Q41951：
其實我上星期二睇中coinbase & Robinhood. 覺得兩者營運模式和市場佔有率已趨成熟。PE ratio亦唔高。
當我想落注，呢幾日已經升超過10%。
有什麼睇法？
龔成老師︰
無錯，佢地係比以往成熟左，但宏觀D咁睇，其實加密行業又算唔上好成熟，所以不確定性依然仲好高。
Coinbase Global Inc（COIN）雖然有獨特性，但真正的長期價值有多少，根本好難估。
佢係加密經濟技術供應商，佢從平臺上的交易中產生大量交易費用的凈收入，以區域來講，佢大部分收入來自美國，其次是世界其他地區。
近年BTC和ETH ETF相繼出台，而部份會對佢架託管業務造成正面影響。睇翻現時大部份BTC ETF，都係用佢做託管人。如果未來再有新的加密貨幣ETF要出台，相信集團依然能穏佔一個重要席位。
不過，大家要留意一點。以往好多人投資Coinbase(COIN)，會視之為投資加密貨幣的替代品。但隨著BTC和ETH的ETF出現，佢而個替代品架功能，可以算係完結左。
未來佢架投資價值，就要完全睇翻佢業務和市場發展。
至於它的業務價值，要分析就要睇翻虛擬貨幣長遠發展。
近期BTC和ETH都升左唔少，主要係受到新任美國總統將會由較支持加密貨幣的Donald Trump出任所影響。不過，大家要明白佢雖然係選舉架時候，講左好多對加密經濟正面的說話。但何時落實、如何落實、甚至會唔會真係落實，依然係有一定變數，所以不要因為近期加密貨幣大升，就過份進取。
始終成個加密經濟好新(雖然已經比多年前成熟)，而Coinbase整體發展依然有不確定性。
同時，以本質來說，虛擬貨幣是人為創造出來的，絕對不是「資產」，有沒有真正的價值，如何定義真正的價值，未知，亦令COIN的價值，變成未知數。
長遠的價值，取決於「有多少人用」，如果長遠好多人用，的確可能有高價值。但如果無人用虛擬貨幣，這公司都無價值。
因為分析長遠是否好多人用，是非常困難，因此，當中存有相當的風險，當然，潛力同樣都大。
你若睇好加密經濟發展，可以投資。但你要明白成個加密經濟仲係好新，故未來發展的不確定性相當之高。
投資時，緊記要控制注碼，只能投放一個輸左都唔會明顯影響組合的比重，並以數倍增長作為目標去長線持有，咁就可以了。
以下是COIN分析影片，建議你睇翻，去具體了解翻Coinbase架業務和加密經濟發展︰
https://www.youtube.com/watch?v=XjtOk6ZwtZE
Robinhood Markets, Inc.（HOOD）你預佢是有風險有潛力類，佢正在創建一個現代金融服務平台。
它設計自己的產品和服務，並通過專有技術支持的基於應用程序的單一雲平台提供這些產品和服務。其垂直整合平台已啟用新產品和服務，例如加密貨幣交易、股息再投資、零碎股份、經常性投資和 IPO 准入。
當執行路由指令時，它將期權、股票和加密貨幣的用戶指令路由給做市商，從而獲得基於交易的收入。
佢營業額雖然能保持一定的增長，但企業不少時間是虧損狀態。同時，有時虧損數目很大，始終估值上較難。
加上佢正發展的業，都是一些不確定性高的項目，因此，你預佢風險較高，同時未必能確定是否有前景，投資價值只是中等。如果你睇好，小注投資都可，但不建議買太多。
Q41952：
我依家有$135 萬cash，本來諗住買定期，但係可能太保守，點樣可以將呢1,350,000變10,000,000？
龔成老師︰
策略上，你可以投資「平穏增長股」和「潛力股」。
平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
如果你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。
若你有一定投資知識﹐潛力股比重可以相應調高，佔組合約3-5成，視乎你投資知識多寡和了解這些股票程度而定。
你可以分注，慢慢去儲以上股票，去達至財富增值效果。
我地做財富增值，一般希望做到架合理回報，係每年增長10-15%。就算係全球投資最賺錢的人，巴菲特，佢平均年度回報率，都只係20%。
所以，你現時這個增長近十佔架目標，用股票投資去做，係要一定時間。
若以年增長率+15%計，要14-15年。
不過，如果你無其他增值方法，建議你按部就班，透過月供和買入優質股，去為自已資產作增值，咁會較好。
同埋，你唔好睇少每年20%，係複利效益加持之下，長線可以回報好誇張。股神旗艦巴郡，都係用而個模式，去長線跑贏美股100倍。以下是相關影片，你可以了解下︰
[複利故事] https://www.youtube.com/watch?v=ZaVTKyodNCg
[巴郡跑贏美股100倍] https://www.youtube.com/watch?v=xm1dx0A2Q5k
Q41953：
老師，之前問過你關於怎樣利用間居屋問題，想再有問題問
我同我弟弟都無須要入住呢個暫時空置嘅單位
而我上地產網，呢間居屋未補地價約650萬
而家仍有三年就供完，每月供8000元，約共三十萬
我可否咁理解：
我賣出居屋約600萬
扣除銀行還款當50萬，
實際到手現金可有550萬？
之後當買返一間約500萬嘅私人樓，俾五成首期即250萬，再放租出去，租金應可應付供款？
而現金都仲有200萬可再做投資？
唔知我理解同想法有無錯
龔成老師︰
係，你賣樓所得金額大約係咁計。
不過，你再買一間屋去放租，我就唔太建議。因為現時租金回報率未算好理想，除非你本身已經有好多唔同架資產(例如優質股、生意等)，想透過物業投資令財富組合更多元化。否則，我就唔太建議而一刻買樓收租。
以現時市況計，你長線投資係優質股，個表現應該會更理想。
我再講多少少香港樓市長期情況。
中國及香港經濟未完全回勇，相信樓市難以大升，但未必會大跌，相信會平穩。
中國政府在2024年9月，推出了多項支持經濟及樓市政策，雖然不會令經濟快速好轉，但有穩定作用，當中也發放了訊息，如果有必要，會再推出支持經濟政策。所以在大方向上，經濟會開始穩定，慢慢向好，但全面回勇就要時間。
同時，中國政府在政策上支持樓市，相信中國樓市不會大跌，而這因素，也會間接影響香港的樓市，令香港樓不會大跌。
另外是高息因素，高息對樓市會不利，這點令2022年-2023年香港樓價大跌原因（因為當時加息很急），到2024年下半年，美國開始進入減息週期，這點會利好香港樓市，因為供樓成本減少。
不過，2025年美國政府換屆，由於新政府推關稅等措施，這點有機會推高美國通賬，而高通賬就會影響美國減息的時間表，有機會推遲減息，維持高息在一段時間，這因素將會令香港樓市增加了不確定性。
至於內地資金買香港樓，相信香港樓的吸引力，未必及過往，因此內地人買香港樓雖然會存有一些需求，但不會太多，也不會大幅推高樓價。
而香港政府推出的吸引人才計劃，在近年的確吸引一些人來香港，因此令租金得到支持，令近年出現一個現象「租金上升，樓價下跌」，引致租金回報率拉高。
在投資價值方面，過往香港樓市的租金回報率不高，一般只有2%、3%，投資價值不大，加上近幾年按揭利率高，加上長遠樓價難以倍升，令之前香港樓的投資價值，並不高。
到現時，由於租金回報率有上升情況，香港樓的投資價值，由之前較低吸引力，到現時投資價值為中等，但樓市不會象過往般倍升。
相信樓市在長遠計，因供求關係，較難大跌，不過，也不會有大升的情況出現。樓市始終有一定的需求，令樓價較難大跌。
不過，近年移民的確令需求略為減少，加上政府加大力度找地起樓，所以現時，供求已到達平衡狀態（過往由於供不應求，令樓價倍升）。
長遠計，樓價會平穩，不是倍升，不會好似過往般倍升，而是平穩，同時，由於需求大，要大跌也不易。
因此，香港樓作為自住的價值仍在，現時的樓價，已由過往的貴，回落合理水平，中短期雖然會因經濟及利率因素而波動，但相信不會大跌，但也未有條件大升，以穩定為主。長遠來說，暫時睇未必會大跌，最多只會平穩加少少向上。
香港樓的投資價值，算是中等。而自住則可以考慮，現時樓價合理，最重要是考慮自己的負擔能力。
Q41954：
龔成老師你好，我幾年前（2020）買左3690和772，買入價為$291和$60，我知道買入價太高，呢筆資金我唔等用，但投資金額佔左身家的一半，因此會影響整個財務的成長。
請問你認為我應該減持一部分嗎？
期待你的回覆，十分感謝
龔成老師︰
我先想你明白2個投資概念，跟住再講佢架質素，最後再教你點做。
1) 首先你要明白一個概念，我地持有一隻股票與否，關鍵位是企業質素、前景，不要被買入價影響。
因為買入價已經係一個沉沒成本，你唔可當佢係一個神聖價位，因為已經無參考價值。未來持有與否，係應該睇翻企業本身。
如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。
你可以睇下以下影片，會對你有幫助︰
https://www.youtube.com/watch?v=5yu9jrvfGX4
2) 第二點，我地投資除左要買優質股，仲要考慮組合個平衡性。
任何股票、任何行業，我們都不應太過集中，因為一個行業就算更有優勢，也有機會面對行業週期及突發風險，太集中會對你整個財富組合不利。
因此，你要建立一個平衡的投資組合，當中有不同的類別、不同的行業，這是最好的平衡風險方法。個別地區不要高於組合70%，相同行業不可佔組合多於30%，而單一企業不要高過15%。
特別係銀行業，佢營運模式較特別，風險會比一般行業為高。必需堅守30%這個準則，如果可控制在20%以內，會更好。
但盈富(2800)、VOO這類指數基金，則不受企業和行業限制，因為它是一個包含一籃子不同行業的優質股組合。因此，盈富(2800)、VOO就算在組合中佔較大比重，都唔會造成(企業和行業)過度集中性風險。
1) 美團（3690）是中國領先的生活服務電子商務平台，利用科技連接消費者和商家，提供服務以滿足人們日常有關食的需求，並進一步擴展至多種生活和旅遊服務。
業務上是互相有關連，因為美團利用外賣平台去建立客戶群，再延伸銷售到旅遊相關及新業務類別。
外賣業務，相信仍有中速增長，雖然不是很賺錢的業務，但隨著進一步擴展市場，增加規模效益，提高賺錢能力，盈利情況將進一步改善，同時，將為另外其他業務提供客源。
酒店旅遊業務，隨著外賣業務進一步發展，加上美團進一步發展整個生活平台服務，再配合長遠中國的旅遊行業發展及人民消費力提高，這部分的賺錢能力會更加明顯。
新業務方面，美團過往不斷加大這方面的投入，想進一步強化「生活圈平台」的定位。但近年管理層表示，會更理性去發展而部份，故長線有機會令成本效益提高。
整體來說，美團有一定質素。美團現時建立的生活化平台，仍要時間等其發展得更好，長遠發展力仍在。
但由於業務較波動，雖然近期數據不差，但始終未算完全穩定，以及面對政策風險，投資者較好的策略，就是控制注碼，不建議一次過大注投資，可以用小注慢慢分注的模式進行，就能有效減少一次過在高位買入的風險。投資後要明白短期股價可以有較大上落，要耐心持有，等企業成長。
之前我都有出Youtube影片講過，可以睇翻︰
https://www.youtube.com/watch?v=EeO52GcHgxM
2) 閱文集團（0772）這類股，並不易分析的，因為佢的生意模式未完全穩定，可說是有危有機，這一定令業務的不確定性較大，同時市場對佢的估值變化亦較高。
集團從騰訊控股（0700）分拆上市，在中國運營網絡文學平台。業務包括在線閱讀、版權運營及紙質圖書業務。
業務發展是有的，但盈利未穏定。這股長遠應該都有發展力，但這刻就唔建太過大注。
總括而言，你持股係有長線投資價值，但佢地都係潛力股，本身就不宜大注碼。但佢地而家佔你成半身家，明顯係太高。
所以，長線你要"慢慢減持"部份，換碼去其他適合你年紀的優質股。
如果你未到退休之年，可以考慮以下股票。
平穩增值股，指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASML Holding（ASML）、Tesla（TSLA）、Amazon（AMZN）、港股如騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
最後，緊記要提升自己投資知識。因為長線投資回報，係必然同你架知識水平成正比。
我建議你要多讀投資相關書本、年報，新聞和報讀相關課程。書本上，你可以睇我寫架《圖解股票小百科》、《圖解美股小百科》、《80後千萬富翁》和《財務自由行》，都適合初學者。
Q41955：
擁有台積電再加埋AMD會唔會算唔算係集中係一個行業？
龔成老師︰
雖然佢地係生態當中，係處於不同位置，台積電(TSM)係代工算中游，AMD係設計算上游。
但始終大家都有一定關聯性，我會視為同一個行業。
Q41956：
請問現在持有美國國債是否要慢慢賣出? 現時是否買黃金較安全?
龔成老師︰
美國財政的確比以往弱左，但又未至於話短時間內會即刻出問題。
如果你係比較擔心，可以分少少去黃金。
但你要先諗清楚，自己投資方向。債券係收息，主要適合退休人士。而黃金，係用來對沖黑天鵝風險，故不宜持有太多。
所以，你要睇翻自己年紀，去做配置，唔係只單單諗美債和黃金這2個選項。
Q41957：
應保留多少現金才好?
龔成老師︰
首先，建議投資前先預留半年至一年的開支，作為應急錢。
另外，現時市況計，可投資金額的2-3成可以先用現金保留，去等未來可能出現架大跌市機會。
Q41958：
買樓投資，那個地段較好?
龔成老師︰
除左鄰近商區地段，好似中環、東九外，你都可以留意一些潛力較高地區，好似堅尼地城、大圍、黃竹坑等。
不過，中國及香港經濟未完全回勇，相信樓市難以大升，但未必會大跌，相信會平穩。
中國政府在2024年9月，推出了多項支持經濟及樓市政策，雖然不會令經濟快速好轉，但有穩定作用，當中也發放了訊息，如果有必要，會再推出支持經濟政策。所以在大方向上，經濟會開始穩定，慢慢向好，但全面回勇就要時間。
同時，中國政府在政策上支持樓市，相信中國樓市不會大跌，而這因素，也會間接影響香港的樓市，令香港樓不會大跌。
另外是高息因素，高息對樓市會不利，這點令2022年-2023年香港樓價大跌原因（因為當時加息很急），到2024年下半年，美國開始進入減息週期，這點會利好香港樓市，因為供樓成本減少。
不過，2025年美國政府換屆，由於新政府推關稅等措施，這點有機會推高美國通賬，而高通賬就會影響美國減息的時間表，有機會推遲減息，維持高息在一段時間，這因素將會令香港樓市增加了不確定性。
至於內地資金買香港樓，相信香港樓的吸引力，未必及過往，因此內地人買香港樓雖然會存有一些需求，但不會太多，也不會大幅推高樓價。
而香港政府推出的吸引人才計劃，在近年的確吸引一些人來香港，因此令租金得到支持，令近年出現一個現象「租金上升，樓價下跌」，引致租金回報率拉高。
在投資價值方面，過往香港樓市的租金回報率不高，一般只有2%、3%，投資價值不大，加上近幾年按揭利率高，加上長遠樓價難以倍升，令之前香港樓的投資價值，並不高。
到現時，由於租金回報率有上升情況，香港樓的投資價值，由之前較低吸引力，到現時投資價值為中等，但樓市不會象過往般倍升。
相信樓市在長遠計，因供求關係，較難大跌，不過，也不會有大升的情況出現。樓市始終有一定的需求，令樓價較難大跌。
不過，近年移民的確令需求略為減少，加上政府加大力度找地起樓，所以現時，供求已到達平衡狀態（過往由於供不應求，令樓價倍升）。
長遠計，樓價會平穩，不是倍升，不會好似過往般倍升，而是平穩，同時，由於需求大，要大跌也不易。
因此，香港樓作為自住的價值仍在，現時的樓價，已由過往的貴，回落合理水平，中短期雖然會因經濟及利率因素而波動，但相信不會大跌，但也未有條件大升，以穩定為主。長遠來說，暫時睇未必會大跌，最多只會平穩加少少向上。
香港樓的投資價值，算是中等。而自住則可以考慮，現時樓價合理，最重要是考慮自己的負擔能力。
Q41959：
美債ETF值得持有?
龔成老師︰
債券主要係創造被動現金流，如果你未到退休之年，唔太建議。
Q41960：
30萬港幣，投資乜好，希望每年有2萬回報
龔成老師︰
可以平穏增長股 + 收息股，前者係"股價升值 + 若干派息"，後者主要是"派息"。
以下是相關優質股，現價合理，可以分注慢慢儲貨。
指數基金由於是一個組合，因此在平衡風險方面較好，例如美股追蹤標普500指數的（VOO）、追蹤富時全球股市指數（VT）、追蹤港股的盈富（2800）。
另外再加其他個股：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、港交所（0388）、長建（1038）等，你可以了解下，並從中選股。
目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。