Q23731：
龔Sir 請問01928金沙 呢隻股現價可否買入長線投資？
龔成老師：
金沙（1928）質素比過往減左，但不是劣質，不過，賺錢能力就比過往減少左。
現時賭牌進行初步的諮詢，仍有好多變數，金沙在澳門有正面的貢獻，從資產質素、澳門發展、就業等角度，佢都做得不差，賭牌好有機會得到，不過，政治因素就是不確定，這點好難準確分析影響是否大。
初步分析，佢得到賭牌會過半，但政治是一些不能預測因素。
要留意，現時賭牌的條款，要求加入政府人員，這無可避免地影響了企業長遠的賺能力，優質度及估值都會略減。
另外，全球疫情反覆，都對佢有不利影響，不過，相信這只是中短期，以長遠的角度分析，疫情因素影響不算大。
但由於仍有未知數，加上之前虧損，因此將企業估值調低左。
這股投資價值仍在，但由於優質度減左，以及有不確定性，因此，值得佔股票組合的比例，都會略減。
Q23732：
成哥， 唔好意思 想問下移卡幾多錢先叫做平？
龔成老師：
移卡（9923）是有風險，有潛力的類別。
首先，佢的業務為一站式支付服務，包括基於應用程序的支付服務及傳統支付服務，並支持逾500款發卡機構的移動應用程序，以支付為基礎的科技平台。
其中包括微信支付、支付寶或雲閃付，涵蓋了中國大多數的電子錢包。
另外，佢業務亦有科技賦能商業服務，即是提供商戶ＳａａＳ產品（包括實時庫存管理、消費者關係管理、智能訂單管理及全方位僱員管理）、營銷服務（包括量身定製的精準營銷及客戶忠誠度計劃電子工具），以及金融科技服務（包括助貸服務、委託貸款及保險轉介服務）等增值服務。
睇翻佢的財務數據，增長快速，但業務變數大，行業有不確定性，估值上比較難，這一定會令股價上落大，這刻仍唔平，投資值博率只是一般。
你預佢有潛力，同時有風險，如果控制注碼，都可以小注投資。
由於估值難，好難話一個平的位，但要起碼跌多2成以上，先有機會話平。
Q23733：
早晨，龔Sir, 請問阿里健康(241)和平安好醫生(1833)現價合理嗎？
龔成老師：
都算合理，但記住，始終業務有風險，投資要控制好注碼。
平安好醫生（1833）長遠有發展力，但你預佢風險高，不能大注，股價波動大，要注意。
佢係中國領先的一站式醫療健康系統平台，透過「移動醫療+AI」，為每個家庭提供一位家庭醫生，為每個人提供一份電子健康檔案、一個健康管理計畫。
平安好醫生係中國互聯網醫療健康市場的先行者，以平均月活躍客戶，以及在線諮詢量計，是中國最大規模的互聯網醫療健康平台。
企業的業務有潛力，本身有優勢，大環境的配合，都成了這企業的機遇，前景正面，不過財務數據未算好理想。
雖然長遠的企業價值向上，但股價在中短期，可以十分波動，因為市場以「前景」作估值，故此變化必然很大。好難得出平貴的準確數，只能估估下，作參考。
因此，低風險者未必適合投資，若投資者考慮這股，亦不能大注投資，買入後就耐心長線持有，等待這企業改變整個行業的情況，現價算合理區中間，但好波動，分注投資可以，但唔建議金額太大注。
阿里健康（0241）這是潛力股，佢營運醫藥電商、互聯網醫療等業務。
「醫藥電商業務」，這業務主要有兩種業務模式，由自營電商和天貓代運營，涉及非處方藥品、醫療器械、計生用品等。
另外，就是「互聯網醫療業務」，阿里健康與國內多家二三級醫院建立合作關係，患者可以通過阿裡健康、支付寶等平台，做到線上掛號、問診、諮詢用藥等等的服務。
阿里健康利用醫療AI系統「DoctorYou」去進行營運，該系統包括臨床醫學科研診斷平臺、醫療輔助檢測引擎、醫師能力培訓系統等，輔助醫生睇病。
業務上，有好大的潛力，不過，本質波動，股價上落大，消息多，市場炒作多，這類股風險都不少。最大問題是無人能正確估值，市場現時只是估估下，推將唔到佢將來的價值。
這類股只建議小注持有，但你預佢股價上落大。
Q23734：
老師！我想問下405向母企123買下資料（社字樓）同建議供股是正常交易？不明白大家都係同一間公司，不可內部轉讓？
這次供股是不是算是左手交右手，向股東拎錢袋自己袋？
龔成老師：
因為內房唔想自己負債太多（近期這方面較多問題），因此，越秀房產信託基金（0405）以股權集資模式，去轉個圈支持翻越秀地產（0123）。
問題當然有少少，但由於所買的是有質素的資產，因此又未到好不利，但供股始終市場不太喜歡，股價短期會不利，但長遠又未算對兩間公司有核心性不利。
Q23735：
龔sir,想問問有咩環保能源股可以介紹？
龔成老師：
龍源電力（0916）可留意下，有質素，這股有長線投資的價值。
佢係中國發展風力發電業務，收入大部分來自銷售風電場及火電廠所發的電力，而有關電力銷售主要倚賴淨售電量及上網電價。
旗下客戶為風電場及火電廠連網的各地方電網公司。
過往業務發展不差，生意與盈利保持增長，不過股價就有少少波動，現價合理區中上部，但就要留意股價上落風險。這股可長線。
Q23736：
-
多謝老師之前的回覆，但只是我個人思緒太亂，唔知點樣做咁囉…唔知第一步點做好，做生意始終有點難開始
-
電能實業仲係咁低，幾時先升得番
龔成老師︰
- 你第一步，係先想好你的產品，以自己熟識和有信心較易賣出的貨品為目標。（好多時，是「不斷試」，不要「想」，要「試」）
第二步，就係付諸行動。
- 電能(0006)純粹係收息股，我唔知幾時佢會卜翻。但持有佢架作用，主要係收下息，你唔好預佢有明顯增長。
佢主要從事投資能源及公用事業相關業務，範圍包括火力及可再生能源發電，輸電和輸油，配電及配氣。
佢除左持有港燈（2638）外，亦有國際業務，如英國、澳洲、新西蘭、中國內地、泰國、荷蘭、葡萄牙、加拿大和美國等能源及公用事業相關業務。
這股是收息股，但增長力就不強，現價合理，有長線投資價值。
Q23737：
龔sir你好！想請教一樣嘢，近排時常聽到美國即將減少買債，此舉对股市似乎有下調壓力。本人還有九年退休，現在的公職金大多放在高風險的環球股票上。
我是否膺轉去較低風險的倩券市埸，均衡基金.
之類作投資？ 但還是應襯低入貨，以不變應萬變？請指教
龔成老師︰
單係減少買債這個動作，固然不利好股市。但我地都要了解翻背後原因，係因為有信心經濟開始向好，定係其他因素，才可以得知真正大環境，到底出現了什麼變化。
強積金是長線投資，操作上唔複雜，你唔洗諗得太多。只要按年紀，去調整增長股佔的比重，咁就可以。
若你只餘下9年就退休，股票類比重，最好佔3-4成左右好了。其餘會係一些平衡組合，甚至係一些債券等較保守的項目。
到你愈近退休之年，就股票比例就應愈少，而保本的選項比重就要愈高。
Q23738：
請問龔sir 有冇買bitcoin or other crypto ? 同埋點睇？ 因為都好波動
謝謝
龔成老師︰
虛擬貨幣，以本質來說，這是人為創造出來的，絕對不是「資產」，有沒有真正的價值，如何定義真正的價值，未知。
這些人為創造的貨幣，因為關注度由很少變得大，價格會大升，但這背後是否有真正的支持，我不知道。只能說，投資這些貨幣，投機味好重，可能大賺，亦可能蝕到一文不值，因為，當中有沒有價格，我不知道。
但這不代表佢無價值，佢可能好勁，只是我自己不知佢好勁定好差。
佢長遠的價值，取決於「有多少人用」，即是說，雖然無真實價值，但可以有「交易價值」，如果長遠好多人用，的確可能有高價值。
如果你分析到佢長遠的交易大，大家都持續關注，就有價值，就值得你投資。
另外，你可以從這些貨幣和其智能合約平台上，長遠是否有功能上的價值去分析（部分可能有的，但就要仔細分析）
我並沒有支持或反對投資虛擬貨幣，只能說，虛擬貨幣風險高，因此不建議大額投資。
或者你可以用以下的心態投資，首先，你預期可能會大跌，心態上只用「閒錢」投資，就算不幸大跌對你都無影響，但你的要求回報一定是倍計，博虛擬貨幣有多倍計的升幅，絕不要升少少就賣。
另外，中央近期對加密貨幣都加強打壓，禁止相關交易活動。香港會否跟隨，還是未知之數，故你要明白會有這方面的風險。
Q23739：
龔sir 你好，之前問過285，45入 應否繼續keep
龔成老師︰
比亞迪電子（0285）有潛力的，雖你你買入價有點貴，令你出現帳面上虧損。
但由於佢係有質素，長線企業會慢慢成長，令股價再次向上升。只要你持貨不是過多，無問題。
你要記住，唔好用買入價作決策參考。你應集中分析企業質素，只要有質素，我地就應長線持有。
Q23740：
因我將近已到退休，所以想投資一些比較高息率的股來幫補日常生活費。感謝龔老師賜教！謝謝
龔成老師︰
若你目標係一些收息股，你可以參考以下股票。
緊記配置時，唔好太集中單一企業或行業，分別不要高於組合15%和30%，以免出現過度集中風險。
至於中國人壽(2628)雖然現時股息率都理想，但睇翻過去幾年，佢派息都好受盈利所影響，而且都算較波動。作為收息股，就未必適合。
目標是5%、6%的股息率的收息股，例如港燈（2638）、深高速（0548）、香港電訊（6823）、工行（1398）、恆生（0011）、置富（0778）、陽光（0435）或收息基金(3110)都可以。
如果你能承受到風險，有些更有超過8%、10%的高息股，但股價就略有風險，要自己衡量，佐丹奴國際（0709）、中石化（0386）、互太紡織（1382）、富豪產業（1881）等（記住，股價略波動，只能小注）。
(你可睇下我本《50穩健收息股》當中仲有好多)
但要留意，現時股價只是合理，未到平宜，因此買入時宜分注，同時不能用盡現金。