Q36141：

老師 ，新工作做了一星期，薪金不錯 ，但因為人事變動快 一時間接唔到咁多 ，但老闆有應成加人。

我點可以令自己堅持？

因為經常預到一d 困難的task 就震腳亂，亂唸。

謝謝你！

龔成老師：

最重要是長期情況，不用太理會這些短期因素，如果你分析這份工，對你長期有幫助，例如發展、經驗、財富等，你就要堅持。

總之同自己，無論如何都要做一個時間，例如6個月、1年等。

定左就要做！

你可以確定目標後，寫低，貼在當眼處，提自己，不輕言放棄！

Q36142：

你好 老師，本人資產得$100萬, 我應該點做 可以再儲得多啲

黎梗會搬出黎租樓住 開資會大左

想問問你的意見

龔成老師︰

如果租樓的話，開支的確會比之前大。你首先要預留半年到一年的備用現金，然後再投資會較好。

當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。

我假設你是年輕人，財富仍有增長力。策略上，你可以投資「平穏增長股」和「潛力股」。

同時我假設你這$100萬資產是現金，你可以先動用其中一半(扣除應急錢後)去建立一個組合。

選股上，你可以投資在平穩增值股，例如指數基金，美股如（VOO）、港股如盈富（2800），另外再加：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、恆基（0012）、港交所（0388）、領展（0823）、長建（1038）等，你可以了解下，並從中選股。

或潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如阿里（9988）、騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

等你有一定投資知識，潛力股比重可以相應調高，佔組合約3-5成，視乎你投資知識多寡和了解這些股票程度而定。

餘下的另一半現金，我地就等機會，當大市出現較大回調，就加大力度掃貨，然後作長線投資。

同時間，建議你要去努力增進投資知識，來提升你財富增值效果。你要多讀投資相關書本、年報，新聞和報讀相關課程。

書本上，你可以睇我寫的新作《圖解股票小百科》以及《80後千萬富翁》、《財務自由行》，都適合初學者。

我YOUTUBE CHANNEL都會不時分享一些投資技巧和知識，你都可以睇下。

http://www.youtube.com/@user-rw4st4yg5v

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

Q36143：

Hi老師，請問這個股資組合可以嗎？

股票 / 股數 / 股價

1299 / 1000 / 73.5

9988/ 300 / 69.5

700 / 100 / 268

3110 / 1000 / 21.82

2638 / 5000 / 4.69

66 / 1000 / 34.8

388 / 100 / 282

2800 / 500 / 16

請問1299 同66現在應該加注嗎？

另外，你建議加以下股票入股資組合嗎？現價合理嗎？謝謝你

2834, 2899, 6823, 14

龔成老師︰

友邦（1299）、港鐵（0066）都是有質素的股票，可以長期持有。

現時兩隻股票都處於合理區的底部，可以加注。

但要留意，加注後要維持長線個別股票比例在15%以下，同時要有一定現金剩去等機會，才算理想。

其他的股票，問題不大，可以持有。

不過，2638和3110係收息股，對於你年紀而言有少少保守，長線不要持有太多。

另外，要留意持股總數，一個$100萬以下的組合，不建議持有超過10隻股票，否則，比較難打理，同時過於分散，財富增長效果不明顯。

而最後你問的4隻股票︰

2834是追蹤美股納指的ETF，長遠有潛力，是最簡單投資美股潛力股的工具，你的組合中主要持有港股，如果加入追蹤美股的ETF，長遠整體組合會更爲平衡，但現時美股處於合理區的較上部，建議你分注收貨會較爲理想。

紫金礦業（2899）這類資源股雖然都有投資價值，但質素只算中等。

香港電訊（6823）長遠有質素，但主要係收息，增長力不强，不太適合你的年紀。

希慎興業（0014）是不差的股票，在銅鑼灣持有多個商場物業，是典型的收租股，現價合理，如果想加入組合都可以，但就需要分注進行，但由於物業較集中在同一區，因此有少少集中風險，所以投資這股都要控制注碼。

Q36144：

我想問個問題，我應唔應該將我既儲蓄全部投放在voo?

還是儲蓄放在銀行定期，一部分放在voo 咁樣

若然我依家咩都唔識，係月供voo，然後都我識選股再提曬出黎，買落我選既股到？

我聽左你講去睇左d新聞，了解左加息係會影響到股市下跌，政府加息係想減低通脹，令到d市民將d錢投放入銀行，但唔明既係點解美國加息，美股無跌到反而仲升左

同埋講緊通脹率就黎去番2%, 但係因為加息令到失業率提高左, 美聯儲已經達到左壓抑通脹，依家想要修正番個失業率，所以部署緊要減息, 咁如果減息既話，仲更加刺激經濟，美股咪會繼續向上囉？

同埋香港係跟隨左美國所以一齊加左息, 如果美國減息，香港又跟住減，咁樓價同港股都會升番，係咪咁樣理解？

龔成老師︰

首先，是否全數儲蓄月供股票，就睇你自己風險最態。如果你保守的話，可以部份做定期。

最好建立一個「財富組合」，股票、現金、其他資產等，同時，單一地區不能佔比過量，要平衡。

月供股票部份，唔建議全部VOO。因為會太集中單一地區，而且現時美股都唔平，唔係大注架時候。所以，最好有其他地方的基金。

到你識得分析其他股票時，原有架指數ETF可保留。因為佢地有平衡你組合風險架作用，你新資金先用來買新股。

至於股市，息口有機會影響中短期走勢，但長線都係要睇企業自己本身質素。而個唔係3言2語解釋倒架問題。如何找有質素架企業，係分析一隻股票架重心，我上堂都要幾個小時去講。

簡單咁講，減息會令企業融資成本少左，係利好。但如果間企業本身無乜借貸，咁個意義又唔大。

至於整體經濟，點解要減息，好大機會就係因為"經濟出左問題"。如果係咁架前提下減息，你覺得是投資機會，還是要開始對市場有所警惕?

所以，息口變化係一個考慮，但並唔係單單用佢，就可以判斷買賣機會。而係要認真分析企業架質素、行業發展、財務數據等，去估算一個合理值。再同現價比較(到底而家是平是貴)，才去作出買賣決定。

Q36145：

老師你好, 我係你以前股票班既學生, 今次其實係想問一個可能好多人都問過你既問題.

1. 你都應該知道呢三年投資港股既人都唔好受, 特別好多人都係高位買左不少, 其實想問下根據你咁多年既經驗, 港股今次真係好耐都仲未番番去一個正常既市況, 其實今次港股既股災到底同以往你經歷過既有冇唔同/或者係咪最嚴重同難捱既一次?

2. 第二個問題係, 記得上堂/平時你係網站果時都有講當好多人都對股票死心既時候,其實就係入場既好機會黎. 想知道你覺得呢幾年港股因為疫情資金外流, 科技股以及好多行業被國家打壓, 加上內房債務問題, 以及國安法同國家處事作風比較強硬, 令到不少人對中/港股都冇信心, 當中有不少覺得今次股災係人為因素, 其實你覺得港股仲有冇希望. 到底港股仲有冇投資價值?(先唔討論美股住). 呢兩年, 你仲有冇好似以前咁持有住你一向買既股票, 例如中生制藥, 小米, 福壽園。或者有冇趁機會增/減持過手上既股票。

3. 另外就係呢排全球股市都創新高, 反而只差港股同A股仲未上, 本身市場都好慘淡, 但最近有好多價值投資法人士都講, 可能資金會回流A股同港股, 而且目前為止有三間大行(兩間摩根同匯豐), 都講資金將會好快回流港股或者A股, 而家仲正正隱約feel到好似真係有個股開始上升。係咪真係好似你上堂講, 牛市總在絕望中誕生? 港股係咪真係有機會翻身?

4. 你自己覺得而家係熊二定係熊三?

龔成老師︰

1) 今次經歷的危機的確是之前未見過的，因爲今次係一連串的不利因素，包括疫情、俄烏戰爭、加息等，令到大市出現波動。

由於經歷幾年的疫情，令經濟受損較大，加上部份不利因素還存在，故整體經濟要重新復蘇需時。

你要明白，現時面對係過去20-30年以來最複雜架環境，好多問題都一次過發生。所以，你預中短期一定會好波動，但我會邊穏陣投資之餘，都會同時找尋市場機會。

記住，成功架投資者，除了要掌握好價值投資技巧外，仲需要好強架心理素質，才可以令自己長線投資回報，比坊間散戶更優勝。

2）我知道現實好多人對港股失望，但我自己不這麽認爲。

我依然相信中美會是將來10-20年的全球經濟大國，當中有好多不同類型的優質企業。

雖然内地的監管的確某程度上會影響企業的賺錢能力，但中央的行爲其實長遠對行業的發展反而有利，通過整改，汰弱留強，你會慢慢知道邊啲企業先會有長遠發展的空間。

至於資金外流的問題，其實資金好實際，邊度有錢賺就去邊度，現時港股的估值其實處於合理區的較下部，有投資值博率，唯一缺少的是信心。當投資信心增加的時候，就是爆升的時機。

港股處於弱勢其實不完全是人爲因素，疫情就是其中一樣，因爲疫情，好大程度上影響企業的經營環境。

你所問架股票，我依然持有。但中生(1177)和福壽園(1448)分別受政策影響，近年表現係弱左﹐故不建議持有過多。

3）中短期走勢好難估，而且我地做價值投資，都唔會去估個市點走，只會用平貴度和質素做決定。

港股的估值現時處於合理區的底部，比起其他市場有投資值博率，當資金留意到港股的時候，估值自然會回升。

建議你唔好太關注市資訊，維持平常心，控制投資金額在在一個自己可以接受的水平，耐心等待企業的好轉。

4）我無特別去區分熊2定3，因為而家個市比以前複雜。牛熊分析，可以作參考，但實際用途唔大。因為其走向不一定順序的，因為有好多外在因素影響，我不會用「預期」的方法，去估股市、股價點發展，如果要勉強講港股，可以話熊3。

Q36146：

老師，怎樣分配資產最好？

龔成老師︰

資產分配，會因為年紀、投資經驗、資金等因素，會各有不同。

簡單而言，較年輕風險承受力高，會先追求增長。較年長和保守，會追求被動收入類別。

最後，我地會睇埋資產平衡性，會唔會過於偏重個別股票/行業/地區/資產類別，才算理想。

Q36147：

龔sir, 吉利仲有無潛力？

謝謝！

龔成老師：

吉利（0175）過往質素不差，但近年增長力有所減弱，以及賺錢能力都有所減弱。

近年受新能源車市場影響，令賺錢能力受到影響，其實這企業已經加快轉型，近年年報也有提及「本集團以新能源轉型作為經營重點，大幅加快新能源轉型步伐。」

中長期來說，要新能源車有較理想的銷量，同時當中的毛利率要明顯提高，才能帶動這企業全面回勇。

其實，吉利這刻的情況又不是太差，新能源汽車銷量增長中，但由於吉利新能源汽車毛利率大幅弱於燃油車，令整體的毛利率於2022年同比下滑3個百分點，至14.1%。因此，吉利要回勇，除了保持銷量增長，以搶佔市場外，提高賺錢能力同樣重要。

整體來說，這企業並不是無質素，但短期仍會較一般，至於中期期能否好轉，就要睇上述所講的因素。

雖然現價處合理區較下部，但由於整體的不確定性增加左，因此就算投資者對這股有興趣，值得投資的金額都會略為減少。

Q36148：

如果當我買咗一萬股 ，係咪即係 10000 x 7% = 700, 咁一年就有$700。

另外第一次用富途牛牛將來派利息啲錢係咪會落返個帳戶入邊？ 🙏🏻🙏🏻

龔成老師：

股息率是利用過往數據參考，如果你投資$10萬，有7%，你就會收到$7000（當然，這只是之前股息作參考推論）。

如果你用10000股去計算，就算用「每一股派多少」，如果每股派$0.5，你就會收到$5000。

富途會將現金股息，入去你戶口（具體你最好問翻佢地富途）。

Q36149：

老師，02834 現在是入時時刻嗎?

龔成老師：

2834是追蹤美股納指的ETF，長遠有潛力，是最簡單投資美股潛力股的工具。

美國的納斯達克指數，當中在多間大型的國際非金融上市公司，成份股以市值作基礎，並以一些規則平衡較大市值股份造成的影響。

如Alphabet、亞馬遜、英特爾、Netflix等，都是全球最大型的科技類公司。

長遠有一定的潛力，但要留意，由於指數近年上升了很多，現價已在合理區中間，不建議這刻大手投資，最好的方法，就是月供或分注小注投資，長線持有。

Q36150：

請問3988和2388哪個比較好？

謝謝

龔成老師：

兩隻現價都有投資值博率，都可長線投資。你預中行（3988）會偏向收息，增長力較弱，而中銀香港（2388）股息未必及3988，但就有收息及增長的能力。因此要睇你的投資目標。

中行（3988）由於內地經濟無過往年代咁強，股價無過往咁好，由中美貿易戰開始，中國的經濟動力已有所減少。

中行本身質素不差，有一定的規模，在全球都有網絡，本身不會無質素的。

不過，這股增長力不算強，只是一隻收息股，現價投資可以，因為在合理價中下，但唔好對股價有太大期望。

同時，佢前景算是不過不失，中短期會因中國經濟有影響，銀行業的賺錢能力不及從前，加上壞賬因素，影響盈利，不過股價已反映。因此，有投資價值，分注投資可以，買入後收息。

中銀香港（2388）雖然短期較一般，但長遠仍有質素，是收息及平穩增長類的股票。

這股近年股價較弱，除了市場擔心香港影響影響業務與壞賬外，香港樓市回落令負資產增加，都會對這銀行有影響，因為中銀在香港的按揭市場業務有一定的市佔率，因此當樓市轉弱，市場都會擔心這方面出現不利風險。

不過，這企業長遠的質素不變，投資者在分析時，也應該著重企業的長期發展，而不是短期情況。

在中長期，經濟會慢慢好轉，樓市會穩定，因此，這企業仍會慢慢好轉的。

銀行業雖然無過往咁好賺，但整體的質素不差。此股適合較穩健型、長線型的投資者，無論是平穩增長還是收息，都是可取的，現價合理較下部，分注投資，長線持有可以。