Q44651：
龔sir你好，請問你點睇 中興通訊763 同埋 比亞迪1211 最新嘅財報同未來發展？？謝謝
763現在應該落返合理水平？
龔成老師︰
比亞迪（1211）業績較弱，主要原因是中國車市競爭加大，賺錢能力減少，不過，企業的生意仍有增長，仍是有錢賺，只是盈利出現了下跌情況，所以不用太擔心。
相信短期仍會面對中國車市較一般的環境，但長遠又不用擔心，企業有品牌、有技術、產品性價比高，在中國車市整合的過程中，雖然短期盈利受壓，但有機會一些較弱的車企被淘汰，令比亞迪長遠有更高的市佔率。
另外，這企業出口數據理想，相信會成為長遠的增長動力，但就要時間呈現相關因素。
以長遠角度分析，其實近年企業業務發展理想，研發不斷進行，汽車賣得不差，電池技術發展得很好，出口部分理想，企業長遠發展正面。
現時已經成為中國電動車市場的一哥，同時品牌及銷售網絡理想，長遠仍有發展，不過，股價就有少少波動。
中興通訊（0763）中國高科技通信設備主導供應商之一，通過提供客戶化的產品及解決方案，目前主要服務於中國及其他發展迅速的新興市場。
佢主要同中國電信、中國網通、中國聯通和中國移動等中國主導的電信運營商建立了長期穩定的合作關係。這部分是較穩定的。同時，佢亦向全球多個國家銷售產品，但之前同美國果邊，因政治問題而有影響。
不過，政治等因素令佢股價大上大落，從生意分析，長期仍會有發展的，只是有潛在的政治風險，這點不能忽視，而這個風險好難分析及預測。
此股可長線，只要唔係佔你組合太高比例，都可以，同時要明白這股上述的風險。現價算是合理區中上至頂部，只宜小注水平。
Q44652：
呀sir, 而家個市跌，應該係掃貨嘅時候？ 但係喺跌之前都入左 潼關黃金唔算多錢既、而家跌咗好多🫣🫣 應該點部署呢？
龔成老師：
個市只是回翻少少，不是大跌。現時只是合理，不是便宜。
如果之前已有一定就不要加。
潼關黃金（0340）主要在中國從事黃金開採業務，包括勘探、採礦、加工及銷售黃金與相關產品，之前受金價大升而帶動股價向上，到金價回翻佢股價都回。
由於現水平金價唔平，而佢較受金價影響，這股只建議小注持貨，不宜太多。貨多要減部分。
Q44653：
請問1133 唔該
龔成老師：
哈爾濱電氣（1133）有質素，近年業務持續向好，生意不斷增加，盈利上升。不過，近年股價上升較多，現水平都擔心股價波動風險，只宜小注。
佢由中國製造大型發電設備歷史最悠久的製造商—哈爾濱電氣集團及其所屬原哈爾濱電機廠、哈爾濱鍋爐廠、哈爾濱汽輪機廠重組而成。
佢係中國國內規模最大的發電設備製造商之一，其主要業務包括：
（１）火電主機設備：單機容量最大達１０００ＭＷ之鍋爐、汽輪機及汽輪發電機，重型燃氣輪機及聯合循環成套設備，中國之最大清潔煤燃燒設備製造基地、ＣＦＢ、ＰＦＢＣ等。
（２）水電主機設備：單機容量最大達８００ＭＷ級之水力發電機組。
（３）核電主機設備：核電廠核島及常規島設備。
（４）其他產品：電站配套輔機、工業鍋爐、工業汽輪機、控制設備、交流電機、直流電機、電站閥門、壓力容器及軸流風機等。
考慮近年股價上升較多，現水平都擔心股價波動風險，只宜小注。
Q44654：
龔Sir, $38買入了1415 高偉電子, 現在應該要止蝕還是可以繼續keep, thanks🙏🏻
龔成老師：
要睇你貨多唔多，其實，高偉電子（1415）都有基本質素，但又未到最高質類。
所以，如果你貨不過多，可守往先，但太多貨宜減部分。始終佢股價近年上升較多，你預都會波動，之後要上翻去你價位，要企業有實質的發展先得。
集團以原設備製造方式生產及銷售各類相機模組，用作多種具備相機功能的移動設備的重要部件。
集團亦生產及銷售用於多種消費電子產品的光學部件，包括玻璃板、透鏡及棱鏡。
高偉電子在精密光學行業當中都擁有一些技術，在擴增實境AR「Reality Augmented」、虛擬實境，VR「Reality Virtual」等行業不斷發展，這企業的技術需求就會更大。
這企業在光達（LiDAR）的技術，在全球並不差的，在全球智能駕駛市場的發展下，這企業相關技術的應用增加，帶動業務發展。
雖然在過往幾年間，企業的大環境不算差，但始終行業變化大，以及市場變化大，高偉電子在個別年份業績都試過大跌，反映行業始終有一定的波動性。所以，你最重要是控制持貨比例。
Q44655：
晚安龔Sir，請問點睇港股1788及2149的現價投資價值🤔🙏
龔成老師：
國泰君安國際（1788）主要從事經紀、企業融資、資產管理、貸款及融資、金融產品，做市業務及投資業務。
之前佢受熱炒穩定幣概念，升左唔少，之後回落。不過，成件事仲係發展初期，有好多不確定性(例如是否能力為發行商、具體政策如何落實、穏定幣長線規模、到時市場競爭格等)。
所以，現價其實反映左好多正面因素。若最終發展不似預期，相信會有較大調整，故睇好都不建議太大注碼。
貝克微（2149）風險較高。企業主要從事設計及提供工業級模擬ＩＣ（集成電路）圖案晶圓。
圖案晶圓是ＩＣ的交付形式之一，其經下游客戶後續封裝測試後可變成芯片。模擬ＩＣ通過調節、放大現實世界信號（聲音、溫度、壓力或圖像），以調製現實世界信號，並通常轉換為可由其他半導體設備處理的數字數據流，另亦用於管理電子設備中的電力使用情況。
集團的產品分類如下：
（１）電源管理產品：用於管理不同電壓及電流等級的電源，產品包括開關穩壓器、多通道ＩＣ和電源管理ＩＣ、線性穩壓器、電池管理ＩＣ、監控和調製解調ＩＣ、驅動器ＩＣ。
（２）信號鏈產品：用於感測、調節和測量現實世界信號，允許傳輸或轉換信息或信號以進行進一步處理和控制，當中集團全部信號鏈產品均為線性產品（主要提供比較儀及運算放大器）。
企業雖然近年業務有發展，生意都有增長，但規模未算大，技術是否很有優勢也未能確定，整體風險也較高。
除非你對佢較認識及睇好，才可小注投資。
Q44656：
龔sir，比亞迪1211跌成咁點算？今日收95.4
龔成老師：
股價波動好正常，只要你持貨不是過多，耐心持有就得，我持有多年，曾經試過由$88跌到$12，我都無驚過。
你只要減少睇股價，多睇企業發展就得。
比亞迪（1211）業績較弱，主要原因是中國車市競爭加大，賺錢能力減少，不過，企業的生意仍有增長，仍是有錢賺，只是盈利出現了下跌情況，所以不用太擔心。
相信短期仍會面對中國車市較一般的環境，但長遠又不用擔心，企業有品牌、有技術、產品性價比高，在中國車市整合的過程中，雖然短期盈利受壓，但有機會一些較弱的車企被淘汰，令比亞迪長遠有更高的市佔率。
另外，這企業出口數據理想，相信會成為長遠的增長動力，但就要時間呈現相關因素。
以長遠角度分析，其實近年企業業務發展理想，研發不斷進行，汽車賣得不差，電池技術發展得很好，出口部分理想，企業長遠發展正面。
比亞迪現時已經成為中國電動車市場的一哥，同時品牌及銷售網絡理想，長遠仍有發展，不過，股價就有少少波動。
現價約在合理區中下，如果有興趣的投資者，可以分注或月供投資，不過要控制好總投資金額，這股佔整個股票組合，最好在15%以下。
如果本身有貨，可長線，雖然企業最爆炸性增長已過，但長遠仍有發展，但就預佢股價波動，因此，只要持貨不過量，就可以長線持有。
Q44657：
龔成老師，想請教，我買voo 扣30%股息稅。
我想知道如果 扣咗股息稅會唔會變相真係賺少好多呢？ 如果係咁 會唔會 寧願入返港股就慳返30%股息稅？
另外 呢隻 愛爾蘭追蹤標普500指數 嘅 你有冇聽過？
我問咗ai佢咁樣回答。
。。。。。。。。。
呢個問題問得好準 🎯 我幫你分開講清楚：
🇭🇰 香港投資者買美股（例如 VOO）有兩類可能嘅稅：
① 股息稅（Dividend Tax）
唔關你買幾多、賺幾多事。
只要美國公司派股息，你就即時要比稅。
美國會自動預扣30%。
👉 例如：派息USD 100 → 實收USD 70。
唔需要你另外報稅，券商會自動扣。
📌 所以：幾多金額都要交，無免稅額。
② 資本增值稅（Capital Gains Tax）
即係你買入再賣出賺咗錢。
對非美國居民（例如香港人）：
👉 美國唔收資本增值稅。
👉 無論你賺幾多都唔需要交稅。
✅ 小結：
類型 要交稅？ 稅率 備註
股息（VOO派息） ✅ 要 30% 自動扣
資本增值（賣出賺錢） ❌ 唔使 0% 香港人冇資本增值稅
⚠️ 不過，如果你買係美國註冊ETF（如VOO），30%係走唔甩。
要避開部分稅，可以考慮愛爾蘭註冊嘅 S&P 500 ETF（例如 CSPX、VUSD），
因為佢只會喺美國層面扣15%，而且冇再對香港人扣稅。
要唔要我幫你做個簡單對比表：VOO vs CSPX（派息稅率、收息模式、長線回報差異）？
龔成老師︰
其實VOO派息唔算好多，不過扣左30%股息稅後，點都會有影響。
而且，VOO係平穏增長股，唔係純用來收息。
因此，一般讀者想收息的話，我都係建議佢用翻港股去配置組合。
VUSD（Vanguard S&P 500 UCITS ETF）和VOO（Vanguard S&P 500 ETF）都追蹤標普500指數，因此它們的持股基本上是一樣的，包含蘋果、微軟、亞馬遜等美國大型企業。
主要跟VOO差異：
-
註冊地：VOO註冊於美國，而VUSD註冊於愛爾蘭。
-
稅務影響：VUSD因愛爾蘭的稅務協定，股息稅率較低（15%），而VOO的股息稅率為30%。
-
交易市場：VOO在美國交易所（NYSE）交易，而VUSD主要在倫敦證券交易所交易。
CSPX情況都類近，一樣都有稅，只係比VOO少一半。
Q44658：
龔sir, 你好👋🏻
想請教一下理想汽車的分析。
10月23号發生咗Mega 系列着火事件，嚟緊會回收1.1萬架車，會令到成本上升而導致利潤下降股價下跌，呢個我明白。
7月22号發佈減價，由高位回落三成左右。在未有最新的財務報表發佈，應該如何分析企業？
現在已經回落4成幾，應該如何分析屬於咩區間？？
龔成老師︰
如果佢未出新年報，我地就會先用現有數據作參考，再因應佢架(長線核心)質素和行業變化，去進行調整。
理想(2015)是中國新能源汽車製造商，業務主要是設計、研發、製造和銷售豪華智能電動汽車。於2015年成立，2019年11月開始量產首款車型理想ONE。
不過，業務、賺錢能力、財務數據，仍有較大的不確定性，令市場對其估值有較大的分歧，令股價波動較大。
中國電動車市場和集團自己本身，短期的挑戰大，因為佢自己都出左唔少問題。雖然，佢依然係行內較優秀的一間，但總體印象已被扣分。
但中國政府明言，會開始打擊新能車亂象，對理想而類有定生產效率的公司而言，未必是壞事。有些較弱的企業可會被淘汰，長遠來說，就會留下較有實力的車企。理想暫時相信，佢會係其中一間。
長遠來說，全球電動車市場，中國電動車市場，將保持一定的增長，而有實力的車企，前景仍然正面。
此企業有值得投資地方，但始終不確定和風險較高。
近年由於新能車汽業減價戰，佢盈利下跌唔少。長線要睇下佢點去發展和解決當前一些技術問題，此股正面，現價合理區中至中上。
但有一定不確定性，不宜持有太多。
Q44659：
你好，想問吓估票班係咪一定只有實體貨課有冇網上授課因為我唔喺香港。謝謝
第二個問題係Facebook有好多個龔成，每一個都係你個頭像咁我點知邊一個先係「真」
同埋請問你嘅股票班係咪全部都係進階？有冇一啲適合初學者？
龔成老師：
股票班暫時無網上課程，只有實體。
現時有香港班，間中有澳門班。
我現時有兩個FB
www.facebook.com/80shing（有30萬人）
www.facebook.com/kungshing80（有1萬人）
騙徒會不斷派士，叫你入群組。
真龔成集中講知識
股票班有初班及進階班。
初班資料如下：https://www.80shing.com/register.php?id=1
第一課：投資與股票基本功
第二課：投資策略與行業分析
第三課：穩健股及收息股投資術
第四課：買賣時機與估算合理價
第五課：企業估值模式
第六課：選股秘技
第七課：分析年報技巧
第八課：特質類倍升股與潛力股
**附加資料：合共超過240分鐘的溫習影片
Q44660：
早晨,成哥
請問一下9927,9963點睇
龔成老師：
高科橋（9963）主要從事製造及銷售光纖、光纜、光纜芯與其他相關產品。
光纜是由一根或多根光纖經著色再加上護套製成。集團製造及銷售用於電信行業的各種標準規格的光纜，亦設
計及製造特製光纜，包括防鼠光纜、阻燃光纜及非金屬光纜。
不過，這企業的生意未見有增長，加上經常虧損，投資價值不高。