Q41621：
你好….
唔好意思呀🥲…真係走頭無路…….
你咁忙都打搞你…🙏🏻想請教下…
我持有股票跌好多，而家輸太多…
如果一放就會冇哂….
但黎緊睇黎都好唔樂觀…..
請問係咪應該繼續坐艇……？
龔成老師：
相信你的投資思維出現錯誤，你同好多散戶都未明白真正的投資。
我地決定持有、賣出等因素，並不是睇賺蝕！
（而從你的講述中，你以「賺蝕」為中心，已經出現了核心性的錯誤）
你要明白，投資者最重要不是睇「賺蝕」，不是睇「買入價」，而是睇質素。質素不好，增長力弱，就有可能賣出，蝕都要賣。
你要分析「之後的組合情況」，不是過去，是將來。應該持有那些優質股，比例如何，能為你帶來怎樣的長期財富。
好多人著重短期股價，但這並不是重點，最重要是「企業長期發展」。
你要分析你的投資目標，你想潛力股的比例多少？平穩股的比例多少？組合風險程度如果？
即是你想設計一個怎樣的投資組合？長期、優質、平衡、適合你。
可能你會不太明白，但只要你睇下真正憑投資賺大錢的人，例如巴菲特，佢地都是這樣思考的。
Q41622：
老師你好
因為之前真係冇接觸過任何股票經驗
想問有沒有一些初階班？可以從基本開始參與呢？
龔成老師：
有的，以下兩個都是入門類課程，已經接受報名：
★5月美股班
★7月港股班
【環球美股實戰班】
日期：2025年5月2, 9, 16, 23, 30日，6月6, 13, 20日（逢星期五）。時間：1900-2200
地點：灣仔
暫時優惠價：$8800
股票班舊生優惠價：$6800
了解及報名：https://www.80shing.com/register.php?id=6
第一堂：投資美股基本功
第二堂：美股新手策略及財富配置
第三堂：環球產品實戰應用
第四堂：美國經濟分析與潛力行業
第五堂：美股最佳買賣時機與估值
第六堂：多種美股選股技巧
第七堂：美股財務數據與年報分析
第八堂：潛力美股與實戰
【投資倍升股課程】(港股基礎班)
日期：2025年7月4, 11, 18, 25日，8月1, 8, 15, 22日(逢星期五)。時間：1900-2200
地點：灣仔
費用：$8800
了解及報名：https://www.80shing.com/register.php?id=1
第一課：投資與股票基本功
第二課：投資策略與行業分析
第三課：穩健股及收息股投資術
第四課：買賣時機與估算合理價
第五課：企業估值模式
第六課：選股秘技
第七課：分析年報技巧
第八課：特質類倍升股與潛力股
**附加資料：合共超過240分鐘的溫習影片
Q41623：
老師，如果想趁低開始入美股，1）現時有哪些選擇，
2）那隻EFT較好。
龔成老師：
如果你較初階，考慮ETF較好。
你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、但佢地波動性和風險會較高，要自己平衡。
Q41624：
Hello, 龔老師，現持有小米51蚊，應繼續觀望持有，還是先減持，謝謝你
龔成老師：
要睇你持貨多唔多，其實這企業長遠發展仍是正面，但短期會好波動，如果貨不過多，可守，耐心持有就得。
現時大市波動，你最要要理性分析，關稅對這企業有幾大影響，有些企業，1810近年的技術不斷突破，無論是關稅或經濟轉差，都不會令企業的技術倒退！
長遠來說，影響這行業發展、企業價值的，技術是其中一個關鍵，所以，1810這類股，基本上整體的質素沒有改變。
Q41625：
你好，好開心之前聽你講買左小米，依家我都繼續持有呢～留住唔放，係好考定力，好彩我堅持住；另外又要請教你意見，之前調動過d股票，資料如下，請問可持有嗎？或有咩改善，另外依家我返工無咩時間留意市況，想有些月供增值，淋住長期持有
之前月供，但已經停供
恆基 均價 35.27 有3438股
深圳國際 均價 6.1 有12297股
另有
中國電力 ＄2.89 有6000股
中國生物製藥 ＄3.2 有7000股
恆生高股息率 ＄20 有2500
現想供一些etf, 如3188，2828，或有無d可以長期供？謝謝。
龔成老師︰
其實價值投資，唔洗成日睇住個市，因為個分析重心唔係股價波動或者趨勢，而係睇企業長線價值。
反而係買之前，要做足功課，了解清楚企業本質和財務狀況。入左市之後，只要核心質素不變，咁就可以長線持有。
如果你未近退休之年，手上持有的股票和你想月供的目標(3188和2828)，都係可以。
不過，建議唔好集中晒單地區，長線可以加入少少美股，唔識選股可先集中指數ETF-VOO。
以下是簡介VOO影片，可以睇下︰
https://www.youtube.com/watch?v=RnYZQlSG8qA
Q41626：
老師請問港燈2638 現價位合理嗎？ 同匯豐想買黎收息 可以嗎？
龔成老師︰
港燈（2638）是不錯的收息股，港燈電力投資有限公司是一家縱向式電力公用事業機構，旗下香港電燈自1889年成立，為香港島及南丫島唯一電力供應商，業務包括為其發電、輸電、配電及供電。
佢業務穩定、派息穩定，同時港燈會因資本投資，令之後的盈利增加。即是說，過幾年派息就可以慢慢增加。未來如果外圍減息，收息股會受惠。
長線投資的話，就可以買這股，但最好都是以分注作投資，現價在合理區，都可分注，但不是大注。
另外，買匯控(0005)作為收息股，都係可以。
不過，當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
以你現時35歲去計，投資「平穏增長股」和「潛力股」這些具增長力股票，長線會對你較有利。
Q41627：
龔sir你好。想請問資產和股票分配建議。求開導
因為一開始對股票無認識亦沒有賺到就走，已割肉輸了20萬。
現在個人資產約45萬股票30萬定期10萬現金。30歲月入約4萬，同老人家（無業）、家人（辛苦工1.4）一齊住公屋。
1. 股票偏好收息股，有28萬0005匯控（90高位入）；13萬建行（6.8買）；5萬一手中移動（84買）。想知道係股災時，我應該繼續溝5號還是買其他不同類型的收息股？
2. 同時都想存錢買樓，只負擔得起大約350萬的樓價。所以我而家應該先存錢到大約150萬去買樓，還是月供股票呢？
3. 唔想要太高風險還是我應該選擇定期？但見利息得番2.8
我想搵多啲錢係想媽媽可以有底氣，番工傷身體可以簡唔番。係股票輸的錢係佢一年的人工，我真係覺得自己好對佢唔住好失敗…
龔成老師︰
1) 首先，你持有的股票，都係有長線投資價值。不過，在配置規劃和策略上，都有不理想的地方。
當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。
以你現時30歲去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。
你手上股票，都係收息股，連同定期都係增長力欠奉，不適合你年紀。如果你想保守D，持有少少都可以，但唔好做主力。
未來策略上，你可以投資「平穏增長股」和「潛力股」。
建議你每月5成儲蓄做月供，其餘先儲起，用一邊月供一邊儲蓄的策略。
選股上，你可以考慮一些平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
但潛力股風險較高，對投資知識要求較嚴格，所以你可以先集中在平穏增長股上，甚至先集中供盈富(2800)和VOO這類指數ETF。到你投資知識有所提升後，才慢慢加入潛力股到組合之中。
現時大市大致算在合理區中至中下間(港股)和中上部(美股)，你現有40萬資金可以先投入一半，用"分注"形式，慢慢買貨。餘下資金和每月所儲到的資金，就等大市出現一定程度的下跌，才大力度掃貨，然後長線投資。
另外，，我想你明白"溝貨"與"分注"的分別。(唔係一隻股票跌，不停溝就解決到個問題，好多散戶就係咁，輸得更多!)
"分注"即係本身預左一個資金上限，再去因應佢平貴度，慢慢加注入去。這是預先有計劃，去按股價變化去進行。
而"溝貨"﹐即係見佢跌就不斷入貨，純粹只係希望盲目咁拉低平均個價。覺得之要平均價跌，未來平手離場機會就會大左。"溝貨"係好多散戶鐘意用架策略，不過溝貨唔單只唔會幫到你更易平手，反而係增加緊你組合風險。因為一邊拉低平均成本價的同時，你手上架股票比重都增加緊。而這類股票好多時，只會愈跌愈深，令散戶愈加注，愈輸錢。
我建議你睇翻以下Youtube影片，對你理解溝貨而件事(作用和風險)，對你未來投資會有好實際架幫助。
https://www.youtube.com/watch?v=5yu9jrvfGX4
2) 我相信你係講自住樓，咁你可以睇下有無迫切性，無就用優質股儲下錢先。因為置業盡用資金，係不太理想。
3) 你要自己平衡，如果你自問風險承受力弱，可以將組合加多少少去收息股，但長遠組合增長力，一定無咁好。
目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。
4) 最後，記住財不入急門，只要用正確方法，財富增長一定會體現出來。
你緊記要提升自己投資知識。因為長線投資回報，係必然同你架知識水平成正比。
我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
Q41628：
sir！小米係咪唔會派息的？
龔成老師：
對，小米一向都不派息的。
投資這股的目的，主要是增值，而不是股息。
Q41629：
師父， 手持創科多時， 而家貿易戰好影響， 應繼續持有？
龔成老師：
要睇你持貨多少。
這企業長遠正面，但中短期業務都會有影響，所以，如果你太多貨，就減部分，但如果貨不多，可以耐心持貨，但預佢短期股價會好波動。
創科股價由2021高位回落，到近年開始好轉，由於創科的業務與美國樓市都有一定的相關性，因此，過往當市場擔心美國樓市轉弱，就會影響創科的業務及股價。之前美國按揭利率上升，令供樓者的負擔增加，在美國持續加息的前題下，樓市就存有不明朗因素。
到近年，美國開始減息，並將會開始新的減息週期，都令市場對美國樓的信心增加，也支持這企業的股價。當然，投資者最重要分析企業的長遠發展情況。
整體來說，這企業業務雖然對美國樓有少少敏感，但以長期情況分析，有品牌，有品牌，有銷售網絡，長遠有發展，這股值得長線投資。
Q41630：
龔sir, 3466每月派息，彈性比3110高，應更能配合退休人士的日常開支
龔成老師：
每月、每季、每年派息，並不是影響我地投資決定的核心因素。
因為只是一個數字遊戲，如果某股一年只派一次息，只要將股息金額÷12，限制自己每月只取這數，都能造到每月收息的效果。
恒生高息股30指數ETF(3466)是一隻指數追蹤基金，其旨在盡實際可能取得（未計費用和開支前）接近恒生高息股30指數的價格回報表現。
此基金其一個特色，是香港上市股票通常會每季或每半年派息一次，而恒生高息股30指數ETF旨在每月派息。
至於此ETF，主要係投資於金融類股份，佔接近4成，其次是佔約2成的地產建築業。
當中最大持股，包括中國飛鶴(6186)、電訊盈科(0008)、遠東宏信（3360）、恒隆地產（0101）等。這些股票都有質素，適合長線收息。
此股可作收息之用，現價合理，可分注儲貨。
以下是參考連結，需要的話可以睇下︰
https://cms.hangsenginvestment.com/cms/hsvm/feature_product/highdiv30/chi.html