Q35691：

好奇一問，點解你唔短炒？

我有fd都玩短線賺到錢

龔成老師：

我20年前，都是短炒者，技術分析者，用左幾年，輸足幾年，之後長線投資，就開始不斷賺錢。

其實我當時，用左幾年時間去學分析技術，我當時不斷睇書、上堂學短炒，但最後都是輸，可能是我能力不足吧。

但我之後做銀行同證券行，見大部分輸錢的客，都是偏向短炒的。

當然，你問我有無人贏錢，是有的。但就我觀察，長線投資贏錢的人，比短炒的較多。

另外，如果你分析全球真正賺錢的投資者、經金經理，佢地都無人短炒，都是長線投資的，巴菲特都是反對短炒的，佢都唔用技術分析。

因此，我相信長線投資，是真正助我地贏錢的方法。

Q35692：

龔sir: 您好！

知你有出書，想問邊度買到？謝

龔成老師：

書本在三聯、商務、誠品都有得賣。由於部分書在一些書店已斷，所以若你見唔到，問下職員就得（又或向職員訂都可以）。

以下是我的16本書：

《80後百萬富翁》（第10版）

《80後2百萬富翁》（第5版）

《80後3百萬富翁》（第3版）

《財務自由行》（第8版）

《大富翁致富藍圖》（第5版）

《50優質潛力股》（第4版）

《50穩健收息股》（第3版）

《50值博倍升股》（第3版）

《股票勝經》（第6版）

《選股勝經》（第2版）

《年報勝經》（第2版）

《5年買樓4部曲》（第2版）

《80後千萬富翁》（第2版）

《千萬富翁致富學問》（第1版）

《38全球倍升股》（第1版）

《圖解股票小百科》（第1版）

Q35693：

龔成老師。我阿爸退休，有$500萬，點用先好？

佢風險承受不高

龔成老師︰

如果你家人不願承受資產漲跌波動的風險，你可以考慮以下產品，風險度會低好多，但唔代表等於零風險。

你可以將這$500萬，分成4部分。

第一，投資債券，你可以選擇A評級的債券，你可以到銀行問問。

第二，投資年金，你可以睇睇，這是適合你的產品，零風險，可以有穩定回報。

第三，你亦可投資銀行低風險類的定息產品(例如定期之類)，你可自行到銀行了解下，總之是「低風險，持續現金流」的。

第四，持有現金，現金亦可以為你的後盾，以備不時之選。

你可以將$500萬資金，平衡地分配在上述的項目上，對你來說是最好平衡風險，同時有穩定的現金流。

同時要留意所有投資其實都存在風險，問題是多還是少，就算你只持有現金，面對通脹貶值，同樣存在風險，目標是要調整好投資的心態。

Q35694：

老師，我屋企男家嗰邊有人從事車既生意。佢地話電動車而家無咁多人買，原因係原來電動車舊電過左幾年表現已經直線下降，從而大大影響車既價值。過幾年賣番出去唔值錢。我唔記得係得番1/5價錢還是多少。

那麼我便想：如果保持電質量既技術無法改善，就會大大影響購買者既意向。情願買混合動力車（半油半電）。咁係咪會直接印象比亞迪or testla 股價既表現呢？

另外，想問現在平安好醫生、生物製藥、騰訊、完美醫藥、創科、龍源電力。佢地除了受大環境影響外，有無本質上既改變，需要減持嗎？謝謝

仲有小米, 唔該老師

龔成老師︰

電動車現時仍然屬於新興的行業，在技術上仍然有發展和優化的空間。

而且，好多時唔係單單消費者意願，當中唔時國家長線還包括環保等政策問題，令消費者可能不得不換。

全球要發展綠色能源，電動車必定是未來反展的大方向，比亞迪（1211）、特斯拉（TESLA)作爲電動車行業的龍頭，業務發展理想，研發不斷進行，相信未來企業長遠仍然有發展，不過，唯一擔心是股價波動。

如果本身有貨，可長線，雖然企業最爆炸性增長已過，但長遠仍有發展，但就預佢股價波動，因此，只要持貨不過量，就可以長線持有。

至於其餘講架股票，暫時未見佢地架質素有好核心性架變化。

平安好醫生（1833）因爲本身的不確定性及政策監管等因素，風險較之前增加，可以買入，但不建議持有太多，真的小注可以，小注。

中生製（1177）仍有質素，只是短期較一般，只要貨不過多就無問題。

騰訊（0700）同樣面對監管的不確定性，賺錢能力較之前略減，但仍有質素，可以持有，但要適量控制注碼。

完美醫療（1830）長遠有發展的，但佢的生意都會受經濟、市道等因素影響，都有少少敏感。整體來說，本身有一定的質素，不過由於管理層及企業本身的業務風險，這股不建議持貨太多。

創科實業（0669）股價由高位回落不少，由於創科的業務與美國樓市都有一定的相關性，因此，當市場擔心美國樓市轉弱，就會影響創科的業務及股價。

近年美國按揭利率上升，令供樓者的負擔增加，在美國持續高息的前題下，樓市就存有不明朗因素，此股可長線，但由於中短期股價仍會疲弱，要控制持有數量。

龍源電力（0916）是新能源相關企業，因此股價會較波動，所以有風險，注碼也要小心控制，長遠來說有質素，這股有長線投資的價值。

如果上述是你的總持股，風險就會偏高，因爲大部分都是潛力股，潛力股由於本身的不確定性高。因此，不建議持有的數量超過組合的5成。

你應該從一個整體的角度去平衡組合，不要太偏重於某一類的股票，長遠建議你加入美股，令到組合更爲平衡，如果不懂選股，可以先考慮指數型基金，例如(VOO)或（QQQ)。

Q35695：

老師你好, 我係你以前股票班既學生, 今次想問你一個理財問題.

我大學畢業後都工作左3年, 我發現有好多同事/朋友都好中意開信用卡, 特別而家疫情後多左人去旅行, 而且接觸既同事好多都已經有租/買樓, 佢地好多時會開一大堆信用卡去賺回贈/積分,

我見有D人恐怖到有2 30張卡, 然後每張卡有特定功用, 如果果排冇咩獎品/優惠就會cut卡, 希望半/一年後又變番新客戶。

但我自己就冇咁做, 我現時都係得兩張卡, 都係大學開到而家好多年, 一直冇因為積分而開, 只係見到好多人都咁做所以吸引左, 我想知你會唔會建議用呢D方法去嘗試賺D優惠或者你建唔建議咁做?

同埋你介唔介意透露你自己消費有冇因為咁而多開左信用卡, 你自己信用卡大約有幾多張?或者有冇因為D特定用途而用某D卡嫁?

龔成老師︰

我自己到出來做野一段時間，先有一張信用卡，因為有一些東西，如果無信用卡是無法買到，所以在「需要」層，就要有。

我不鼓勵為貪這些優惠積分，而擁有過多信用卡，因為這會令自己在不知不覺間「洗多左錢」。

當然，如果自己的控制力強，針對一些必要開支用信用卡用時取分取優惠，都可以的。

其實我消費的時候主要使用現金，我並不太鼓勵使用信用卡。

不是說使用信用卡本身有多大的問題，而是當你「luk 卡」的時候，因爲並無實際花費的感覺，好容易因爲咁樣而買多左野，從而增加不變要的開支。

但如果你使用現金消費，你會對「俾出去的錢」有感覺，從而會控制消費。

同時，商家的營銷技巧好了得，會用一些小的「甜頭」，例如花費多少錢會送什麽什麽禮物吸引你多消費，你可以能會因爲想賺取相關的禮物而買入一些自己並不需要的產品，做成浪費。

當然，在現時電子化的世代，完全不使用信用卡可能性並不高，問題是你自己如何去管理和使用。

信用卡表面上會刺激左(不必要)消費，但好處是有記賬的功能，你每一筆消費都會有記錄，如果不同信用卡有不同用途，其實你每月的花費就會好清楚，省卻平時最記賬的程序。

所以，就算一個人有幾十張信用卡，其實都可以。但最重要，是他自己能否管理好成套財務，達到當初開卡的目的就可以。

Q35696：

如果我想買水桶3嘅幫爸爸儲錢用，有邊兩三隻可以考慮啊？現持2388、2638、6823都係收息用

龔成老師︰

中銀香港（2388）屬於平穩增值股（水桶2），在本地銀行股中屬於較有質素的一隻，你爸爸可以持有收息，同時此股都有波動性，故不宜持有過多。

港燈（2638)、香港電訊（6823）屬於典型的收息股，可以長線持有，現價合理。

另外，你可以幫爸爸建立一個收息股的組合，目標是5%以上股息率的收息股，例如深高速（0548）、工行（1398）、置富（0778）、陽光（0435）、高息基金（3110）都可以，你可以了解下，並從中選股。

另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）等（記住，股價略波動，不能太過大注）。

Q35697：

成哥, 希慎物業佢地呢d收息公司成日將物業估值都計入盈利。

所以佢每年既真實可派息係大約幾多錢？ 係咪毛利

我意思係佢毛利就代表佢派錢可以派幾多

龔成老師︰

毛利，只係單純講緊營業額扣去銷貨成本，唔足以反映佢架賺錢能力。

先同你溫下書︰

假設你買個手袋返來賣自己舖頭賣，來貨價當4蚊，你用10蚊賣出去比客。當中賺到架6蚊，就係"毛利"。

但而個唔係你真正最終落自己袋架錢，你係仲要扣埋人工、電費、舖租等等架成本，而個淨額就係"純利"，即係你真正最終賺到架錢。

而物業重估，就係好似"人工、電費、舖租"個D咁，影響緊你個純利。

所以，你要知道佢實際真金白銀賺到幾多，就要係純利度扣除翻"物業重估"(而個純粹會計數字調整)的部分走。

希慎（0014）每年的派息都好穩定，每股派息$1.44，你可以視佢為收息及平穩增長型股票。

你似乎已經忘記左課程架知識，記得要溫翻書。

Q35698：

龔成老師, 我係新手一直有個疑問。

如果係買長期優質股的話(我心態係長期投資)，應該係一直持有(e.g. over 10年)，定係見到合適價格就要放(e.g.兩年後升了50%)，再等下一次稍低位入? 謝謝指教。

龔成老師：

我地在投資大方向上，會偏向長線持有，一般5年以上，最少都3年。

因為投資的原理，就是買入企業等企業成長，而成長要時間，因此要3年以上。

投資者，是有機會賣出股票的，但不是短期，但操作上，要考慮好多野。

例如你指2年升了50%，賣出跌再買，但你要想想，如果你賣出後不跌反升，你反而會賺少左。

有好多高質股，如388、700、AAPL，過往升了100倍，如果你賣出後，一直都買翻，就會錯失機會。

當然，現實上，也有好多股票，升完後又跌翻。

所以，在實際操作上，是很複雜的，一般的做法會偏向長線，但如果到時股價升好多，你減持部分是可以的。

而我在股票班，會建議未能掌握買賣時機的學生，用「升一倍，賣一半」作方法。

Q35699：

你好，請問4月股票班，有一堂不在香港，請問可以補回嗎？謝謝你

龔成老師：

可以。

股票班有補堂機制，你預早同我地同事講就得，到下一期，我地會補翻你來上的該堂。

Q35700：

Anet 前景如何

龔成老師：

前景不差，財務數據理想，唯一擔心是估值較高。

Arista Networks, Inc.（ANET）

Arista是一家網絡設備供應商，主要向數據中心銷售以太網交換機和軟件。

它的招牌產品是它的可擴展操作係統，簡稱EOS，可以在它的每一個設備上運行一個圖像。該公司隻有一個可報告經營分部。

自2004年成立以來，該公司的市場份額穩步增長，專注於高速應用。 該公司的最大客戶是微軟和Meta平台，約四分之三的銷售額來自北美。

業務有一定的增長，近幾年生意與盈利都能保持向上，相信長遠發展力存在。

唯一擔心是市場估值，因為現水平並不便宜，相信已經到了合理區較上部，如果往後無一定的增長去支持，股價會有較大的波動。如睇好，這刻只建議小注投資。

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。