q22963：
你好，有啲投資問題想請教一下
女兒今年入大學，我想用手上的30萬投資，四年後有200萬或更多可行嗎？每月可儲$15000。
主要是想儲錢做首期
龔成老師︰
我假設投資回報有10%（連股息再投資），你每月投資$15000 + 本金30萬，4年後大約會增值至120-130萬。
若要做到你200萬目標，每月供款要加大到$28000，才較大機會達成目標。你可以因應以上計算，去調整一下你的計劃。
策略上，你可以投資「平穏增長股」和「潛力股」。你每月5成儲蓄做月供。其餘先儲起，用一邊月供一邊儲蓄的策略。
如果你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。
若你有一定投資經驗﹐潛力股比重可以相應調高，佔組合約3-5成，視乎你投資知識多寡和了解這些股票程度而定。
現時大市只是合理區，你現有30萬資金可以先投入一半，用"分注"形式，慢慢買貨。餘下一半和每月所儲倒的資金，就等大市出現一定程度的下跌，才大力度掃貨，然後長線投資。
Q22964：
龔sir，又打擾你，真係好迷惘，雖然之前問過你，但實在唔知隻1138應唔應該繼續揸落去，如果放，我又應該幾時/見到咩價位就可以放呢？(唔等錢洗，只係驚佢愈跌愈有)
現時持有以下股票:
1138 x20000股，平均價8.5 (10年前買入)
941 x500股，平均價90.2 (9年前買入)
0005 x400股，平均價64.3 (2年前買入)
1093 x4000股，平均價9
1177 x3000股，平均價8.8
823 x400股，平均價74
178 x12000股，平均價1.8
590 x2000股，平均價19.4
3067 x1300股，平均價15.6
以上組合ok嗎？可以繼續持有嗎？
手頭上有70萬現金，應該拎部份現金於現在入貨嗎？如果入貨，我應該入邊隻去平衡我嘅組合？謝謝
龔成老師︰
中遠海能（1138）是一家跨地區、跨國界經營的大型航運企業。
佢的主營業務範圍：沿海、遠洋、長江貨物運輸、船舶租賃、貨物代理、代運業務、船舶買賣、集裝箱修造、船舶配件備件代購代銷、船舶技術咨詢和轉讓。
過往業務不算差，但增長力不強，長遠發展力也只是中等。佢都可持有，但不宜佔組合太多，而且要上翻你買入價，相信要較長時間。
建議你沽少少，換碼至其他有增長力股。
你以上組合持股都有投資價值，適合你這80後人士。但中移動(0941)和匯控(0005)係收息股，增長力唔會太高，暫時不需持有太多，收息股佔組合最多2成好了。
現時大市在合理區，你可以再用多20-30萬去分注入貨。餘下資金，就等大跌市機會。
以你年紀計，可以投資以下股票。潛力股可以佔4成左右，如果你投資經驗較少，就佔2-3成好了。
只要個別企業和行業，不要佔組合15%和30以上，銀行業更加不要高於組合20%，去避開過度集中性風險，咁就無問題。
Q22965：
Sir 我想請教可以如何重整一下
Age 33
0005@ 76x4
1038@ 60x2
788@ 1.5x14
1211@ 42x2
778@ 10.48
823@ 74.2x7
9988@ 230x6
1177@ 7.5x11
12@ 29x5
1830@ 2.5x4
2013@ 11x3
388@ 451x3
3690@ 269
241@ 20.55
1810@ 28x7
1833@ 90.65x 2
2269@ 100x2
700@ 720x2 492
909@ 39.2 38 37.1 36.25 35.55 29.9
2382@ 122x5
285@ 40x3
6098@ 55.5
3067@ 17.65
01@ 49.95x3
405@ 4.92x2
836@ 14.19x3
778@ 9x2
2778@ 6.5x2
龔成老師︰
我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
以你33歲計，應先做好增值部份。睇翻你組合，雖然都係有質素。但就持股明顯過多，而且非常雜亂，建議你長線集中翻係10-15隻左右，會較易管理。
匯控(0005)、越秀房產（0405）、置富(0778)、冠君產業信託（2778）都係收息股，增長力唔高，唔建議你持有太多。
美團(3690)、微盟集團（2013）、阿里健康(0241)、藥明生物(2269)、明源雲(0909)有增長潛力，但不確性都較高。這類股票，同樣不宜太過大注。
另外，你要留意組合比重，有無偏重特定股票或行業的情況，長遠要建立一個平衡性高的組合，並長線持有。
任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。
因此，你要建立一個平衡的投資組合，當中有不同的類別、不同的行業，這是最好的平衡風險方法。相同行業不可佔組合多於30%，而單一企業不要高過15%。
特別係銀行業，佢營運模式較特別，風險會比一般行業為高。必需堅守30%這個準則，如果可控制在20%以內，會更好。
你現時地產股和科技股，持股不少，你要審視翻佢地有無過度集中問題。如果有，而個超標情況又較嚴重，就要作出調整。
Q22966：
老師妳好！想請教下妳，本人39歲家庭主婦·又係單親·目前打算投資買樓收租·但資金不足（大概有200萬）想問下有咩投資組合可達到3厘以上回報··
不善於詞達望見諒！謝謝老師解答問題
龔成老師︰
我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
你39歲，我建議你以增值為主。物業係一種收租以外，可以提升你財富的資產。但現時香港整體租金回報率不高，投資優質股，相對會較有值博率。
現時大市只是合理區，你現有200萬資金可以先投入50-80萬，用"分注"形式，慢慢買貨。餘下資金，就等大市出現一定程度的下跌，才大力度掃貨，然後長線投資。
我會建議你投資平穩增長股，但如果你都係想保守D，純粹收下息算，你就用以下收息股，大多有5%或以上股息，但增長力就不會明顯。
目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）。收息基金(3110)，都可以。
另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，不能太過大注）。
Q22967：
龔sir 你好 先多謝你既書改變左好多人 包括我 而我從來由一個書櫃得漫畫到而家變成好多財經書/投資書 變鐘意睇書（因為改變左金錢觀）
我相信自己係有有錢人既腦袋 深信會成功！
本人32歲月入60000 目標3-5年提升到500萬淨值，會將每個月3萬投資 2萬儲蓄 1萬洗費
深信盡力盡早投資 會有更大回報，現有股票價值大約42萬
現金10萬 我唔會怕失敗 因為有錢人唔會怕失敗 所以比較進取
我想問下你意見 我持貨 只會價值投資全部5年以上我深信耐性同金錢係對等 有耐性既人先會得到應有既野！想聽聽你對我持貨既意見
968信義光能 圴價17.9 持有6000股
1585 雅迪控股 圴價16.9 持有6000股
1177 中國生物製藥 圴價6.9持有15000股
1337 雷蛇 圴價2.25持有30000股
信義我深信未來催勢所在 極度睇好，雅迪控股 我都深信未來兩輪車有優勢 外賣 各樣
現睇到小米都處於想買進既價位，可以？
另外 如果係一個讀書唔叻 數學白痴，上堂會好難理解嗎？因為好想學估值，感謝
Sir 給點意見
龔成老師︰
你現有4隻持股，都係有質素。未來光伏和新能車都會係大方向，故信義光能(0968)和雅迪控股（1585）係有長線投資價值。
但本質上，雅迪控股（1585）和雷蛇(1337)不確定性較高，唔建議持有太大注。
小米可考慮，現價合理。
未來增值策略上，我建議你用每月儲蓄，去做月供股票慢慢儲貨。因為你經驗較淺，未識點定平貴，故現時先做月供，會較穏陣。
你可以投資「平穏增長股」和「潛力股」，每月$30000做月供，其餘$20000先儲起，用一邊月供一邊儲蓄的策略。
你現時無太多投資經驗，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。
到你有一定投資知識和經驗﹐潛力股比重可以相應調高，佔組合約3-5成，視乎當時你投資知識多寡和了解這些股票程度而定。
餘下每月$20000現金和10萬本金，我地就等機會，當大市出現較大回調，就加大力度掃貨，然後作長線投資。
課堂方面，就算你數學唔係好叻，都無問題。只要你每堂完左，都會返屋企溫書，其實唔難跟。
Q22968：
想問下中生製藥賺錢都升唔起 大市大升佢升兩仙 大市跌佢跌突 同業石藥半年升兩成 佢跌兩成半 算唔算垃圾妖股？
平安好醫生蝕錢日日破52週低都明 中生製藥是什麼玩法
龔成老師︰
你唔好只單憑佢地係同業，就去支接比較。而且，中短期波動，可以受好多因素影響。有些因素，更同企業本質無關，例如大市氣氛、資金流向等。
因此，我地判斷佢值唔值得投資，應從佢長線質素、行業發展、財務狀況等，去作出考量。
中生製藥（1177）是潛力股，人口老化令佢長遠有唔錯的增長，無論是政府投入的行業資源，又或是人民生活質素令可控制資金上升，都令人們更在醫療方面投入更多。
佢已建立一套完整的商業系統，有多個已賺錢的藥品類別，同時毛利高，可以不斷將錢投資在新藥裡，這模式運作很好。
但這類藥物企業，難免有一點風險，因此要久不久檢視，中短問題不用理會，但如果有一些核心性的問題，就要再全面分析。
就這刻來說，這股有長線投資價值，因為商業模式理想，高回報，不斷再投資令股東利益快速增長。加上睇翻佢的業績，保持增長，這令企業價值有實際的上升。
近期出現較大回調，反而造就我地可以較低成本，買入優質股票。
現價合理區中間位置，有貨可持有，分注或月供可以，這股有長線投資價值的。
另外，你係分析時，唔好再用52週低這類技術分析方法，這是好錯的投資方法！巴菲特已經講到明，技術分析沒有作用的。我地只會分析企業的質素，以及企業的價值。
我20年前，都會用移動平均線、RSI、圖表等分析方法，但當我輸完又輸時，我決定放棄這些技術分析，從此我就不斷贏錢。
Q22969：
成哥，睇左你好耐，求指點
本人33，月入2萬5，月儲2萬
持有資產如下:
現金84萬 ，股票現約值56萬
持倉如下
0003 7639股
1211 1089股 月供4000
2800 5874股 月供6000
3067 3000股 睇位再入
個倉要唔要執下，想向物業進發令資產多樣化，唔知方向岩唔岩，求指點方向
龔成老師︰
以你33歲年紀，應先做好累積財富部份，努力去增值。你現時持股有質素，而且都適合你年紀。但有3點，你要留意翻。
首先，比亞迪(1211)現價已經係貴，要月供最好等回到$200以下，才再開始。此期間，你可以暫用ＧＸ中國電車ETF（2845）去作替代。
另外，我地唔好成個組合，只集中係3,4隻股票身上。
最重要是建立一個長期的「財富組合」，要優質，要平衡，要適合你的年齡與風險承受程度，新舊經濟各類股都要有。
同一行業不能高於組合30%，同一股不能高於組合15%。要平衡，建立後長期持有，不是買賣賺差價，而是成為你財富組合一部分。
現時大市在合理水平，，你可以再用多20-30萬，去分注入貨。餘下資金和每月1萬儲蓄，就留待大跌市出現，才出手入平貨。
平穏增長股，現處於合理水平，可分注入市。但潛力股，部份係略貴。
但如果係月供的話，除了比亞迪(1211)，其他現價開始都係可以。
Q22970：
老師，你好。夫婦二人約40yrs，有2層私樓，一層自住港島區、一層租緊俾人 九龍區、租金剛好夠供樓，分別價值約500萬
有400萬股票，其中有2萬股、藥名生物、約值$240萬、買入價低於$100 （當中有200萬$係其中一層樓加按出嚟）
好喜歡你d書，簡單易明，富激勵性
我哋計劃可能有機會未來一至兩年會有小朋友，還是我哋應該考慮將自住的320呎單位變成大單位？ 比投資 的是牌/車位更好？
補充我年齡35yrs
1）藥名生物佔咗好多比例、是否很嚴重不健康？
2）你點睇藥名生物？
3）想問我哋下步應如何部署？
4）投資 的士牌 還是 車位較好？
的士牌 現接近10年低位，大概530萬（連新車），可以交託車會包租，每月收$15000-20000 用以供按揭
5）那一區車位較看好？
6）另外朋友教我新經濟股不能使用市盈率做指標、是使用市帳率，是否正確？
- 同埋想請教老師點睇3988 ，收息8%
期待你的回覆，謝謝
龔成老師︰
多謝你支持有的書!!!
- 我地創建一個股票組合，除左要有質素外，平衡性都係好重要。
因此，個別企業和行業，不應佔組合15%和30以上，銀行業更加不要高於組合20%，否則會有過度集中性風險。
- 藥明生物（2269），主要提供有關生物製劑藥物發現、開發與生產服務。
佢涵蓋生物製劑發展過程的所有五個階段，即藥物發現、臨床前開發、早期臨床開發、後期臨床開發及商業化生產。
潛力是有的，因為過往的財務數據的確理想。但你要明白業務始終有一定不確定性，同時股價會好波動，故只宜小注。
現時佢佔你組合太大比重，你必需沽出部份，換至其他優質股去平衡風險。
- 由於你已有2個物業，為免太偏重係物業類，未來應優先加大股票比重，去令成個組合更平衡。
策略上，你可以投資「平穏增長股」和「潛力股」。你可以將沽出藥明生物（2269）的資金，部份換至以下股票。現時大市只在合理區，你要留有一定現金，等大跌市機會出現時，可以去掃貨。
如果你現時無太多投資經驗，潛力股這類風險較高的股票，你就不要持有過多，最多維持2成好了，甚至先集中係平穏增長股類。
若你有一定投資經驗﹐潛力股比重可以相應調高，佔組合約4成，視乎你投資經驗多寡和了解這些股票程度而定。
平穏增長股，現處於合理水平，可分注入市。但潛力股，部份係略貴。
- 從租金回報率計，的士牌一般都會比車位好。但由於佢增長力唔高，主要都係創造現金流收入。除非你資金好充裕，否則投資優質股作增值，值博率會較高。
至於考慮埋買較大物業這個因素，我會偏向建議你換大屋。因為你有實際需要之餘，在3個投資項目中，住宅升值潛力，會係相對較高。
-
無特定睇好那一個地區，主要係睇該地區供求水平。
-
不是完全不能，但由於佢地增長快，所以要做一些調整。因為估值時重心，會較著重係佢將來發展上。
-
中行(3988)股息率去到逾8%，係吸引。但佢只係收息股類，長線增長速度，始終不及「平穏增長股」和「潛力股」。你想投資係可以，但以你年紀計，不宜投資太多。