Q35591：

聽到 有 人話 低息時 有錢人 都是 買債收息， 但低息時 也可以去 買股票 ，物業 等，為什麼 富人 會買債 收息？

龔成老師：

沒有一定的答案的，每個有錢人都有佢自己本身的財富組合，同時有不同的投資環境，因此，有錢人不一定在低息時買債收息的。

如果睇翻這幾年的情況，如果在3年前，低息環境，買債收息，這幾年的債價下跌很多，其實會有一定的損失。因此，低息時買收息債券不正確。

Q35592：

龔sir您好，請問龔sir, 你覺得palantir technology 值唔值得入貨？如入貨邊個位入會比較適合？謝謝你

龔成老師：

Palantir Technologies Inc (PLTR)業務主要為商業部門和政府部門構建軟件平台。

商業部門為非政府行業的客戶提供服務，政府部門為美國聯邦政府和非美國政府機構的客戶提供服務，專為國防和情報機構分析人員設計。

這企業業務有一定獨特性，政府客戶來頭都不少，CIA、5角大樓都是其客戶之一。

見佢營業額一直有上升，但問題是銷售和研發支出，增幅都唔少，令集團依然處於虧損狀態。而何時轉虧為盈，而個就無人知。

此股都有投資價值，但不確定性偏高，只宜小注。

Q35593：

龔先生，你好！我是澳門那邊的朋友，關注了你很久了，現時有些困惑，想你給些意見！

目前我的薪資扣除全家開支後，每月大約是剩餘一萬元左右，奢想在五年內完成由零至一百萬元的目標，龔sir有什麼好的建議嗎？

龔成老師︰

策略上，你可以投資「平穏增長股」和「潛力股」。你每月5成儲蓄，即是用$5000做月供。其餘先儲起，用一邊月供一邊儲蓄的策略。

選股上，你可以投資在平穩增值股，例如指數基金，美股如（VOO）、港股如盈富（2800），另外再加：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、恆基（0012）、港交所（0388）、領展（0823）、長建（1038）等。

如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如阿里（9988）、騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。

如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。

若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。

餘下的另一半現金，我地就等機會，當大市出現較大回調，就加大力度掃貨，然後作長線投資。

我假設投資回報有10%（連股息再投資），你每月投資$10000，5年後大約會增值至74萬。

若要達至五年內完成由零至一百萬元的目標，建議你將每月投入加大至$13000-14000，或者將投放年期提高至6至7年，咁就會較大機會成功。

同時間，都要提高自己投資知識。因為長線投資回報，必然同投資知識成正比。

我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《80後千萬富翁》和《財務自由行》，都適合初學者。

我Youtube Channel都會不時分享一些投資技巧和知識，你都可以睇下。

https://www.youtube.com/@user-rw4st4yg5v

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

加油!!!

Q35594：

Kung sir, 想問我要唔要改變下我嘅資產分配要唔要改變下我嘅資產分配？

我而資產有

- 1.5m 港股，蝕咗咗有大概40-50萬（ 都係之前睇你介紹而買落 有270， 2，16，66，788，823， 1044， 1810，1833，2800，2845，3067，3110，9988 2800 ，270，1044）而1044 ，2800，270，1810 比較重磅

- 月供緊$10000 （2800，1810，9988， AIA, mtr)

- 有4分1層現值 7m左右嘅樓

- 落咗訂， 2026年收樓1層1.5m, 280尺綠置居，俾長輩住，將來自住

-大概有1.3m 現金做定期

-家庭月入約10-11萬，40歲， 無細路 ，無乜投資知識

-每月淨到$50000左右

謝謝

龔成老師︰

其實你財富配置和選股上，無重大架問題存在，不過有以下幾點，想你長線注意翻︰

1) 你現時組合明顯偏重晒係港股，建議你未來加入一些美股，令整個組合變得更平衡。

但要留意，個別地區不建議超過組合的7成，如果不懂選股的話，可以考慮加入(VOO)，作用類似盈富（2800）。

Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。

由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。

2) 粵海投資（0270）是收息及平穩增長型股票，質素不差，但近年增長力有減少情況，故長線不宜佔太多。

3) 你物業類佔財富比重都唔細，長線不建議再加注這個部份(除非生活上所需)，以免過度集中單一資產。

4) 現時港股算合理區底，你可以考慮定期到期時，慢慢再加注少少。當然同時都要入美股，去平衡風險。但現時美股在合理區頂，係儲貨時只宜小小注咁做。

Q35595：

老師，3110可以嗎？

龔成老師：

收息可以，但增長力不強。現價可分注投資。

GX恒生高股息率（3110），是一個投資收息股的基金，追蹤恆生高股息率指數之表現。

可以視為收息股的組合中其中一員。這基金可投資的，現價合理，可分注。佢是投資香港大型，較穩陣，派息較高的上市公司。

這是不差的收息組合，但增長力不強。

Q35596：

sir AI 美股你有無邊只最岩心水推薦？ 同埋你覺得Ai 前景潛力好d定crypto 好d?

龔成老師：

兩類都是有風險、有潛力的行業，我自己在兩個行業都有持股。

crypto 風險一定會較高，但如果發展得好，潛力可以好大，但你要小心選股，選長遠有實質應用與價值的企業。

人工智能類別，英偉達公司NVIDIA (NVDA)較睇好。

佢係2022年我寫的書《38全球倍升股》的其中一隻，長遠發展正面，有長線投資的價值。

佢是一家人工智能計算公司，其業務部門包括GeForce圖形處理單元（GPU）、GeForce NOW遊戲流媒體服務和相關基礎設施，和其相關的處理方案。

其業務可應用層面，都相當廣泛，投資係可以，現價算是合理區頂至初步貴，最好回少少先買，或小小注，等跌先買，但股價波動，或者用月供儲貨，會比較好。

Q35597：

老師，請問IWM適合長揸嗎？

龔成老師：

iShares Russell 2000 ETF（IWM）

這基金是一隻在扣除必要費用前，以追求Russell 2000 index表現為目標的ETF，該指數乃用以衡量美國小型股表現，包含標的為Russell 3000 Index中市值最小的2000家公司。而這基金管理費不算高。

由於佢成份股企業是中小企，因此價格上落會較大，風險會較高。

投資價值都有，但不建議投入太多，最好在組合中，同時有VOO等類別的基金，財富組合會更平衡。iShares Russell 2000 ETF（IWM）

這基金是一隻在扣除必要費用前，以追求Russell 2000 index表現為目標的ETF，該指數乃用以衡量美國小型股表現，包含標的為Russell 3000 Index中市值最小的2000家公司。而這基金管理費不算高。

由於佢成份股企業是中小企，因此價格上落會較大，風險會較高。

投資價值都有，但不建議投入太多，最好在組合中，同時有VOO等類別的基金，財富組合會更平衡。

Q35598：

成哥點睇ARM前景？

龔成老師：

Arm Holdings plc（ARM）是有風險有潛力類別。

1990年成立的ARM，由其設計的晶片，幾乎應用於所有智能手機上。近年人工智能需求增加，市場憧憬ARM受惠於數據中心和發展人工智能，並帶動其設計晶片需求。

這企業從事設計、開發並授權高效能、低成本且節能的 CPU 產品及相關技術，佢主要產品是 CPU 產品，可滿足各種效能、功率和成本需求。

另外，佢亦提供 GPU、系統 IP 和運算平臺等輔助產品，可為各種日益複雜的裝置和應用程式提供高效能、可靠、可靠的系統層級建立作業。

佢業務有發展的，但最難是估值部分，現時市場對這行業有炒作，所以都擔心估值有點高。因此，短期股價都會較波動。

由於未正式計算這企業的估值，只能夠話，企業發展前景是有的，但這股你預上落大，你投資要明白風險，小注投資好了。

Q35599：

龔sir你好，今次需要指導既係：

(1) 066回落左唔少，但已月供了一定比例，現時需要停供？轉供其他會更好？

(2） 1972長遠質素仍在？已有4000股，仲可以加注？

(3）電訊股只有788，可以轉其他？

(4) 現時港股值得繼續月供嗎？2800繼續持有？

(5) 1810/1211長遠仍好？

龔成老師︰

1) 如果已有一定比重(個股"長線"最好佔組合15%以內)，就可以減少供款。

但從質素上計，佢依然有月供價值。

2) 太古地產（1972）雖然短期較一般，但長遠仍有質素的。太古地產是香港及中國的綜合地產發展商、業主及營運商。簡單來說分做三個部分：物業投資、物業買賣、酒店投資。

這企業現時持有的物業組合，包括香港太古坊、太古廣場及太古城中心。中國內地方面，公司在北京、廣州、成都及上海擁有六個已投入營運的大型商業發展項目。集團在香港、印度尼西亞、越南及泰國的住宅市場均擁有業務，在美國邁阿密亦有土地儲備。太古酒店在香港、中國內地及美國發展及管理酒店。

由於美元強，再加上全球地緣政治和經濟不明朗，以及中國經濟轉弱，來港旅客消費模式改變等因素影響，疫情後的復甦仍然慢。

相信在短期，這企業仍面對一個較一般的零售環境，因此財務數據及股價都未必太強。

長遠來說，太古地產持有的商場始終有質素，不過，自由行的消費模式有所改變，相信商場要回到過往輝煌年代，要較長時間。

有投資者這刻對中國及香港市道較擔心，因此對這企業看法負面。雖然短期這企業未必強，但長遠的價值仍在，無論是持有的物業有一定質素，以及當中的發展大計，這企業目標是在2032年前將中國內地的總樓面面積增加一倍。

雖然短期因中國及香港情況令業務一般，但企業長遠，仍是有發展的，但並不是高增長模式，而現時在合理區較下部。

同樣，你可以按持股比例決定是否加注。

3) 其他係有，但以你年紀，應以增值為主。而電訊股大多為收息股類別，不太適合你年紀。

4) 現時港股在合理區底，可月供。2800可以繼續持有。

5) 我依然看好，但中短期會較波動。因為前者智能車仲係叫做好開頭，手機業又未回暖。而後者，被受新能車減價戰影響，預期未有咁快轉好。

Q35600：

龔成老師, 你好，我正在進行portfolio review， 有一些難題決定唔到，想問你意見, 非常感謝 。唔好意思，可能會比較長，因為我想清楚啲。

有兩層樓喺港島區

1. 第一層，仲有2百萬8年共款期，2015年買，匯豐銀行估價比買價低一百萬(蝕13%）

2. 第二層，仲有72萬4年供款期 ，2016 年買，滙豐銀行估價比買價低五十萬（蝕10%）

最近有聽老師對樓市分析video，認同老師樓市唔會大升大跌，但其實有冇機會3年內升返10%？等我唔使負資產。老師成日講嘅長期、短期、升、跌其實數字上即係幾多呢？短期是否講一兩年？長期五年後？

因為負資產嘅關係，令到我想賣樓。當年買兩層樓，諗住一層自住，一層出租退休後有被動收入，同時到退休時候有需要可以逆按揭有被動收入，但到時唔知可唔可以行。但因為媽媽長期病患，我要住近佢放便照顧，所以兩層樓都出租有多過6年。

老師，可唔可以俾啲意見，我應該繼續keep層樓，定等升返嘅時候賣咗佢呢？但都唔知會唔會升返？錢要來投資股票收股息？同時，我覺得出租都好麻煩，因為驚有租霸。

附上圖一講解兩層樓嘅mortgage expense and rental income , 及我租樓expense (14.5k monthly)每年儲蓄(55k monthly include the 14.5k rent)，幫助分析。分析沒有計算買樓嘅transaction cost.

我每個月收入扣除MPF供款$95,000，Credit卡數大概兩萬但希望可以減到15,000。除咗自己日常消費、供樓、租金、月供股、醫療保險每年8000、每月年金6000，每年去兩次旅行遠足行山，沒有其他嘅負擔。

不過唔排除過多兩年要負擔媽媽嘅醫療費。每月95000 現時有40000 cash 儲起到年尾交稅交保險、季度差餉、每月年金，15000 交租，20000 月供股，20000生活費。我係想再儲多啲cash可以盡快還mortgage, 唔想較貴息，不過又想用啲錢要來投資股票。我好矛盾。

幾年前，開始跟老師學投資月供港股票。喺恒生指數20,000至23000 點嘅時候開始買股票，所以好多股票都蝕緊錢. 但我明白投資股票等於投資企業，相信呢啲企業依然有質素，平時都有睇開老師嘅分析，明白長期持有都有好嘅回報

今年已經48歲，希望做多10年就可以退休，唔知老師講嘅長期係指五年以上定10年以上呢？退休之後，如果可以，我都希望繼續做part-time， keep住自己係個社會度，唔好脫節。總之有足夠嘅被動收入我就可以選擇退休做咩工作。希望到時有4-5 萬被動收入。

附上圖二，股票portfolio, 只有港股，現時每個月供兩萬蚊，其實想親值博率高想供多啲，喺圖上我寫咗prop但現時港股咁波動，美股又貴所以有啲驚，明白老師提過要開始投資美股balance portfolio. 但美股而家唔平，我驚好似之前買港股-喺恆指20,000點以上買，而家恆指15,000點，唔知幾時先會升返20000，好驚買美股又會好似咁。年紀都唔細。

但係我見到港股跌咗咁多，老師都有講過港股值博率高，所以都希望繼續投資港股。我希望portfolio 有一兩隻高風險如小米，其他可以平穩增值，同埋開始買dividend Stock 幫我供樓, 老師你點睇啊.

如果我每月供$25000，我可以點分配港股同美股呢？我而家會唔會買得太多唔同種類嘅港股呢。可唔可以俾啲意見。之前因為利息低我都有prepay mortgage. 我一路都想用五年嘅時間還晒所有嘅債款。最近因為高息我放定期500,000、6月@4.3%。

唔好意思，講咗好多，有啲凌亂，有啲迷惘，希望老師可以俾啲意見點樣可以分配資金投資。

There are two tabs in the attached file: tab "Flat" is photo 1. tab "portfolio" is photo 2.

Million thanks for your time.

龔成老師︰

我短中長期，一般係講1,2年 / 3-5年 / 5年以上。

未來3年物業會否上翻10%倒，我覺得係有而個可能性。但點解只係"可能性"，因為好睇政策方面，同理大圍環境。而D因素係而一刻，係好難預測。

至於是否沽出物業，我建議你睇翻佢質素。如果係有，建議你保留。

雖然未來唔會再大升，但如果物業係有質素，相信長線都可以平穏向上。而且，香港買賣物業成本高，你都要考慮而點。

總括而言，除非你有生活需要、物業質素弱、或者你對自己投資股票好有信心，否則一動不如一靜。畢竟你到退休只有10年時間，資產配置要開始保守少少。

現時按息高左，但其實依然係一個唔算太高架水平，建議你用來投資平穏增長股，長線效益應該會較大。

現時有中國經濟轉弱及內房負值問題、全球衰退風險、通漲問題、地緣政治和戰爭危機等等架負面因素存在。

表面上，經濟好似復常，但另一邊大型企業正不斷裁員，難言經濟理想。

你要明白，現時面對係過去20-30年以來最複雜架環境，好多問題都一次過發生。所以，你預中短期一定會好波動，但我會邊穏陣投資之餘，都會同時找尋市場機會。

記住，成功架投資者，除了要掌握好價值投資技巧外，仲需要好強架心理素質，才可以令自己長線投資回報，比坊間散戶更優勝。

你尚有10年才退休，投資目標依然可以用平穏增長股為主。但建議唔好集中晒港股，要分D去美股，平衡地區性風險。(唔熟美股，可以月供VOO，佢係指數ETF，類似2800)

但正如你所講，美股而家唔平，係合理區頂，儲貨只宜小小注咁去做。

你現時月供依然可以以港股為主，因為港股在合理區底，可以大比重D。到時你可以視乎2地股市平貴度，去調整比重。

其實你尚有10年才退休，我相信有足夠時間比大市調整至較合理水平。當然，如果你真係好擔心，可以加入一些收息股，甚至係定期，去減低組合風險。

"portfolio 有一兩隻高風險如小米"，而一點係可以，但最多加埋只能佔組合2成。

"開始買dividend Stock 幫我供樓"，而一點不太同意，用長線角度，你應該用平穏增長股會較好。如果供樓現金流有壓力，儲多少少現金儲用，會比直接咁快用收息股供樓為有利。

若你有問題想向本人發問，可在龔成的fb專頁中（www.facebook.com/80shing）inbox龔成，但要注意如無特別聲明，有可能將問答放上網，當然，會將發問者的身份，以及有關個人資料的部分刪去。

另外，我所給予的各種意見，只是供大家參考，當中無任何銷售及推介，不涉及任何利益，其實大家應該要有獨立分析的能力，我只是給予一些方向及純參考模式。

由於提問人數眾多，見諒無法即日回覆，如果是普通的提問，預起碼要7天以上才能回覆，若然是較複雜的提問，起碼要10天才能回覆，希望各位能諒解。