Q34881:
你好,老師
請問買美股需要交稅?幾時需要交?
賣出買入交?
謝謝
龔成老師︰
睇下你係唔係美國人,如果係,而你又係賺左錢(低買高賣),就而交資本增值稅。
若你唔係美國人,就不同比資本增值稅。
不過,要比股息稅。
係收美股股息時,就要交30%股息稅(金融機構會係比你之前,扣起左。所以你無額外野要做,同收港股股息一樣,唔洗額外向美國稅務部門申報)。
Q34882:
阿sir請問幾時可以買SQQQ?
龔成老師:
最好唔好博,因為永遠不是估頂
起碼中短期都唔會建議考慮
ProShares UltraPro Short QQQ(SQQQ)這類產品複雜和好高風險,基本上係賭納指100走勢,如果跌你就賺,再加-3倍槓桿。
我對這類產品有保留,納指在過去數10年反覆向上,所以長遠計持有這股對你"不利",一定多於"有利"。
Q34883:
老師,我有少少想買美股,但又對美股冇認識,唔敢買。
龔成老師:
長遠都要學下,未必一定這刻買,但起碼擴闊「可投資範圍」
投資美股,首先要有美股戶口(現時香港好多銀行、證券行都有),之後存入足夠美元,就可以進行交易。
美股與港股不同的,就是美股可以一股股為單位去買,而港股則要「一手」去買。另一個不同,就是交易時間,你要在美股開市(即香港晚上)才能買賣。
另外,美股收息要比30%股息稅。
至於其他,大致與港股一樣,總之買股票就是買企業,要投資一些有質素的企業,同時要留意平貴度。
Q34884:
老師,我本身有apple同BRK.B請問咩價位可以放
龔成老師:
apple同BRK.B,優質股,可長線,除非去非市場狂熱期,先考慮減持,但這刻未到。
Q34885:
請問龔sir點睇2024年美國通脹回升,經濟衰退,中國經濟崩潰的機會大嗎?
龔成老師:
相信2024年美國通賬,仍會處於約3%、4%水平,不會太高,因此不用太擔心。
至於經濟衰退的風險,雖然都有少少,但相信機會少過一半。
以近期的美國經濟數據分析,其實不太差,所以又不用太擔心。
至於中國經濟,近期數不過不失,並算好差,不過內房等因素,令中國有潛在的不確定性,但又未到好高風險。
加上中國政府有機會推一些經濟措施,所以,中國經濟崩潰的機會,不大。
Q34886:
點解中概股咁差成日跌?
係唔係唔好買中概股比較好
龔成老師:
因為中國現時經濟較多不確定性,例如內房問題等,但我地最重要睇長遠的回報,現時中概股估值較低殘,的確存有投資值博率,但你預佢短期較一般。同時,組合不能只投資中概股,最好建立一個平衡的組合。
Q34887:
老師現在美股這麼高港股這麼低如果買美股就如巴菲特所言別人貪婪我驚恐如果買港股做就應該是別人驚恐我貪婪好
龔成老師:
對呀,港股的確有恐慌,所以價值投資者可貪婪。至於美股,雖然有少少高,但未到狂熱期。
Q34888:
想問1415高偉電子可否長線投資?謝謝🙏
龔成老師:
可長線。高偉電子(1415)本質不差,集團以原設備製造方式生產及銷售各類相機模組,用作多種具備相機功能的移動設備的重要部件。
集團亦生產及銷售用於多種消費電子產品的光學部件,包括玻璃板、透鏡及棱鏡。
留意,這股盈利都幾波動,增長力是有的。但整體質素都有,但近年股價上左不少,現價到了合理區較上部。
Q34889:
老師,我從未買過美股,要hkd換usd再買?而且唔多識英文,睇資訊有困難
龔成老師:
投資美股,首先要有美股戶口(現時香港好多銀行、證券行都有),之後存入足夠美元,就可以進行交易。至於資訊,現時都有唔少財經網站是中文的,都可以睇到美股資訊。
Q34890:
老師,想問你對沙特etf有冇咩睇法?
龔成老師:
南方東英沙特阿拉伯 ETF(2830),每手交易數量為10個單位,主要緊貼富時沙特阿拉伯指數。
這是一個有發展力的國家,不過,佢始終較依靠同石油有關的經濟,如果這方面出現較大的變數,這基金表現都有機會好波動。
你預佢不是無發展,但都有一定風險,你可以投資。但我相信一般人較難完全掌握這個市場,所以建議控制注碼,總投資金額不宜太多。